Published:Updated:

கொரோனா தடுப்பூசி செலுத்திக்கொண்டால் பிரீமியத்தில் 5% சலுகை! பாலிசிதாரர்கள் கவனத்துக்கு...

N E W S C H E M E S - சந்தைக்குப் புதுசு

பிரீமியம் ஸ்டோரி

சசி ரேகா

அண்மையில் அறிமுகமாகி உள்ள சில திட்டங்களை இந்தப் பகுதியில் பார்ப்போம்.

பராக் பரக் கன்சர்வேட்டிவ் ஹைபிரிட் ஃபண்ட் (Paragh Parakh Conservative Hybrid Fund)

பராக் பரக் மியூச்சுவல் ஃபண்ட் நிறுவனம், கடன் பத்திரங்கள், அரசுப் பத்திரங்கள், பணச் சந்தைப் பத்திரங்கள் மற்றும் பங்குச் சந்தை சேர்ந்த கலவையில் முதலீடு செய்யும் புதிய திட்டத்தை அறிமுகம் செய்துள்ளது. இதில், பங்குச் சந்தையில் அதிகபட்சம் 25% மட்டும் முதலீடு செய்யப்படும். நிலையான வருமானம் வழங்கப்படும் வகையில் இந்தத் திட்டம் வடிவமைக்கப்பட்டு உள்ளது.

இந்தத் திட்டத்தில் மே 17-ம் தேதி வரை முதலீடு செய்ய முடியும். குறைந்தபட்சம் 5,000 ரூபாய் ஆகும். எஸ்.ஐ.பி மூலமாக முதலீடு செய்யும் வசதியும் உள்ளது. குரோத் மற்றும் டிவிடெண்ட் என்று இரண்டு வகைகளில் இந்தத் திட்டம் வடிவமைக்கப்பட்டுள்ளது. இந்தத் திட்டத்தில் சேர்வதற்கு நுழைவுக் கட்டணம் இல்லை. ஒரு வருட காலத்துக்குள் வெளியேறினால், 1% வெளியேறும் கட்டணம் செலுத்த வேண்டும்.

கலவையான வகைகளில் முதலீட்டு தொகை பிரித்து முதலீடு செய்யப்படுவதால், ரிஸ்க் பரவலாக் கப்படுகிறது. அதனால் குறைந்த ரிஸ்க் உடைய இந்தத் திட்டத்தில் முதலீடு செய்தால், நீண்ட கால நோக்கில் வங்கி டெபாசிட்டைவிட அதிக வட்டி கிடைக்க வாய்ப்புள்ளது.

கொரோனா தடுப்பூசி செலுத்திக்கொண்டால் பிரீமியத்தில் 5% சலுகை! பாலிசிதாரர்கள் கவனத்துக்கு...

பஜாஜ் ஃபைனான்ஸ் நிறுவனத்தின் டிஜிட்டல் வாலட்

மத்திய ரிசர்வ் வங்கி பஜாஜ் ஃபைனான்ஸ் நிறுவனம் புதிய டிஜிட்டல் வாலட்டை அறிமுகம் செய்வதற்கு அனுமதி அளித்துள்ளது. ‘பஜாஜ் பே’ என்ற பெயரில் பஜாஜ் ஃபைனான்ஸ் இந்த வாலட்டை அறிமுகம் செய்கிறது. சில ஆண்டு களுக்கு முன்பு பயன்பாட்டுக்கு வந்த டிஜிட்டல் வாலட்டுகள் யு.பி.ஐ வருகைக்குப் பிறகு மக்களால் பெரிதும் பயன்படுத்தப்படவில்லை.

அதனால் மத்திய ரிசர்வ் வங்கி மேலும் பல பயன்பாடுகளை டிஜிட்டல் வாலட்டில் சேர்ப்பதற்கு அனுமதி அளித்துள்ளது. அதன்படி, 2 லட்சம் ரூபாய் வரை டிஜிட்டல் வாலட்டுகளில் தற்போது சேமிக்க முடியும்.

டாடா டிவிடெண்ட் யீல்டு ஃபண்ட் (Tata Dividend Yield Fund)

டாடா மியூச்சுவல் ஃபண்ட் நிறுவனம், அதிக டிவிடெண்ட் வழங்கும் நிறுவனப் பங்குகளில் முதலீடு செய்யும் புதிய திட்டத்தை அறிமுகம் செய்துள்ளது. இந்தத் திட்டத்தில் மே 17-ம் தேதி வரை சேர முடியும். குறைந்தபட்சம் 5,000 ரூபாய் என்ற அளவில் இருந்து இந்தத் திட்டத்தில் சேரலாம். எஸ்.ஐ.பி முறை மூலமாக முதலீடு செய்யும் வசதியும் உள்ளது.

குரோத் மற்றும் டிவிடெண்ட் என்று இரண்டு வகைகளில் இந்தத் திட்டம் வடிவமைக்கப் பட்டுள்ளது. இதில் திரட்டப்படும் நிதி பங்குச் சந்தையில் முதலீடு செய்யப்படுவதால், அதிக ரிஸ்க் எடுக்கும் முதலீட்டாளர்கள் இதில் சேர்ந்து பயனடையலாம்.

கொரோனா தடுப்பூசி: பிரீமியத்தில் 5% சலுகை

ரிலையன்ஸ் ஜெனரல் இன்ஷூ ரன்ஸ் நிறுவனம், ரிலையன்ஸ் ஹெல்த் இன்ஃபினிடி பாலிசியை எடுப்பவர்கள் கொரோனா தடுப்பு ஊசி செலுத்திக்கொண்டிருந்தால் பிரீமியத் தொகையில் 5% தள்ளுபடி வழங்குவதாக அறிவித்துள்ளது.

ஏற்கெனவே இந்த பாலிசி எடுத்து இருந்தவர்கள் பாலிசி காலத்தை நீட்டிப்பு செய்தாலும் இந்தச் சலுகையைப் பெற முடியும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு