Published:Updated:

நிதிநிலையை மேம்படுத்த கடைப்பிடிக்க வேண்டிய 10 வழிமுறைகள்..! பணச் சிக்கலைச் சமாளிக்கலாம்...

P E R S O N A L F I N A N C E

பிரீமியம் ஸ்டோரி

நவீன் சந்தானி, எம்.டி & சி.இ.ஓ, CRIF Highmark

இந்த கொரோனா பெரும் தொற்று, முன்பைவிட நிதி நிலைத்தன்மையில் (financial stability) கூடுதல் கவனம் செலுத்துவதற்கான தேவையை உருவாக்கியிருக்கிறது. முடிந்த 2020–ம் ஆண்டு ஒரு சவாலான ஆண்டாக இருந்தது. மக்களை அவசரகால நிலையைச் சமாளிக்க சிறப்பாக தயாராவது பற்றிய மறு சிந்தனையை உருவாக்கியிருக்கிறது. நிதி நிலைத்தன்மை, எந்தவொரு நிதிச் சிக்கல் வந்தாலும் அதைச் சமாளிக்கும் திறனைப் பெற்றிருப் பதைக் குறிப்பதாக உள்ளது.

நவீன் சந்தானி 
எம்.டி & சி.இ.ஓ, 
CRIF Highmark
நவீன் சந்தானி எம்.டி & சி.இ.ஓ, CRIF Highmark

நிதி நிலைத்தன்மை என்பது அனைத்துத் தனிநபர்களுக்கும் மிக முக்கியமானதாகும். எதையும் விட்டுக் கொடுக்காமல் வாழ்க்கை நிதி இலக்குகளை அடைவது முக்கியமானதாக உள்ளது. நிதிக் கவசம் (financial shield) என்கிற காப்பீடு, வாழ்க்கை இலக்குகளை அடைய உதவி செய்வதுடன், எதிர்பாராத சூழ்நிலையில் தனிநபர்கள் மற்றும் குடும்பத்தினரைப் பாதுகாப்பதாக உள்ளது.

தற்போதைய கொரோனா பரவல் இரண்டாம் நிலையில் நிச்சயமற்ற நிலையைக் கருத்தில்கொண்டால், நிதி ஸ்திரத்தன்மையை நோக்கிய வலுவான பார்வை தேவையாக இருக்கிறது.

நிதிநிலை...
நிதிநிலை...

சரியான நிதித் திட்டமிடல் அவசியம்...

பல ஆண்டுகளாக, நிதித் திட்டமிடல் குறித்த தேவை அதிகரித்து வருகிறது, ஏனெனில், நிதித் நிலைத்தன்மையை உருவாக்கு வதில் நிதித் திட்டமிடல் முக்கிய அம்சமாக இருப்பதாகும். நீண்டகாலமாக, பெரும்பான்மை யான இந்தியர்கள் தங்கள் சேமிப்பு களை வங்கிக் கணக்குகளில் வைத்திருக்கிறார்கள் அல்லது தங்கம் மற்றும் ரியல் எஸ்டேட் போன்ற பிசிக்கல் சொத்துகளில் முதலீடு செய்து வருகிறார்கள்.

சமீப காலமாக வெவ்வேறு முதலீட்டுத் திட்டங்கள் மற்றும் டிஜிட்டல் வழி முதலீடுகள் பற்றிய விழிப்புணர்வு அதிகரித்து வருகிறது. இதனால் சிறந்த வருவாய் தரும் நிறுவனப் பங்குகள், மியூச்சுவல் ஃபண்டுகள் மற்றும் பங்குச் சந்தை சார்ந்த பிற திட்டங்களில் முதலீடு செய்து வருகிறார்கள்.

ஒரு சமச்சீர் போர்ட்ஃபோலியோ (balanced portfolio) என்பது நிறுவனப் பங்குகள், பங்குச் சந்தை சார்ந்த திட்டங்கள் மற்றும் நிலையான வருமானம் தரும் திட்டங்களில் கலந்து முதலீடு செய்வதன்மூலம் ரிஸ்க் குறைக்கப்பட்டு, அதிக வருமானம் கொடுப்பதாக இருக்கிறது. இது போன்ற சொத்துகளைப் பிரித்து முதலீடு செய்யும் அஸெட் அலொகேஷன் உத்தி, நிதி நிலைத்தன்மையை உருவாக்குவதில் முக்கியமானதாக உள்ளது.

வாழ்க்கையின் வெவ்வேறு நிலை இலக்குகளை பூர்த்தி செய்வதற்கான நிதி நிலைத்தன்மை அதிகரித்துவரும் பணவீக்கம் மற்றும் உயரும் வாழ்க்கைச் செலவுகள் நிதித் திட்டமிடலில் முக்கிய காரணிகளாக இருக்கின்றன. நிதிக் கடமைகளான பிள்ளைகளின் உயர் கல்வி மற்றும் திருமணம், ஓய்வுக்காலம், சொந்தமாகத் தொழில் தொடங்குவது, முன்கூட்டியே பணி ஓய்வு பெறுவது போன்றவற்றை எளிதில் நிறைவேற்ற நிதி நிலைத்தன்மை தேவைப்படுகிறது.

முதல்கட்டமாக, வாழ்க்கையின் வெவ்வேறு நிலைகளுக்குத் தெளிவான மற்றும் வரையறுக்கப்பட்ட தனித்தனி நிதி இலக்குகளை வைத்திருப்பது அவசியம். உங்கள் முதலீடுகள் அனைத்தையும் மதிப்பீடு செய்ய ஆண்டுக்கு ஒருமுறை குறிப்பிட்ட நேரத்தை ஒதுக்குங்கள். மேலும், உங்கள் வாழ்க்கையின் வெவ்வேறு காலகட்டங் களுக்கு ஏற்ப உங்கள் நிதித் திட்டமிடல் அணுகுமுறையை மாற்றி அமைக்க வேண்டும். நிதி இலக்குகளைக் குறுகியகால இலக்கு, நடுத்தரக் கால இலக்கு, நீண்டகால இலக்கு எனப் பிரித்துக்கொண்டு அதற்கு ஏற்ப முதலீட்டைத் திட்டமிட வேண்டும். உங்கள் குழந்தைகளின் உயர்க்கல்விக்கான முதலீடு, ஓய்வூதியத் தொகுப்பு நிதியை உருவாக்குவது எனப் பல நிதி இலக்குகள் இருக்கும்.

நிதி நிலைத்தன்மையை வலிமை யாக்கும் எளிய வழிகள்...

உங்கள் நிதி வாழ்க்கைச் சுழற்சியில் நீங்கள் எந்த இடத்தில் இருந்தாலும் உங்கள் நிதி இலக்கு களை சரியாக நிறைவேற்றவும், சிறந்த நிதி நிலைத்தன்மையை அடைய உதவும் 10 டிப்ஸ்கள் இனி...

1. உங்களின் சம்பளத்தின் ஒரு பகுதியை மாதம்தோறும் தொடர்ந்து சேமிப்பு மற்றும் முதலீட்டுக்கு என ஒதுக்கும் பழக்கத்தை மேற்கொண்டு வாருங்கள். இப்படிச் செய்யும் போது நீண்டகாலத்தில் உங்களால் மிகச் சுலபமாக உங்களின் நிதி இலக்குகளை அடைய முடியும்.

2. நிதி இலக்குகளை நிறை வேற்றுவதற்கான முதலீட்டை இளமையிலேயே எவ்வளவு சீக்கிரமாக ஆரம்பிக்க முடியுமோ, அவ்வளவு சீக்கிரமாக ஆரம்பி யுங்கள். இப்படி இளமையிலேயே முதலீட்டை ஆரம்பிக்கும்போது முதலீட்டுத் தொகை குறைவாக இருப்பதுடன், தொகுப்பு நிதி பெரிதாக உருவாகும்.

3. மாத வரவு - செலவு திட்டத்தை (budget) உருவாக்கி, உங்களின் அனைத்துச் செலவு களையும் அலசி ஆராய்ந்து அவை அவசியம்தானா என்பதை அறிந்து செலவு செய்யுங்கள். இதன் மூலம் தேவையில்லாத செலவுகள் தானாகவே குறைந்து விடும். பட்ஜெட்படி செலவு செய்யும்போது, சேமிப்புத் தொகை தானாக உயர்வதுடன், தேவை இல்லாமல் கடன் வாங்கு வதும் தவிர்க்கப்படும்.

4. அப்படியே கடன் வாங்கும் சூழ்நிலை ஏற்பட்டாலும் உங்களின் திரும்பச் செலுத்தும் திறனை மனதில் கொண்டு கடன் தொகை மற்றும் மாதத் தவணையை நிர்ணயம் செய்வது நல்லது. உங்கள் நிதி ஆரோக் கியத்தை (financial health) தொடர்ந்து நல்லவிதமாகப் பராமரிக்க குறிப்பிட்ட இடை வெளியில் உங்களின் கிரெடிட் ஸ்கோர் மற்றும் கிரெடிட் ரிப்போர்ட்டுகளைக் கவனித்து வாருங்கள். இவற்றைப் பல நிறுவனங்கள் இலவசமாக அளித்து வருகின்றன.

5. கிரெடிட் கார்டுகளைப் பயன்படுத்தி பொருள்களை வாங்குவதில் தவறில்லை. அவற்றுக்கான தவணையை சரியான தேதியில் செலுத்தி வருவது அவசியம். அந்தப் பழக்கம் உங்களிடம் இல்லை எனில், கிரெடிட் கார்டு பக்கம் போக வேண்டாம்.

6. வருமானம் ஈட்டுகிற சொத்துப் பிரிவுகளில் (ஃபிக்ஸட் டெபாசிட், கடன் ஃபண்டுகள், ஈக்விட்டி ஃபண்டுகள் மற்றும் ஈக்விட்டி மியூச்சுவல் ஃபண்டுகள் போன்றவை) முதலீடு செய்து வரவும்.

7. உங்களின் முதலீட்டுக் கலவை (portfolio), உங்களின் நிதி இலக்குகள் மற்றும் ரிஸ்க் எடுக்கும் திறனுக்கேற்ப சமச்சீராக இருப்பதை உறுதி செய்துகொள்ளுங்கள்.

8. வழக்கமான சேமிப்பு மற்றும் முதலீடு தவிர்த்து அவசரகாலச் செலவுக்கு என உங்களின் மாதச் செலவை போல் 3 முதல் 6 மடங்கு தொகையைச் சேர்த்து வைக்கவும்.

9.எப்போதும் நல்ல கிரெடிட் ஸ்கோரைப் பராமரித்து வரவும். அப்போது தான் வாழ்க்கையின் ஒவ்வொரு நிலை யிலும் தேவைப்படும் கடன்களை சுலபமாகவும் குறைந்த வட்டியிலும் வாங்க முடியும்.

10. வருமானம் ஈட்டும் நபரின் பெயரில் அவரின் ஆண்டு வருமானத்தைப்போல, 10-15 மடங்கு தொகைக்கு டேர்ம் பிளான் ஆயுள் காப்பீடு பாலிசி எடுத்துக் கொள்ளுங்கள். ஒட்டுமொத்தக் குடும்பத் துக்கும் மருத்துவக் காப்பீடு எடுத்துக் கொள்ளுங்கள்.

புகழ்பெற்ற பழமொழி ஒன்று, ‘முன்னேறுவதற்கான ரகசியம், அதைச் செயல்படுத்த ஆரம்பிப்பதாகும்’ என்கிறது. அதேபோல், மக்கள் பெரும் பாலும் தங்கள் பணத்தை நிர்வகிப்பதில் ஆரம்பத்தில் கஷ்டப்படுகிறார்கள்.

ஆனால், இன்றைய தொழில்நுட்பக் காலத்தில் தானியங்கி முறையில் முதலீடு (உதாரணம், ரெக்கரிங் டெபாசிட் – ஆர்.டி, சிஸ்டமேட்டிக் இன்வெஸ்ட் மென்ட் பிளான்- எஸ்.ஐ.பி) செய்ய முடிகிறது. மேலும், அதைப்போல் கடன்களையும் தானியங்கி முறையில் (உதாரணம், மாத தவணை - இ.சி.எஸ் முறை) செலுத்த முடிகிறது.

தொழில்நுட்பம் பணத்தை நிர்வகிப்பதை சுலபமாக்கி யிருக்கிறது. கடந்த 2020-ம் ஆண்டு கொரோனா பாதிப்பு நமக்கு நல்ல பல படிப்பினைகளை ஏற்படுத்திக் கொடுத்திருக்கிறது. குறுகிய காலம் முதல் நீண்டகாலத்தில் நல்ல வருவாயைப் பெறுவதற்கு நிதி நிலைத்தன்மை முக்கியமானதாக இருக்கிறது. அது பண நிர்வாகத்தையும் எளிமை ஆக்குகிறது என்பதைப் புரிந்து கொள்ளுங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு