Published:Updated:

ஓய்வு பெற்றவர்களுக்கு சிறந்த மாத வருமானம் தரும் திட்டம் எது? சீனியர் சிட்டிசன்கள் கவனத்துக்கு...

கேள்வி - பதில்
பிரீமியம் ஸ்டோரி
கேள்வி - பதில்

Q & A

ஓய்வு பெற்றவர்களுக்கு சிறந்த மாத வருமானம் தரும் திட்டம் எது? சீனியர் சிட்டிசன்கள் கவனத்துக்கு...

Q & A

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

கோபாலகிருஷ்ணன், இ-மெயில் மூலம்

ஓய்வுக் காலத்தில் அதிக வட்டி வருமானம் வேண்டும் என்று ஆசைப்பட்டு மூலதனத்தை இழக்கக் கூடாது என்பதைக் கருத்தில் கொண்டு செயல்படுவது முக்கியம்!ய்வு பெற்றவர்களுக்கு சிறந்த மாத வருமானம் தரும் திட்டம் சிலவற்றைச் சொல்லவும்.

ஏ.கே,நாராயண், நிறுவனர், Aknarayanassociates.com

‘‘ஓய்வுக்காலத்தில் அதிக வட்டி வருமானத்துக்கு ஆசைப்பட்டு மூலதனத்தை இழக்கக் கூடாது என்பதைக் கருத்தில்கொண்டு அரசு திட்டங்கள் நான்கை பரிந்துரை செய்கிறேன். முதலாவது, மூத்தக் குடிமக்கள் சேமிப்புத் திட்டம் (Senior citizen savings scheme). இதில், ஒருவர் அதிகபட்சம் ரூ.15 லட்சம் வரை முதலீடு செய்ய முடியும். ஆண்டு வட்டி 7.4%. மூன்று மாதங்களுக்கு ஒரு முறை வட்டி வழங்கப்படும். வட்டி வருமானம் வரிக்கு உட்பட்டது. ஐந்தாண்டு லாக்இன் பீரியட் இருக்கிறது. முதலீட்டுக்கு 80சி பிரிவின்கீழ் நிபந்தனைக்கு உட்பட்டு ரூ.1.5 லட்சம் வரை வரிச் சலுகை இருக்கிறது. லாக்இன் பீரியட் முடிந்த பிறகு, மேலும் மூன்று ஆண்டுகளுக்கு நீடித்துக்கொள்ளலாம்.

இரண்டாவது, தபால் அலுவலக மாத சேமிப்புத் திட்டம். ஒருவர் அதிகபட்சம் ரூ.4.5 லட்சம் முதலீடு செய்ய லாம். கணவன், மனைவி ரூ.9 லட்சம் வரைக்கும் முதலீடு செய்ய முடியும். வட்டி வருமானம் 6.6%; மாதம்தோறும் வட்டி வழங்கப்படும். வரிச் சலுகை கிடையாது. இதில் செய்யப்பட்ட முதலீட்டைத் தேவைப்பட்டால் மேலும் 5 ஆண்டுகளுக்கு நீட்டித்துக்கொள்ளலாம்.

மூன்றாவது, பிரதம மந்திரி வய வந்தனா யோஜனா திட்டம். இதில் ஒருவர் அதிகபட்சம் ரூ.15 லட்சம் முதலீடு செய்யலாம். பத்தாண்டு முதிர்வுக் காலம் கொண்ட இந்தத் திட்டத்தில் ஆண்டுக்கு 7.4% வட்டி தரப்படும். இது மாதம்தோறும் வழங்கப்படும்.

நான்காவதாக, வங்கி எஃப்.டி-கள் இருக்கின்றன. இவற்றில் ஆண்டுக்கு சுமார் 5% வட்டி கிடைக்கும். மாதம் தோறும் வட்டி பெற்றுக் கொள்ளும் வசதி இருக்கிறது.

இந்த நான்கு திட்டங் களையும் தாண்டி, சற்று ரிஸ்க் எடுத்து, நீண்டகாலம் முதலீடு செய்யத் தயார். சற்று கூடுதல் வருமானம் வேண்டும் என்பவர்கள் ஈக்விட்டி ஃபண்டுகள், ஹைபிரிட் மியூச்சுவல் ஃபண்டுகளில் முதலீடு செய்துவிட்டு, சிஸ்டமேட்டிக் வித்ட்ராயல் பிளான் (SWP) மூலம் மாதம்தோறும் குறிப்பிட்ட தொகையைப் பெற்றுக்கொள்ளலாம்.’’

நந்தினி, இ-மெயில் மூலம்

பாண்ட் முதலீட்டின் மூலம் கிடைக்கும் வட்டி வருமானத்துக்கு எப்படி வரி கட்ட வேண்டும் என விளக்கிச் சொல்லவும்.

வி.தியாகராஜன், ஆடிட்டர், www.bizlane.in

‘‘வரியில்லா பாண்ட் (Tax Free Bond) மீதான வட்டி வருமானத்தைத் தவிர, மற்ற பாண்டுகளில் மீது கிடைக்கும் வட்டி வருமானம், தங்களின் மொத்த வருமானத்தில் கணக்கில் சேர்த்துக்கொண்டு, தாங்கள் எந்த வருமான வரி வரம்புக்குள் வருகிறீர்களோ அதைப் பொறுத்து வரி செலுத்த வேண்டும். சில நிபந்தனைகளுக்கு உட்பட்டு இந்த வட்டி வருமானத்தின் மீது வரிப் பிடித்தம் (TDS) செய்யப்படுகிறது. அதே நேரத்தில் பாண்ட் விற்பனை மூலம் கிடைக்கும் குறுகிய கால மூலதன ஆதாய வரி மற்றும் நீண்டகால மூலதன ஆதாய வரி தனி.’’

ஏ.கே,நாராயண்,  வி.தியாகராஜன், தி.ரா.அருள்ராஜன்,  ச.ராமலிங்கம்
ஏ.கே,நாராயண், வி.தியாகராஜன், தி.ரா.அருள்ராஜன், ச.ராமலிங்கம்

செந்தில் குமார், இ-மெயில் மூலம்

நான் ஒரு பங்கை ரூ.400 வீதம் 100 வாங்கினால் கமிஷன் மற்றும் அனைத்து விதமான வரிகளுடன் சேர்த்து எவ்வளவு கட்ட வேண்டும்? விற்கும்போது நஷ்டம் இல்லாமல் விற்க, எவ்வளவுக்கு விற்க வேண்டும்.?

தி.ரா.அருள்ராஜன், பங்குச் சந்தை மற்றும் கமாடிட்டி வர்த்தக ஆலோசகர், Ectra.in

‘‘நீங்கள் பங்குகளை வாங்கும்போதும், விற்கும் போதும் பல்வேறு வகையான வரிகள் வசூலிக்கப் படுகின்றன. புரோக்கரேஜ் என்பது புரோக்கர் சேவைக்காக வசூலிக்கப்படும் தொகை. இது சதவிகிதத்திலும் இருக்கலாம் அல்லது ஒரு வியாபாரத்துக்கு ஒரு குறிப்பிட்ட தொகை என்று இருக்கலாம். உதாரணமாக, நீங்கள் ரூ.100 மதிப்புள்ள ஒரு பங்கை தினசரி வர்த்தகத்துக்கு வாங்கி, அதற்கு 0.03% புரோக்க ரேஜ் எனில், வாங்க 3 பைசா, விற்க 3 பைசா ஆகும். (நீங்கள் பேரம் பேசி இன்னும் குறைக்கலாம்) அல்லது ஒரு வியாபாரத்துக்கு ரூ.20 என்றும் சிலர் தருகிறார்கள். அதாவது, நீங்கள் ரூ.100 மதிப்புக்கு பங்கை வாங்கி னால், ரூ.20 வசூலிக்கபடும் அல்லது ரூ.1 கோடி ரூபாய்க்கு வாங்கினா லும், ரூ.20 மட்டுமே வசூலிக்கப்படும். நீங்கள் எதை வேண்டுமானாலும் தேர்வு செய்ய வாய்ப்புத் தரப்படலாம்.

மேலும், பங்குகள் வாங்கி விற்கும்போது வசூலிக்கப் படும் வரிகள் உங்கள் கட்டுப் பாட்டில் இல்லை. பங்கு பரிவர்த்தனை வரி (எஸ்.டி.டி), எக்ஸ்சேஞ்ச் டிரான்ஷாக்‌ ஷன் தொகை, ஜி.எஸ்.டி தொகை, செபி வசூலிக்கும் தொகை, ஸ்டாம்ப் டூட்டி போன்றவை எல்லோருக்கும் பொதுவானவை.

நீங்கள் இன்ட்ரா டே டிரேடிங் செய்தால், தோராயமாக ரூ.100-க்கு 6 முதல் 10 பைசா வரை வரலாம். அதே நேரம், டெலிவரி எடுத்தால், எஸ்.டி.டி தொகை ரூ.100-க்கு 10 பைசாவாக இருக்கலாம். அப்போது உங்கள் வரி தொகை கணிசமாகக் கூடும்.’’

செந்தில், சென்னை

நானும் என் மனைவியும் தனியார் நிறுவனத்தில் வேலை பார்க்கிறோம். சொந்த வீடு வாங்கி னால், ரூ.14 லட்சம் தருவதாக எங்கள் பெற்றோர்கள் சொல்கிறார் கள். கொரோனாவால் எங்கள் சம்பளம் குறைந்துள்ளது. இன்னும் 4 வருடத்துக்குள் வீடு (மதிப்பீடு ரூ.50 லட்சம்) வாங்கத் தகுந்த ஆலோசனை வழங்கவும். எங்களால் மாதம் ரூ.18,000 வரை சேமிக்க முடியும்.

ச.ராமலிங்கம், மியூச்சுவல் ஃபண்ட் விநியோகஸ்தர் என்.ஜே.பார்ட்னர்

‘‘சொந்த வீடு வாங்கும் முடிவை 4 வருடங்கள் தள்ளி வைக்க முடிவு செய்திருக் கிறீர்கள். 18.000 ரூபாயைப் பிரித்து ரூ.4,500 வீதம் கனரா ராபிகோ ஃப்ளெக்ஸிகேப், கோட்டக் ஸ்மால்கேப், மிரே அஸெட் ஹெல்த்கேர், ஆதித்ய பிர்லா டிஜிட்டல் இந்தியா ஃபண்டுகளில் மாத எஸ்.ஐ.பி தொடங்குங்கள். இவற்றின் மூலம் 4 ஆண்டு களில் சுமார் ரூ.11 லட்சம் கிடைக்கும். உங்கள் பெற்றோர் தரும் ரூ.14 லட்சத் தில் ரூ.8 லட்சத்தை ரூ.4 லட்சம் வீதம் இன்வெஸ்கோ டைனமிக் ஈக்விட்டி, ஹெச்.டி.எஃப்.சி பேலன்ஸ்டு அட்வான்டேஜ் ஃபண்டு களில் பிரித்து முதலீடு செய்யுங்கள். இந்த ஃபண்டு கள் மூலம் ஆண்டுக்கு 10% லாபம் எதிர்பார்க்கலாம். நான்கு வருடங்களில் ரூ.12 -15 லட்சம் கிடைக்கக்கூடும்.

மீதமுள்ள ரூ 6 லட்சத்தை எஸ்.ஐ.பி முறையில் தலா 10,000 ரூபாயை கோட்டக் ஸ்மால்கேப், டாடா டிஜிட்டல் இந்தியா, நிப்பான் இந்தியா பார்மா, எஸ்.பி.ஐ ஃப்ளெக்ஸிகேப், ஆக்ஸிஸ் புளூசிப் ஃபண்டுகளில் தொடர்ந்து முதலீடு செய்து வந்தால், 4 ஆண்டு களில் ரூ.25 லட்சம் சேரும்.

இப்படிச் செய்தால், நான்கு ஆண்டுகள் முடியும் போது உங்கள் கனவு இல்லத்தை வாங்கத் தேவை யான ரூ.50 லட்சம் இலக்கை எளிதாக அடையலாம்.’’

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism