Published:Updated:

கிரெடிட் கார்டு மோசடியைத் தடுக்க டோக்கன் சிஸ்டம்..!

கிரெடிட் கார்டு
பிரீமியம் ஸ்டோரி
கிரெடிட் கார்டு

கிரெடிட் கார்டு

கிரெடிட் கார்டு மோசடியைத் தடுக்க டோக்கன் சிஸ்டம்..!

கிரெடிட் கார்டு

Published:Updated:
கிரெடிட் கார்டு
பிரீமியம் ஸ்டோரி
கிரெடிட் கார்டு

கிரெடிட் கார்டு மோசடிகளைக் குறைக்கவும், பாதுகாப்பை அதிகப்படுத்தவும் கிரெடிட் கார்டு பயன்பாட்டு வழிமுறைகளில் கூடுதல் மாற்றங்களை 2022-ம் ஆண்டு ஜனவரி 1-ம் தேதி முதல் கொண்டுவரப் போவதாக ரிசர்வ் வங்கி தெரிவித்துள்ளது.

இந்த மாற்றத்தின் அடிப்படையில், ஆன்லைன் மோசடிகளிலிருந்து தரவு மற்றும் வாடிக்கையாளர்களைப் பாதுகாப்பதற்காக `Card Tokenization’ என்கிற திட்டத்தை ரிசர்வ் வங்கி செயல்படுத்தவுள்ளது. அதனால் இனி, கிரெடிட் கார்டுகளைப் பயன் படுத்துபவர்கள், இ-காமர்ஸ் வலை தளங்களில் தங்களின் தகவலைச் சேமித்து வைக்க முடியாது. அதற்குப் பதிலாக, டோக்கன் சிஸ்டம் மூலம் பணம் செலுத்தப்படும்.

கிரெடிட் கார்டு மோசடியைத் தடுக்க டோக்கன் சிஸ்டம்..!

இந்த டோக்கன் சிஸ்டத்தில் நீங்கள் உங்கள் கார்டு விவரங்களை உள்ளிடத் தேவையில்லை. அதற்குப் பதிலாக, `டோக்கன்’ எனப்படும் தனிப்பட்ட மாற்று எண் இருக்கும். இது உங்கள் கார்டுடன் இணைக்கப்பட்டிருக்கும். இதன்மூலம் உங்கள் கார்டு விவரங்கள் பாதுகாப்பாக இருக்கும்.

இனி, நீங்கள் அமேசான் அல்லது ஃப்ளிப்கார்ட் போன்ற இ-காமர்ஸ் இணையதளங்களில் ஷாப்பிங் செய்த பின்னர், பணம் செலுத்தும்போது, நீங்கள் உங்கள் 16 இலக்க கார்டு எண்ணை உள்ளிட வேண்டியதில்லை; அதற்குப் பதிலாக, நீங்கள் டோக்கன் எண்ணை உள்ளிட வேண்டும்.

இந்த டோக்கன் எண்ணை வங்கிகள் கிரெடிட் கார்டு வாடிக்கையாளருக்கு வழங்கும். வாடிக்கை யாளர்கள் ஷாப்பிங் செய்யும் ஒவ்வொரு முறையும், அவர்களின் டோக்கன் எண் வங்கிக்கு அனுப்பப்பட்டு, அந்த டோக்கன் எண்ணை அதற்குரிய வாடிக்கை யாளர்தான் பயன்படுத்துகிறாரா, அவருடைய டிவைஸில் இருந்துதான் அதைப் பயன்படுத்துகிறாரா என்கிற தரவுகளை வங்கி சரிபார்த்து, அதன் பிறகே பணத்தைச் செலுத்தும் ஒப்புதலை வழங்குபடி இந்தச் செயல்முறை வடிவமைக்கப்பட்டுள்ளது!