Published:Updated:

பட்ஜெட் முதல் பர்ச்சேஸ் வரை... இன்றைய பெண்களுக்கு நிதிச் சுதந்திரம் இருக்கிறதா? சர்வே ரிப்போர்ட்

பட்ஜெட் முதல் பர்ச்சேஸ் வரை
பிரீமியம் ஸ்டோரி
பட்ஜெட் முதல் பர்ச்சேஸ் வரை

C O V E R S T O R Y

பட்ஜெட் முதல் பர்ச்சேஸ் வரை... இன்றைய பெண்களுக்கு நிதிச் சுதந்திரம் இருக்கிறதா? சர்வே ரிப்போர்ட்

C O V E R S T O R Y

Published:Updated:
பட்ஜெட் முதல் பர்ச்சேஸ் வரை
பிரீமியம் ஸ்டோரி
பட்ஜெட் முதல் பர்ச்சேஸ் வரை

பெண்கள் என்றாலே என்றாலே ஷாப்பிங் செய்வதில் நிறைய செலவு செய்வார் கள் என்பதே பலருடைய கருத்தாக இருக்கிறது. ஆனால், சிக்கனமாக இருந்து, சேமித்து, அந்தப் பணத்தைத் தகுந்த நேரத்தில் பயன்படுத்துவதில் பல பெண்கள் கில்லாடிகளாகவே இருக்கின்றனர்.

சில ஆண்டுகளுக்கு முன்பு வரை வேலைக்குச் செல்லும் பெண்களின் எண்ணிக்கை குறைவாகவே இருந்தது.ஆனால், பொருளாதார மாற்றங்கள் காரணமாகப் பெரும்பாலான குடும் பங்களில் பெண்களும் வருமானம் ஈட்டத் தொடங்கியுள்ளனர். அதனால் குடும்பங்களின் சேமிப்பு விகிதமும் அதிகரித்துள்ளது.

பட்ஜெட் முதல் பர்ச்சேஸ் வரை...  
இன்றைய பெண்களுக்கு நிதிச் சுதந்திரம் இருக்கிறதா? சர்வே ரிப்போர்ட்

எதிர்காலத்துக்கான சேமிப்பு அவசியமான ஒன்று. அதற்குப் பல வழிமுறைகள் இருந்தாலும், சேமிப்பை முதலீடாக மாற்ற தெளிவான திட்டமிடல் இருந்தால் மட்டுமே சேமிப்பின் முழுப் பயனையும் நம்மால் அடைய இயலும். ஒவ்வொரு மாதமும் எவ்வளவு தொகை சேமிக்கிறோம் என்பதைவிட எந்தெந்த வழிமுறை களில் முதலீடு செய்கிறோம் என்பதே முக்கியம். அது சரியாக இருந்தால் மட்டுமே நம்முடைய இலக்குகளை சரியாக எட்டிப் பிடிக்க உதவும்.

இந்த ஆண்டு மார்ச் 8, மகளிர் தினத்தையொட்டி, பெண்களின் சேமிப்பு / முதலீட்டுப் பழக்கமானது எப்படிப்பட்டதாக இருக்கிறது என்பதை அறிய நாணயம் விகடன் இதழின் சார்பில், விகடன் டாட்காமில் பெண்களுக்கான சர்வே ஒன்று நடத்தினோம் . இந்த சர்வேயில் பலநூறு பெண்கள் கலந்து கொண்டார்கள்.

லலிதா 
ஜெயபாலன்
லலிதா ஜெயபாலன்

இந்த சர்வேயில் கலந்துகொன்டு பதில் சொன்ன பெண்கள் ஏதோ ஒரு சேமிப்பு முறையைக் கடைப்பிடித்து வருவது ஆரோக்கியமான விஷயம் என்றே பார்க்க வேண்டும். ஆனால், பெரும்பாலான பெண்களின் நிதித் திட்டமிடலில் சின்னச் சின்ன குளறுபடிகள் இருக்கவே செய்கிறது. சேமிப்பு என்பதைத் தாண்டி, முதலீடு என்கிற அளவுக்கு அவர்கள் முன்னேற வேண்டும் வேண்டும் என்பதே இந்த சர்வேயின் மூலமாக தெளிவாக தெரிய வந்துள்ளது. பெண்களின் நிதிப் பழக்கமும், திட்டமிடலும் எப்படி இருக்க வேண்டும், என்னென்ன மாற்றங்கள் கொண்டுவரப்பட வேண்டும் என்பது குறித்து நிதி ஆலோசகர் லலிதா ஜெயபாலன் விளக்கமாக எடுத்துச் சொன்னார்.

பெண்கள் முதலீடு  சர்வே
பெண்கள் முதலீடு சர்வே

நிதிச் சுதந்திரம் இருக்கிறது...

“வேலைக்குச் செல்வதில் தொடங்கி வீட்டு பட்ஜெட், சேமிப்பு வரை வீட்டு நிதி நிர்வாகத்தில் எல்லா சுதந்திரமும் பெண்களுக்கு இருக்கிறது என்பது இந்த சர்வேயின் மூலம் தெரிந்துகொள்ள முடிகிறது.

சேமிப்பில் ஆர்வம் காட்டும் பெண்கள், சரியான வழிமுறையைத் தேர்வு செய்வதில் தவறு செய்துவிடு கிறார்கள். தற்போது இருக்கும் பொருளாதாரச் சூழலுக்கேற்ப ஸ்மார்ட்டான வழிமுறைகளைத் தேர்வு செய்வது அவசியம். உதாரணமாக, 51% பெண்கள் தங்கத்தில் முதலீடு செய்வதையே விரும்புகிறார்கள். இதற்கு காரணம், ஒரு முறை பணம் போட்டு வாங்கிவிட்டால் போதும், அதன் மதிப்பு உயர்ந்துகொண்டே இருக்கும் என்பதே அவர்களின் எண்ணமாக இருப்பதால், கிடைக்கும் பணத்தையெல்லாம் தங்கமாகவே வாங்கிவிடுகிறார்கள். வேறு முதலீட்டு முறைகள் பற்றி அவர்கள் சரிவர தெரிந்து கொள்ளாததால், தங்கத்தைத் தாண்டி அவர்கள் புதிதாக எதையும் யோசிப்பதில்லை.

தங்கத்தில் முதலீடு செய்யும்போது, செய்கூலி, சேதாரம் என்று கணிசமான தொகை வீணாகிறது. தங்கம் விலை மிகப் பெரிய அளவில் உயர்ந்திருப்பதாக நாம் நினைத் தாலும், நீண்டகாலத்தில் மிகப் பெரிய லாபம் எதுவும் தங்கம் தந்துவிடவில்லை. எனவே, தங்கத்தில் முதலீடு செய்வதைக் கூடுமானவரை தவிர்ப்பது நல்லது. உங்களது மொத்த சேமிப்புத் தொகையில் 10% மட்டும் தங்கத்துக்காக ஒதுக்கலாம். தங்கத்தில் பணம் போடுவேன் என்கிறவர்கள் மத்திய அரசு வெளியிடும் தங்கப் பத்திரங்களிலும் கோல்டு இ.டி.எஃப் ஃபண்டுகளிலும் முதலீடு செய்வது புத்திசாலித்தனம்.’’

சேமிப்பு
சேமிப்பு
முதலீடு
முதலீடு

காப்பீடுகள் கட்டாயம்...

