Published:Updated:

நிதி இலக்குகளை சரியாக நிறைவேற்ற ஐந்து வழிமுறைகள்..!

நிதி இலக்கு
பிரீமியம் ஸ்டோரி
நிதி இலக்கு

நிதி இலக்கு

நிதி இலக்குகளை சரியாக நிறைவேற்ற ஐந்து வழிமுறைகள்..!

நிதி இலக்கு

Published:Updated:
நிதி இலக்கு
பிரீமியம் ஸ்டோரி
நிதி இலக்கு

ஒருவர் தன்னுடைய நிதி இலக்குகளை நிறைவேற்ற ஐந்து முக்கியமான வழிமுறைகளைப் பின்பற்றுவது அவசியம். அந்த வழிமுறைகள் என்னென்ன..?

சி.பாரதிதாசன் 
நிதி ஆலோசகர், 
https://www.wmsplanners.com/
சி.பாரதிதாசன் நிதி ஆலோசகர், https://www.wmsplanners.com/

1. தனிப்பட்ட நிதி இலக்குகளும் முதலீடுகளும்

ஒருவர் தான் செய்யும் ஒவ்வொரு முதலீட்டையும் ஏதாவது ஒரு நிதி இலக்குடன் இணைப்பது மிக முக்கியமாகும். அந்த இலக்கை நிறைவேற்ற எவ்வளவு பணம் தேவைப்படும், அதற்கு மாதம் எவ்வளவு முதலீடு செய்ய வேண்டும் அல்லது ஒருமுறை எவ்வளவு முதலீடு செய்ய வேண்டும் என்பதைக் கணக்கிட்டு, அதற்கேற்ப முதலீடு செய்துவருவது முக்கியமாகும்.

2. நிதி இலக்குகளும் முதலீட்டுக் காலமும்

பொதுவாக, முதலீட்டுக் காலத்தைக் குறுகிய காலம், நடுத்தர காலம், நீண்ட காலம் என மூன்றாகப் பிரிக்கலாம். குறுகிய கால நிதி இலக்குகள் என்பவை, ஒரு சில மாதங்கள் முதல் ஒரு வருடத்துக்கு இடைப்பட்ட காலத்தில் நிறைவேற்றப்பட வேண்டியவை ஆகும். பள்ளி, கல்லூரிக் கட்டணம், காப்பீட்டுக்கான ஆண்டு பிரீமியம் கட்டுதல் ஆகியவை இந்தப் பிரிவின் கீழ் வருகின்றன.

நடுத்தர கால நிதி இலக்குகள் என்பவை ஓராண்டுக்கு மேற்பட்டு எட்டு ஆண்டுகளுக்கு கால அவகாசம் கொண்டவை. கார் வாங்குதல், வீடு வாங்குதல், தொழில் தொடங்குவது போன்ற நிதி இலக்குகள் இந்தப் பிரிவுக்குள் அடங்கும். எட்டு ஆண்டுகள் அல்லது அதற்கும் மேற்பட்ட ஆண்டுக்கால நிதி இலக்குகள் நீண்ட கால நிதி இலக்கு எனப்படும். இந்தப் பிரிவின்கீழ் பிள்ளைகளின் உயர்கல்வி மற்றும் கல்யாணம், பணி ஓய்வு போன்ற நிதி இலக்குகள் ஆகும்.

நிதி இலக்குகளை சரியாக நிறைவேற்ற ஐந்து வழிமுறைகள்..!

3. சொத்து ஒதுக்கீடு

முதலீட்டாளரின் வயது, வருமானம் மற்றும் ரிஸ்க்கைச் சந்திக்கும் திறன் போன்றவற்றுக்கு ஏற்ப பங்குச் சந்தை சார்ந்த திட்டங்கள் மற்றும் கடன் சந்தை சார்ந்த திட்டங்கள், தங்கம், ரியல் எஸ்டேட் போன்ற பல்வேறு வகையான சொத்துப் பிரிவுகளில் பணத்தைப் பிரித்து முதலீடு செய்யும் முதலீட்டு உத்திதான் சொத்து ஒதுக்கீடு (Asset Allocation) ஆகும்.

தனிநபரின் இலக்குகள், ரிஸ்க்்கை எதிர் கொள்ளும் திறன், முதலீட்டுக் காலத்துக்கு ஏற்ப அவருடைய பணத்தைப் பிரித்து முதலீடுகளைச் செய்வதன் மூலம் முதலீட்டு மீதான ரிஸ்க் குறைகிறது. மேலும், முதலீட்டின் மூலம் கிடைக்கும் வருமானம் பிரச்னை இல்லாததாக மாறுகிறது. முதலீட்டாளரின் வயது, வாழ்க்கை முறை, குடும்பப் பொறுப்புகள் மற்றும் நிதி இலக்குகளுக்கு ஏற்ப முதலீடுகளைப் பிரித்துச் செய்ய வேண்டும்.

4. முதலீட்டைப் பரவலாக்குதல்

நீண்ட கால இலக்குக்கு முதலீட்டைப் பரவாலாக்குவதன் (Diversification) மூலம் ரிஸ்க்கைக் குறைக்க முடியும். அதே நேரத்தில் முதலீட்டுக் கலவையின் (Portfolio) வருமானத் தையும் அதிகரிக்க முடியும். முதலீட்டைப் பரவலாக்குதல் என்பது மூலதன இழப்பைத் தடுக்கும் உத்தரவாதத்தை வழங்கவில்லை என்றாலும், ரிஸ்க்கைக் குறைப்பதால், நீண்ட கால நிதி இலக்குகளை அடைவதற்கான மிக முக்கியமான அங்கமாக இருக்கிறது.

முதலீட்டைப் பரவலாக்குவது, ஒரு சொத்துப் பிரிவுக்கு முதலீட்டைப் பிரித்துச் செய்வதாகும். உதாரணமாக, பங்குகளில் முதலீடு செய்யும்போது ஒன்றுக்கும் மேற்பட்ட துறை சார்ந்த நிறுவனப் பங்குகளில் முதலீட்டைப் பிரித்து மேற்கொள்வது ஆகும். பொதுவாக, தனிநபர் ஒருவர் ஐந்து துறைகளைச் சேர்ந்த சுமார் 8 - 10 நிறுவனப் பங்குகளில் அல்லது ஈக்விட்டி ஃபண்டுகளில் (லார்ஜ்கேப், மல்ட்டிகேப், ஃபிளெக்ஸிகேப் ஃபண்டுகள்) முதலீட்டைப் பிரித்துச் செய்வதன் மூலம் நீண்ட காலத்தில் ரிஸ்க்கைக் கணிசமாகக் குறைத்து, பணவீக்க விகிதத்தைவிட 3% முதல் 5% வரை கூடுதலாக வருமானம் ஈட்ட முடியும்.

5. நிதி இலக்குகள் மற்றும் நிதித் திட்டங்கள் மதிப்பாய்வு

இலக்குகளைச் சரியாக நிறைவேற்ற நிதி இலக்கு மற்றும் முதலீட்டின் மூலமான வருமானத்தை ஆறு மாதம் அல்லது ஓராண்டுக்கு ஒருமுறை தவறாமல் மதிப்பாய்வு (Review) செய்வது கட்டாயம். முதலீட்டுக் கலவையில் இடம்பெற்றிருக்கும் நிறுவனப் பங்குகள், மியூச்சுவல் ஃபண்ட் திட்டங்கள், தங்கம் சார்ந்த திட்டங்கள் (கோல்டு இ.டி.எஃப்கள், கோல்டு சேவிங்ஸ் ஃபண்டுகள்) போன்ற முதலீடுகளை மதிப்பாய்வு செய்ய வேண்டும்.

சரியாக வருமானம் தராத முதலீட்டுத் திட்டங்களை நீக்கி, முதலீட்டை அஸெட் அலொகேஷன் படியும் மாற்றி அமைப்பது அவசியம்.

இப்படிச் செய்யும்போது நிதி இலக்குகள் சரியான காலத்தில் நிறைவேறுவது உறுதி!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism