Published:Updated:

மருத்துவக் காப்பீடு இருந்தாலும் மருத்துவப் பராமரிப்பு நிதி ஏன் தேவை?

மருத்துவப் பராமரிப்பு நிதி
பிரீமியம் ஸ்டோரி
மருத்துவப் பராமரிப்பு நிதி

நிதித் திட்டம்

மருத்துவக் காப்பீடு இருந்தாலும் மருத்துவப் பராமரிப்பு நிதி ஏன் தேவை?

நிதித் திட்டம்

Published:Updated:
மருத்துவப் பராமரிப்பு நிதி
பிரீமியம் ஸ்டோரி
மருத்துவப் பராமரிப்பு நிதி

இன்றைக்குப் பலருக்கும் அதுவும் கோவிட்-19 பாதிப்புக்குப் பிறகு, மருத்துவக் காப்பீடு பற்றிய விழிப்புணர்வு மிகவும் அதிகரித்துள்ளது. ஒருவருக்குப் பணிபுரியும் அலுவலகம் மூலம் வழங்கப்படும் ஹெல்த் இன்ஷூரன்ஸ் பாலிசியில் கவரேஜ் என்பது சுமார் ரூ.1 லட்சம் அல்லது அதிகபட்சம் ரூ.2 லட்சமாக இருக்கும்.

கா.ராமலிங்கம் 
இணை நிறுவனர், 
https://www.holisticinvestment.in/
கா.ராமலிங்கம் இணை நிறுவனர், https://www.holisticinvestment.in/

இந்த நிலையில், இந்தக் காப்பீட்டுத் திட்டம் தவிர, தனியே மருத்துவக் காப்பீட்டுத் திட்டம் மற்றும் அதற்கு டாப்அப் பாலிசி எனப் பலரும் எடுத்து வைத்திருக்கிறார்கள்.

பலரும், நாம்தான் ஹெல்த் இன்ஷூரன்ஸ் பாலிசி எடுத்து வைத்திருக்கிறோமே, அது குடும்ப உறுப்பினர்கள் அனைவரின் பெரிய மருத்துவச் செலவுகள் அனைத்துக்கும் இழப்பீடு கொடுக்கும் என நினைக்கிறார்கள். இது மிகப் பெரிய தவறு என்பதற்கு மூன்று முக்கியமான காரணங்கள் உள்ளன.

ஒன்று, நாளுக்கு நாள் மருத்துவச் செலவுகள் மற்றும் மருத்துவக் கட்டணங்கள் பெட்ரோல், டீசல் விலைபோல் உயர்ந்து வருவதாகும். இரண்டு, அனைத்து மருத்துவமனை செலவு களுக்கும் காப்பீட்டு பாலிசியில் இழப்பீடு கிடைப்பதில்லை. மூன்றாவதாக, மருத்துவ மனைக்கு வெளியேயும் பல செலவுகள் இருப்பதாகும். நோய்ப் பாதிப்பை உறுதி செய்வதற்கான சோதனைகளை மேற்கொள்ளவே பல ஆயிரம் ரூபாய் செலவாகிவிடுகிறது.

இந்த நிலையில், மருத்துவப் பராமரிப்பு நிதி (Healthcare Fund) என்கிற தொகுப்பு நிதியைத் தனியாக உருவாக்கி வைத்திருப்பது அவசியமாக இருக்கிறது.

மருத்துவக் காப்பீடு இருந்தாலும் 
மருத்துவப் பராமரிப்பு நிதி ஏன் தேவை?

நிதித் திட்டமிடல் மேற்கொள்ளும்போது மருத்துவக் காப்பீட்டுக்குத் திட்டமிடும்போதே இந்த மருத்துவப் பராமரிப்பு நிதிக்கும் திட்டமிடுவது மிக அவசியம். பொதுவாக, இந்தப் பணம் மருத்துவக் காப்பீட்டு பாலிசியில் கவர் ஆகாத செலவுகளைச் சமாளிக்க உதவி செய்வதாக இருக்கும்.

மருத்துவக் காப்பீட்டில் பல விதிவிலக்குகள் உள்ளன. மேலும், உங்கள் எல்லா மருத்துவச் சேவைகளையும் செலவுகளையும் பூர்த்தி செய்யாது.

பொதுவான, மருத்துவக் காப்பீட்டில் எய்ட்ஸ், பல் சீரமைப்பு, காஸ்மெட்டிக் சர்ஜரி, பிரசவம், மனநலம் சார்ந்த நோய்கள், அக்கு பங்சர், மேக்னட்டோ தெரபி போன்ற மாற்று மருத்துவச் சிகிச்சைகள் மேற்கொண்டால் க்ளெய்ம் கிடைக்காது.

மேலும், ஓர் அவசர நிலையில் பணமில்லா சிகிச்சைக்கான (Cashless Treatment) வசதி இல்லை எனில், கையிலிருக்கும் பணத்தைக் கொண்டு வேறு மருத்துவமனையில் சிகிச்சை எடுத்த நிலையில், அதை க்ளெய்ம் செய்து கொள்ள வேண்டிவரும். அதற்குக் கையில் கணிசமான பணம் இருப்பது அவசியமாகும். அதற்கு மருத்துவப் பராமரிப்பு நிதி இருப்பது அவசியமாகும்.

ஒருவர் ஹெல்த் பாலிசி எடுத்திருக்கிறார். அவருக்கு ஏற்கெனவே இருக்கும் நோய்க்கு நான்கு ஆண்டுகள் கழித்து சிகிச்சை எடுக்கும் போதுதான் க்ளெய்ம் செய்ய முடியும். இந்த நிலையில், பாலிசி எடுத்து சுமார் இரண்டு ஆண்டுகள் கழித்த நிலையில், அவருக்கு அந்த நோய்ப் பாதிப்பு அதிகமாகிவிட்டது. இப்போது சிகிச்சை மேற்கொள்ளவில்லை எனில், உயிருக்கு ஆபத்து என்கிற நிலையில் ஆபரேஷன் செய்ய செலவுக்குப் பணம் தேவை. இதற்கு மருத்துவப் பராமரிப்பு நிதி நிச்சயம் உதவும்.

மேலும், நோய்வாய்ப்பட்டு அல்லது விபத்தில் சிக்கி படுக்கையில் இருக்கும் நிலையில், குடும்ப உறுப்பினர்களால் நீண்ட காலத்துக்கு உடன் இருந்து கவனிக்க முடியாது என்கிற நிலையில் கவனித்துக்கொள்ள செவிலியர்களை வேலைக்கு வைக்க வேண்டிவரும். அது போன்ற நேரங்களில் அவர்களுக்கு சம்பளம் கொடுக்க மருத்துவப் பராமரிப்பு நிதி உதவியாக இருக்கும். இதை அவசரகால நிதியின் ஒரு பகுதியாக வைத்துக்கொள்வது நல்லது.

மருத்துவக் காப்பீட்டு பாலிசியில் எந்த அளவுக்கு காப்பீடு கவரேஜ் இருக்கிறதோ, அந்த அளவுக்குத்தான் இழப்பீடு கிடைக்கும். உதாரணத்துக்கு, ஒருவர் ரூ.2 லட்சத்துக்கு ஹெல்த் இன்ஷூரன்ஸ் பாலிசி எடுத்திருக்கிறார். அவருக்கு விபத்து ஏற்பட்டு மருத்துவச் சிகிச்சைக்கான செலவு ரூ.4 லட்சம் எனில், கையிலிருந்து ரூ.2 லட்சம் போட வேண்டி யிருக்கும். இந்த நிலையில், மருத்துவப் பராமரிப்பு நிதி அவசியமாகிறது.

மருத்துவக் காப்பீடு இருந்தாலும் 
மருத்துவப் பராமரிப்பு நிதி ஏன் தேவை?

மருத்துவப் பராமரிப்பு நிதியாக எவ்வளவு தொகை இருக்க வேண்டும் என்பதற்கு, இது தனிநபர்கள் மற்றும் அவர்களின் குடும்ப உறுப்பினர்களின் எண்ணிக்கை, வயது, அவர்களின் வாழ்க்கை முறை, குடும்ப மருத்துவ வரலாறு மற்றும் அவர்கள் வசிக்கும் நகரைப் பொறுத்து மாறுபடும்.

ஏற்கெனவே அவசரகால நிதியாக மாதக் குடும்பச் செலவைப்போல் சுமார் 5 மடங்கு தொகையை வைத்திருக் கிறீர்கள் எனில், மருத்துவப் பராமரிப்பு நிதியாக இன்னு மொரு 3 மாதம் அல்லது 5 மாதச் செலவுத் தொகையை மருத்துவப் பராமரிப்பு நிதியாக வைத்துக் கொள்வது நல்லது.

உதாரணமாக, பத்தாண்டுக் காலத்தில் ரூ.1 லட்சம் மருத்துவ பராமரிப்பு நிதியை உருவாக்க வேண்டும் என வைத்துக் கொள்வோம். அவர் அதிக ரிஸ்க் இல்லா முதலீடு மூலம் ஆண்டுக்கு 6% வருமானம் பெறும் நிலையில் மாதம் 610 ரூபாய் முதலீடு செய்து வந்தால் போதும்.

ஆண்டுகள் அதிகரிக்கும் போது மருத்துவச் செலவுகளும் அதிகரிக்கும். அந்த வகையில், உங்கள் சம்பளம் அதிகரிக்கும் போது மருத்துவப் பராமரிப்பு நிதிக்கான முதலீட்டுத் தொகை யையும் அதிகரித்து வருவது அவசியமாகும்.

அனைவரிடமும் மருத்துவக் காப்பீட்டு பாலிசியுடன் இந்த மருத்துவப் பராமரிப்பு நிதியும் இருக்கும்பட்சத்தில் நிச்சயமற்ற சூழ்நிலையைச் சுலபமாகச் சமாளிக்க முடியும். கடன் வாங்கித்தான் நிலைமையைச் சமாளிக்க வேண்டிய கட்டாயம் எதுவும் ஏற்படாது!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism