Published:Updated:

மீண்டும் ஆர்.பி.ஐ வட்டி உயர்வு... பங்குச் சந்தைக்கு என்ன பாதிப்பு?

வட்டி உயர்வு
பிரீமியம் ஸ்டோரி
வட்டி உயர்வு

வட்டி உயர்வு

மீண்டும் ஆர்.பி.ஐ வட்டி உயர்வு... பங்குச் சந்தைக்கு என்ன பாதிப்பு?

வட்டி உயர்வு

Published:Updated:
வட்டி உயர்வு
பிரீமியம் ஸ்டோரி
வட்டி உயர்வு

உலக நாடுகள் தொடர்ந்து பணவீக்க உயர்வின் பாதிப்பை எதிர்கொண்டுவரும் நிலை யில், பொருளாதார சூழலைச் சமநிலைக்குக் கொண்டு வர மத்திய வங்கிகள் வட்டியை உயர்த்த வேண்டிய கட்டா யத்தில் உள்ளன. இந்திய ரிசர்வ் வங்கியும் வட்டி விகித உயர்வு நடவடிக்கைகளைக் கடந்த மே மாதத்திலிருந்து தொடங்கிவிட்டது.

கடந்த மாதத்தில் 0.40% அளவுக்கு வட்டி விகிதத்தை உயர்த்திய ஆர்.பி.ஐ, இப்போது இரண்டாவது முறையாக 0.50% அளவுக்கு வட்டி விகிதத்தை உயர்த்தி யுள்ளது. இதனால் ரெப்போ வட்டி விகிதம் 4.90 சதவிகித மாக உயர்ந்துள்ளது.

மீண்டும் ஆர்.பி.ஐ வட்டி உயர்வு...
பங்குச் சந்தைக்கு என்ன பாதிப்பு?

ரெப்போ வட்டி விகிதம் என்பது, வங்கிகள் ரிசர்வ் வங்கியிடமிருந்து வாங்கும் கடன்களுக்கான வட்டி விகிதம் என்பதால், வட்டி விகிதம் உயர்த்தப்பட்டதன் காரணமாக வங்கியின் செலவினங்கள் அதிகரிக்கும். வங்கிகள், நிதி நிறுவனங்கள் வழங்கும் கடன்கள் மீதான வட்டியும் உயரும்.

இந்த வட்டி விகித உயர்வு பொருளாதாரத்திலும் பங்குச் சந்தையிலும் கணிசமான பாதிப்பை உண்டாக்கும். ஏற்கெனவே பங்குச் சந்தை இறக்கத்தின் போக்கில் உள்ள நிலையில் வட்டி விகித உயர்வு சந்தையின் போக்கில் என்ன மாதிரியான பாதிப்பை உண்டாக்கும் என பங்குச் சந்தை நிபுணர் ரெஜி தாமஸிடம் கேட்டோம்.

“ரிசர்வ் வங்கி வட்டி விகிதத்தைத் தொடர்ந்து உயர்த்தும் என்பதை கடந்த மாதத்திலேயே அழுத்தமாகக் கூறியிருந்தது. மேலும், 0.50% வட்டி உயர்த்தப்படும் என்பதும் எதிர்பார்க்கப் பட்ட ஒன்றுதான்.

பங்குச் சந்தை வட்டி விகித உயர்வு நடவடிக்கையை எதிர்கொள்ள தயாராகவே இருக்கிறது. பங்குச் சந்தை ஏற்கெனவே இறக்கத்தின் போக்கில் இருப்பதால், அதன் தற்போதைய பாட்டம் நிலையான 15800 என்ற நிலையை நோக்கித்தான் நகர்ந்துகொண்டிருக்கிறது.

இந்நிலையில், வட்டி விகித உயர்வு குறித்த பதற்றம் சந்தை செயற்பாட்டாளர்களுக்கு இருக்கும் வரையில் சந்தை யின் போக்கும் இறக்கத்தில் தான் இருக்கும். இந்த ஆண்டு இறுதிவரை பங்குச் சந்தையின் நகர்வு 15800-17400 என்ற வரம்பிலேயேதான் தொடர வாய்ப்புள்ளது. 17400 என்ற நிலையை உடைத்து நகராத வரை பெரிய ஏற்றம் வாய்ப் பில்லை.

 ரெஜி தாமஸ்
ரெஜி தாமஸ்

பொதுவாகவே, வட்டி விகித உயர்வு காரணமாகக் கடன்களுக்கான வட்டி விகிதமும் உயர்த்தப்படும். இதனால் கடன் வாங்குவதற் கான செலவுகள் அதிகரிக்கும். இதனால் நிறுவனங்கள் கடன் வாங்கும் அளவைக் குறைக்கும். கடனுக்கான வட்டி அதிகரிப்ப தால், நிறுவனங்களின் லாபமும் குறையும். அதே சமயம், புதிய கடன்கள் வாங்கி தொழிலை விரிவுபடுத்தும் நடவடிக்கைகளை குறைத்துக்கொள்ளும். இதனால் நிறுவனங்களின் வளர்ச்சி மந்த மாகும். வேலைவாய்ப்புகள் உருவாக்கம் குறையும். இவை அவற்றின் பங்குகளில் எதிரொலிக்கும்; பங்கு விலைகள் குறையும். இதனால் பங்குச் சந்தையும் இறக்கத்தில் நகர ஆரம்பிக்கும்.

ஏற்கெனவே பங்குச் சந்தை அதன் சரியான மதிப்பீடுகளுக்கு இறங்கிக்கொண்டிருக்கும் சூழலில், பல பங்குகள் நியாயமான விலையில் கவர்ச்சி கரமானதாக மாறியுள்ளன. கடன் இல்லாத, கடன் குறைவாக உள்ள நிறுவனப் பங்குகள் வட்டி விகித உயர்வு காரணமாகப் பாதிப்புக்குள்ளாகாது. அத்த கைய பங்குகள் ஏற்றமடைய வாய்ப்புள்ளது.

இந்த வட்டி விகித உயர்வால் ஏற்படக்கூடிய பொருளாதார வளர்ச்சி பாதிப்பு, கடன்களுக்கு வட்டி உயர்வு ஏற்படுத்தும் லாப வளர்ச்சி பாதிப்பு எந்த அளவில் இருக்கும் என்பது தெரியவர 3 - 6 மாதங்கள் வரை ஆகும். எனவே, அடுத்த ஆறு மாதங்கள் வரை பங்குச் சந்தை நகர்வுகள் மேற் குறிப்பிட்ட வரம்பில்தான் இருக்கும். பெரிய ஏற்றத்தைச் சந்திக்க வாய்ப்பில்லை.

இத்தகைய சூழலில் பெரிய தொகைகளில் முதலீடுகளை மேற்கொள்ளாமல், சிறிய அளவில் முதலீடுகளை மேற்கொள்ளலாம். அதுவும் மிகவும் கவனமாக. தரமான பங்குகளை அதன் நியாயமான விலையில் வாங்கினால் லாபம் பார்க்க வாய்ப்பு உண்டு” என்றார்.

இனிவரும் காலங்களில் சந்தைக்குச் சாதகமான செய்திகள் வந்தால்தான் சந்தை இப்போதுள்ள போக்கிலிருந்து ஓரளவுக்காவது மாறும். பொருளா தாரத்தின் ஒவ்வொரு காரணியும் மாற்றங்களுக்கு உள்ளாகும்போது பங்குச் சந்தையும் மேல்நோக்கி செல்ல ஆரம்பிக்கும். அதுவரை முதலீட்டாளர்கள் பொறுமையாக இருப்பது தவிர, வேறு வழியில்லை!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism