Published:Updated:

அதிகம் செலவு செய்வது ஆண்களா, பெண்களா..? வாசகர்களின் கலகல கமென்ட்ஸ்

செலவு செய்தல்...
பிரீமியம் ஸ்டோரி
செலவு செய்தல்...

I N T E R A C T I O N

அதிகம் செலவு செய்வது ஆண்களா, பெண்களா..? வாசகர்களின் கலகல கமென்ட்ஸ்

I N T E R A C T I O N

Published:Updated:
செலவு செய்தல்...
பிரீமியம் ஸ்டோரி
செலவு செய்தல்...

"அதிகம் செலவு ஆவதற்குக் காரணம் நீதான், இல்லை... இல்லை நீதான்” என குடும்பத்தில் வாக்குவாதம் நடப்பதைப் பார்த்திருக்கிறோம். அதிகம் செலவு செய்வது ஆண்களா, பெண்களா? உங்கள் கருத்து என்ன..?” என்று நாணயம் விகடன் ஃபேஸ்புக் (https://www.facebook.com/NaanayamVikatan) மற்றும் ட்விட்டர் (https://twitter.com/NaanayamVikatan) பக்கங்களில் கேட்டிருந்தோம். வாசகர் களும் தங்களது பதில்களைச் சுவாரஸ்யமாகப் பகிர்ந்திருந்தார்கள்.

“அடிக்கடி பியூட்டி பார்லர் செல்வது, லேடீஸ் கிளப் செல்வது மற்றும் தங்களைப் பணக்காரர்களாகக் காட்டிக்கொள்ளத் தகுதிக்கு மீறி தவணை முறையில் டிவி, ஃப்ரிட்ஜ், வாஷிங் மெஷின், ஏசி, லேப்டாப் மற்றும் விலையுயர்ந்த மொபைல் வாங்குவது எனக் குடும்பத்தில் ஆண்களைவிட அதிகம் செலவு செய்வது பெண்கள்தான்”னு அடிச்சு சொல்றாரு கிருஷ்ணகுமார். பாவம், ரொம்ப பாதிக்கப்பட்டிருப்பார் போல!

அதிகம் செலவு செய்வது ஆண்களா, பெண்களா..? வாசகர்களின் கலகல கமென்ட்ஸ்

“ஆண்கள் தேவையில்லாததை எல்லாம், தேவைப்படும்ன்னு நிறைய வாங்குவாங்க. பெண்கள் தேவை யானதையெல்லாம், தேவை யில்லாமல் நிறைய வாங்குவாங்க”னு சொல்லிருக்காரு ஏகலைவன். அடடே, இது புது தத்துவமா இருக்கே!

“தினம்தோறும் ரூ.300 வார இறுதி நாள்களில் ரூ.700 என்று தன் உழைப்பைத் தமிழக அரசிடம் வீணடிக்கும் ஆண்கள் கூட்டம் ஏராளம்”னு கொஞ்சம் நாசூக்கா கமென்ட் பண்ணிருக்காரு இளையராஜா. ரைட்டு...சரியாகத் தான் சொல்லிருக்காரு!

“செலவு செய்வது ஆண்களா, பெண்களா என்பதைவிட யார் செலவு செய்தாலும் உலகில் உள்ள பெருவாரியான துறையில் பொருளாதார வளர்ச்சி பெண்களால் மட்டுமே சாத்தியம்”னு சொல்லி யிருக்காரு சந்திரசேகரன். சிங்கப் பெண்களுக்கு சூப்பர் வணக்கம்!

“ஆண்கள்தான் குடிப்பழக்கம், சூதாட்டம், புகைபிடித்தல் போன்ற கெட்டப் பழக்கங்களால் அதிகம் செலவு செய்கிறார்கள். பெண்களின் செலவுகள் நகை, துணிமணி, வீட்டு உபயோகப் பொருள்கள் எனத் தேவையான செலவுகளே. ஆனால், ஆண்களோ பெண்களோ, குடும்ப வருமானத்தைவிட யார் குறைவாகச் செலவு செய்கிறார்களோ, அவர்களே சிறந்தவர்கள்”னு சொல்லி தீர்ப்பு குடுத்திருக்காரு ஹரிஷ் நாராயண். பஞ்சாயத்து ஓவர்...

“அதிக செலவு செய்வது ஆண் களும் இல்ல... பெண்களும் இல்ல... குழந்தைகள்தான்”னு சொல்லிடுவிஸ்ட் தந்திருக்காரு சோம சுந்தரம். 2கே கிட்ஸுங்கனாலே அப்படிதான்!

“பெண்கள் ஆடம்பரச் செலவுகள் செய்வதாகக் கூறிவிட்டு, ஆண்கள் அநாவசிய செலவுகளை நிறைய செய்கிறார்கள்”னு கமென்ட் பண்ணிருக்காரு ரஞ்சித்குமார். சரிதான்!

“அதிகம் செலவு செய்வது பெண்களே! பெண்களே! பெண்களே!”னு கத்தி சொல்றாரு பத்மநாபன் சௌந்தரராஜன். ஆத்தீ!

“அப்படி பொதுவாகச் சொல்ல முடியாது. ஆடம்பரமான சேலைகள் ஆபரணங்கள் வாங்கும் பெண்களும் உண்டு. அடிக்கடி அநாவசிய செலவு செய்யும் ஆண்களும் உண்டு. அது ஒவ்வொரு குடும்பத்தையும் பொறுத்தது”னு சொல்லிருக்காரு காளிதாஸ். கககபோ!

“இரண்டு பேரும் என்று சொல்லி விவாதத்தை முடித்து வைக்கிறேன் நன்றி..!”னு கமென்ட் பண்ணி முடிச்சிருக்காரு நாணயம் விகடனின் சாலமன் பாப்பையாவான இன்பராஜா!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism