Published:Updated:

பிட்காயினுடன் விளையாடிய எலான் மஸ்க்..! கற்க வேண்டிய பாடங்கள்...

B I T C O I N

பிரீமியம் ஸ்டோரி

டெஸ்லா நிறுவனத்தின் தலைவர் எலான் மஸ்க், உலகப் பணக்காரர் பட்டியலில் இரண்டாவது இடத்தில் இருந்து சறுக்கியிருக்கிறார். அவரது நிறுவனத்தின் மதிப்பு கடந்த ஜனவரி உச்சத்தில் இருந்து 24% குறைந்திருப்பதாகச் செய்திகள் வெளியாகி உள்ளது. என்னாச்சு எலான் மஸ்க்குக்கு, ஏன் இந்த சறுக்கல்..?

கடந்த டிசம்பர் 17-ம் தேதி பிட்காயின் விலை முதன்முறையாக 20,000 டாலரைக் கடந்து, வரலாறு காணாத உச்சத்தைத் தொட்டது. அன்று ஒரே நாளில் மட்டும் 10.5% ஏற்றம் கண்டு, 23,655 டாலருக்கு பிட்காயின் வர்த்தகமானது. அதன்பிறகு மறுபடியும் பிட்காயின் பற்றி, உலகமெங்கிலும் பேசு பொருளாக மாறிய தினம் 8 பிப்ரவரி 2021.

ஏனெனில், அன்றுதான் டெஸ்லா மற்றும் ஸ்பேஸ் எக்ஸ் நிறுவனங்களின் தலைமைச் செயல் அதிகாரியான எலான் மஸ்க் 10,000 கோடி ரூபாயை ஒரே நாளில் பிட்காயினில் முதலீடு செய்வதாக அறிவித்தார். மேலும், இனி டெஸ்லா நிறுவனங்களில் பொருள்கள், சேவைகளை பிட்கா யின் மூலம் செலுத்திப் பெறலாம் என அவர் அறிவித்தார்.

எலான் மஸ்க்
எலான் மஸ்க்

இவருடைய இந்த அறிவிப்பால் பிட்காயினின் விலை தாறுமாறாக ஏறியது. அறிவிப்பு வெளியான அன்றைய தினத்தில் மட்டுமே பிட்காயின் மதிப்பு 16% அதிகரித்து, வரலாற்றில் முதன்முறையாக 44,000 டாலரைக் கடந்து வர்த்தகமானது. எலான் மஸ்க்கின் இந்த அறிவிப்பால், அதன் பிறகு ஏற ஆரம்பித்த பிட்காயின் விலை கடந்த ஏப்ரல் 14-ம் தேதி 64,778 டாலர் வரை ஏற்றம் கண்டது.

அதன் பிறகு தொடர்ந்து சரிந்து வந்த பிட்காயின் மதிப்பு, கடந்த மே-13-ம் தேதி காலை ஒரே தினத்தில் இரண்டு மணி நேரத்துக்குள்ளாகவே 54,819 டாலரில் இருந்து, சுமார் 45,700 டாலர் என்ற நிலைக்குச் சரிந்தது. இதற்குக் காரணம் பிட்காயின் பற்றி அவர் விடுத்த பலவிதமான கருத்துகள் தான்.

‘‘பிட்காயினில் பணம் போடுகிற ரிஸ்க்கை எல்லோரும் எடுக்க முடியாது. ஒவ்வொருவரும் தங்கள் ரிஸ்க்கை அறிந்து, அதில் முதலீடு செய்ய வேண்டும்’’ என அவர் சொன்னவுடன், இது நமக்கானது இல்லை எனப் பலரும் பிட்காயினை விற்கத் தொடங்கினார்கள். பிறகு, பிட்காயினின் இன்னொரு வடிவமான டோகாகாயினின் சிறப்பு பற்றி பேச அதன் மதிப்பு உயர்ந்தது.

எலான் மஸ்க் டெஸ்லா நிறுவனத்தை உருவாக்கக் காரணம், சுற்றுச்சூழ்நிலையைப் பாதிக்காத ஒரு போக்குவரத்து முறையை உருவாக்க வேண்டும் என்பதுதான். இதற்காக மின்சாரத்தில் இயங்கும் கார்களை வடிவமைத்து வெளியிட்ட்டார்.

ஆனால், பிட்காயின் உருவாக்கும் போது சுற்றுச்சூழ்நிலையைப் பாதிக்கும் வகையில் உருவாக்கப்பட்ட மின்சாரத்தை அதிகளவில் பயன் படுத்தும் காரணத்தால், இது தனது கொள்கைக்கு முரண்பாடாக உள்ளது. இதனால் டெஸ்லா கார்களுக்குப் பிட்காயின் ஏற்பதை நிறுத்த உள்ளதாகத் தெரிவித் திருக்கிறார் எலான் மஸ்க்.

‘‘கொள்கைக்கு முரண்பாடான ஒரு விஷயத்தை ஏன் கையில் எடுக்க வேண்டும். அதை ஏன் பொது வெளியில் பகிர வேண்டும். பொது வெளியில் பகிர்ந்தால், அதை மற்றவர்களும் ஃபாலோ செய்வார்கள் என்பது எலான் மஸ்க்குக்கு தெரியாதா..? இது மற்ற முதலீட்டாளர் களின் வாழ்க்கையை பாதிக்கும் என்பது ஏன் அவருக்கு தெரியவில்லை? அல்லது தெரிந்தும் வேண்டுமென்றே விளையாடினாரா..?’’ என்பது போன்ற எண்ணற்ற கேள்விகளைப் பலரும் பொதுவெளியில் எழுப்பி வருகிறார்கள். எலான் மஸ்க்குக்கு இப்போது நேரம் சரியில்லை என்பது மட்டும் நிச்சயம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு