Published:Updated:

8 ஆண்டுகளுக்குப் பிறகு வெளியிடப்பட்ட கரன்சி ரிப்போர்ட்! ஆர்.பி.ஐ நிதி அறிக்கை சொல்வது என்ன?

கரன்சி ரிப்போர்ட்
பிரீமியம் ஸ்டோரி
News
கரன்சி ரிப்போர்ட்

R B I R E P O R T

கடந்த சில ஆண்டுகளாக நிறுத்தி வைக்கப்பட்டிருந்த வருடாந்தர நாணயம் மற்றும் நிதி அறிக்கையை (Report on Currency and Finance) இந்த ஆண்டு வெளியிட்டிருக்கிறது நமது மத்திய ரிசர்வ் வங்கி.

எட்டு ஆண்டுகளுக்குப் பிறகு...

எட்டு ஆண்டுகளுக்குப் பிறகு வெளியாகியிருக்கும் இந்த அறிக்கையில் பணவீக்க இலக்குமுறை (Flexible Inflation Targeting) விரிவாக எடுத்துச் சொல்லப்பட்டிருக்கிறது. இந்த அறிக்கையில் சொல்லப்பட்டிருக்கும் முக்கியமான அம்சங்கள் இனி...

கரன்சி ரிப்போர்ட்
கரன்சி ரிப்போர்ட்

பணவீக்க இலக்குமுறை...

ஒரு நாட்டின் நிதித்துறையின் ஸ்திரத்தன்மையைக் (Financial Stability) கட்டிக் காப்பது மத்திய வங்கியின் தலையாயக் கடமையாகும். குறிப்பாக, ஏழை எளிய மக்களை பெருமளவில் பாதிக்கும் விலைவாசி உயர்வைக் கட்டுக்குள் வைத்திருக்கும் பொறுப்பு மத்திய வங்கியைச் சார்ந்ததாகும்.

அந்த வகையில், நியூசிலாந்து மத்திய வங்கி முதல்முறையாகப் பணவீக்க இலக்கு முறையை (Inflation Targeting) 1989-ல் அறிமுகம் செய்தது.

2016-ம் ஆண்டு நாடாளுமன்ற ஒப்புதலுடன் இந்தியாவில் அறிமுகம் செய்யப்பட்ட ‘நெகிழ்வான பணவீக்க இலக்கு’ திட்டத்தின்படி, நுகர்வோர் பணவீக்க விகிதம் (Consumer Price Inflation) 2% முதல் 6% என்ற வரம்புக்கு மிகாமல் பார்த்துக்கொள்வது ரிசர்வ் வங்கியின் கடமையாகும். 

பணவீக்க இலக்குமுறை நடைமுறையில் இருந்த கால கட்டத்தில் (2016-21) நுகர்வோர் பணவீக்கத்தின் சராசரி அளவு 3.9 சதவிகிதமாக இருந்தது, ரிசர்வ் வங்கியின் சிறப்பான செயல் பாட்டையும் பணவீக்க இலக்கு முறைத்  திட்டத்தின் வெற்றியையும் காட்டுகிறது.

நுகர்வோர் விலைவாசிக் குறியீடு (CPI), பணவீக்க இலக்குமுறையின் அடிவரம்பான 2% அளவுக்கு கீழ் சரியும்போது பொருளாதார வளர்ச்சி குறைகிறது. அதேபோல, உச்ச வரம்பான 6% என்ற அளவைக் கடக்கிறபோதும் விலைவாசி ஏகத்துக்கும் உயர்ந்து அத்தியாவசியமான பொருள்களை வாங்க முடியாமல் மக்கள் திண்டாடுகின்றனர். இதனாலும் பொருளாதாரம் பாதிக்கப்படுகிறது.

எனவே, 2% - 6% என்ற தற்போதைய வரம்பே அடுத்த ஐந்து ஆண்டுகளுக்குத் தொடர வேண்டும் என மத்திய ரிசர்வ் வங்கி பரிந்துரைத்துள்ளது.

வளரும் நாடுகளில் பணவீக்க இலக்கு முறை சிறப்பாகச் செயல்படுத்தப்படும் போது, பணவீக்க வரம்பு குறைவது வரவேற்கத்தக்க அம்சமாகும்.

நிதிக் கொள்கை குழுவின் (Monetary Policy Committee) கட்டமைப்பு மற்றும் செயல்பாடுகள் சர்வதேசத் தரத்தில் உள்ளதாகப் பாராட்டுத் தெரிவித்துள்ள ஆய்வறிக்கை, பணவீக்கம் தொடர்பான எதிர்பார்ப்புகள் குறித்து வெளியிடப்படும் தகவல்களை மேலும் மேம்படுத்த வேண்டும் என்றும் அறிவுறுத்தியுள்ளது. 

வட்டி விகிதங்களில் மாற்றம்...

வட்டி மாற்றங்கள் குறித்த ரிசர்வ் வங்கியின் கொள்கை மாற்றங்கள் குறைந்தகால பணச் சந்தையிலும் (Money Market) வங்கிகளின் டெபாசிட் மற்றும் கடன்களில் சிறப்பாகப் பிரதிபலித் தாலும், நீண்டகாலக் கடன் பத்திரச் சந்தையில் (Bond Market) பெரும் தாக்கத்தை ஏற்படுத்து வதில்லை என்பததைச் சுட்டிக் காட்டியிருக்கும் ரிசர்வ் வங்கி, வட்டி விகிதங்கள் தொடர்பான கொள்கை மாற்றத்தை நடைமுறைக்குக் கொண்டு வருவதில் (Monetary Policy Transmission) மேலும், சிறப்பாகச் செயல்பட வேண்டும் எனவும் அறிவுறுத்தியுள்ளது.

அதேபோல, பெருவாரியான அந்நிய முதலீடு களின் மூலம் கிடைக்கும் அந்நியச் செலாவணியின் மேலாண்மையை மேம்படுத்த வேண்டும் என்றும் அறிவுறுத்தியுள்ளது.

பணவீக்க இலக்குத் திட்டம், இந்திய முதலீட்டுச் சந்தையைப் பன்னாட்டு மையமாக்கவும் இந்திய ரூபாயைச் சர்வதேச நாணயமாக மாற்றவும் உதவும் என்றும் ஆய்வறிக்கை நம்பிக்கை தெரிவித்துள்ளது.

எட்டு ஆண்டுகளாக நிறுத்தப் பட்டிருந்த இந்த அறிக்கை, இனியாவது ஒவ்வோர் ஆண்டிலும் வெளியிடப்பட வேண்டும் என்பதுடன், இந்த அறிக்கையை எல்லா மாநில மொழிகளிலும் மொழியாக்கம் செய்து வெளியிடுவதன் மூலம் நம் நாட்டின் பொருளாதார நிலையை எல்லோரும் தெளி வாகப் புரிந்துகொள்ள முடியும். ரிசர்வ் வங்கி இதற்கான நடவடிக்கை எடுக்குமா?

பொருளாதார வளர்ச்சியைச் சொல்லும் நாணய அறிக்கை..!

ந்திய ரிசர்வ் வங்கி 1935-ம் ஆண்டில் உருவாக்கப்பட்ட பிறகு, இந்திய நாணயத்தின் மேலாண்மை அப்போதைய காலனி அரசிடமிருந்து ரிசர்வ் வங்கிக்கு மாற்றப்பட்டது. 1935-36 மற்றும் 1936-37-ம் நிதியாண்டுகளுக்கான ‘இந்தியச் செலாவணி குறித்த முதலாவது அறிக்கை’1937-ம் ஆண்டு ரிசர்வ் வங்கியால் வெளியிடப்பட்டது. 1935-க்கு முன், காலனி அரசின் அமைச்சகம் தயாரித்தது போல, வருடாந்தர நாணய அறிக்கை வெறும் புள்ளியல் விவரங்களை மட்டுமே உள்ளடக்கியதாக அமைந்துவிடக் கூடாது என்று கருதிய ரிசர்வ் வங்கி, நடப்புப் பொருளாதார மாற்றங்கள் குறித்த தகவல்களையும் தனது அறிக்கையில் உள்ளடக்கி பதிவிட முடிவெடுத்து, 1937-ல் வெளியிடப் பட்ட தனது முதல் நாணய அறிக்கையை வெளியிட்டது ரிசர்வ் வங்கி.