Published:Updated:

‘‘2035-ல் 10 டிரில்லியன் டாலர்...’’ மும்பைக் கருத்தரங்கில் நிபுணர்கள் பேச்சு!

கருத்தரங்கம்
பிரீமியம் ஸ்டோரி
News
கருத்தரங்கம்

கருத்தரங்கம்

நம் நாட்டில் தற்போது பலவிதமான நிதிசார்ந்த திட்டங்கள் வளர்ச்சி அடைந்து வருகின்றன. இதில் பி.எம்.எஸ் மற்றும் ஏ.ஐ.எஃப் திட்டங்களும் சமீப காலத்தில் வேகமான வளர்ச்சியை அடைந்து வருகின்றன. கடந்த நான்கு ஆண்டுகளாக பி.எம்.எஸ் பஜார் நிறுவனம் பிரத்யேக கருத்தரங்கை நடத்தி வருகிறது.

கடந்த ஆண்டு கோவிட் காரணமாக இணையத்தில் நடந்த இந்த நிகழ்வு, கடந்த வாரம் மும்பையில் நேர்முகமாக நடந்தது. பி.எம்.எஸ், ஏ.ஐ.எஃப் மற்றும் பங்குச் சந்தை நிகழ்வுகள், எதிர்காலம் உள்ளிட்ட பல விஷயங்கள் குறித்து பல நிபுணர்கள் இதில் உரையாடினார்கள்.

ஐந்து ட்ரில்லியன் டாலர் என்கிற இலக்கை வைத்து இந்தியப் பொருளாதாரம் தற்போது செயல்பட்டு வருகிறது. இதை 10 ட்ரில்லியன் டாலர் பொருளாதாரமாக மாற்றுவது எப்படி என்னும் தலைப்பில் நிகழ்ச்சியின் இறுதியில் கருத்தரங்கு நடந்தது. இதில் மோதிலால் ஆஸ்வால் நிறுவனத்தின் தலைவர் ராம்தேவ் அகர்வால், வொயிட் ஓக் கேப்பிடல் நிறுவனத் தின் பிரஷாந்த், ஏ.எஸ்.கே கேப்பிடல் நிறுவனத்தின் பரத் ஷா உள்ளிட்டோர் கலந்து கொண்டு பேசியதன் சுருக்கம் பின்வருமாறு...

‘‘2035-ல் 10 டிரில்லியன் டாலர்...’’ மும்பைக் கருத்தரங்கில் நிபுணர்கள் பேச்சு!

2035-ல் 10 டிரில்லியன் டாலர்...

‘‘நம் நாட்டில் தனிநபர் வருமானம் ஆண்டுக்கு 2,000 டாலர் அளவில் இருக்கிறது. இதை 12,000 டாலர்கள் என்ற அளவுக்கு உயர்த்த வேண்டும். அப்போது தானாக இந்தியப் பொருளாதாரம் பல மடங்கு உயரும். தற்போது இந்தியாவில் நிதி, வளர்ச்சிக்கான வேகம் மற்றும் வளர்ச்சியை உருவாக்கத் தேவையான தொழில்முனைவோர்கள் இருப்ப தால், அடுத்த சில ஆண்டுகளில் வளர்ச்சி நன்றாக இருக்கும். இதே வேகத்தைக் கடைப் பிடித்தால் 2035-ம் ஆண்டுக்குள் 10 டிரில்லியன் டாலர் பொருளாதாரம் என்னும் நிலையை நாம் எட்டுவோம். வேகம் சற்றுக் குறைந்தால், 2040-ம் ஆண்டுக்குள் எட்டுவோம். மற்ற உலக நாடுகளுடன் ஒப்பிடும்போது இந்தியாவின் கடன் ஜி.டி.பி விகிதம் குறைவு. மற்ற நாடுகளைப்போல, நாம் அதிகமாகக் கடன் வாங்கத் தேவையில்லை. இருந்தாலும் கூடுதல் கடன் வாங்கி, கட்டுமானம் மற்றும் இதர திட்டங்களுக்கு முதலீடு செய்யலாம்.

அமெரிக்காவில் தேசிய நெடுஞ்சாலைகளை அமைத்த பிறகு, வளர்ச்சி அதிகமாக இருந்தது. அதுபோல, இந்தியாவில் டிஜிட்டல் ஹைவே உருவாகியிருக்கிறது. இந்தியாவின் அடுத்தகட்ட வளர்ச்சிக்கு டெக்னாலஜி நிறுவனங்களின் பங்கு முக்கியமானதாக இருக்கும். இந்தியாவின் ஜி.டி.பி உயரும்போது தனிநபர்களின் வருமானமும் உயரும். தற்போது இந்தியக் குடும்பங்கள் செய்யும் செலவுகளில் பெரும்பாலும் அத்தியாவசியமான செலவுகள்தான். தனிநபர் வருமானம் உயரும்போது இதர தேவைகளுக்கும் செலவு செய்வார்கள். அதனால், இந்தத் துறை சார்ந்த நிறுவனப் பங்குகளின் விலை உயரும். இந்தியாவில் முதலீடு செய்ய இதுவே சரியான தருணம்’’ என்று பேசினார்கள்.

மார்செலஸ் நிறுவனத்தின் செளரப் முகர்ஜி இந்தக் கருத்தரங்கில் பேசியது புதிய பரிமாணத்தைக் கொடுத்தது.

செளரப்  முகர்ஜி
செளரப் முகர்ஜி

பணவரத்து இருக்கிறதா என்று பாருங்கள்...

‘‘சரியான பங்குகளைத் தேர்ந்தெடுப்பதில்தான் வெற்றி இருக்கிறது. பொதுவாக, விற்பனை வளர்ச்சி நன்றாக இருக்க வேண்டும், நிகர லாப வளர்ச்சி இருக்க வேண்டும் என்பார்கள். ஆனால், நாங்கள் தேர்ந் தெடுக்கும் பங்குகளில் விற்பனை வளர்ச்சியைக் கவனிக்கிற அதே நேரத்தில், நிகர லாபத்தைவிட பணவரத்துக்கு (Free cash flow) அதிக முக்கியத்துவம் தருகிறோம். இந்த இரண்டும் சிறப்பாக இருக்கும் பங்குகளில் மட்டுமே தேர்ந்தெடுக்கிறோம். தற்போது சிறிய நிறுவனங்கள் சந்தையை இழந்துவருகின்றன. பெரிய நிறுவனங்கள் மேலும் பெரிதாக வளர்ந்துவருகின்றன என்னும் உண்மையை முதலீட்டாளர்கள் புரிந்துகொள்ள வேண்டும். உதாரணமாக, இந்திய நிறுவனங்களில் உருவாக்கப் படும் நிகர லாபத்தில் 80% லாபத்தை 20 நிறுவனங்கள் மட்டுமே கொடுக்கின்றன. கடந்த பல ஆண்டுகளாகவே இந்த வரம்பு குறைந்துகொண்டே இருக்கிறது.

நிறுவனத்தை வளர்க்கத் தகுதியான பணியாளர்கள் இருக்க வேண்டும். ஆனால், சிறிய நிறுவனங்களால் தகுதி வாய்ந்த பணியாளர்களைத் தக்கவைக்க முடியவில்லை. மேலும், சிறிய நிறுவனங்களுக்கு நிதி கிடைப்பதும் சிக்கலாக இருக்கிறது. உதாரணமாக, டைட்டன் நிறுவனம் சில மாதங்களுக்கு முன்பு வெறும் 4% வட்டியில் பெரிய தொகையைத் திரட்டியது. இந்த வசதி சிறிய நிறுவனங்களுக்கு இல்லை. மூலப்பொருள்களின் விலை உயர்ந்துவருவது சிறிய நிறுவனங்களுக்கு பாதகமாகவும், பெரிய நிறுவனங்களுக்கு சாதகமாகவும் இருக்கிறது. அதனால் முதலீட்டாளர்கள் பணவரத்து நன்றாக இருக்கும் பெரிய நிறுவனங்களைக் கவனிக்கலாம்’’ என்றார் அவர்.

ஸ்டார்ட் அப் நிறுவனங்களில் முதலீடு...

இந்தக் கருத்தரங்கில் பட்டியலிடப்படாத ஸ்டார்ட்அப் நிறுவனங்களில் முதலீடு செய்வது குறித்தும் விவாதிக்கப் பட்டது. தற்போது உள்ள அனைத்துவிதமான மதிப்பீடுகளும் உற்பத்தித் துறை சார்ந்த காலத்தில் உருவாக்கப்பட்டவை. இந்த விதிகள் அனைத்தும் 100 ஆண்டுகள் பழைமையானவை. அதனால் ஸ்டார்ட்அப் நிறுவனங்களை பழைய விதிகளை வைத்துக்கொண்டு மதிப்பீடு செய்யக் கூடாது. ஸ்டார்ட்அப் நிறுவனங்களில் முதலீடு செய்யும்போது நிறுவனர்களின் ஆர்வம், மொத்த சந்தை மதிப்பு உள்ளிட்ட விஷயங்களை அடிப்படையாகக்கொண்டே முதலீடு செய்வோம் எனத் தெரிவித்தனர். ஏ.ஐ.எஃப் முதலீட்டு உத்திகள் என்னும் தலைப்பில் நடந்த விவாதத்தில் ரியல் எஸ்டேட் குறித்தும் விவாதிக்கப்பட்டது. இந்தியா வில் ரியல் எஸ்டேட்டுக்கான தேவை தொடர்ந்து உயர்ந்து வரு கிறது. நகரமயமாக்கல் அதிகரித்து வரும் சூழலில் ரியல் எஸ்டேட் நிறுவனங்களுக்கான தேவை உயர்ந்து வருகிறது எனக் கூறினார்கள்.

ரூ.50 லட்சம் கோடி சந்தை

அடுத்த பத்தாண்டுகளில் பி.எம்.எஸ் மற்றும் ஏ.ஐ.எஃப் சந்தை ஆண்டுக்கு 20% வளர்ச்சியை அடையும். அப்போது இந்த இரு துறைகளும் கையாளும் மொத்த சந்தை மதிப்பு ரூ.50 லட்சம் கோடியாக இருக்கும் எனக் கணிக்கப் பட்டிருக்கிறது. தற்போது இந்திய முதலீட்டுச் சந்தையில் முதலீட்டாளராக இருப்பதே சிறப்பான விஷயம்’’ என்றார் வொயிட் ஓக் கேப்பிடல் நிறு வனத்தின் தலைமைச் செயல் அதிகாரி ஆஷிஷ் சோமையா.

நம் பொருளாதாரம் வேகமான வளர்ச்சி காணத் தயாராகி வருவதை எடுத்துச் சொல்வதாக இருந்தது இந்தக் கருத்தரங்கம்!