Published:Updated:

செலவு விஷயத்தில் எது சிக்கனம், எது கஞ்சத்தனம்..? வாசகர்களின் கலகல கமென்ட்ஸ்

சிக்கனம்
பிரீமியம் ஸ்டோரி
சிக்கனம்

I N T E R A C T I O N

செலவு விஷயத்தில் எது சிக்கனம், எது கஞ்சத்தனம்..? வாசகர்களின் கலகல கமென்ட்ஸ்

I N T E R A C T I O N

Published:Updated:
சிக்கனம்
பிரீமியம் ஸ்டோரி
சிக்கனம்

சிக்கனத்துக்கும் கஞ்சத் தனத்துக்கும் நூலிழை அளவுதான் வித்தியாசம். சிலர் சிக்கனமாக இருக் கிறேன் என்று கஞ்சத்தனமாக இருந்துவிடுகிறார்கள். உங்கள் பார்வையில் எது சிக்கனம், எது கஞ்சத்தனம் சொல்லுங்க மக்களே!” என்று நாணயம் விகடன் ஃபேஸ்புக் (https://www.facebook. com/NaanayamVikatan) மற்றும் டிவிட்டர் (https://twitter.com/ NaanayamVikatan) பக்கங் களில் கேட்டிருந்தோம். இதற்கு நம்ம வாசகர்கள் பதிவிட்டிருக்கும் நகைச்சுவை கலந்த பதில்கள் எல்லாம் வேற லெவல்..!

“தேவைக்கு ஏற்ப செலவு பண்ணி மிச்சம் புடிச்சு, சேமிச்சு முன்னேறுனா அது சிக்கனம்; தேவையறிந்தும் செலவு பண்ணாம கையில காச இருக்கிப் புடிச்சிகிட்டே திரியுறது கஞ்சத்தனம்”னு திருவள்ளுவர் கணக்கா ரெண்டே வரியில நச்சுன்னு சொல்லிருக்காரு சுரேஷ் நந்தகுமார்.

“இருப்பதை வைத்து சொந்தக் காரனுக்கு வீட்டில் சாப்பாடு போட்டால் சிக்கனம். வீட்டுக்கு, சொந்தக்காரனே வரக்கூடாதுன்னு நினைக்கிறது கஞ்சத்தனம்”னு புது டெஃபனிஷன் குடுத்திருக்காரு கார்த்திக். பை த பை, இது உங்க கண்டுபிடிப்பு இல்லையே!

“ஞாயிற்றுக்கிழமை கறி எடுக்காமல் சோறு சாப்பிடுவது சிக்கனம். சோறே சாப்பிடாமல் இருப்பவன் கஞ்சன். அதே மாதிரி, ஹனிமூனுக்கு வெளிநாடு செல்லாமல் ஊட்டி, கொடைக்கானல் போனால் சிக்கனவாதி. ஹனிமூன் போனாலே செலவாகும் என தான் மட்டும் போவது கஞ்சத்தனம்”னு அடுக்கி யிருக்காரு பிரசன்ன நாராயணசாமி. அதுசரி... தனியா எப்படி சாமி ஹனிமூன் போக முடியும்?

சிக்கனம்
சிக்கனம்

“ஊதாரித்தனமா செலவழிக்காத எல்லாரையும் கஞ்சன்னுதான் சொல்லும் இந்த உலகம்”னு புலம்பி யிருக்காரு முத்துராமன். முத்துஜி, எங்க இந்த ஒலகம் நம்மளை புரிஞ்சுக்குது..?

“பழைய சட்டையை அணிவது சிக்கனம். கிழிந்த பின்னும் அணிந் தால், அது கஞ்சத்தனம்.ஹோட்டல் களில் சாப்பிடாமல் இருப்பது சிக்கனம். வீட்டில் உணவுக்கு கணக்கு பார்த்தால் கஞ்சத்தனம்”னு சொல்லியிருக்காரு சிவ ஆனந்தன். அடடே, சூப்பர் விளக்கம்மா..!

“தினமும் டிபன் இட்லி, தோசை, உப்புமானு சாப்பிட்டு வாழ்க்கையை ஓட்றது சிக்கனம். ஆனால், அந்த டிபனுக்கும் மதியம் மீதியுள்ள குழம்பையும் பழைய சட்னியையும் வைக்கிறது கஞ்சத்தனம்”னு கமென்ட் பண்ணிருக்காங்க வாணி. புதுசா கொழம்பு வைக்கிறதுக்கு பதில் பழைய கொழம்பை வச்சி ஓட்றது கஞ்சத்தனம் இல்ல மேடம்; சோம்பேறித்தனம்!

“பிள்ளை கடையில் டைரி மில்க் கேட்டு, கடலை மிட்டாய் வாங்கி கொடுத்தால்... அது சிக்கனம்; ஆரோக்கியத்தில் அக்கறை. அதுவே பிள்ளை கேட்டும் வாங்கித் தராமல் இருந்தால் அது கஞ்சம்”னு சொல்லி யிருக்கிறார் ஜீவா. சூப்பர்ஜி..!

“அவசியத் தேவைகளுக்குச் செலவழித்து, ஆடம்பர செலவுகளைக் குறைத்து, சேமிப்பது சிக்கனம். அவசியத் தேவைகளுக்கும் செலவழிக் காமல் சேமிப்பது கஞ்சத்தனம்”னு சொல்லியிருக்காங்க நிவி. கரெக்ட்டு, ஆனா, உங்க பேர்ல ஏன் கஞ்சத்தனம்?

“படம் பார்க்க ஹாட் ஸ்டாரை சப்ஸ்கிரைப் பண்ணிருந்தா அது சிக்கனம். அதுவே நெட் ஃப்ளிக்ஸை சப்ஸ்கிரைப் பண்ணிருந்தா, அது ஆடம்பரம். எதுவுமே பண்ணலன்னா அது கஞ்சத்தனம்”னு பட்டையைக் கிளப்பியிருக்காரு அருண்குமார். ஆத்தீ... இது என்ன புதுசா இருக்கு!

“பாக்கெட்ல பத்து ரூபா இருந்தா சிக்கனம். பத்து ரூபாய் வச்சிகினே பத்து ரூபாய் கடன் வாங்கினா, அது கஞ்சத்தனம்”னு சொல்லிருக்காங்க அன்புச்செல்வி. நீங்க ஃபைனான்ஸ் புலியா இருப்பீங்க போல இருக்கே!

இப்ப எல்லாருக்கும் புரிஞ்சுதா, எது சிக்கனம், எது கஞ்சத்தனம்னு..!