நிறுவனங்களை மாற்றியமைக்கும் நியோ ஸ்கில்லிங்!

பு துத் திறன் மேம்பாடு (Neoskilling) ஒரு நிறுவனத்தின் கடை நிலை ஊழியர்களில் ஆரம்பித்து தலைவர்கள் வரை அனைவரும் உணர்ந்து எடுக்க வேண்டிய ஒரு முயற்சி. பல தொழில் துறைகளில் அந்தத் துறையோ அல்லது ஒரு நிறுவனமோ உருவாக்கப்பட்ட அடிப்படை நோக்கமே மாறிவருகிறது. உதாரணத்துக்கு, வாகனத் துறையில் இன்ஜின் கொண்டு ஓடும் காலம் போய், தற்போது பேட்டரி மற்றும் மோட்டாருடன் ஓட்டுநர் இணைக்கப்பட்டு, பலவிதமான தகவல்களைப் பகிர்ந்துகொள்ளும்படியான தானியங்கி வண்டிகள் பிரபலமாகி வருகின்றன. இனிவரும் காலத்தில் வாகனத்தை ஒரு பொருளாக வாங்கிவிற்கும் துறையாக அது இருக்காது. ஓரிடத்திலிருந்து இன்னோர் இடத்திற்கு வசதி யாக, பாதுகாப்பாக, குறைந்த செலவில் சென்று வரும் ஒரு சேவை வழங்கும் துறையாக மாறிவிடும். அதற்கேற்ற முதலீடுகளையும் திறன்களையும் வளர்க்க நிறுவனங்கள் திட்டமிட வேண்டும்.

. இந்திய வாகனத் துறையில் கடந்த சில மாதங்களில் விற்பனை யில் காணும் சரிவுக்கு இதுவும் ஒரு காரணம். பணப்புழக்கம், வட்டி விகிதம், பருவமழையின் தாமதம் போன்றவற்றைத் தாண்டி வாடிக்கையாளர்களின் எதிர்பார்ப்பும் மாறி வருகிறது. இன்றைய இளைஞர்கள் லட்சக்கணக்கில் பணம் செலவு செய்து, ஒரு வண்டி வாங்கி அதைப் பல வருடங்கள் பராமரிப்பதைவிட, விடுமுறைக்கு ஒரு வண்டி என்று தாங்கள் விரும்பும் மாடலில், வண்ணத்தில் வாடகைக்கு எடுக்க விரும்புகிறார்கள்.

இன்று நம் நாட்டில் மின்வண்டியை வடிவமைத்து உற்பத்தி செய்யத் தேவையான திறன் உள்ளவர்கள் வெளிநாடுகளில் தேடும் நிலை உருவாகியுள்ளது. பல தொழில் தலைவர்கள் இந்தச் சவாலைச் சமாளிக்க தங்கள் கருத்தைப் பத்திரிகைகளுக்குத் தெரிவித்துள்ளனர். வெளியே மட்டும் தேடாமல் நிறுவனத்தில் ஏற்கெனவே உள்ள வல்லுநர்களுக்குத் தேவைப்படும் பயிற்சியளித்து அவர்களின் திறனை வளர்ப்பது, எதிர்காலத் தேவையைக் கணித்து அதற்கான திறன்களை இப்போதே வளர்ப்பது, உலக அளவில் நிபுணர்களிடம் ஆலோசனை கேட்பது, அதற்குத் தேவையான முதலீட்டினைச் செய்வது போன்ற யோசனைகளைக் கூறியுள்ளனர்.

. நிறுவனத்தின் நோக்கம்

நவீன யுகத்தில் மேலாண்மைத் துறையின் தந்தையாகக் கருதப்படும் பீட்டர் ட்ரக்கரின் ‘தியரி ஆஃப் பிசினஸ்’ (Theory of Business) கொண்டு இந்த மாற்றத்தை அணுகலாம். நிறுவனங்கள் தாங்கள் செய்வதை இன்னும் சிறப்பாக ‘எப்படி’ச் செய்யலாம் என்று யோசிக் காமல், அதையும் தாண்டி ‘எதற்குச் செய்கிறோம், யாருக்காகச் செய்கிறோம், நம் வாடிக்கையாளர் களிடம் எதற்காகப் பணம் வசூலிக்கிறோம் என்று யோசிக்க வேண்டும்.

. ட்ரக்கரின் கோட்பாட்டின்படி, ஒரு நிறுவனம் அதன் அடிப்படையான நோக்கம் (Mission), வாடிக்கையாளர்கள், சமுதாயம் உள்ளிட்ட சுற்றுச்சூழல் (Ecosystem) மற்றும் அதற்குத் தேவை யான திறன்கள் (Core competencies) ஆகிய மூன்றையும் ஒன்றுடன் ஒன்று ஒருங்கிணைத்து, எப்போதும் நிர்வாகிகளின் கண்பார்வையில் இருக்கும்படி பார்த்துக்கொள்ள வேண்டும். காலத்தின் போக்கிற்கு ஏற்ப இவற்றை மாற்றிக்கொண்டே இருக்கவேண்டும். அனைத்து நிலை ஊழியர்களுக்கும் இவை மூன்றும் தெரிந்திருக்க வேண்டும். டிஜிட்டல் தொழில்நுட்பத்தால் இன்று இந்த மூன்றும் ஒரே நேரத்தில் மாற்றம் காண்கின்றன.

. ஆவணங்களை நகல் எடுக்கும் இயந்திரங்களுக்குப் பெயர்போன நிறுவனம் ஜெராக்ஸ். அங்கு லேசர் பிரின்டர் 70-களில் கண்டுபிடிக்கப் பட்டபோது, அது நகல் எடுக்கும் இயந்திரத்தை முழுங்கிவிடும் என்ற பயத்தில் அதில் கவனம் செலுத்தாமல் முதல் இடத்தை மற்ற நிறுவனங்களுக்குக் கோட்டைவிட்டது நிர்வாகம். ஜப்பானிய நிறுவனங்கள் விலை குறைவான மாடலைச் சந்தைக்குக் கொண்டுவந்து அனைத்து அலுவலக ஆவணங்களையும் அச்செடுக்க வழிசெய்தது.

. இந்தியாவின் மருத்துவ வெற்றி

மதுரையில் உலகப் புகழ்பெற்ற அரவிந்த் கண் மருத்துவமனையை டாக்டர் கோ.வெங்கடஸ்வாமி உருவாக்கியபோது அவர் குறிக்கோள் பார்வையற்றவர்களின் எண்ணிக்கையைக் குறைப்பதே. அதற்காகத் துரித உணவு தயாரிக்கும் மேக்டோனால்ட் போல, கேட்ராக்ட் அறுவை சிகிச்சை செய்யும் செயல்முறையை முறைப்படுத்தி அதை உலகத்தரத்திற்குக் கொண்டு வந்தார்.

. பார்வையின்மை எதனால் ஏற்படுகிறது, அதன் மூலகாரணம் என்ன என்று ஆராய்ந்தபோது அவர்கள் கண்ட உண்மை, ஊட்டச் சத்து இல்லாத உணவும் இதற்கு ஒரு முக்கிய காரணம். ஆகவே, கிராமங்களில் இந்த விழிப்பு உணர்வைக் கொண்டு வந்து மக்களின் உணவு பழக்கவழக்கங்களை மாற்றத் தொடங்கியது அரவிந்த் மருத்துவமனை.மைசூர் அருகே உள்ள பி.ஆர் மலைகளில் டாக்டர் ஹெச்.சுதர்ஷன், மலைவாழ் மக்களுக்காக ஆற்றிவரும் சேவையும் மருத்துவத் துறையில் ஒரு எடுத்துக்காட்டு. 1979-ல் அவர் அங்கு முதலில் சென்றபோது அவருடைய நோக்கம் காடு, மலை சார்ந்த நோய்களைக் கட்டுப்படுத்துவதே. இயற்கை வைத்தியத்திற்குப் பழக்கப்பட்ட மலைவாழ் மக்கள் அவர் செய்முறைகளைக் கண்டு முதலில் சந்தேகப்பட்டனர். அவர்களில் நம்பிக்கையைப் பெற்றபின் நோய்கள் வரும்முன் காக்கும்படி தொழுநோயைக் கட்டுப்படுத்தினார்.

. இந்தியப் பொருளாதாரத்தின் ஜி.டி.பி-யில் 7 சதவிகிதத்திற்குமேல் வளர்ந்துள்ள நம் தகவல் தொழில்நுட்பத் துறையானது, டிஜிட்டல் மாற்றத்தினை மற்ற துறைகளுக்கு ஆலோசனையாகக் கூறி வருகிறது. ஆனால், இந்தத் தகவல் துறையே ஒரு பெரிய மாற்றத்திற்கு உள்ளாகிக் . அடிப்படை கல்வி இல்லாததே நோய்களுக்கு மூலகாரணம் என்பது அவர் அனுபவத்தில் கண்ட உண்மை. அதற்காக ஒரு பள்ளிக்கூடம் நிறுவினார். கல்வியையும் தாண்டி, தொழில்முறை கல்வி வழங்கும் பயிற்சி நிறுவனங்களையும் வருமானம் அளிக்கும் குடிசைத் தொழில்களையும் ஆரம்பித்தார். வறுமையைப் போக்க அவர் கையாண்ட வெற்றிகரமான வழி மக்களிடம் அவர்களின் உரிமைகளைப் பற்றிய விழிப்பு உணர்வினை ஏற்படுத்தி, அவர்களின் வாழ்விடமான மலைப்பிரதேசத்திற்கேற்ற திறன்களை வளர்த்து சொந்தக் காலில் நிற்க வைப்பதே.

மற்ற துறைகளில் மாற்றம்

இந்தியப் பொருளாதாரத் தின் ஜி.டி.பி-யில் 7 சதவிகிதத்திற்குமேல் வளர்ந்துள்ள நம் தகவல் தொழில்நுட்பத் துறையானது, டிஜிட்டல் மாற்றத்தினை மற்ற துறை களுக்கு ஆலோசனையாகக் கூறி வருகிறது. ஆனால், இந்தத் தகவல் துறையே ஒரு பெரிய மாற்றத்திற்கு உள்ளாகிக்கொண்டிருக் கிறது. இந்தத் துறை கணினி மென்பொருள் கோடிங், அவற்றைப் பராமரிப்பது, தரக்கட்டுப்பாட்டிற்காகச் சோதனை செய்வது போன்ற சேவைகளை வைத்தே இதுவரை பெரும்பாலும் வளர்ந்துள்ளது. கோடிங் மற்றும் அதுசார்ந்த சேவைகளை மட்டும் வைத்தே இந்தத் துறை இனிவரும் காலத்தில் வளர்ச்சி காண முடியாது. வாடிக்கையாளர்கள் எதிர்பார்ப்பது தங்கள் நடைமுறை சவால்களைப் புரிந்துகொண்டு அதற்குத் தகுந்த தொழில்நுட்ப தீர்வு கண்டு அதை அமல்படுத்துவதே.

. வங்கிகள் நம் பணத்தைப் பத்திரமாக வட்டிக்காகச் சேமித்து வைக்கும் ஒரு அலுவலகமாக இருக்காமல், மேலும் பலவற்றை (பங்குகள், வீடு, வீட்டு மனை, கடன்) டிஜிட்டல் வழிகளில் விற்கும் ஒரு சந்தையாக உருமாறிக் கொண்டிருக்கின்றன. வாடிக்கையாளர்களின் எதிர்பார்ப்பு எப்போதும் ஒரே கிளைக்குப் போய்க்கொண்டிருக்காமல், டிஜிட்டல்மூலம் ஆண்டு முழுக்க எப்போது வேண்டுமானாலும் எங்கிருந்து வேண்டுமானாலும் எந்தச் சாதனம் கொண்டும் வர்த்தகம் செய்வதே.

. காலணிகளில் நாம் இன்று கடைகளில் பார்க்கும் அளவுகள் எதிர்காலத்தில் இல்லாமல் போகலாம். 3டி பிரின்டிங் கொண்டு ஒவ்வொரு காலிற்கும் அதன் வடிவம், நீளம், அகலம், அதை அணிபவரின் விருப்பு, வெறுப்பு, அதன் பயன்பாடு போன்றவற்றை வைத்துத் தேவைப்படும்போது நிமிடங்களில் காலணி தயாரிக்கலாம். இந்தத் தொழில்நுட்ப சுனாமியால் காலணி செய்யும் தொழிலே இயந்திரமயம் ஆக்கப்பட்டு மாற்றம் காணலாம். அந்த நாள் வெகு தூரத்தில் இல்லை. நைகீ, அடிடாஸ் போன்ற நிறுவனங்கள் குறைந்த ஊதியம் உள்ள ஆசிய நாடுகளை விட்டுவிட்டு வளர்ந்த நாடுகளில் வாடிக்கையாளர்களின் மிக அருகிலேயே 3டி பிரிண்டிங் கொண்டு காலணி தயாரிக்க ஆரம்பித்துவிட்டன.

‘தியரி ஆஃப் பிசினஸை’ மூன்று கால்கள் கொண்ட ஒரு முக்காலியைப்போல பார்க்கலாம். அதன் மூன்று கால்கள் ஒரு நிறுவனத்தின் நோக்கம், சுற்றுச்சூழல் மற்றும் திறன்கள். இதில் ஒன்று பலமாக இல்லாவிட்டாலும் நிறுவனம் ஆட்டம் கண்டுவிடும். டிஜிட்டல் தொழில் நுட்பத்தால் இந்த மூன்றுமே ஒரே நேரத்தில் மாறும் நிலைமை உருவாகியுள்ளது.

உங்கள் ‘தியரி ஆஃப் பிசினஸ்’ என்ன, நிறுவனத்தை ஆரம்பித்தபோது இருந்த நோக்கம் இப்போதும் பொருத்தமாக இருக்குமா, உங்கள் வாடிக்கையாளர்களின் தேவை மாறாமல் இருக்கிறதா, அவர்களுடன் எப்போதும் தொடர்பில் இருக்கிறீர்களா, உங்கள் அணியினரின் திறன்கள் இன்றைய மற்றும் நாளைய தேவைக்குப் போதுமானதாக இருக்குமா?

இந்தக் கேள்விகளுக்குத் தீவிரமாக யோசித்து விடை கண்டு, தக்க நடவடிக்கை எடுக்கவேண்டிய நேரம் இது.

(திறன் வளரும்)

நிறுவனங்களை மாற்றியமைக்கும் நியோ ஸ்கில்லிங்!

நாணயம் விகடன் டீம்