Published:Updated:

மிடில் கிளாஸ் To மில்லியனர் உங்களைக் கோடீஸ்வரராக்கும் நிதிப் பாடங்கள்!

மிடில் கிளாஸ் To மில்லியனர்
பிரீமியம் ஸ்டோரி
மிடில் கிளாஸ் To மில்லியனர்

பர்சனல் ஃபைனான்ஸ் - புதிய தொடர் -1

மிடில் கிளாஸ் To மில்லியனர் உங்களைக் கோடீஸ்வரராக்கும் நிதிப் பாடங்கள்!

பர்சனல் ஃபைனான்ஸ் - புதிய தொடர் -1

Published:Updated:
மிடில் கிளாஸ் To மில்லியனர்
பிரீமியம் ஸ்டோரி
மிடில் கிளாஸ் To மில்லியனர்

சமூகத்தில் அனைவருக்குமான ஒரு பொதுவான ஆசை, கனவு, இலக்கு என ஒன்று இருக்கிறது. அது, கோடீஸ்வரராக வேண்டும் என்பதே. உதாரணமாக, ஒருவர் ரூ.1 கோடி தொகுப்பு தொகையுடன் (Corpus) 60 வயதில் ஓய்வு பெறுகிறார் என்று வைத்துக் கொள்வோம். அப்போது மாதச் செலவு சுமார் 25,000 ரூபாயாக வைத்துக் கொள்வோம். ஆண்டுக்கு சராசரியாகப் பணவீக்க விகிதம் 6% எனில், அவரின் 72-வது வயதில் மாதச் செலவு சுமார் 50,000 ரூபாயாக அதிகரித்திருக்கும்.

எம்.சதீஷ் குமார் 
நிறுவனர், 
http://sathishspeaks.com/
எம்.சதீஷ் குமார் நிறுவனர், http://sathishspeaks.com/

நீங்கள் நீண்ட காலம் வாழும் அதே நேரத்தில், பணவீக்க விகிதம் அதிகரித்தால், இந்த ஒரு கோடி ரூபாய் என்பது உங்களின் ஓய்வுக்காலத் தேவைக்கு நிச்சயம் போதுமான தாக இருக்காது. உங்களின் ஆயுள் காலத்துக்கு முன்பே அந்தத் தொகை முழுவதும் செலவாகி விடும் என்பதை அனைவரும் கட்டாயம் புரிந்துகொள்ள வேண்டும். ஆனால், இன்றைய மருத்துவ வளர்ச்சி காரணமாக ஒவ்வொருவரின் ஆயுள் காலம் கணிசமாக அதிகரித்துள்ளது என்பது உண்மை. இந்தியர்களின் ஆயுள் காலம், 1994-ம் ஆண்டில் சுமார் 45 வயதாக இருந்தது; இது 2019–ம் ஆண்டில் 69 வயதாக அதிகரித்துள்ளது. கிராமங்களைவிட நகரங்களில் பலரும் நீண்ட நாள்கள் உயிர் வாழ்கிறார்கள். இப்படி ஆயுளும், கூடவே பணவீக்க விகிதமும் அதிகரிக்கும்பட்சத்தில், 58 - 60 வயதில் பணி ஓய்வு பெறும் ஒருவர் ஒரு கோடி ரூபாயைக் கையில் வைத்திருந்தாலும் அதை அவரின் 80 வயது வரைக்கும் பயன்படுத்த முடியுமா என்பது பெரிய கேள்விக்குறிதான். எனவே, ஒரு கோடி ரூபாய் தொகுப்பு நிதி போதும் என்று நினைப்பது காலாவதியான சிந்தனை ஆகிவிட்டது.

இப்போது ஓய்வுக்காலத்துக்கு ரூ.10 கோடி சேர்ப்பது எப்படி என்றுதான் பல முதலீட் டாளர்கள் யோசிக்க ஆரம்பித்துள்ளார்கள். ரூ.10 கோடி சேர்ப்பது ஒன்றும் பெரிய விஷய மில்லை. கூட்டு வட்டி அதாவது, பவர் ஆஃப் காம்பவுண்டிங் உதவியுடன் இந்தத் தொகையை சுலபமாகச் சேர்க்கலாம். இந்தக் கூட்டு வட்டி என்பது சிறிய தொகையைத் தொடர்ந்து நீண்ட காலத்துக்கு முதலீடு செய்து வரும்பட்சத்தில், பெரிய தொகுப்பு நிதியாக மாறிவிடும். அதாவது, வட்டிக்கு வட்டி, வருமானத்துக்கு வருமானம் என்பது போல் கூட்டு வட்டி செயல்படுகிறது.  

மாடல்: ஆர்.வில்சன் குமார்
மாடல்: ஆர்.வில்சன் குமார்

ரூ.10 கோடி சேர்க்கும் செயல் திட்டம்

விதிமுறை 15 X 15 X 30 ஆற்றல் மிகுந்த கான்செப்ட் ஆகும். இதன் மூலம் ரூ.10 கோடி தொகுப்பு நிதியைத் திரட்ட முடியும். அதாவது, ஒருவர் மாதம் ரூ.15,000 வீதம் 30 ஆண்டு களுக்குத் தொடர்ந்து இடைவிடாது முதலீடு செய்து, அதற்கு ஆண்டுக்குச் சராசரியாக 15% வருமானம் கிடைத்தால், அவருடைய முதிர்வுத் தொகை ரூ.10 கோடியாக இருக்கும்.

இன்றைக்கு வேலைக்குச் சேரும் பலரின் ஆரம்ப சம்பளமே ரூ.30,000, ரூ.40,000, ரூ.50,000 என இருக்கிறது. வேலைக்குச் சேர்ந்து ஓரிரு ஆண்டுகளுக்கு மாதம் ரூ.15,000 முதலீடு செய்வது கடினமான காரியமாக இருக்கலாம். அதன் பிறகு, சம்பளம் லட்சங்களில் மாறிய பிறகு, இந்த 15,000 ரூபாய் என்பது பெரிய தொகையாக இருக்காது. மேலும், பங்குச் சந்தை மற்றும் ஈக்விட்டி மியூச்சுவல் ஃபண்டுகள் நீண்டகாலத்தில் 15 சதவிகிதத்துக்கும் அதிகமான வருமானத்தைத் தந்துள்ளன; தந்து வருகின்றன. பங்குச் சந்தை மற்றும் ஈக்விட்டி ஃபண்டுகளில் நீண்ட காலத்தில் ரிஸ்க் பரவலாக்கப்பட்டு வருமானம் அதிகரிக்கப்படுகிறது.

நீங்கள் அதிகம் ரிஸ்க் எடுக்க விரும்பவில்லை எனில், பங்குச் சந்தை கடன் சார்ந்த ஃபண்டுகள், ஃபிக்ஸட் டெபாசிட், தங்கம் போன்றவற்றில் அஸெட் அலொகேஷன் முறைப்படி முதலீடு செய்தாலும், இந்த ரூ.10 கோடியை எட்டிவிட முடியும். இப்படி அஸெட் அலொகேஷன் படி முதலீடு செய்யும்போது முதலீட்டின் மீதான வருமானம் சற்றுக் குறைவாக இருக்கும் என்பதால், ரூ.15,000 என்கிற நிலையில் இடைப்பட்ட ஆண்டு களில் அதை ரூ.20,000 அல்லது ரூ.25,000 என்பதுபோல் அதிகரித்துக் கொண்டால், ரூ.10 கோடி என்ற இலக்கை அடைவது பெரிய விஷயமாக இருக்காது.

மிடில் கிளாஸ் To மில்லியனர்
உங்களைக் கோடீஸ்வரராக்கும் நிதிப் பாடங்கள்!

மாதம்தோறும் ரூ.15,000 வீதம் முதலீடு செய்யும்போது 30 ஆண்டுகளில் மொத்த முதலீட்டுத் தொகை ரூ.54 லட்ச மாக இருக்கும். உங்களுடைய முதிர்வுத் தொகை ரூ.10 கோடி ஆகும். இந்த விதிமுறையைத் தான் ஐன்ஸ்டீன் உலகின் எட்டாவது அதிசயம் என்கிறார். இதை நம்புவது மனித மனதால் சற்றுக் கடினமான விஷயமாக இருக்கும். ஆனால், நடைமுறை யில் சாத்தியமே. நான் முதலீட்டாளர்கள் கூட்டத்தில் பேசும்போது இந்த ஒரு நுட்பமான கேள்வியைக் கேட்பது வழக்கம். ‘‘ஒரு ரூபாய் தினமும் இரு மடங்காக அதிகரித்துவரும் தொகை, அல்லது ரூ.1 கோடி... இதில் எந்த ஒன்றை நீங்கள் தேர்வு செய்வீர்கள்?

‘‘பெரும்பாலான முதலீட்டாளர்கள் ஒரு கோடி ரூபாய் என்பதைத் தேர்வு செய்துவிடுவார்கள். அவர்கள் நேரடியாக அதிக தொகையைக் கணக்கில் எடுத்துக்கொண்டு, அப்படியொரு முடிவை எடுக் கிறார்கள். ஒரு சிலர் மட்டும் தினசரி இரு மடங்காகும் ஒரு ரூபாய் என்பதை எடுத்துக்கொள்வார்கள். அவர்களும் என்ன காரணத்துக்காக அந்த முடிவை எடுத்தார்கள் என்று கேட்டால், சரியாகச் சொல்லத் தெரியாது. தினசரி இருமடங்காகும் ஒரு ரூபாய் என்பது கிட்டத்தட்ட ஒரு மாதத்தில் 100 கோடியாக உயர்ந்து இருக்கும். அது எப்படி மாறும் என்பதைத் தெரிந்துகொள்ள அட்டவணையைப் பாருங்கள்! ஒரு சிறிய தொகை எப்படி பெரிதாக வளர்கிறது பார்த்தீர்களா?

மிடில் கிளாஸ் To மில்லியனர்
உங்களைக் கோடீஸ்வரராக்கும் நிதிப் பாடங்கள்!

சிறு வயதிலேயே அதாவது, இளமையிலேயே முதலீட்டை ஆரம்பித்துவிட்டால், சிறிய தொகையாக இருந்தாலும், அது பெரிய தொகையாக மாறிவிடும் என்பதற்கு இந்த அட்டவணை நமக்கு உணர்த்தும். இதுதான் கூட்டு வட்டியின் மகிமை. வேலைக்குச் சேர்ந்த ஆரம்ப சில ஆண்டுகளில் சம்பளம் என்பது குறைவாக இருக்கும். அதனால், முதலீட்டு தொகையும் குறைவாக இருக்கும். ஆனால், அது நீண்ட காலத்தில், தொடர்ந்து முதலீடு செய்துவரும்பட்சத்தில் முதலீடு வளர்ந்து நினைத்துப் பார்க்க முடியாத பெரும் தொகையை மேஜிக் போல நமக்குக் கொடுத்துவிடும்.

பலருக்கும் வேலைக்குச் சேர்ந்த புதிதில் அல்லது தொழில் தொடங்கிய புதிதில் முதலீட்டுக்கான தொகை என்பது பெரிய அளவில் இருக்காது. சிறிதாக தான் இருக்கும் அதுபற்றி ஒன்றும் கவலை தேவை யில்லை. சிறியதொகை என்றாலும் தயங்காமல் முதல் அடியை எடுத்து வையுங்கள். அது 200 ரூபாயாக இருக்கலாம்... 500 ரூபாயா இருக்கலாம்... 1,000 ரூபாயாக இருக்கலாம்... 10,000 ரூபாயா இருக்கலாம்.சேர்க்கத் தொடங்கும் தொகை எதுவாக வேண்டு மானாலும் இருந்துவிட்டுப் போகட்டும். ஆனால், அந்தத் தொகையை உங்கள் சம்பளம் / சம்பாத்தியம் உயர உயர அதிகரித்துக் கொண்டு செல்ல வேண்டும். தவிர, முதலீட்டுக் காலத்தை எப்போதும் நீண்டதாக வைத்துக்கொள்ளுங்கள். 25 ஆண்டு கள், 30 ஆண்டுகள் என்பதுபோல். அதே நேரத்தில் முதலீட்டை இடையில் நிறுத்தாமல் தொடர்ந்து செய்து வருவதன் மூலம் இந்த ரூ.10 கோடி தொகையை மிக எளிதாக அடைந்துவிட முடியும்.

நம்மில் பெரும்பாலானோர் இளம் வயதிலேயே சேமிப்பை ஆரம்பித்து விடுகிறார்கள். ஆனால், 99% பேர் இலக்கை அடையும் முன்பே, பணத்தை அது முதிர்வடையும் முன்பே எடுத்து விடுகிறார்கள். இதனால் அவர்களால் கூட்டு வளர்ச்சியின் பலனைப் பெற முடியாமல், பெரும் தொகையைச் சேர்க்க முடியாமல் போய்விடுகிறது. இந்த முதலீட்டுத் தவற்றை ஒருபோதும் செய்யாதீர்கள். முதலீட்டில் ஒழுங்கு, பொறுமையைக் கடைப்பிடிப்பது கட்டாயமாகும்.

(கோடீஸ்வரர் ஆவோம்)

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism