Published:Updated:

கொரோனா சிகிச்சை... தமிழக அரசின் இலவச காப்பீட்டுத் திட்டம்! யாருக்கெல்லாம் கைகொடுக்கும்..?

N E W S C H E M E S - சந்தைக்குப் புதுசு

பிரீமியம் ஸ்டோரி

சசி ரேகா

அண்மையில் புதிதாக அறிமுகமாகியுள்ள சில திட்டங்களை இந்தப் பகுதியில் பார்ப்போம்.

பஞ்சாப் நேஷனல் வங்கி: த்ரீ இன் ஒன் டிரேடிங் அக்கவுன்ட்

பஞ்சாப் நேஷனல் வங்கி தனது வாடிக்கையாளர்கள் சுலபமாக டீமேட் கணக்குத் தொடங்கி பங்குச் சந்தையில் முதலீடு செய்ய உதவிடும் வகையில் ஜியோஜித் நிறுவனத்துடன் இணைந்து இந்தச் சேவையைத் தொடங்கியுள்ளது. சேமிப்புக் கணக்கு வைத்திருக்கும் அனைத்து வாடிக்கையாளர்களும் இந்த சேவையைப் பெறலாம். சேமிப்புக் கணக்கு, பஞ்சாப் நேஷனல் வங்கியின் டீமேட் அக்கவுன்ட், ஜியோஜித் நிறுவனத்தின் டிரேடிங் அக்கவுன்ட் ஆகிய மூன்று சேவைகள் வாடிக்கையாளருக்கு இதன் மூலம் கிடைக்கும். வாடிக்கையாளர் சுலபமாக வங்கிக் கணக்கில் இருந்து டீமேட் கணக்குக்குப் பணத்தை அனுப்பவும், பெறவும் முடியும்.

கொரோனா சிகிச்சை... தமிழக அரசின் இலவச காப்பீட்டுத் திட்டம்! யாருக்கெல்லாம் கைகொடுக்கும்..?

மேக்ஸ் பூபா சீனியர் ஹெல்த் இன்ஷூரன்ஸ் பாலிசி

மேக்ஸ் பூபா நிறுவனம் சீனியர் சிட்டிசன்கள் பயன்பெறும் நோக்கில் இந்தப் புதிய மருத்துவக் காப்பீட்டுத் திட்டத்தை அறிமுகம் செய்துள்ளது. வயதானவர்களுக்கு ஏற்கெனவே சில நோய் பாதிப்புகள் இருக்கும். அதனால் அவர்களுக்கு காப்பீடு கிடைப்பதில் பல சிரமங்கள் இருக்கும். இதைக் கருத்தில்கொண்டு சீனியர் சிட்டிசன்களுக்கு சுலபமாக காப்பீடு கிடைக்கும் வகையில் இந்தத் திட்டம் அறிமுகம் செய்யப்பட்டு உள்ளது. இந்தத் திட்டம் காப்பீட்டுத் தொகைக்கேற்ப கோல்டு மற்றும் பிளாட்டினம் என்ற இரண்டு வகை களில் அறிமுகம் செய்யப்பட்டு உள்ளது. இந்தத் திட்டத்தில் ரூ.5 லட்சம் முதல் ரூ.25 லட்சம் வரை மருத்துவக் காப்பீடு எடுக்க முடியும். ஹெல்த் செக்கப், டே கேர் சிகிச்சை கள் போன்றவற்றுக்கும் க்ளெய்ம் செய்ய முடியும். காப்பீடு எடுத்த அடுத்த நாள் முதல் ஹெல்த் செக்கப் செய்ய முடியும். அதனால் தகுதியான நபர்கள் இந்தத் திட்டத்தில் சேர்ந்து பயன்பெறலாம்.

கொரோனா நோய்த் தொற்று: அரசின் இலவச காப்பீட்டுத் திட்டம்

தமிழக முதல்வராக ஸ்டாலின் பதவியேற்ற பிறகு, நிறைவேற்றிய ஐந்து வாக்குறுதிகளில் முக்கியமானது கொரோனா நோய்த் தொற்று பாதித்தவர் தனியார் மருத்துவமனை யில் இலவச மருத்துவ காப்பீட்டுத் திட்டம் மூலம் பயன் பெறலாம் என்பதாகும். இது போன்ற அரசு காப்பீட்டுத் திட்டங்கள் பற்றிய விவரம் தெரியாமல் பலர் இந்த நோய்த் தொற்றுக் காலத்தில் திண்டாடி வருகின்றனர். இந்தக் காப்பீட்டுத் திட்டத்தில் சேருவதற்கு ஆண்டு வருமானம் 72,000 ரூபாய்க்குக் குறைவாக இருக்க வேண்டும். கிராம நிர்வாக அலுவலரிடம் வருமான வரிச் சான்று பெற்றுக்கொள்ளலாம். இந்தத் திட்டத்தில் சேர மாவட்ட ஆட்சியர் அலுவலகத்தில் பிரத்யேகப் பிரிவு இயங்குகிறது. இங்கு வருமான வரிச் சான்றுடன் ரேஷன் கார்டு, குடும்ப உறுப்பினர்களின் புகைப் படங்களைக் கொடுத்து சுலபமாக இந்தத் திட்டத்தில் சேரலாம். கொரோனா நோய்த்தொற்று மட்டு மன்றி, பல வகை நோய்களுக்கும் இந்தத் திட்டத்தின் உதவியுடன் ரூ.1 லட்சத்துக்கு இலவச சிகிச்சை பெறலாம். மேலும், பிரதம மந்திரி ஆயுஷ்மான் ஆரோக்கிய யோஜனா திட்டத்தின் பயனாளர்கள் இலவச மாக காப்பீட்டுத் திட்டத்தில் சிகிச்சை பெறலாம். மத்திய அரசின் இந்தத் திட்டத்தில் தகுதி வாய்ந்த நபர்களுக்கு ரூ.5 லட்சம் வரை இலவசக் காப்பீடு கிடைக்கும்.

வாரன்டியை நீட்டித்த ஆட்டோமொபைல் துறை நிறுவனங்கள்:

பல மாநிலங்களில் ஊரடங்கு நிலவுவதால் பல ஆட்டோமொபைல் நிறுவனங்கள் வாரன்டிக் காலத்தை 1 முதல் 3 மாதம் வரை நீட்டிப்பு செய்துள்ளன. இதன்படி ஏப்ரல் 15 முதல் மே 30-க்குள் காலாவதி ஆகும் வாரன்டி மற்றும் ஃப்ரீ சர்வீஸ்களை ஜூன் 30 வரை நீட்டிக்கப்பட்டுள்ளது. டாடா மோட்டார்ஸ், மாருதி, யமஹா, ஹூண்டாய், ரெனால்ட் போன்ற பல முன்னணி நிறுவனங் களும் இந்தச் சலுகையை வாடிக்கையாளருக்கு அளித்துள்ளன.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு