Published:Updated:

கொரோனா எதிரொலி- சீனாவின் ஏற்றுமதி - இறக்குமதி வர்த்தகம் சரிவு!

ஏற்றுமதி - இறக்குமதி
ஏற்றுமதி - இறக்குமதி

கொரோனா தாக்குதலால் தங்கம் மற்றும் ரத்தினங்களின் இறக்குமதி முடங்கியுள்ளது.

கடந்த ஒரு வாரமாக சீனாவில் ஏற்பட்டுள்ள கொரோனா வைரஸ் பாதிப்பால் அந்நாட்டின் பொருளாதாரம் கடுமையாகப் பாதிக்கப்பட்டுள்ளது. கொரோனா தாக்குதலால் நூற்றுக்கணக்கானவர்கள் உயிரிழந்துள்ளதோடு, உலகளவில் 25 நாடுகளில் கொரோனா வைரஸ் பாதிப்பு பரவியுள்ளது. இதனால் சீனாவுடன் ஏற்றுமதி - இறக்குமதி வர்த்தகம் செய்யவே உலக நாடுகள் தயக்கம் காட்டுகின்றன.

கொரோனா வைரஸ்... சீனாவும், உலக சுகாதார நிறுவனமும் எடுக்கத் தவறிய நடவடிக்கைகள்! #CoronaVirus

அந்நாட்டில் இருக்கும் இதர நாட்டவர்களின் நிலையும் கேள்விக்குறியாகியுள்ளது. இந்த நிலையில், கொரோனா வைரஸ் தாக்குதல் எதிரொலியாக சீனாவின் தங்க நகை மற்றும் ரத்தினங்கள் இறக்குமதியில் பெரும் வீழ்ச்சி ஏற்பட்டுள்ளதாகத் தெரிவிக்கப்பட்டுள்ளது. இதனால் கடந்த ஜனவரி மாதத்தில் இந்தியாவிலிருந்து சீனாவுக்கான நகை மற்றும் ரத்தினங்கள் ஏற்றுமதி 10 சதவிகிதம் வீழ்ச்சியடைந்துள்ளது.

ஏற்றுமதி - இறக்குமதி
ஏற்றுமதி - இறக்குமதி

வழக்கமாக புத்தாண்டுக்குப் பின்னர் நகை மற்றும் ரத்தினங்களுக்கான தேவை சீனாவில் அதிகமாக இருக்கும். ஆனால், இந்த ஆண்டில் கொரோனா தாக்குதலால் இவற்றின் இறக்குமதி முடங்கியுள்ளது என இந்தியாவின் நகை மற்றும் ரத்தினங்கள் ஏற்றுமதி மேம்பாட்டு கவுன்சில் தெரிவித்துள்ளது. மேலும், இந்த முழு நிதியாண்டில் 5 முதல் 10 சதவிகித வீழ்ச்சி இருக்கும் எனவும் மதிப்பிடப்பட்டுள்ளது

தங்கம் மற்றும் வைரம்
தங்கம் மற்றும் வைரம்

இந்தியாவின் நகை மற்றும் ரத்தினங்கள் ஏற்றுமதி மேம்பாட்டு கவுன்சில் துணைத் தலைவரான கோலின்ஷா, ``ஒவ்வோர் ஆண்டும் சீனாவுக்கான நகை மற்றும் ரத்தினங்கள் ஏற்றுமதி ஆண்டின் தொடக்கத்தில் சிறப்பாக இருக்கும். குறிப்பாக பாலிஷ் செய்யப்பட்ட வைரத்துக்கான தேவை அதிகமாக இருக்கும்.

சென்ற டிசம்பர் மாதத்திலும், ஜனவரி தொடக்கத்திலும் ஏற்றுமதி சிறப்பாக இருந்தது. ஆனால், தற்போது 10 சதவிகிதம் வரையில் வீழ்ச்சி ஏற்பட்டுள்ளது.

ஏற்கெனவே சீனா - ஹாங்காங் வர்த்தகப் போரால் இந்தியாவின் ஏற்றுமதி வர்த்தகத்தில் பாதிப்பு ஏற்பட்டிருந்தது. ஏப்ரல் - டிசம்பர் காலத்தில் மட்டும் நகை மற்றும் ரத்தினங்கள் ஏற்றுமதியில் 15 சதவிகிதம் வீழ்ச்சி ஏற்பட்டுள்ளது” என்று தெரிவித்துள்ளார்.

அடுத்த கட்டுரைக்கு