Published:Updated:

பெட்ரோல் விலையைக் குறைக்க முடியாததுக்கு ஆயில் பாண்டுகள்தான் காரணமா?

நிர்மலா சீதாராமன்
பிரீமியம் ஸ்டோரி
நிர்மலா சீதாராமன்

ஆயில் பாண்ட்

பெட்ரோல் விலையைக் குறைக்க முடியாததுக்கு ஆயில் பாண்டுகள்தான் காரணமா?

ஆயில் பாண்ட்

Published:Updated:
நிர்மலா சீதாராமன்
பிரீமியம் ஸ்டோரி
நிர்மலா சீதாராமன்

பெட்ரோல் விலை இந்தியாவின் பல இடங்களில் 105 ரூபாயைத் தொட்டு இப்போது கொஞ்சம் இறங்கியிருக்கிறது. டீசல் விலையும் நூறு ரூபாயைத் தொட்டுவிடும் தூரத்தில் இருக்கிறது. இந்த நிலையில், தமிழக அரசு, தனது பட்ஜெட்டில் பெட்ரோல் விலையை மட்டும் மூன்று ரூபாய் குறைப்பதாக அறிவித்து அதை நடைமுறைப்படுத்தியுள்ளது. இதனால் தமிழக மக்கள் மட்டும் கொஞ்சம் நிம்மதி பெருமூச்சு விட்டுள்ளனர்.

பெட்ரோல், டீசல் விலை அதிகமாக இருப்பதுக்கு, அதுக்கு விதிக்கப்படும் அதிக வரியே காரணமாக உள்ளது. சுண்டைக்காய் கால் பணம், சுமை கூலி முக்கால் பணம் என்ற சொலவடை நமது கிராமங்களில் உள்ளது. அதற்குச் சிறந்த எடுத்துக்காட்டாக பெட்ரோல், டீசல் விலை உள்ளது. தமிழக அரசு வரியைக் குறைத்தது போல, மத்திய அரசும் வரியைக் குறைக்க வேண்டும் என்பது பெருவாரியான மக்களின் எதிர்பார்ப்பாக உள்ளது.

ஷியாம் ராம்பாபு
ஷியாம் ராம்பாபு

இந்த எதிர்பார்ப்பு குறித்து மத்திய நிதி அமைச்சர் நிர்மலா சீதாராமன் அண்மையில் கருத்து தெரிவித்திருந்தார். அதிக வரி விதிக்கப் படுவதற்கு காங்கிரஸ் ஆட்சிக்காலத்தில் எண்ணெய் சுத்திகரிப்பு நிறுவனங்களுக்கு ஆயில் பாண்டுகளை வெளியிட்டதே காரணம் என்று அவர் தெரிவித்துள்ளார். அந்த ஆயில் பாண்டுகளுக்கு மத்திய அரசு 2026-ம் ஆண்டு வரை வட்டி செலுத்த வேண்டியிருப்பதால், வரி குறைப்பு செய்ய முடியாத சூழ்நிலை ஏற்பட்டிருப்பதாக அவர் தெரிவித்திருக்கிறார்.

இதைப் பற்றி மேலும் தெரிந்துகொள்ள ஆயில் பாண்டுகள் என்றால் என்ன, அது எதற்காக வெளியிடப்பட்டது, அதற்கு மத்திய அரசு செலுத்தும் வட்டி விவரங்களை விவரமாகப் பார்க்கலாம்.

ஆயில் பாண்டுகள் என்றால் என்ன?

2005-10 வரையிலான ஆண்டுகளில் மத்தியில் ஆட்சி புரிந்த காங்கிரஸ் அரசு எண்ணெய் நிறுவனங்களுக்கு மானியம் வழங்கி வந்தது. அந்த மானியத் தொகைக்கு ஈடாக எண்ணெய் நிறுவனங்களுக்கு 2005 - 12 ஆண்டுகளில் 1,44,000 கோடி ரூபாய்க்கு ஆயில் பாண்டுகள் வழங்கப்பட்டன. இந்த பாண்டுகளுக்கு மத்திய அரசு ஒவ்வோர் ஆண்டும் வட்டித் தொகையுடன் சேர்த்து அசலை வழங்க வேண்டும். எண்ணெய் நிறுவனங்களிடம் செய்துகொண்ட ஒப்பந்தத் தின்படி, 2026-ம் ஆண்டு வரை மத்திய அரசு இந்த வட்டித் தொகையை வழங்க வேண்டும்.

இந்த ஆயில் பாண்டுகளில் தற்போதைய நிலுவைத் தொகை 2020-21 நிலவரப்படி, ரூ.1,31,000 கோடி ஆகும். இதற்காக ஆண்டு தோறும் மத்திய அரசு ரூ.9,900 கோடி ரூபாய் வட்டியாகச் செலுத்தி வருகிறது.

பெட்ரோல் விலையைக் குறைக்க முடியாததுக்கு ஆயில் பாண்டுகள்தான் காரணமா?

கலால் வரி எவ்வளவு?

நிதியமைச்சரின் குற்றச்சாட்டு ஒரு பக்கம் இருந்தாலும், பெட்ரோல், டீசல் விற்பனை மூலம் மத்திய அரசுக்கு எவ்வளவு கோடி கலால் வரியாகக் கிடைக்கிறது என்று பார்ப்போம். 2020 - 21 காலகட்டத்தில் மட்டும் ரூ.3,89,000 கோடி கலால் வரியாக மத்திய அரசுக்குக் கிடைத்திருக்கிறது. இந்த வரியானது 2015-16 காலகட்டத்தில் ரூ.1,16,000 கோடியாக மட்டுமே இருந்தது. சென்ற ஐந்து ஆண்டுகளில் மட்டும் பெட்ரோல், டீசல் விற்பனை கலால் வரி மூன்று மடங்குக்கு மேல் அதிகமாக அரசுக்குக் கிடைத்திருக்கிறது. இந்த வரியுடன் ஒப்பிட்டால், மத்திய அரசாங்கம் தற்போது செலுத்தும் வட்டித் தொகையான ரூ.9,900 கோடி மிகவும் குறைவானதாக உள்ளது.

மேலும், மத்திய அரசு எண்ணெய் நிறுவனங் களிடம் வாங்கிய கடனை அசலுடன் சேர்த்து 2025 - 26 காலகட்டத்துக்குள் செலுத்த வேண்டும். தற்போதுள்ள மொத்த நிலுவைத் தொகையான ரூ.1,31,000 கோடி என்பது மொத்தம் வசூலாகும் ஒரு வருட வரித் தொகையில் வெறும் 35% ஆகும். எனவே, இன்னும் முந்தைய அரசாங்கம் மீதே பழிபோட்டு தப்பித்துக்கொள்ளாமல், இனியாவது மக்களின் சுமையைக் குறைக்க நடவடிக்கை எடுக்க வேண்டும் என்கிறார்கள் விமர்சகர்கள்!