Published:Updated:

நிதித் திட்டமிடல்... தவறான நம்பிக்கைகள், சரியான விளக்கங்கள்!

நிதித் திட்டமிடல்
பிரீமியம் ஸ்டோரி
நிதித் திட்டமிடல்

நிதித் திட்டமிடல்

நிதித் திட்டமிடல்... தவறான நம்பிக்கைகள், சரியான விளக்கங்கள்!

நிதித் திட்டமிடல்

Published:Updated:
நிதித் திட்டமிடல்
பிரீமியம் ஸ்டோரி
நிதித் திட்டமிடல்

நிதித் திட்டமிடல் (Financial Planning) செய்து செல்வம் சேர்த்த ஒருவர், தன் வாழ்நாள் முழுக்க நிம்மதியாக இருப்பார். இந்த நிம்மதி என்பது அவருக்கு வாழ்க்கையில் அடுத்தடுத்த வெற்றிகளைப் பெற நிச்சயம் உதவும். நிதித் திட்டமிடல் குறித்து நம்மிடையே பல தவறான நம்பிக்கைகள் (Myths) நிலவுகின்றன. அவற்றுக்கான சரியான விளக்கங்களைப் பார்ப்போம்.

சிவகாசி மணிகண்டன்  
நிதி ஆலோசகர், 
Aismoney.com
சிவகாசி மணிகண்டன் நிதி ஆலோசகர், Aismoney.com

தவறான நம்பிக்கை 1: நிதித் திட்டமிடல் என்பது சேமிப்பு மற்றும் முதலீடுதான்...

விளக்கம்: பலரும் இப்படித்தான் நினைத்துக் கொண்டிருக்கிறார்கள். ஒருவரின் குடும்பத் தைப் பாதுகாக்கும் காப்பீட்டு பாலிசிகள் எடுப்பது, முதலீட்டு மீதான ரிஸ்க்கைக் குறைக்க பல்வேறு சொத்துப் பிரிவுகளில் பணத்தைப் பிரித்துப் போடுவது (Asset Allocation), வருமான வரியை மிச்சப்படுத்துவது, நிதி இலக்குகளை நிறைவேற்றத் தேவையான திட்டத்தை உருவாக்குவது எனப் பல விஷயங்கள் நிதித் திட்டமிடலில் அடங்கும். அது வெறும் சேமிப்பு அல்லது முதலீடு தொடர்பான விஷயங்கள் மட்டுமே அல்ல.

தவறான நம்பிக்கை 2: குடும்ப பட்ஜெட் போட்டு செலவு செய்வதால் நிதித் திட்டம் தேவையில்லை..!

விளக்கம்: குடும்ப பட்ஜெட் மற்றும் நிதித் திட்டத்துக்கு இடையே நிச்சயமாக சில ஒற்றுமைகள் இருக்கக்கூடும். அந்த வகையில் இரண்டும் ஒன்று என நினைத்து சிலர் குழம்பிவிடுகிறார்கள். நிதித் திட்டம் என்பது குடும்ப பட்ஜெட்டைவிட ஒருபடி மேலானதாகும். குடும்ப பட்ஜெட்டில் அவசியச் செலவுகள், ஆசைக்கான செலவுகள் மற்றும் எதிர்காலத் தேவைக்கான சேமிப்பு என வருமானம்/ சம்பளத்தை முறையே 50%, 30% மற்றும் 20% எனப் பிரித்து செலவு/ முதலீடு செய்வதற்கான வழிகளை ஏற்படுத்துகிறது. மேலும், உங்கள் செலவுகள் மற்றும் சேமிப்புப் பழக்கங்களைக் கண்காணிக்கும் வகையில் குடும்ப பட்ஜெட் வடிவமைக்கப்பட்டிருக்கிறது. இது உங்கள் பணத்தை மிகவும் திறமையாகக் கையாள உதவுகிறது.

நிதித் திட்டமிடலில் குடும்பத்தில் வருமானம் ஈட்டும் நபருக்கு ஏதாவது அசம்பாவிதம் ஏற்பட்டால், குடும்பப் பாதுகாப்புக்கான ஆயுள் காப்பீடு, குடும்ப உறுப்பினர்களின் மருத்துவச் செலவுகளைக் குறைக்கும் மருத்துவக் காப்பீட்டு பாலிசி எடுப்பது மற்றும் எதிர்கால நிதி இலக்குகளை (பிள்ளைகளின் உயர்கல்வி, திருமணம், சொந்த வீடு, ஓய்வுக்காலம் போன்றவை) நிறைவேற்ற உதவும் முதலீடுகள் பற்றி விரிவாகத் திட்டமிட உதவுகிறது. சுருக்கமாக, நிதித் திட்டமிடலின் ஒரு பகுதிதான் குடும்ப பட்ஜெட் எனச் சொல்லலாம். ஒருவர் இரண்டையும் சிறப்பாக மேற்கொள்ளும் போது அவருக்கு பணப்பிரச்னை வர வாய்ப்பு இல்லை என்பதுடன், நிதி இலக்குகளுக்கும் சரியாக நிறைவேற்ற நிச்சயம் உதவும்.

நிதித் திட்டமிடல்... தவறான நம்பிக்கைகள், சரியான விளக்கங்கள்!

தவறான நம்பிக்கை 3: இலக்குகளை அடைய நிதித் திட்டமோ, நிதித் திட்டமிடலோ தேவையில்லை...

விளக்கம்: உங்களுடைய நிதி இலக்குகளை சரியாக அடைய நிதித் திட்டம் அல்லது நிதித் திட்டமிடல் அவசியமாகும். அப்போதுதான் நிதி இலக்கை அடைய மாதம் எவ்வளவு முதலீடு செய்ய வேண்டும், அதற்கு எந்த மாதிரியான முதலீடுகளைத் தேர்வு செய்ய வேண்டும் என்பதை எல்லாம் முடிவு செய்து செயல்படுத்த முடியும். நிதித் திட்டமிடல் இல்லாமல் செயல்பட்டால் சம்பாதிக்கும் பணம் / சம்பளம் தேவையில்லாமல் செலவாவதற்கு அதிக வாய்ப்பிருக்கிறது. இதனால், அவசியத் தேவை என்று வரும்போது கடன் வாங்கும் நிலைக்குத் தள்ளப்படும் சூழ்நிலையை உருவாக்கலாம். எனவே, அனைவரும் நிதித் திட்டமிடலை மேற்கொண்டு அதன்படி நடப்பது நல்லதாகும். திட்டமிட தவறுவதே, தோல்விக் குக் காரணம் (Planning to fail is failing to plan) என்பதைப் புரிந்துகொண்டால் வெற்றி நிச்சயம்.

தவறான நம்பிக்கை 4: நானே பணம் சம்பந்தமான விஷயங்கள் அனைத்தையும் செய்துகொள்வேன்...

விளக்கம்: நிதித் திட்டமிடல் தொடர்பான அனைத்து விஷயங்களையும் நாமே செய்து கொள்வது முடியாத காரியம் ஆகும். இது எப்படி இருக்கிறது எனில், நோயாளி ஒருவர் அவருக்குத் தேவையான மருத்துவத்தை அவரே செய்து கொள்வதற்கு ஒப்பானதாகும். நமக்கு ஏற்படும் சின்னச் சின்ன உடல் பிரச்னைகளுக்கு நாமே நமக்குத் தெரிந்த வைத்தியத்தை செய்து குணப்படுத்த முயற்சி செய்யலாம். ஆனால், பெரிய பிரச்னை வந்தால், மருத்துவரை அணுகித்தான் ஆக வேண்டும். அது மாதிரி, பணத்தை நிர்வாகம் செய்வது குறித்து உங்களுக்கு சில விஷயங்கள் தெரிந்தாலும், நிதித் திட்டமிடல் என்று வரும்போது நன்கு விஷயம் தெரிந்த ஒரு நிதி ஆலோசகருடன் கலந்து பேசி உங்களுக்கான நிதித் திட்டம் உருவாக்கிக்கொள்வதே உங்க ளுக்கு நிச்சயம் நன்மை பயக்கும்.

தவறான நம்பிக்கை 5: நிதித் திட்டமிடல் கோடீஸ்வரர்களுக்கு மட்டுமே...

விளக்கம்: நிதித் திட்டமிடல் அனைவருக்குமானது. எத்தனையோ பெரும் பணக் காரர்கள் சரியான நிதித் திட்ட மிடல் இல்லாததால் வாழ்க்கை யைத் தொலைத்திருக்கிறார்கள். அதே நேரத்தில், மிகச் சாதாரண மானவர்கள்கூட சரியான நிதித் திட்டமிடல் மூலம் கோடீஸ்வரர் களாகி இருக்கிறார்கள். பணம் சம்பாதிக்கும் அனைவருக்கும் பணத்தை சரியாக நிர்வகிக்க நிதித் திட்டமிடல் நிச்சயம் தேவை.

தவறான நம்பிக்கை 6: ஒரு முறை நிதித் திட்டமிடல் மேற்கொண்டு விட்டால் போதும்...

விளக்கம்: நிதித் திட்டமிடல் என்பது ஒரே ஒருமுறை செய்து முடிக்க வேண்டிய நடவடிக்கை அல்ல. அது தொடர்ச்சியான நடைமுறையாகும். இது உங்கள் நிதி இலக்குகளை சரியாக நிறை வேற்ற உதவும் நிதித் திட்டமிடலைத் தொடர்ந்து கண்காணித்து வருவது மிக முக்கியம். நிதித் திட்டமிடல் என்பது ஒரு மரக்கன்றை நட்டு வளர்ப்பதைப் போன்றது. மரம் வைத்த பின் அதைப் பாதுகாப்பாக வளர்க்காவிட்டால், பழம் எப்படிக் கிடைக்கும்..?

நிதித் திட்டமிடலை உருவாக்கு வது எந்தளவுக்கு முக்கியமோ, அந்த அளவுக்கு தொடர்ந்து கண்காணிப்பதும் முக்கியம். உங்கள் நிதித் திட்டத்தை மூன்று மாதம் அல்லது ஆறு மாதத் துக்கு ஒரு முறை ஆய்வு செய்யுங்கள்; அதிகபட்சம் ஓராண்டுக்கு ஒருமுறையாவது அலசி ஆராய்வது அவசியம்.

நிதித் திட்டமிடல்... தவறான நம்பிக்கைகள், சரியான விளக்கங்கள்!

தவறான நம்பிக்கை 7: நிதி திட்ட மிடலால் லாபம் ஒன்றும் இல்லை…

விளக்கம்: நிதித் திட்டமிடுவது, நமது நிதி இலக்குகளை அடைவ தற்குத்தான். நிதித் திட்டமிடலால் ஒருவரின் செலவு குறைந்து சேமிப்பு/ முதலீடு அதிகரிக்கிறது. அது அவர்களுக்கு வாழ்க்கை மீதான நம்பிக்கையை அதிகரிக் கிறது. மேலும், ஓய்வுக்காலத்தை வளமானதாக மாற்றுகிறது.

தவறான நம்பிக்கை 8: எனக்கு இளம் வயது என்பதால், நிதித் திட்டமிடல் தேவையில்லை...

விளக்கம்: நிதித் திட்டமிடலை இளம் வயதில் ஆரம்பிப் பதுதான் நல்லது. இளம் வயது என்பதால், நோய் பாதிப்பு எதுவும் இருக்காது. அதனால், நிதித் திட்டமிடலின் முதல் படியான காப்பீட்டு பாலிசிகளைக் குறைவான பிரீமியத்தில் எடுக்க முடியும். மேலும், முதலீட்டுக் காலம் அதிகமாக இருக்கும் என்பதால், முதலீடு செய்ய வேண்டிய தொகை குறைவாக இருக்கும். இதனால் அதிகமான நன்மை கிடைக்கும் என்பது நிச்சயம்.

தவறான நம்பிக்கை 9 : எனக்கு ஏகப்பட்ட கடன்கள் உள்ளன. அதனால், நிதித் திட்டமிடல் எனக்கு சரிப்பட்டு வராது...

விளக்கம்: சரியான நிதித் திட்டமிடல் இல்லாததால் தான் கடன்கள் அதிகரித்திருக்கின்றன. வீட்டுக் கடன், கல்விக் கடன், தொழில் கடன் போன்ற நல்ல கடன்களைத் தவிர, கிரெடிட் கார்டு கடன், தனிநபர் கடன் போன்ற கெட்ட கடன்களிலிருந்து வெளியேற நிதித் திட்டமிடல் நிச்சயம் தேவை.

நீங்கள் இன்று வரை நிதித் திட்டமிடல் செய்யவில்லை எனில், இனியாவது அதைச் செய்வது மிக மிக அவசியம்!

தவறான நம்பிக்கை 10: ஓய்வுக்காலத்தில் என் பிள்ளைகள் என்னப் பார்த்துக்கொள்வார்கள் என்பதால், நிதித் திட்டமிடல் தேவையில்லை...

விளக்கம்: இந்த எண்ணம் தவறு. 25, 30 ஆண்டுகளுக்குமுன் நம் நாட்டில் நிறைய கூட்டுக் குடும்பங்கள் இருந்தன. அந்தக் காலத்தில் குடும்ப உறுப்பினர் ஒருவருக்கு உடல்நிலை சரியில்லை எனில், இதர குடும்ப உறுப்பினர்கள் அவரைக் கவனித்துக்கொண்டார்கள். ஆனால், இன்றைக்கு திருமணமான சில மாதங்களிலேயே தனிக்குடித்தனம் செல்வது தவிர்க்க முடியாததாக இருக்கிறது. விலைவாசி மிகவும் அதிகமாக இருக்கும் நிலையில், அவர்களுக்கான செலவுகளை சமாளிக்கவே அவர்கள் கஷ்டப்படுகிறார்கள். இந்த மாற்றங்களை எல்லாம் கருத்தில்கொண்டு ஓய்வுக்கால செலவுக்குத் திட் டால் ஓய்வுக்காலத்தில் நாம் யாரையும் நம்பி இருக்க வேண்டிய தேவை இருக்காது.