சர்வேயின்படி மக்களிடம் இன்ஷூரன்ஸ் திட்டங்கள் பற்றிய விழிப்புணர்வு இல்லை என்பது புரிகிறது. இது உண்மையில் வருத்தமளிக்கக்கூடிய ஒன்று. குறைந்தபட்சம் ஹெல்த் இன்ஷூரன்ஸ் பாலிசிகளாவது எடுத்திருக்க வேண்டும். பெரும்பாலான வீடுகளில் கணவனின் அலுவலகத்தில் இன்ஷூரன்ஸ் இருக்கும் என்பதற்காகக் குடும்பத்தில் இருப்பவர்களுக்கு தனியாக பாலிசிகள் எடுத்திருக்க மாட்டார்கள். இதுபோன்ற குரூப் பாலிசிகளுக்கு குறைந்த அளவே கவரேஜ் கிடைக்கும். இதனால் எதிர்பாராத செலவு ஏற்பட்டு குடும்பத்தின் நிதிநிலையில் சிக்கல் வரலாம். இதைத் தவிர்க்க பெண்களின் உடல் சார்ந்த பிரச்னைகள் தொடர்பாக தனிநபர் பாலிசிகளையோ, தன்னுடன் சேர்த்து குடும்பத்தில் இருப்பவர்களுக்கும் ஃபேமிலி ஃப்ளோட்டர் பாலிசிகளையோ எடுத்துக்கொள்வது நல்லது. இதனால் குடும்பத்தின் மொத்த பாதுகாப்பையும் உறுதிசெய்து, நிதிநிலை தள்ளாட்டம் இல்லாமல் இருக்கலாம். ஹெல்த் இன்ஷூரன்ஸ் பாலிசிகள் எடுக்கும் போது டாப்அப் பாலிசிகளும் எடுத்துக் கொள்ளலாம். பாலிசி எடுக்கும்போது எந்தெந்த நோய்களுக்கு க்ளெய்ம் கிடைக்கும், நோய்களுக்கான காத்திருப்புக் காலம் என்ன என்பதைத் தெரிந்துகொள்வது அவசியம்.

மேலும், 64% பேர் டேர்ம் இன்ஷூ ரன்ஸ் எடுக்கவில்லை என்று குறிப் பிட்டிருக்கிறார்கள். டேர்ம் இன்ஷூ ரன்ஸ் எடுப்பதன் மூலம் குடும்பத்தில் வருமானம் ஈட்டும் நபரின் இறப்புக்குப் பிறகும் பொருளாதாரச் சிக்கல்கள் இல்லாமல் இருக்கலாம். இன்ஷூரன்ஸ் பாலிசிகளை இளமைக் காலத்தில் எடுப்பது நல்லது. அதிக வயதில் பாலிசி எடுக்கும்போது நீங்கள் கட்ட வேண்டிய பீரிமியம் தொகை அதிகமாக இருக்கும்.

விரும்பும் முதலீடு
விரும்பும் முதலீடு

குழந்தைகளுக்கான சேமிப்பு...

இந்த சர்வேயில் கலந்துகொண்ட 48.5% பேர் குழந்தைகளின் எதிர்காலத்துக் காகச் சேமிப்பதாகத் தெரிவித்திருந்தனர். அதேபோல், அதிகமான நபர்கள் அஞ்சலகச் சேமிப்பு, வங்கிச் சேமிப்பை விரும்புவதாகவும் கூறியுள்ளனர். இந்தச் சேமிப்புகள் மூலம் மட்டுமே எதிர்காலத் தேவைகளுக்கான பணத்தை நிச்சயம் சேர்க்க முடியாது. குழந்தைகளின் எதிர்காலத்துக்காகச் சேமிப்பவர்கள் பணவீக்கத்தை மனதில்கொண்டு சேமிக்க வேண்டும்.

பணவீக்கம் என்றால் பயப்பட வேண்டும். ஒரு உதாரணத்துடன் அதை விளக்குகிறேன். தற்போதைய நிலையில், ஒரு குழந்தையின் கல்விக் கட்டணம் ரூ.2 லட்சம் என்று வைத்துக்கொள்வோம். 15 வருடம் கழித்தும் இதே தொகைதான் செலவாகும் என்று சொல்ல முடியாது. 8 - 10% பணவீக்க விகித வளர்ச்சியில் அது இப்போதிருப்பதைப்போல ஒன்று அல்லது இரண்டு மடங் குக்குமேல் இருக்கும். ஆனால், சேமிப்புத் திட்டங் களில் கிடைக்கக்கூடிய வருமானம் இந்தப் பணவீக்க விகிதம் அளவுக்கு இருக்காது. எனவே, நாம் எவ்வளவு செலவு செய்ய வேண்டுமோ, அதைவிடக் குறைவான தொகையே நம்மிடம் இருக்கும். இதற்கு, ஆர்.டி மற்றும் ஃபிக்ஸட் டெபாசிட்டுகளில் பணம் சேர்க்கத் தொடங்கும்போதே, பங்குச் சந்தை சார்ந்த முதலீட்டுத் திட்டங்களிலும் முதலீடு செய்ய ஆரம்பிக்க வேண்டும்.

குழந்தைகளின் படிப்புக் காக இன்ஷூரன்ஸ் திட்டங் களைத் தேர்வுசெய்வது சரியானதல்ல. நிறுவனங் களின் பெயர் பார்த்தோ, திட்டங்களின் பெயர் பார்த்தோ முதலீட்டைத் தேர்வு செய்யாமல், எப்படிப் பட்ட வருமானம் கிடைக்கும் என்று பார்த்து தேர்வுசெய்வது அவசியம்.

தேவை
தேவை
அதிகாரம்
அதிகாரம்

பொறுப்புகளைக் கையில் எடுங்கள்...

நிதி சார்ந்த விஷயங்கள் என்றாலே குடும்பத்தில் இருக்கும் ஆண்கள் சார்ந்த விஷயம் என்று ஒதுங்காமல், குடும்ப பட்ஜெட் போடுவதில் தொடங்கி, சேமிப்பு, முதலீடு என எல்லாவற்றையும் கணவன், மனைவி இருவரும் சேர்ந்து செய்வதை வழக்க மாகக் கொள்ளுங்கள். உங்களின் குடும்ப வருமானத் தில் குறைந்தது 10 சதவிகித மாவது முதலீடு செய்யுங்கள். ஒவ்வொரு மாதமும் முதலீட்டுக்கான தொகையை எடுத்து வைத்துவிட்டு குடும்ப பட்ஜெட்டைப் போடுங்கள். இந்த சர்வேயில் கலந்துகொண்ட பெண்களில் 33% பேர் குடும்ப பட்ஜெட்டே போடு வதில்லை என்று சொல்லி யிருக்கிறார்கள். இது மிக மிகத் தவறான பழக்கம். குடும்பத்தின் நிதிநிலையை உயர்த்த பட்ஜெட் போட்டு செலவழிப்பது மிகவும் அவசியம்.

கணவன், மனைவி என இருவரும் சேமிக்கும்பட்சத்தில் இருவரும் சேர்த்து வங்கியில் ஒரு ஜாயின்ட் அக்கவுன்டைத் ஆரம்பியுங்கள். அதில் மாதந்தரச் செலவுக்கான தொகையை இருவரும் பிரித்துப் போட்டுவிட வேண்டும். அந்த அக்கவுன்டிலிருந்து வீட்டு வாடகை தொடங்கி எல்லா செலவுகளுக்கான பணத்தை அதிலிருந்து மட்டும் செலவு செய்யுங்கள். மீதமுள்ள பணத்தை ஒரு நிதி ஆலோசகரின் வழிகாட்டுதலின்படி முதலீடு செய்யத் தொடங்குங்கள்.

கற்றுக் கொள்ளுங்கள்...

எங்களுக்குத் தெரிந்ததெல்லாம் தங்கம் வாங்குவது, வீடு, மனை வாங்குவது தான் என்று உங்களை நீங்களே சுருக்கிக் கொள்ளாதீர்கள். எந்தவிதமான முதலீடாக இருந்தாலும், அது நமக்கெல்லாம் தெரியாது, புரியாது என்று நினைக்காமல், எல்லாவிதமான முதலீட்டுத் திட்டங்கள் பற்றியும் பெண்கள் கற்றுக்கொள்ளத் தொடங்க வேண்டும்.

எல்லா முதலீட்டுத் திட்டங்கள் பற்றிய தகவல்களும் இணையத்தில் கிடைக்கின்றன. பல்வேறு வேலைப் பளுவுக்கு இடையே தினமும் 10 நிமிடம் ஒதுக்கினால் போதும், நீங்கள் செய்த முதலீடு எப்படிச் செயல்படுகிறது என்பதை உங்களால் நன்றாகத் தெரிந்து கொள்ள முடியும். உங்கள் முதலீடுகள் குறித்து உங்களுக்கு வரும் சந்தேகங்களை முதலீட்டு ஆலோசகரிடம் கேட்டு, தெளிவடையத் தயங்காதீர்கள். முதலீட்டுத் திட்டங்களைக் கையில் எடுத்தால் மட்டுமே எதிர்காலத் தேவை களுக்கான பணத்தை உங்களால் சேர்க்க முடியும். ஆரம்பத்தில் மியூச்சுவல் ஃபண்டுகளில் அதிக பணம் போடப் பிடிக்கவில்லை எனில், சில ஆயிரங்களை மட்டும் முதலீடு செய்து பார்க்கலாம். அதன் ஏற்ற இறக்கங்களைத் தெளிவாகப் புரிந்துகொண்டு விட்டால், நீங்கள் பணவீக்கத்தைவிட அதிக வருமானம் தராத எந்த முதலீட்டையும் நீங்கள் நாடிச் செல்ல மாட்டீர்கள்’’ என்றார் லலிதா ஜெயபாலன்.

பெண்கள் தங்களின் முதலீட்டு அணுகுமுறையை இந்த மகளிர் தினத்தின்போது அவசியம் மாற்றிக்கொள்ள வேண்டும்!

இன்ஃபோகிராபிக்ஸ்: எம்.மகேஷ்

அவசர நிதிக்காக 5% ஒதுக்கீடு!

புவனா, பணியாளர்

புவனா
புவனா

“எங்க வீட்டில் மாமனார் மாமியார், குழந்தைகள் உட்பட எல்லாருக்கும் ஹெல்த் இன்ஷூரன்ஸ் எடுத்திருக்கோம். அதனால் எதிர்பாராத மருத்துவச் செலவுகள் பற்றி பயமின்றி இருக்க முடிகிறது. மேலும், அவசர நிதிக்காக மாத வருமானத்தில் இருந்து 5% தொகையை ஒதுக்குகிறோம். குழந்தைகளின் படிப்பு மற்றும் திருமணத்துக்காக முதலீடு களையும் தொடங்கியுள்ளோம். அதனால் சரியான திட்டமிடலுடன் கடன் தொல்லை இன்றி வாழ முடிகிறது.”

ஷோபனா
ஷோபனா

பட்ஜெட் பிளானிங்..!

ஷோபனா, இல்லத்தரசி.

“எங்கள் வீட்டில் வீட்டு பட்ஜெட்டை கணவன் மனைவி ரெண்டு பேரும் சேர்ந்து குழந்தைகளின் முன்னிலையில்தான் போடுறோம். ஒவ்வொரு மாதமும் குடும்ப வருமானத்தில் 30% தொகையைச் சேமிப்புக்காக ஒதுக்குகிறோம். குழந்தைகளின் எதிர்காலத்துக்காகச் சேமிப்பதால், மியூச்சுவல் ஃபண்டில் நீண்டகால திட்டங்களில் முதலீடு செய்துள்ளோம். வருட சேமிப்பில் 10% தொகையை தங்க நாணயத்துக்காகவும் ஒதுக்குகிறோம்.”

ஜெனிட்டா
ஜெனிட்டா

கடன் வாங்கிக் குவிப்பதில்லை..!

ஜெனிட்டா, இல்லத்தரசி.

“நான் இல்லத்தரசி என்பதால், ஒருவருடைய வருமானத்தில் தெளிவான திட்டமிடலில் செயல்படுகிறேன். கிரெடிட் கார்டு இருக்கிறது. ஆனால், தேவையில்லாத கடன்களை வாங்கிக் குவிப்பதில்லை. மாதச் சம்பளத்தில் 10% தொகையைச் சேமிப்புக்காகவும் 5% தொகையை அவசரத் தேவைகளுக்காகவும் ஒதுக்குகிறேன்.

அஞ்சலகச் சேமிப்பு, வங்கிச் சேமிப்பு என்பதே இப்போதைய திட்டமிடலாக இருக்கிறது. மியூச்சுவல் ஃபண்ட் முதலீடுகள் பற்றி ஆன்லைனில் படித்துத் தெரிந்துகொண்டு இருக்கிறேன். விரைவில் சேமிப்புப் பழக்கத்தை முதலீடாக மாற்றும் திட்டம் இருக்கிறது.”