Published:Updated:

செலவு, சேமிப்பு, முதலீடு... நிதி ஆலோசகரின் ஆலோசனை ஏன் தேவை?

நிதி ஆலோசனை
பிரீமியம் ஸ்டோரி
நிதி ஆலோசனை

நிதி ஆலோசனை

செலவு, சேமிப்பு, முதலீடு... நிதி ஆலோசகரின் ஆலோசனை ஏன் தேவை?

நிதி ஆலோசனை

Published:Updated:
நிதி ஆலோசனை
பிரீமியம் ஸ்டோரி
நிதி ஆலோசனை

செய்கிற செலவைச் சுருக்கியே தீர வேண்டும்; சிக்கனமாகச் செய்த செலவு போக மிச்சமுள்ள பணத்தைச் சேமிக்க வேண்டும்; சேமிப்பிலிருந்து முதலீட்டுக்கு முன்னேற்றம் காண வேண்டிய தருணம் இது. இந்த எண்ணம் உங்களுக்கு ஏற்பட்டவுடன் நீங்கள் ஒரு நிதி ஆலோசகரைத் தேடிச் சென்று, உங்களுக்கான நிதித் திட்டத்தை வடிவமைத்துக் கொள்வது அவசியத்திலும் அவசியம்.

ப.முகைதீன் சேக் தாவூது
ப.முகைதீன் சேக் தாவூது

யாருக்குத் தேவை?

வரவு - செலவை முறைப்படுத்தத் தெரிந்த வர்களுக்கும், சேமிப்புக்கும் முதலீட்டுக்குமான வித்தியாசத்தைப் புரிந்துகொண்டவர்களுக்கும், முதலீட்டுக்கான இலக்குகளைத் தனது கட்டுப் பாட்டுக்குள் வைத்துக்கொண்டு நிதி நிர்வாகம் செய்யத் தெரிந்தவர்களுக்கும் நிதி ஆலோசனை அவ்வளவாகத் தேவைப்படாது.

ஆனால், தனது செலவு கட்டுக்குள் உள்ளதா, சேமிக்கும் முறை சரியானதா, முதலீடு போதுமானதா என்பதை எல்லாம் தானே நிர்ணயிக்க முடியாதவர்கள் கட்டாயமாக ஒரு நிதி ஆலோசகரைத் தேடிச் சென்று ஆலோசனை பெறுவது அவசியம். செலவு, சேமிப்பு, முதலீடு தொடர்பாக இது மாதிரியான நபர்களிடம் இருக்கும் பிரச்னைகள் என்ன என்பதை நிதி ஆலோசகர்கள் துல்லியமாகக் கணிப்பதுடன், அதற்குத் தேவையான சரியான ஆலோசனைகளையும் அவர்கள் வழங்கு வார்கள்.

சரி, நிதி ஆலோசகரின் ஆலோசனை பெற அவரைத் தேடிச் செல்ல வேண்டுமா, வேண்டாமா என்பதை எப்படி அறிவது..? இதற்கான சில அறிகுறிகள் நம்மிடம் தென்படும். இந்த அறிகுறிகளை வைத்து நாம் நிதி ஆலோசகரைத் தேடிச் செல்வதா, வேண்டாமா என்று முடிவு செய்யலாம். அவை என்னென்ன அறிகுறிகள் என்று பார்ப்போம்.

1. முதலீட்டுக்கான அறிகுறி

நாளைய நல்வாழ்வுக்கு இப்போதே முதலீடு செய்வது அவசியம் என்பது ஒருவருக்கு நன்கு தெரிந்திருக்கிறது. அதற்கான வசதியும் அவருக்கு இருக்கிறது என்றபோதிலும், எப்படி முதலீடு செய்யலாம், எவ்வளவு முதலீடு செய்ய லாம் என்பதை முடிவு செய்ய முடியாமல் இன்றைக்கு நாளைக்கு என்று காலம் கரைந்து கொண்டே இருக்கும். முதலீட்டுக்கான இந்த காலதாமதம் நமக்கு உணர்த்தும் செய்தி என்ன வெனில், ‘உங்களுக்கு உடனடியாக ஒரு நிதி ஆலோசகரின் உதவி அவசியம்’ என்பதுதான்.

2. பாடுபட்டும் மிச்சமில்லை...

‘வருடக் கணக்காகப் பாடுபட்டு கைநிறையச் சம்பாதிக்கிறோம். ஆனால், சொத்து என்று சொல்லிக்கொள்ள ஏதுமில்லை. முதலீடு என்று எதையும் செய்தபாடில்லை. காரணம், சம்பாதித்ததை சேமிக்கத் தெரியவில்லை’ என்கிற நிலையில் இருப்பவர்கள், தனது சம்பாத்தியம், தேறாமல் போய்க்கொண்டிருப் பதைத் தடுத்து நிறுத்த வேண்டுமானால் ஒரு நிதி ஆலோசகரின் உதவியை உடனடியாக நாடுவது கட்டாயம்.

3. ஓய்வுக்கால நிதியம்

ஓய்வுக்கால நிதியத்துக்குச் சேமிக்கிறீர்கள். தற்போதைய சேமிப்பு போதுமானதா, இல்லையா என்பதைத் தீர்மானிக்க முடிய வில்லை. ஒவ்வொரு முறையும் போடுகிற ஓய்வுக்கால நிதியம் பற்றிய கணக்கு எப்படிப் போட்டாலும் திருப்தியாக வரவில்லை எனில், இதற்கு மேலும் குழப்பிக்கொள்ளாமல் ஒரு நிதி ஆலோசகரைச் சந்திப்பது அவசியம். ஓய்வுக்கால தேவை எவ்வளவு, உங்களது வருமானத்துக்குப் பொருத்தமான சேமிப்பு எவ்வளவாக இருக்க வேண்டும் என்பதை அந்த நிதி ஆலோசகர் சரியாக நிர்ணயம் செய்து தந்துவிடுவார்.

4. தொடர் நஷ்டம்

பங்குச் சந்தையில் முதலீடு செய்து வருகிறீர்கள்; ‘தொடர்ந்து நஷ்டம் வருகிறது. சந்தை சதி செய்கிறது’ என்று புலம்பிப் பயனில்லை. ஏனெனில், நீங்கள் விஷயம் புரியாமல் அதைச் செய்து வரலாம். இதற்கு மேலும் நஷ்டம் ஏற்படாமல் தவிர்க்க ஒரு நல்ல நிதி ஆலோசகரை நாடினால் அவர் உங்களது முதலீட்டுத் தவறு என்ன என்பதைக் கண்டுபிடித்துச் சொல்வார். அந்த நஷ்ட வகை முதலீட்டைத் தொடராமல், லாபகரமான முதலீட்டு வகைக்கு ஆலோசனையும் பெறலாம்.

செலவு, சேமிப்பு, முதலீடு... நிதி ஆலோசகரின் ஆலோசனை ஏன் தேவை?

5. முக்கியமான நிகழ்வுகள்

திருமணம், மகப்பேறு, பிள்ளைகளின் கல்வி, வீடு வாங்குதல் போன்ற வாழ்வின் முக்கிய நிகழ்வுகள் உங்களது நிதிப்பொறுப்பை அதிகரிக்கச் செய்யும். எனவே, தற்போதைய முதலீட்டு முறையை மறுபரிசீலனை செய்து, மேற்கண்ட ஒவ்வொரு நிகழ்வையும் எதிர்கொள்ள, ஒவ்வொன்றுக்கும் எவ்வளவு முதலீடு செய்வது அவசியமாக இருக்கும் என்ற ஆலோசனை பெறலாம்.

6. கருத்து வேறுபாடு

நிதி நிர்வாகம் சார்ந்த நடவடிக்கைகளில் தம்பதிக்குள் கருத்துவேறுபாடும், சச்சரவும் ஏற்படுவது சகஜம். இதுபோன்ற நிகழ்வுகளில் ஒரு வெளிமனிதர்தான் உங்களிடையே நிதி இணக்கத்தை ஏற்படுத்த முடியும். அந்த வெளிமனிதர் நிதி ஆலோசகராகவே இருக்க வாய்ப்புண்டு.

7. வருமான வரி சேமிப்பு

நம்மில் பெரும்பாலோர் வருமான வரியைச் சேமிப்பதில் பெரிதும் ஆர்வம் உள்ளவர்களாக இருக்கிறோம். வருமான வரிச் சேமிப்புக்கான திட்டம் வேறு, முதலீட்டுக்கான திட்டம் வேறு. முதலீட்டுக்கான திட்டம் என்று நினைத்து, வரி சேமிக்க உதவும் ஆயுள் கால காப்பீட்டு பாலிசிகளை எடுத்தால் எந்த பிரயோஜனமும் ஏற்படாது. வரி சேமிக்கவும், முதலீடு செய்யவும் எவை சரியான திட்டங்கள் என்பதைத் தெரிந்துகொள்ள நிதி ஆலோசகரின் வழிகாட்டுதல் முக்கியம்.

கட்டணம் செலுத்தத் தயங்க வேண்டாம்

நமக்கு சரியான நிதி ஆலோசனை வழங்கி, நமது சொத்தைப் பல மடங்கு பெருக்க உதவியாக இருக்கும் நிதி ஆலோசகர் அந்த ஆலோ சனையை நமக்கு இலவசமாகத்தர வேண்டும் என்று எதிர்பார்ப்பது நியாயம் அல்ல. நம் உடல்நலம் பாதிப்படைந்து இருக்கிறது. அதைச் சரிசெய்ய ஒரு நல்ல மருத்துவரைத் தேடிச் செல்கிறோம். அவர் இலவசமாக நமக்கு வைத்தியம் பார்க்க வேண்டும் என்று நாம் எதிர்பார்ப் பதில்லை. நம் வீட்டில் சொத்து தொடர்பாக ஒரு பிரச்னை ஏற்படுகிறது. ஒரு நல்ல வழக்கறிஞரைத் தேடிச் சென்று ஆலோசனை பெறுகிறோம். அந்த ஆலோசனையை அவர் நமக்கு இலவசமாக அளிக்க வேண்டும் என்று நாம் எதிர்பார்ப்பதில்லை. அவரவருக்குரிய கட்டணத்தைக் கட்டித்தான் சேவையைப் பெறுகிறோம்.

ஆனால், நமக்கான நிதித் திட்டமிடலை மட்டும் யாராவது இலவசமாகச் செய்து தர மாட்டார்களா என்று நாம் எப்படி எதிர்பார்க்க முடியும்? சில ஆயிரங்களைச் செலவு செய்து நாம் சரியான நிதித் திட்டமிடலைச் செய்து கொண்டால், பல லட்ச ரூபாயைச் சேர்க்க அது உதவியாக இருக்கும். எனவே, கட்டணம் கட்டி, நிதித் திட்ட மிடலைப் பெறும் பழக்கத்தை இனி நாம் உருவாக்கிக்கொள்ள வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism