Published:Updated:

வரியை மிச்சப்படுத்தக் கடன்... வேண்டாம்! - கடைசி நேர வரிச் சேமிப்புக்கு டிப்ஸ்

வரிச் சேமிப்பு
வரிச் சேமிப்பு

நீங்கள் வேலை பார்க்கும் அலுவலகத்தில் உங்களுக்கு ஹெல்த் இன்ஷூரன்ஸ் பாலிசி எடுத்திருந்தாலும், நீங்கள் தனியாக எடுக்க விரும்பினால் நிச்சயம் எடுக்கலாம்.

கடைசி நேரப் பரபரப்பில் வரிச் சேமிப்பு முதலீடுகள் குறித்து முடிவெடுப்பவர்கள் கவனிக்க வேண்டிய அம்சங்களைப் பார்ப்போம்.

> ஜன'வரி', பிப்ர'வரி'

வருமான வரியை மிச்சப்படுவதற்கான முதலீட்டை மேற்கொள்ளும் எண்ணம் ஜனவரி, பிப்ரவரி பிறந்தால்தான் நமக்கு நினைவுக்கு வரும். இந்த மாதங்களில்தான் வரியை மிச்சப்படுத்தத் திட்டமிடுகிறார்கள். இதனால் மார்ச் மாதச் சம்பளமோ, வருமானத்தின் பெரும் பகுதியோ அல்லது முழுப் பகுதியோ வரிக்கு அல்லது வரிச் சேமிப்பு முதலீட்டுக்குச் சென்றுவிடும்.

> அவசர முதலீடு வேண்டாமே!

கடைசி நேரத்தில் செய்யப்படும் பல முதலீடுகள் தவறாகப் போய்விடும் அபாயமிருக்கிறது. பிராவிடென்ட் ஃபண்ட், பிள்ளைகளின் கல்விக் கட்டணம், ஆயுள் காப்பீடு பாலிசி, வீட்டு வாடகை போன்ற வரிச் சேமிப்புகள் பலருக்கும் இருக்கும். இந்த நிலையில், வருமான வரி கட்டுவதைத் தவிர்ப்பதற்காக அவசர அவசரமாக ஏதாவது ஒரு திட்டத்தில் முதலீடு செய்துவிட்டு, அடுத்து வரும் ஆண்டுகளில் பிரச்னைகளை எதிர்கொள்வார்கள்.

> நிதி இலக்குகள் முக்கியம்!

உங்களின் வரிச் சேமிப்பு முதலீடு, உங்கள் நிதி இலக்குகளையொட்டி இருப்பது நல்லது. அப்போதுதான் 'முதலீடு', 'வரிச் சலுகை' ஆகிய இரட்டைப் பலன்களைப் பெற முடியும்.

வரியை மிச்சப்படுத்தக் கடன்... வேண்டாம்! - கடைசி நேர வரிச் சேமிப்புக்கு டிப்ஸ்

> எண்டோவ்மென்ட் பாலிசி... தவிர்க்கலாம்!

வருமான வரிச் சலுகை என்றவுடன் நமக்கு நினைவுக்கு வருவது எண்டோவ்மென்ட் பாலிசிகள் மட்டுமே. இவற்றில் கவரேஜும் முதலீட்டு மீதான வருமானமும் குறைவு.

> வரியை மிச்சப்படுத்தக் கடன்... வேண்டாம்!

வருமான வரியை மிச்சப்படுத்தத் தேவையான முதலீட்டை மேற்கொள்ளப் பலரும் கிரெடிட் கார்டு கடன் அல்லது தனிநபர் கடனை வாங்குகிறார்கள். இவை இரண்டிலுமே வட்டியும் கட்டணமும் அதிகம். விரிவாக படிக்க க்ளிக் செய்க... http://bit.ly/2S5TLM3

> ஹெல்த் இன்ஷூரன்ஸ் பாலிசி நல்லது!

நீங்கள் வேலை பார்க்கும் அலுவலகத்தில் உங்களுக்கு ஹெல்த் இன்ஷூரன்ஸ் பாலிசி எடுத்திருந்தாலும், நீங்கள் தனியாக எடுக்க விரும்பினால் நிச்சயம் எடுக்கலாம்.

> ஆயுள் காப்பீடு பாலிசி அதிகமாக்கலாம்!

தற்போது வாங்கும் ஆண்டுச் சம்பளத்தைப் போல் சுமார் 15 மடங்கு தொகைக்குக் குறைவாக நீங்கள் ஆயுள் காப்பீடு பாலிசி எடுத்திருந்தால் வித்தியாசப்படும் தொகைக்கு டேர்ம் பிளான் எடுத்துக்கொள்ளலாம்.

> வரிச் சேமிப்பு ஃபிக்ஸட் டெபாசிட்... ரிஸ்க் இல்லை!

நீங்கள் வரிச் சேமிப்பு முதலீட்டில் ரிஸ்க் எடுக்க விரும்பாதவர் என்றால், வரிச் சேமிப்பு ஃபிக்ஸட் டெபாசிட்டில் பணத்தைப் போடலாம். இதில், அசலுக்கு இழப்பு எதுவும் இருக்காது. குறைவான வட்டி என்றாலும் நிலையான தொகை கிடைக்கும். ஆனால், வட்டிக்கு வரிச் செலுத்த வேண்டியிருக்கும்.

> கடைசி நேர வரிச் சேமிப்புக்கு யூலிப் டாப்அப்!

ஏற்கெனவே யூலிப் பாலிசியில் முதலீடு செய்திருந்தால், அதில் டாப்அப் மூலம் கூடுதல் தொகையை முதலீடு செய்து நடப்பு நிதியாண்டில் வரிச் சலுகை பெறலாம். இந்த டாப்அப் தொகையை அடுத்த ஆண்டும் கட்டாயம் செய்ய வேண்டும் என்ற அவசியமில்லை என்பதால், கடைசி நேர வரிச் சேமிப்புக்கு இது ஏற்றதாக இருக்கும்.

> துணை நிற்கும் நன்கொடை!

நீங்கள் சமுகத்துக்கு ஏதாவது நல்லது செய்ய நினைத்தால் அறக்கட்டளைகளுக்கு நன்கொடை கொடுங்கள். நன்கொடை கொடுத்த ரசீதைக் காட்டி, அந்தத் தொகைக்கு வரிச் சலுகை பெறலாம். நிபந்தனைக்கு உட்பட்டு நீங்கள் தரும் தொகையில் 10% முதல் 100% வரை வரிச் சலுகை கிடைக்கும்.

- இவற்றுடன் மேலும் சில டிப்ஸ் உடன் முழுமையான வழிகாட்டுதலை நாணயம் விகடன் இதழில் வாசிக்க > கடைசி நேர வரிச் சேமிப்பு... கடைப்பிடிக்க 20 டிப்ஸ்! https://www.vikatan.com/news/investment/20-tips-for-last-minute-tax-savings

* சிறப்புச் சலுகை > விகடன் இதழ்கள் அனைத்தையும் டிஜிட்டலில் சுடச்சுட வாசித்து பயன்பெறுவதுடன், 2006 முதல் இப்போது வரை வெளிவந்த லட்சக்கணக்கான கட்டுரைகளையும் வாசிக்கலாம். ஒரேநேரத்தில் 5 டிவைஸ் வரை லாகின் செய்யும் வசதியும் உண்டு. உங்களுக்காக இதோ ஒரு சிறப்புச் சலுகை. ரூ.1499 மதிப்பிலான 1 வருட டிஜிட்டல் சந்தாவை ரூ.999-க்குப் பெற இங்கே க்ளிக் செய்க > http://bit.ly/2sUCtJ9

அடுத்த கட்டுரைக்கு