Published:Updated:

வரிசை கட்டும் ஐ.பி.ஓ-க்கள்... முதலீடு செய்தால் லாபமா..? முதலீட்டாளர்கள் கவனத்துக்கு..!

ஐ.பி.ஓ
பிரீமியம் ஸ்டோரி
News
ஐ.பி.ஓ

S H A R E M A R K E T

வி.விஜயகுமார், நிறுவனர், zebuetrade.com

பங்குச் சந்தைகளுக்கு 2020-ம் ஆண்டு முக்கியமான ஆண்டு. முதல் இரண்டு மாதங்கள் பங்குச் சந்தையில் பெரிய சரிவு இருந்தது. இந்தச் சரிவு ஊரடங்கு தொடங்கும்போது இருந்தது. ஊரடங்குக்குப் பிறகு பங்குச் சந்தையில் பெரிய மாற்றம் இருந்தது. பங்குச் சந்தையில் முதலீடு குவிந்தது. புதிய சிறு முதலீட்டாளர்கள் தொடர்ந்து சந்தைக்கு வந்துகொண்டி ருந்தனர். சந்தை ஏற்றத்தில் இருந்த தால், பல நிறுவனங்களின் புதிய பங்கு வெளியீடு (ஐ.பி.ஓ) கடந்த ஆண்டு நடந்தது. 2020-ம் ஆண்டு மட்டும் 15 நிறுவனங்கள் சுமார் ரூ.25,000 கோடி அளவுக்கு பங்குச் சந்தையில் நிதி திரட்டின.

வி.விஜயகுமார் 
நிறுவனர்,  zebuetrade.com
வி.விஜயகுமார் நிறுவனர், zebuetrade.com

வரிசைகட்டும் ஐ.பி.ஓ-க்கள்..!

சில நிறுவனப் பங்குகளுக்கு பல மடங்கு விண்ணப்பங்கள் குவிந்தன. இந்த ஆண்டும் (2021) பல நிறுவனங்கள் ஐ.பி.ஓ வெளியிடத் திட்டமிட்டுள்ளன. கடந்த வாரத்தில் ஹோம் ஃபர்ஸ்ட் நிறுவனம் உட்பட சில நிறுவனங்களின் ஐ.பி.ஓ விண்ணப்பங்கள் வந்திருக்கின்றன. சுமார் 30 நிறுவனங்கள் இந்த ஆண்டு ஐ.பி.ஓ கொண்டு வரத் திட்டமிட்டுள்ள தாகத் தெரிகிறது. எல்.ஐ.சி, சூர்யோதை ஸ்மால் ஃபைனான்ஸ் பேங்க், கல்யாண் ஜூவல்லரி உள்ளிட்ட நிறுவனங்கள் இந்த ஆண்டு ஐ.பி.ஓ வரத் திட்ட மிட்டிருக்கும் சில நிறுவனங்கள்.

மூன்று விதமான முதலீட்டாளர்கள்...

முதலீட்டாளர்களை மூன்று விதமாகக் குறிப்பிடலாம். ஐ.பி.ஓ பட்டியலாகும் நாளில் விற்று லாபத்தை எடுக்கும் முதல் பிரிவினர். மற்றொரு பிரிவினர், வாரன் பஃபெட் போல ஐ.பி.ஓ-வில் முதலீடு செய்ய மாட்டேன் எனக் கொள்கை உடையவர்கள். ஐ.பி.ஓ-வில் முதலீடு செய்ய மாட்டேன். ஆனால், அந்தப் பங்கு பட்டிய லான பிறகு, சந்தை நிர்ணயம் செய்யும் விலையைப் புரிந்து கொண்டு சரிவு ஏற்படும்போது காத்திருந்து வாங்குபவர்கள். மூன்றாவது வகையான முதலீட்டாளர்கள் செல்வ உருவாக்கத்துக்காக ஐ.பி.ஓ-வில் முதலீடு செய்பவர்கள். இதுபோல பலவகையான முதலீட்டாளர்கள் இருக்கிறார்கள்.

வரிசை கட்டும் ஐ.பி.ஓ-க்கள்... முதலீடு செய்தால் லாபமா..? முதலீட்டாளர்கள் கவனத்துக்கு..!
ஐ.பி.ஓ

ஐ.பி.ஓ இண்டெக்ஸ்

சமீபத்தில் ஐ.பி.ஓ இண்டெக்ஸ் எனப் புதிய குறியீடு அறிமுகப்படுத்தப்பட்டிருக் கிறது. இந்தக் குறியீடு கடந்த ஓர் ஆண்டில் 26% வளர்ச்சி அடைந்திருக்கிறது. இதனால் ஐ.பி.ஓ குறித்த புதிய உற்சாகம் முதலீட் டாளர்களிடையே எழுந்திருக்கிறது. (ஐ.பி.ஓ இண்டெக்ஸ் பற்றித் தெரிந்து கொள்ள இந்த லிங்கை சொடுக்கவும்: https://www.bseindia.com/sensex/code/72)

ஐ.பி.ஓ-வில் முதலீடு செய்வதற்கும் ஐ.பி.ஓ இண்டெக்ஸ் குறியீட்டின் வளர்ச்சிக்கும் எந்த சம்பந்தமும் இல்லை என்பதை முதலீட்டாளர்கள் புரிந்துகொள்ள வேண்டும். கடந்த ஓர் ஆண்டில் வெளியான ஐ.பி.ஓ-க்களின் செயல்பாடுதான் ஐ.பி.ஓ இண்டெக்ஸ். ஒரு நிறுவனத்தின் பங்கின் சந்தை மதிப்பு ரூ.100 கோடிக்கு மேல் இருக்க வேண்டும். தவிர, ஓர் ஆண்டு மட்டுமே இந்த ஐ.பி.ஓ குறியீட்டில் ஒரு பங்கு இருக்கும். மாதத்துக்கு ஒரு முறை பரிசீலனை செய்யப்படும். 100 கோடி ரூபாய்க்குக்கீழ் இருந்தால் குறியீட்டில் இருந்து அந்தப் பங்கு வெளியேறும்.இந்தக் குறியீட்டில் நன்றாக ஏற்றம் அடைந்த பங்கும் இருக்கும், கடும் சரிவைச் சந்தித்த பங்கும் இருக்கும்.

ஐ.பி.ஓ இண்டெக்ஸ் என்பது சந்தையின் செண்டிமென்ட் எப்படி இருக்கிறது என்பதைப் புரிந்துகொள்ள உதவுமே தவிர, முதலீட்டுக்கான காரணியாக மாறாது. சிறப்பாகச் செயல்படும் தேர்ந்தெடுத்த பங்குகள் மட்டுமே சென்செக்ஸ், நிஃப்டி குறியீட்டில் இருக்கும். ஆனால், ஐ.பி.ஓ குறியீடு என்பது வெளியாகும் அனைத்து புதிய பங்குகளும் இருக்கும். ஐ.பி.ஓ குறியீடு லாபமாக இருக்கும் என்பது என்பதால், அனைத்து ஐ.பி.ஓ-விலும் முதலீடு செய்ய வேண்டும் எனப் புரிந்துகொள்ள கூடாது. ஒவ்வொரு ஐ.பி.ஓ-வையும் தனித்தனியாகப் பரிசீலனை செய்ய வேண்டும்.

என்ன செய்யக் கூடாது..?

முதல் நாளில் கிடைக்கும் லாபத்துக்காக முதலீடு செய்வதைத் தவிர்க்கலாம். முதல் நாளில் லாபம் கிடைக்கலாம். ஆனால், அனைத்துப் பங்குகளிலும் முதல் நாளில் லாபம் கிடைக்கும் என்று சொல்ல முடியாது. 2020-ம் ஆண்டு வெளியான ஐ.பி.ஓ-களில்கூட முதல் நாள் வர்த்தகத்தில் சரிந்த பங்குகள் உண்டு. தவிர, முதல் நாள் அதிகமாக உயர்ந்து அதன் பிறகு, கடுமையாகச் சரிந்த பங்குகள் ஏராளம்.

அதே போல, முதலீட்டாளர்களால் அதிகம் விரும்பாத பங்குகள் பின்னாள்களில் அதிக ஏற்றத்தையும் கொடுத்திருக்கிறது. உதாரணத்துக்கு, இன்ஃபோசிஸ் பங்கை எடுத்துக் கொண்டால் ஆரம்பத்தில் இந்தப் பங்குக்கு சந்தையில் வரவேற்பு இல்லை. ஆனால், இந்தப் பங்கு முதலீட்டாளர்களுக்கு பல மடங்கு லாபத்தைக் கொடுத்தது. அதே போல, பிரபலமான நிறுவனம் ஐ.பி.ஓ வெளி யிடுகிறது என்றால், அந்த ஐ.பி.ஓ-வில் முதலீடு செய்ய வேண்டிய அவசியம் இல்லை. காரணம், பிரபலமான நிறுவனப் பங்கின் விலை சந்தை எதிர்பார்ப்பைவிட அதிகமாக இருக்கலாம்.

ஐ.பி.ஓ
ஐ.பி.ஓ

என்ன செய்யலாம்?

சாதாரண நாள்களில் முதலீடு செய்வதற்கும் ஐ.பி.ஓ சமயத்தில் முதலீடு செய்வதற்கும் எந்த வித்தி யாசமும் இல்லை. நிறுவனத்தின் செயல்பாடுதான் முதலீட்டுக்கு முக்கியமான காரணி. நிறுவனத்தைக் குறித்து ஆராய்ச்சி செய்ய வேண்டும் எனச் சொன்னால், சற்று சிக்கலான விகிதங்கள் என்னென்ன என்று புரிந்துகொள்ள வேண்டாம். அடிப் படையான சில விஷயங்களை யாவது புரிந்த பிறகே முதலீட்டைத் தொடங்க வேண்டும். ஒரு நிறுவனம் எந்தத் துறையில் இருக்கிறது, அந்த நிறுவனத்தின் வருமான வளர்ச்சி எப்படி இருக்கிறது, சந்தைப் பங்களிப்பு எவ்வளவு, கடன் எவ்வளவு இருக்கிறது என்பது குறித்த பொதுவான தகவல்களையாவது அறிந்து வைத்திருப்பது அவசியம்.

ஐ.பி.ஓ என்பது புதிய நிறுவனங் களில் முதலீடு செய்வதற்கான வாய்ப்பு என்றாலும், சம்பந்தப்பட்ட நிறுவனம் நிதி திரட்டுகிறது என்பது தான் நிஜம். ஆனால், அந்த நிதி எதற்காகப் பயன்படுத்தப்படுகிறது என்பதை அறிவது அவசியம். ஏற்கெனவே இருக்கும் முதலீட் டாளர்கள் வெளியேறுவதற்கு வாய்ப்பு வழங்குவது, விரிவாக்கப் பணிகளுக்கு நிதி திரட்டுவது போன்ற காரணங்களை ஏற்றுக்கொள்ளலாம். ஆனால், நிதி திரட்டி கடனை அடைக்கிறது என்றால் கொஞ்சம் எச்சரிக்கையாக இருக்க வேண்டும்.

ஐ.பி.ஓ-வுக்குப் பிறகு, ஒரு நிறுவனத்தில் நிறுவனர்களின் பங்கு எவ்வளவு இருக்கிறது என்பதை பார்க்க வேண்டும். ஐ.பி.ஓ-வுக்குப் பிறகு, அந்த நிறுவனத்தில் நிறுவனர் களின் பங்கு குறைந்தபட்சம் 20% அளவுக்கு இருக்க வேண்டும் என்பது விதிமுறை. ஐ.பி.ஓ-வுக்குப் பிறகு, நிறுவனர்களின் பங்கு எத்தனை சதவிகிதம் இருக்கிறது என்பதைப் பொறுத்து அந்த நிறுவனத்தில் நிறுவனர்களின் மீதான நம்பிக்கை தெரியும். விதிமுறைக்காக 20% மட்டுமே இருந்தது என்றால், இது போன்ற ஐ.பி.ஓ-களில் முதலீடு செய்வதைத் தவிர்க்கவும்.

ஐ.பி.ஓ செயல்பாடு - 2020

வரிசை கட்டும் ஐ.பி.ஓ-க்கள்... முதலீடு செய்தால் லாபமா..? முதலீட்டாளர்கள் கவனத்துக்கு..!

செல்வ உருவாக்கம்..!

ஐ.பி.ஓ மூலம் பட்டியலான நாளில் லாபம் சம்பாதிக்கலாம், குறுகிய காலத்தில் நல்ல லாபம் சம்பாதிக்கலாம். ஆனால், செல்வ உருவாக்கம் எப்படி உருவாக்க முடியும்? ஏற்கெனவே பயன்பாட்டில் உள்ள துறைகளில் இருக்கும் நிறுவனங்களில் முதலீடு செய்வதன் மூலம் லாபம் மட்டுமே சம்பாதிக்க முடியும். ஆனால், அடுத்து வரும் கால கட்டத்துக்குத் தேவையான நிறுவனங் களில் முதலீடு செய்வதன் மூலமே நாம் கணிசமான செல்வத்தை உருவாக்க முடியும். இதில் இரு விதமான வாய்ப்புகள் உள்ளன.

அதாவது, சில பங்குகளில் முதலீட் டாளர்கள் கவனமே இருக்காது அல்லது கூடுதல் கவனத்தால் விலை அதிகமாக இருக்கும். இன்ஃபோசிஸ் வெளியான சமயத்தில் அந்தப் பங்குகளை வாங்க ஆள் இல்லை. அதாவது, அந்த பிஸினஸ் குறித்த புரிந்துகொள்ளல் இல்லை. ஆனால், இது ஒரு முக்கியமான கேம் சேஞ்சர். மற்றொரு உதாரணம், ஆப்பிள் மற்றும் டெஸ்லா. இந்த இரு பங்கு களும் அடுத்துவரும் காலகட்டத் துக்கான பங்குகள். ஆனால், இந்தப் பங்குகளின் மதிப்பீடுகள் மிக அதிகமாக, முதலீட்டுக்கு ஏற்றவை யாக இல்லாமல் இருக்கும்.

இதனால் இந்தப் பங்குகளில் முதலீடு செய்யாமல் தவிர்த்தவர்கள் பலர். ஆனால், கடந்த சில ஆண்டு களாக இந்தப் பங்குகள் விலை தொடர்ந்து உயர்ந்துகொண்டே வந்திருக்கிறது. இது போன்ற வரும் காலத்துக்குத் தேவையான பங்குகளில் முதலீடு செய்வதன் மூலமே செல்வ உருவாக்கம் சாத்தியம். இதில் அதிக லாபத்துக்கு வாய்ப்பிருக்கிறது, அதேசமயம் மொத்த முதலீட்டையும் இழக்கும் வாய்ப்பும் இருக்கிறது. அதனால் நாம் லாபத்துக்காக முதலீடு செய்யப்போகிறோமா அல்லது செல்வ உருவாக்கத்துக்காக முதலீடு செய்யப்போகிறோமா என்னும் தெளிவு அவசியம். வெல்த் கிரியேஷன் ஒரு நாளில் நடக்காது. பல ஏற்றத் தாழ்வுகளைச் சந்தித்த பிறகே, நடக்கும் என்பதால், வெல்த் கிரியேஷ னுக்காக முதலீடு செய்ய இருக்கும் பங்குகளில் காத்திருப்பு முக்கியம்.

மனதில் கொள்ள வேண்டிய 3 விஷயங்கள்!

ஐ.பி.ஒ.வைப் புரிந்துகொள்வதற்கு 2021-ம் ஆண்டில் பல வாய்ப்புகள் காத்திருக்கின்றன. 1. முதல் நாள் லாபத்துக்காக முதலீடு செய்யாதீர்கள், சந்தர்ப்ப சூழலால் பட்டியலாகும் நாளில் சந்தை சரிந்தால் என்னவாகும்? 2. ஐ.பி.ஓ இண்டெக்ஸ் ஒரு குறியீடு மட்டுமே. அனைத்து ஐ.பி.ஒ-க்களிலும் முதலீடு செய்வதற்கான பரிந்துரை அல்ல. 3. ஐ.பி.ஓ மூலம் லாபம் அடைவது நோக்கமா வெல்த் கிரியேஷன் நோக்கமா என்பதில் தெளிவாக இருக்க வேண்டும்.

பிட்ஸ்

தொழிலாளர் வருங்கால வைப்பு நிதியத்தில் (EPF) புதிதாகச் சேர்ந்தவர் களின் எண்ணிக்கை கடந்த நவம்பரில் 6.6 லட்சமாக உள்ளது. கடந்த அக்டோபரில் 6.6 லட்சம் பேரும் நவம்பரில் 11.4 பேரும் சேர்ந்தது குறிப்பிடத் தக்கது!

பிட்ஸ்

ருமான வரித் துறையானது கடந்த 18-ம் தேதி வரை மொத்தம் ரூ.1.75 லட்சம் கோடியை வரிதாரர் களுக்குத் திரும்ப அளித்திருக்கிறது. இதில் ரூ.58,631 கோடியை தனிநபர் களுக்கும் ரூ.1.17 கோடி கார்ப்பரேட் நிறுவனங்களுக்கும் திரும்ப வழங்கப்பட்டு உள்ளன!