Published:Updated:

உங்களைக் கோடீஸ்வரர் ஆகவிடாமல் தடுக்கும் 10 முதலீட்டுத் தவறுகள்..!

முதலீட்டுத் தவறுகள்
பிரீமியம் ஸ்டோரி
முதலீட்டுத் தவறுகள்

முதலீட்டுத் தவறுகள்

உங்களைக் கோடீஸ்வரர் ஆகவிடாமல் தடுக்கும் 10 முதலீட்டுத் தவறுகள்..!

முதலீட்டுத் தவறுகள்

Published:Updated:
முதலீட்டுத் தவறுகள்
பிரீமியம் ஸ்டோரி
முதலீட்டுத் தவறுகள்

கடந்த 10, 15 ஆண்டுகளாக மிகவும் கவனமாகத்தான் முதலீடு செய்து வரு கிறேன். ஆனாலும், என்னால் பணக்காரர் ஆக முடியவில்லை; நான் இன்னும் மிடில் கிளாஸ் மனிதனாகவே இருக்கிறேன் எனப் பலரும் புலம்புவதை வழக்கமாக வைத்திருக் கிறார்கள். அதற்குக் காரணம், அவர்கள் முதலீட்டில் செய்யும் தவறுகள் ஆகும். அந்தத் தவறுகள் என்னென்ன?

கா.ராமலிங்கம் 
இணை நிறுவனர், 
https://www.holisticinvestment.in/
கா.ராமலிங்கம் இணை நிறுவனர், https://www.holisticinvestment.in/

முதலீட்டுத் தவறு 1: உடனடியாக முதலீட்டு முடிவை எடுப்பது...

முதலீட்டு முடிவை உடனே எடுப்பது பல நேரங்களில் தவறான முடிவாக அமைந்து விடுகிறது. பல நேரங்களில் இது போன்ற திட்டங்கள் சரியாகச் செயல்படவே அதிக வாய்ப்பிருக்கிறது. முதலீட்டில் உடனடி அல்லது தன்னிச்சையான முடிவுகள் நீங்கள் விரும்பியபடி பணக்காரராக உதவாது. அனுபவம் கொண்ட முதலீட்டாளர்கள்கூட அவசரமாக உணர்ச்சி வசப்பட்ட, தன்னிச்சையான அல்லது திடீர் முடிவுகளை எடுக்கும் போது சிறப்பாகச் செயல்படத் தவறிவிடுகிறார்கள். மியூச்சுவல் ஃபண்ட் போன்ற நன்கு கட்டமைக்கப்பட்ட திட்டங்களில் முதலீடு செய்யும்போதும், அதில் உங்களுக்கான முதலீட்டுக் கலவையை உருவாக்கும்போதும் ஒரு முதலீட்டு முறையைப் பின்பற்றுங்கள். எப்போதும் அதையொட்டியே செயல்படுங்கள். ஊகத்தின் அடிப்படையில் அவசரமான அல்லது தன்னிச்சையான முடிவுகளை எடுக்காதீர்கள். பங்குச் சந்தை ஏற்ற இறக்கங்களின்போது பதற்றப் படாமல், சந்தை இறக்கத்தின்போது அவசரப்படாமல் உங்கள் போர்ட்ஃபோலியோவை அவ்வப்போது சமநிலைப்படுத்துங்கள்.

முதலீட்டுத் தவறு 2: முதலீட்டு முடிவை எடுக்க நீண்ட காலம் எடுத்துக் கொள்ளுதல்...

முதலீட்டு முடிவுகளை அவசரப்பட்டு உடனடியாக எடுப்பது போல, முதலீட்டு முடிவுகளை எடுக்கும்போது நீண்ட காலம் எடுத்து தாமதப்படுத்துவதும் நல்லதல்ல. ஒரு குறிப்பிட்ட மியூச்சுவல் ஃபண்ட் திட்டம், முதலீட்டாளரின் தேவைக்கேற்றபடி பொருத்த மானதாக இருக்கும் என நினைத்தால், அதில் முதலீடு செய்யத் தொடங்கிவிடலாம். அனைத்து முதலீட்டுத் திட்டங்களையும் அலசி ஆராய்ந்து முடிவு எடுக்கலாம் எனக் காத்திருக்கத் தேவையில்லை. பொருத்தமான ஒரு திட்டத்தைத் தேர்வு செய்து, சிறிய தொகையில் முதலீட்டை ஆரம்பித்து, அது சிறப்பாகச் செயல்படும்போது முதலீட்டைப் படிப்படியாக அதிகரிக்கலாம்.

முதலீட்டுத் தவறு 3: புரியாத திட்டத்தில் முதலீடு...

வெற்றிகரமான முதலீட்டாளர்களில் ஒருவரான வாரன் பஃபெட், நிறுவனங்களின் முக்கியமான உத்திகள் புரியாத நிலையில் அதில் முதலீடு செய்வதைத் தவறு என எச்சரிக்கிறார். இதில் நிறுவனத்தின் திட்டங்கள் / உற்பத்திப் பொருள்கள் மற்றும் சேவைகள் ஆகியவை அடங்கும். இதேபோல, வெளிப்படைத்தன்மை இல்லா முதலீட்டுத் திட்டங்களில் முதலீடு செய் வதும் தவறாகும். எளிமையாகப் புரிந்துகொள்ளக் கூடிய முதலீட்டுத் திட்டங்கள்தான் நிதித் தேவையை நிறைவேற்றும். உங்களுக்குப் புரிந்த முதலீட்டில் மட்டுமே பணத்தைப் போடவும்.

உங்களைக் கோடீஸ்வரர் ஆகவிடாமல் தடுக்கும் 10 முதலீட்டுத் தவறுகள்..!

முதலீட்டுத் தவறு 4: முதலீட்டைப் பிரித்து மேற்கொள்ளாதது...

ஒரே முதலீட்டில் மொத்தத் தொகையை வைத்திருப்பது, ஒருவரின் செல்வத்தை அழிப்பதாக இருக்கும். இது மிகவும் ரிஸ்க்கானதாகும். அதே நேரத்தில் முதலீட்டை மிகவும் பிரித்து மேற்கொள்வது வருமானத்தைக் குறைக்கும். எனவே, சரியான விகிதத்தில் முதலீட்டைப் பிரித்து மேற்கொள் வது அவசியமாகும். தேவைப் பட்டால் நிதி ஆலோசகர் ஒருவரின் ஆலோசனையைப் பெறுவது நல்லது.

முதலீட்டுத் தவறு 5: முதலீடு செய்துவிட்டு அதை மறந்துவிடுதல்

பலரும் அவர்களுக்கு மிகவும் பிடித்தமான நிறுவனப் பங்கில் பெரும் தொகையை முதலீடு செய்துவிட்டு மறந்துவிடு கிறார்கள். இந்நிலையில், ஒரு நாள் அந்தப் பங்கு இப்போது என்ன லாபத்தில் இருக்கிறது என்று பார்த்தால், அது மிகவும் இழப்பில் இருப்பதைக் கண்டு அதிர்ச்சி அடைகிறார்கள்.

இதைத் தவிர்க்க நிறுவனப் பங்கு முதலீட்டை மூன்று மாதத்துக்கு ஒருமுறை அதன் காலாண்டு முடிவுகள் வெளி யாகும்போது, கட்டாயம் கவனிக்க வேண்டும். நிறுவனத் தின் தொழில் லாபகரமாக இல்லை; அதன் அடிப்படை மிகவும் மாறிவிட்டது எனில், அந்த நிறுவனப் பங்கிலிருந்து வெளியேறி விடுவது நல்லது. அப்படிச் செய்யாமல் விட்டு விட்டு, ஒரு நாள் திடீரென கவனிக்கும்போது இப்படித்தான் அதிர்ச்சியாக இருக்கும்.

முதலீட்டுத் தவறு 6: இறங்கிய மதிப்பு மீண்டும் உயரும் வரை காத்திருப்பது...

தவறாக முதலீடு செய்த நிறு வனப் பங்கின் விலை அல்லது ஈக்விட்டி மியூச்சுவல் ஃபண்டின் என்.ஏ.வி மதிப்பு மிகவும் இறங்கி விட்டால், அது மீண்டும் உயரும் அந்தப் பங்கை பலரும் அப்படியே வைத்திருக்கிறார்கள்.

இப்படிச் செய்வதால், முதலீட் டாளர்களுக்கு இரு வகையில் இழப்பு ஏற்படக்கூடும். ஒன்று, தற்போது இருக்கும் மதிப்பு இன்னும் குறையக்கூடும். இதர நல்ல முதலீட்டுக்கு அல்லது தேவைக்கு இந்தப் பணத்தைப் பயன்படுத்துவது தடைபடும்.

“முதலீட்டில் நீங்கள் தவறு செய் திருந்தால், உங்கள் இழப்புகளை முடிந்தவரை விரைவாகக் குறைக்க வும்” என அமெரிக்க நிதி ஆலோசகர் பெர்னார்ட் எம்.பரூச் சொல்லியிருப்பது அர்த்தமுள்ள அறிவுரை ஆகும். இந்த அறிவுரை யைப் பின்பற்றுவது அவசியம்.

முதலீட்டுத் தவறு 7: சமீப காலம் அல்லது குறுகிய கால லாபத்தின் அடிப்படையில் முதலீடு செய்வது...

நீங்கள் நீண்ட காலத்துக்கு முதலீடு செய்யும்போது, சமீபத்திய அல்லது குறுகிய கால லாபத்தின் அடிப்படையில் முதலீட்டு முடிவு களை எடுக்கக் கூடாது. நீண்ட காலத்தில் சிறப்பாகச் செயல்படும் நிறுவனப் பங்குகள் மற்றும் ஈக்விட்டி ஃபண்டுகளை அவற்றின் நீண்ட கால செயல்பாடு மற்றும் வலுவான அடிப்படை ஆகியவற் றின் அடிப்படையில் தேர்வு செய்வது லாபகரமாக இருக்கும்.

உங்களைக் கோடீஸ்வரர் ஆகவிடாமல் தடுக்கும் 10 முதலீட்டுத் தவறுகள்..!

முதலீட்டுத் தவறு 8: அதிக முதலீட்டுக் கட்டணம், அதிக ஆலோசனைக் கட்டணம், அதிக செலவு விகிதம்...

அதிக முதலீட்டுக் கட்டணம் அல்லது ஆலோசனைக் கட்டணம் நீண்ட கால லாபத்தைப் பாதிக் கிறது. பங்கு முதலீடு என்கிறபோது தரகுக் கட்டணம் இருக்கிறது. மியூச்சுவல் ஃபண்ட் முதலீட்டில் செலவு விகிதம் இருக்கிறது. நிதி ஆலோசகர் எனில், ஆலோசனைக் கட்டணம் இருக்கிறது. இவை எந்த அளவுக்கு குறைவாக இருக்கிறதோ, அந்த அளவுக்கு லாபமாக இருக்கும்.

நாம் தருகிற ஆலோசனை கட்டணத்தைவிட அதிகமாக வருமானம் பெற நிதி ஆலோசகர் உதவும்பட்சத்தில் அதிக கட்டணத்தைப் பொருட்படுத்தத் தேவையில்லை.

நீண்ட கால முதலீட்டில் ஒரு ஈக்விட்டி ஃபண்டில் 1% கூடுதல் செலவு விகிதம் என்பது லாபத்தைக் கணிசமாகக் குறைப்பதாக இருக்கும். உதாரணமாக, ஒருவர் மாதம் ரூ.5,000 வீதம் 15 ஆண்டுகளுக்கு முதலீடு செய்து வருகிறார். அவருக்கு 12% வருமானம் கிடைக்கும்பட்சத்தில், ரூ.25,05,197-ஆக சேர்ந்திருக்கும். இதுவே 1% செலவு விகிதம் எனில், முதலீட்டின் மதிப்பு ரூ.22,91,397-ஆக இருக்கும். வித்தியாசப்படும் தொகை ரூ.2,13,800 ஆகும்.

செலவு விகிதம் அதிகமாக இருந்தாலும் ஃபண்ட் மேனேஜர் அதைக்காட்டிலும் அதிக வருமானத்தை ஈட்டித் தரும் நிலையில், நாம் அதிக செலவு விகிதத்தை ஏற்றுக்கொள்ளலாம்.

முதலீட்டுத் தவறு 9: குறைவான பணமாக்கும் தன்மை...

பலரும் பெரும்பாலான பணத்தை ரியல் எஸ்டேட், தங்கநகை போன்றவற்றில் முதலீடு செய்து வைத்திருப் பார்கள். இந்த முதலீடுகளை விரைந்து மற்றும் முழுமை யாகப் பணமாக்க முடியாது. வீடு, மனையை விரைந்து பணமாக்குவது இயலாத காரியம். தங்க நகையை வாங்கிய கடையில் திரும்பக் கொடுத்தாலும் அதன் மதிப்பில் சுமார் 15% தொகையை மட்டுமே பணமாகத் தருவார்கள். மீதியை வேறு நகையாகத்தான் வாங்கிக்கொள்ள வேண்டும். எனவே, அவசரத் தேவைக்குப் பணமாக்கும் விதமாக நிதிச் சார்ந்த திட்டங்களிலும் (எஃப்.டி, லிக்விட் ஃபண்ட்) ஒரு பகுதி தொகையைப் போட்டு வைப்பது அவசியம்.

முதலீட்டுத் தவறு 10: முதலீட்டுக்கு இலக்கு எதுவும் இல்லாமல் இருப்பது...

உங்கள் முதலீட்டு இலக்குகளை குறுகிய காலம், நடுத்தரக் காலம் மற்றும் நீண்ட கால இலக்குகளாக வகைப்படுத்தலாம். அது உங்கள் குழந்தையின் உயர்கல்வி மற்றும் திருமணம், உங்கள் ஓய்வுக்கால செலவுகள் போன்றவையாக இருக்கும்.

இலக்கு எதுவும் இல்லையெனில், இடையிலேயே ஏதாவது தேவைக்குப் பணத்தை எடுத்துவிடுகிறார்கள். இதனால், ஒரு காலத்திலும் அவர்கள் கோடீஸ்வரர் ஆக முடியாமல் இருக்கிறார்கள்.

மேற்குறிப்பிட்ட தவறுகளை நீங்கள் செய்து வரும் பட்சத்தில் ஒரு நல்ல நிதி ஆலோசகரை அணுகி, தவறுகளைத் திருத்திக்கொண்டு செம்மையான முதலீட்டு பாதையைத் தேர்வு செய்தீர்களேயானால் செழுமையான கோடீஸ்வரராக விரைவில் முன்னேற முடியும்.