Published:Updated:

பணப் பிரச்னையைத் தவிர்க்க ஆறு வழிகள்..! சுலபமாகப் பின்பற்றலாம்...

நிதிச் சுதந்திரம்
பிரீமியம் ஸ்டோரி
நிதிச் சுதந்திரம்

P E R S O N A L F I N A N C E

பணப் பிரச்னையைத் தவிர்க்க ஆறு வழிகள்..! சுலபமாகப் பின்பற்றலாம்...

P E R S O N A L F I N A N C E

Published:Updated:
நிதிச் சுதந்திரம்
பிரீமியம் ஸ்டோரி
நிதிச் சுதந்திரம்

வி.விஸ்வநாத், துணை நிர்வாக இயக்குநர், மேக்ஸ் லைஃப்

இன்ஷூரன்ஸ்இன்றைக்கு 40 வயதைத் தாண்டியவர்கள் அனைவரும் அதிகம் சிந்திக்கும் விஷயம், நிதிச் சுதந்திரம். ஒருவர் தனது செலவுகளை நீண்டகாலத்துக்கு மேற்கொள்ள போதுமான நிதி ஆதாரத்தைப் பெற்றிருப்பதுதான் நிதிச் சுதந்திரம். எந்தவொரு நிதிச் சார்ந்த இலக்கையும் விட்டுத் தராமல் அத்தனை தேவை களையும் சுலபமாக மேற்கொள்ளும் நிலையை நிதிச் சுதந்திர நிலை எனலாம். ஒருவர் நிதிச் சுதந்திரத்தை சுலபமாக அடைய கீழ்க் கண்ட ஆறு வழிகள் உதவும்.

வி.விஸ்வநாத் 
துணை 
நிர்வாக 
இயக்குநர், 
மேக்ஸ் லைஃப் 
இன்ஷூரன்ஸ்
வி.விஸ்வநாத் துணை நிர்வாக இயக்குநர், மேக்ஸ் லைஃப் இன்ஷூரன்ஸ்

1. இளமையில் முதலீடு...

இளமையில் கல்வி என்பது போல் இளமையில் முதலீடு என்பதும் மிக முக்கியம். நிதிச் சுதந்திரத்தை அடைய சீக்கிரமாகவே அதாவது, இளமை யிலே முதலீட்டை ஆரம்பித்தால் முதலீடு செய்ய வேண்டிய தொகை மிகவும் குறைவாக இருக்கும். மேலும், தொகுப்பு நிதி என்பது அதிகமாக கிடைக்கும்.

2. நீண்டகால முதலீடு...

உங்களின் முதலீடு நீண்ட காலத்துக்கானது என்று இருந்தால், முதலீட்டில் ரிஸ்க் எடுத்து பங்குச் சந்தை, பங்குச் சந்தை சார்ந்த மியூச்சுவல் ஃபண்டுகளில் முதலீடு செய்ய முடியும். அப்படிச் செய்யும் பட்சத்தில் நீண்டகாலத்தில் ரிஸ்க் பரவலாக்கப்பட்டு, நல்ல வருமானம் கிடைக்க வாய்ப்பிருக்கிறது. இது உங்களின் நிதி இலக்குகளை முழுமையாக நிறைவேற்ற உதவுவதாக இருக்கும்.

பணப் பிரச்னையைத் தவிர்க்க 
ஆறு வழிகள்..! சுலபமாகப் பின்பற்றலாம்...

3. முதலீடுகளை நிதி இலக்குகளுடன் இணையுங்கள்...

உங்களின் முதலீடுகளை உங்களின் நிதி இலக்குகளுடன் (financial goals) இணைக்கவில்லை எனில், நிதிச் சுதந்திரத்தை அடைவது கஷ்டமாகும். சொந்த வீடு வாங்குதல், பிள்ளைகளின் கல்வி மற்றும் கல்யாணச் செலவுகள், ஓய்வுக்கால செலவுகள் போன்றவை முக்கிய நிதி இலக்குகளாகும்.

நிதி ஆலோசகரின் உதவியுடன், ஒவ்வொரு நிதி இலக்குக்கும் எதிர்காலத்தில் எவ்வளவு தொகுப்பு நிதித் தேவை என்பதை முடிவு செய்ய முடியும். அதற்கேற்ப முதலீடுகளை மேற்கொள்ள முடியும். நிதி இலக்கு களை நிறைவேற்ற ஒருவரின் வருமானம், ரிஸ்க் எடுக்கும் திறன், வயது ஆகியவற்றின் அடிப்படையில் வங்கி எஃப்.டி, கடன் ஃபண்டுகள், பங்குச் சந்தை சார்ந்த முதலீடுகள் (நிறுவனப் பங்குகள், ஈக்விட்டி ஃபண்டுகள்) போன்றவற்றைத் தேர்வு செய்து முதலீடு செய்து வர முடியும்.

4. நிதி இலக்குகளைப் பாதுகாக்கும் ஆயுள் காப்பீடு பாலிசிகள்...

ஆயுள் காப்பீடு பாலிசிகள் நிதிச் சுதந்திரத்துக்குப் பாதுகாப்பு வளைய மாகச் செயல்படுகின்றன. குடும்பத் தில் வருமானம் ஈட்டும் நபர் இல்லை என்கிறபோது, குடும்ப உறுப்பினர்கள் நிதிச் சிக்கல்களிலிருந்து பாதுகாப்பது ஆயுள் காப்பீடாகும். ஆயுள் காப்பீட் டில் பலவகை உள்ளன என்றாலும், டேர்ம் இன்ஷூரன்ஸ் குறைந்த பிரீமி யத்தில், அதிக கவரேஜ் அளிக்கின்றன. நிதிச் சுதந்திரத்தை அடையும் நிலையில் வருமானம் ஈட்டும் நபருக்கு ஏதாவது அசம்பா விதம் ஏற்பட்டால் டேர்ம் இன்ஷூரன்ஸ் குடும்பத் தினருக்குக் கைகொடுக்கும்.

5. ஓய்வுக்காலத் திட்டமிடலில் கவனம்...

தற்போதைய வாழ்க்கை முறையை ஓய்வுக்காலத்திலும் தொடர மற்றும் விலைவாசி உயர்வைச் சமாளிக்க ஓய்வுக்காலத் திட்டமிடலில் கூடுதல் கவனம் செலுத்துவது அவசியமாகும். ஓய்வுக்காலத்தில் தொடர்ச்சியான வருமானம் வருவதற்கான ஏற்பாடு களை முன்கூட்டியே செய்து கொள்வது அவசியம்.

6. குறிப்பிட்ட இடைவெளியில் நிதி நிலையை ஆராய்வது அவசியம்...

நிதிச் சுதந்திரத்தை அடைய குறிப்பிட்ட இடைவெளியில் நிதி நிலையைத் தொடர்ச்சியாக ஆராய்வது அவசியம். அஸெட் அலொகேஷன்படி, பல்வேறு முதலீடுகளில் பணத்தைப் பிரித்து முதலீடு செய்வது நல்லது. வரிச் சலுகைக்கான முதலீடுகள், நீண்ட கால இலக்குகளுக்கான முதலீடுகள் ஆகியவற்றைத் தொடர்ந்து ஆராய்ந்து தேவைக்கேற்ப மாற்றங்களை மேற்கொள்வது நல்லது.