Published:Updated:

கடனை முன்கூட்டியே செலுத்தினால் கிரெடிட் ஸ்கோர் பாதிக்குமா?

கேள்வி பதில்
பிரீமியம் ஸ்டோரி
கேள்வி பதில்

கேள்வி பதில்

கடனை முன்கூட்டியே செலுத்தினால் கிரெடிட் ஸ்கோர் பாதிக்குமா?

கேள்வி பதில்

Published:Updated:
கேள்வி பதில்
பிரீமியம் ஸ்டோரி
கேள்வி பதில்

எல்.சிவக்குமார், இ-மெயில் மூலம்

நான் அண்மையில் பைக் கடனாக ரூ.60,000 வாங்கியிருந்தேன். ரூ.30,000 கட்டியுள்ள நிலையில், கடனை முன்கூட்டியே முடித்து விட்டேன். இந்தச் செயல் என் கிரெடிட் ஸ்கோரை பாதிக்குமா?

வி.தியாகராஜன், ஆடிட்டர், www.bizlane.in

“பாதிக்காது. ஆனால், உங்கள் கிரெடிட் ஸ்கோர் ஏற்கெனவே குறைவாக இருந்திருந்தால், இந்த பைக் கடன் மாதத் தவணையைத் தொடர்ந்து சரியாகச் செலுத்தி வருவதன் மூலம் உங்கள் கிரெடிட் ஸ்கோர் உயர வாய்ப்புண்டு. என்ன மாதிரியான கடன்களை ஏற்கெனவே வாங்கியிருக்கிறீர்கள், சமீப மாதங்களில் எவ்வளவு புதிய கடன்களை வாங்கியிருக்கிறீர்கள், ஏற்கெனவே வாங்கிய கடன்களுக்கு நீண்ட காலம் மாதத் தவணைகளை சரியாகச் செலுத்தியிருக் கிறீர்களா அல்லது சரியாகச் செலுத்தாமல் இருக்கிறீர்களா, கிரெடிட் கார்டு லிமிட் அதிகமாக உபயோகித்துள்ளீர்களா, சமீப நாள்களில் / மாதங்களில் வேறு புதிய கடன்கள் வாங்குவதற்கு விண்ணப்பித்திருக்கிறீர்களா (Enquiries) என்பது முக்கியமான விஷயம்.

ஏற்கெனவே வாங்கிய கடன்களில் கடன் தள்ளுபடி சலுகை வாங்கி முடித்துள்ளீர்களா (Settlement), கிரெடிட் பீரோ ரிப்போர்ட்டில் (Credit Bureau Report) ஏதாவது, தவறுகள் இருக்கிறதா என்பன போன்றவற்றின் அடிப்படையில் உங்களின் கிரெடிட் ஸ்கோரில் மாற்றம் ஏற்படும்.”

கடனை முன்கூட்டியே செலுத்தினால் கிரெடிட் ஸ்கோர் பாதிக்குமா?

சூரியகுமார், தேனாம்பேட்டை, சென்னை.

ஒரு நிறுவனம் புதிதாக பங்கு விற்பனை செய்யும் போது அந்தப் பங்குகளை எங்கு சென்று வாங்குவது, இதற்கான தரகுக் கட்டணத்தை யாரிடம் வசூலிப்பார்கள்? பங்குச் சந்தைக்கு நான் புதிது என்பதால், சற்று விளக்கமாகச் சொல்லவும்.

நா.சரவணகுமார், ஆலோசகர், www.richinvestingideas.com

“பொதுவாக, ஒரு நிறுவனம், தனது தொழிலுக்குத் தேவையான முதலீட்டைப் பொதுவெளியில் (Public) திரட்ட பங்குச் சந்தைக்கு வரும். சில நேரங்களில் நிறுவனத் துக்கு உண்டான கடனை அடைப்பதற்கும், ஏற்கெனவே நிறுவனத்தில் உள்ள பெரு முதலீட்டாளர்கள் தங்களது பங்குகளை விற்று விட்டுச் செல்வதற்கும் பங்குச் சந்தையை அந்த நிறுவனம் பயன்படுத்தும். இதன் ஒரு பகுதியாக அவர்களுடைய கையிருப்பிலுள்ள பங்குகளை விற்று முதலீட்டைத் திரட்டுவது உண்டு.

இந்த முறையைத்தான் ஐ.பி.ஓ (Initial Public Offering - IPO) என சொல்வதுண்டு. இப்படி ஒரு நிறுவனம் விற்கும் பங்குகளை சிறு முதலீட்டாளர்கள் முதல் பெரு நிறுவனங்கள் வரை யார் வேண்டு மானாலும் வாங்கலாம்.

நிறுவனம் புதிதாகப் பங்குகளை விற்பனை செய்யும்போது, ஐ.பி.ஓ முறையில்தான் ஒருவர் பங்குகளை வாங்க முடியும். பங்குத் தரகர் (Share Broker) அல்லது உங்களது டீமேட் கணக்கின் மூலம் பங்குகளை வாங்க விண்ணப்பிக்க வேண்டும். இதற்கு முன்பே உங்களிடம் டீமேட் கணக்கு இருப்பது அவசியம்.

பொதுவாக, ஐ.பி.ஓ முறையில் பங்குகளை வாங்கும்போது தரகுக் கட்டணங்கள் ஏதும் வசூலிக்கப் படாது. அதே வேளையில், வாங்கிய பங்குகளைப் பின்னர் விற்கும் நிலையில் தரகுக் கட்டணம் மற்றும் இதர அரசு சார்ந்த வரிப் பிடித்தங்கள் இருக்கும். இதை உங்களது பங்குத் தரகர் வசூலிப்பார்.

நிறுவனத்திடம் இருந்து ஐ.பி.ஓ முறையில் நேரடியாகப் பங்கு வாங்கும் முறையை முதன்மைச் சந்தை (Primary Market) என்றும், பின்பு இந்தப் பங்குகளை வாங்கிய முதலீட்டாளர்களிடம் இருந்து மற்ற முதலீட்டா ளர்கள் வாங்கும் மற்றும் விற்கும் முறையை இரண்டாம் நிலை சந்தை (Secondary Market) என்றும் கூறுவதுண்டு. என்.எஸ்.இ, பி.எஸ்.இ போன்ற சந்தைகளில் வர்த்தகமாகும் பங்குகள்தான் இரண்டாம் நிலை சந்தை ஆகும்.”

நா.சரவணகுமார், த.முத்துகிருஷ்ணன், பி.ஷியாம் சுந்தர்
நா.சரவணகுமார், த.முத்துகிருஷ்ணன், பி.ஷியாம் சுந்தர்

ஶ்ரீவித்யா, மதுரை.

வருமான வரியைச் சேமிக்க இ.எல்.எஸ்.எஸ் ஃபண்டில் முதலீடு செய்யத் திட்டமிட்டுள்ளேன். என் மாத முதலீட்டுத் தொகை ரூ.9,000 ஆகும். என் வயது 40. ரிஸ்க் எடுக்கத் தயார். இந்தப் பணம் என் 50 வயதில் கிடைத்தால் போதும். எனக்கு ஏற்ற மூன்று வரிச் சேமிப்பு திட்டங்களைக் குறிப்பிடவும்.

த.முத்துகிருஷ்ணன், சர்டிஃபைட் ஃபைனான்ஷியல் பிளானர்.

“வருமான வரிச் சலுகை அளிக்கும் பங்குச் சந்தை சேமிப்புத் திட்டமான இ.எல்.எஸ்.எஸ் ஃபண்ட் நீண்ட காலத்தில் வரியைச் சேமிப்பதுடன் செல்வத்தையும் சேர்த்துத் தருகிறது.

இந்த இ.எல்.எஸ்.எஸ் ஃபண்டுகள் கிட்டத்தட்ட மியூச்சுவல் ஃபண்டின் ஒரு பிரிவான ஃப்ளெக்ஸிகேப் ஃபண்ட் போன்றது.

இதில் செய்யப்படும் முதலீட்டை மூன்று ஆண்டுகளுக்கு எடுக்க முடியாது என்பதை அறிந்து அதற்கேற்ப முதலீடு செய்யவும். நீங்கள் முதலீடு செய்யத் திட்டமிட்டுள்ள 9,000 ரூபாயைத் தலா ரூ.3,000 வீதம் டி.எஸ்.பி டாக்ஸ் சேவர், ஐ.டி.எஃப்.சி டாக்ஸ் அட்வான்டேஜ், கோட்டக் டாக்ஸ் சேவர் ஆகிய திட்டங்களில் முதலீடு செய்யவும்.”

அ.பிரியங்கா, சிம்மக்கல், மதுரை.

தங்கத்தின் விலை இந்தியாவிலும் சர்வதேச சந்தையிலும் வேறு வேறாக இருக்கிறது. இதற்கு என்ன காரணம்?

பி.ஷியாம் சுந்தர், கமாடிட்டி நிபுணர்.

“தங்கத்தின் விலை, அமெரிக்க டாலரின் மதிப்பில் காணப்படுகிற ஏற்ற, இறக்கங்களைப் பொறுத்து மாறுபடும். வளர்ந்த நாடுகளின் நிதி சார்ந்த நடவடிக்கைகளின் எதிரொலிப்பாக வட்டி விகிதங்களைக் குறைப்பதாலோ, அதிகப்படுத்துவதாலோ ஏற்படுகிற மாற்றங்கள், அவ்வப்போது வெளியிடப்படுகிற பொருளாதாரப் பணவீக்கம் போன்ற புள்ளிவிவரங்களின் அடிப்படையில் தங்கத்தின் விலை நகர்வு காணப்படுகிறது.

சில சமயங்களில், சர்வதேச விலை குறைந்தாலும், இந்திய விலை அதிகரித்து வர்த்தகமாகி வரக் காரணம், அமெரிக்க டாலருக்கு நிகராக இந்திய ரூபாயின் மதிப்பு குறைந்து காணப்படுவதாகும். அதாவது, தங்கத்தைப் பொறுத்தவரை, இந்தியா இறக்குமதி செய்வதற்கு, டாலருக்கு நிகராக அதிக ரூபாய் கொடுக்க வேண்டியிருப்பதால், இந்திய விலையில் இதன் தாக்கம் பிரதிபலிக்கச் செய்கிறது.

எனவே, தங்கம் விலையை சரியாகப் புரிந்துகொள்ள நினைக்கிறவர்கள் சர்வதேச சந்தையில் தங்கத்தின் விலைப் போக்கு எப்படி இருக்கிறது என்பதையும், டாலருக்கு நிகரான ரூபாய் மதிப்பு ஏற்றத்தில் இருக்கிறதா அல்லது இறக்கத் தில் இருக்கிறதா, இனிவரும் நாள்களில் அது எப்படி இருக்கும் என்பதையெல்லாம் தொடர்ந்து கவனிப்பது மிகவும் அவசியம்.’’