Published:Updated:

கேள்வி - பதில் - தனியார் நிதி நிறுவனத்தில் வீட்டுக் கடன்... முன்கூட்டியே கடனை அடைக்க கட்டணம் உண்டா? 

கேள்வி - பதில்
பிரீமியம் ஸ்டோரி
கேள்வி - பதில்

தேசிய பென்ஷன் திட்டத் தில் வெளிநாடு வாழ் இந்தியர் கள் முதலீடு செய்ய முடியும். அவர்கள் தேசிய பென்ஷன் திட்டத்தில் கணக்குத் தொடங்க நான்கு முக்கியமான ஆவணங் கள் தேவைப்படும்.

கேள்வி - பதில் - தனியார் நிதி நிறுவனத்தில் வீட்டுக் கடன்... முன்கூட்டியே கடனை அடைக்க கட்டணம் உண்டா? 

தேசிய பென்ஷன் திட்டத் தில் வெளிநாடு வாழ் இந்தியர் கள் முதலீடு செய்ய முடியும். அவர்கள் தேசிய பென்ஷன் திட்டத்தில் கணக்குத் தொடங்க நான்கு முக்கியமான ஆவணங் கள் தேவைப்படும்.

Published:Updated:
கேள்வி - பதில்
பிரீமியம் ஸ்டோரி
கேள்வி - பதில்

என் வயது 25. எனக்கும், என் மனைவிக்கும் (வயது 23. தனியார் நிறுவனத்தில் வேலை பார்த்து வருகிறார்) ரூ.50 லட்சத்துக்குத் தனித்தனியே டேர்ம் பிளான் இன்ஷூரன்ஸ் பாலிசி எடுக்க உள்ளேன். இதற்கு ஆண்டுதோறும் எவ்வளவு பிரீமியம் கட்ட வேண்டும்? கனகவேல், சுப்ரமணியபுரம், திருச்சி.

ஜி.வி.லஷ்மி, காப்பீட்டு ஆலோசகர், சென்னை.

“ரூ.50 லட்சத்துக்கு நீங்கள் டேர்ம் இன்ஷூ ரன்ஸ் பாலிசி ஆண்டுதோறும் ரூ.12,000 முதல் ரூ.15,000 வரையும், 23 வயதான உங்கள் மனைவிக்கு ரூ.50 லட்சத்துக்கு டேர்ம் இன்ஷூரன்ஸ் எடுக்க ஆண்டுதோறும் ரூ.10,000 முதல் ரூ.12,000 பிரீமியமும் கட்ட வேண்டிவரும். இது தோராயமான தொகைதான். உங்கள் இருவரின் தனிப்பட்ட வருமான ஆதாரம், பிறந்த தேதி, மருத்துவப் பரிசோதனை முடிவுகள் ஆகியவற்றின் அடிப்படையில்தான் சரியான பிரீமியத்தை முடிவு செய்ய முடியும்.

குறைவான பிரீமியத்தில் அதிக கவரேஜ் அளிக்கும் டேர்ம் பிளான் எடுப்பது மிகவும் நல்ல விஷயம்தான். அதே நேரத்தில் பிரீமியத்தை சரியான நேரத்தில் கட்டுவது மிகவும் முக்கியம். பிரீமியம் தவணை தவறி விட்டால் பாலிசி காலாவதியாகிவிடும் அபாயம் இருக்கிறது. அதன் பிறகு, புதிய டேர்ம் பிளான் எடுக்க வேண்டும் எனில், மீண்டும் மருத்துவப் பரிசோதனை செய்ய வேண்டும். நீரிழிவு, ரத்த அழுத்தம் போன்ற ஏதாவது நோய் பாதிப்பு புதிதாக வந்திருந்தால், பிரீமியம் அதிகரிக்க வாய்ப்புள்ளது. மேலும், வயதுக்கு ஏற்பவும் பிரீமியம் அதிகரிக்கும் என்பதை எல்லாம் கவனத்தில்கொண்டு செயல்படுங்கள்.”

கேள்வி - பதில் - தனியார் நிதி நிறுவனத்தில் வீட்டுக் கடன்... முன்கூட்டியே கடனை அடைக்க கட்டணம் உண்டா? 

தனியார் நிதி நிறுவனத்தில் வீட்டுக் கடன் வாங்கினால், அந்தக் கடனை முன்கூட்டியே கட்ட ஆர்.பி.ஐ-யின் விதிமுறைகள் பொருந்துமா? - மகேஷ்வரன், நாலாட்டின்புதூர்.

வி.தியாகராஜன், ஆடிட்டர், www.bizlane.in

“ரிசர்வ் வங்கியால் நெறிமுறைப்படுத்தப்படும் வங்கிசாரா நிதி நிறுவனத்தில் (NBFC) மாறுபடும் வட்டி விகிதத்தில் (Floating Rate of Interest) வீட்டுக் கடன் வாங்கினால், அந்தக் கடனை முன்கூட்டியே செலுத்தும்பட்சத்தில், ஆர்.பி.ஐ வகுத்திருக்கும் விதிமுறைகள் கண்டிப்பாக பொருந்தும். இது சம்பந்தமான ஆர்.பி.ஐ-யின் சுற்றறிக்கை 02.08.2019-ல் வெளியிடப்பட்டு உள்ளது. கடனை முன்கூட்டியே செலுத்தும் போது அதற்கென குறிப்பிட்ட அளவு கட்டணத்தை (Foreclosure Charges) வங்கிகள் வசூலிப்பதாக புகார்கள் வருகின்றன. ஆனால், வங்கிசாரா நிதி நிறுவனத்தில் ஒருவர், மாறுபடும் வட்டியில் வீட்டுக் கடன் வாங்கி, அந்தக் கடனை முன்கூட்டியே செலுத்தும்பட்சத்தில், அதற்கென எந்தக் கட்டணத்தையும் வசூலிக்கக் கூடாது என்று ஆர்.பி.ஐ தெளிவாக எடுத்துச் சொல்லியிருக்கிறது.’’

தேசிய பென்ஷன் திட்டத்தில் (NPS) வெளிநாடு வாழ் இந்தியர்கள் (NRIs) முதலீடு செய்ய முடியுமா, ஏதாவது முக்கியமான நிபந்தனைகள் உள்ளனவா? - பொன்செல்வி, திருச்சி – 2

எஸ்.சரவணன், சர்டிஃபைடு டிரஸ்ட் & எஸ்டேட் பிளானர், Purplepond.in

“தேசிய பென்ஷன் திட்டத் தில் வெளிநாடு வாழ் இந்தியர் கள் முதலீடு செய்ய முடியும். அவர்கள் தேசிய பென்ஷன் திட்டத்தில் கணக்குத் தொடங்க நான்கு முக்கியமான ஆவணங் கள் தேவைப்படும். அதாவது, பான் கார்டு, இந்திய பாஸ் போர்ட், என்.ஆர்.ஐ-யின் இந்திய முகவரியின் ஆதாரம், இந்தியாவின் என்.ஆர்.இ / என்.ஆர்.ஓ (NRE/NRO) கணக்கு விவரங்கள் தேவைப்படும்.”

கேள்வி - பதில் - தனியார் நிதி நிறுவனத்தில் வீட்டுக் கடன்... முன்கூட்டியே கடனை அடைக்க கட்டணம் உண்டா? 

நான் வெளிநாட்டுக்கு சுற்றுலா செல்லத் திட்டமிட்டுள்ளேன். நான் எந்தவகையான இன்ஷூரன்ஸ் பாலிசி எடுக்க வேண்டும்? - கமலக் கண்ணன், கிழக்கு தாம்பரம், சென்னை.

ஆர்.வெங்கடேஷ், நிறுவனர், www.gururamfinancialservices.com

“நீங்கள் வெளிநாட்டு மருத்துவ பாலிசி (Overseas Medical Policy) எடுக்க வேண்டும், இந்த பாலிசி, வணிகம், சுற்றுலா, கல்வி நோக்கங்களுக்காக வெளிநாட்டுப் பயணங்களை மேற்கொள்ளும் நபர்களுக்கு இந்த பாலிசி விநியோகிக்கப் படுகிறது.

இந்தப் பாலிசிக்கான விதிமுறைகள் வழக்கமான மருத்துவக் காப்பீட்டு பாலிசி யைப் போலவே இருக்கும். அதாவது, ஏற்கெனவே இருக்கும் நோய்க்கான காத்திருப்பு காலம், விதி விலக்கு களும் இருக்கும். ஒரே வித்தி யாசம் என்னவென்றால், இது பயணம் செய்யும் நாட்டில் மருத்துவச் சிகிச்சைக்குப் பொருந்தும், இந்தியாவில் அல்ல.”

நான் டிவிடெண்ட் வருமானத் துக்கான பங்குகள், மியூச்சுவல் ஃபண்டுகளில் முதலீடு செய்து வருகிறேன். எனக்குக் கிடைக்கும் டிவிடெண்டுக்கு நான் எப்படி வருமான வரி கட்ட வேண்டும்? - கே.மகேந்திரன், விருதுநகர்.

கே.ஆர்.சத்யநாராயணன், ஆடிட்டர், சென்னை.

“பங்குச் சந்தை மற்றும் பங்குச் சந்தை ஃபண்டுகள், ஹைபிரிட் ஃபண்டுகள், கடன் ஃபண்டுகள் மூலம் கிடைக்கும் அனைத்து டிவிடெண்டுகளுக்கும் வருமான வரி உண்டு. இவற்றுக்கான வரி ஒரே மாதிரிதான் இருக்கிறது, அதாவது, ஒருவரின் இதர வருமா னமாக டிவிடெண்ட் தொகை எடுத்துக்கொள்ளப்படும்.

இந்த டிவிடெண்ட் தொகைக்கு ஒருவர் எந்த அடிப்படை வருமான வரி வரம்பின்கீழ் வருகிறாரோ, அதற்கேற்ப வரி கட்ட வேண்டும். பழைய வரி முறையில் 5%, 20% மற்றும் 30 சதவிகிதமாக உள்ளது. புதிய வரி முறையில் 5%, 10%, 15%, 20%, 25% மற்றும் 30 சதவிகிதமாக உள்ளது. டிவிடெண்ட் வருமானம் நிதி ஆண்டில் ரூ.5,000-யைத் தாண்டும்போது 10% மூலத்தில் வரி (TDS) பிடிக்கப்படும்.

இந்த டிவிடெண்ட் வருமானம் இப்போது ஒருவரின் வருமான வரிக் கணக்கு படிவத்தில் தானாகவே நிரப்பட்டுவிடுகிறது. எனவே, டிவிடெண்ட் வருமானத் துக்கு வரி கட்டுவதில் இருந்து யாரும் தப்பிக்க முடியாது. அடிப்படை வரி வரம்புக்குள் ஒருவரின் மொத்த வருமானம், டிவிடெண்ட் வருமானத்தையும் சேர்த்திருந்தால், வரி கட்ட வேண்டியிருக்காது.”

கேள்வி - பதில் - தனியார் நிதி நிறுவனத்தில் வீட்டுக் கடன்... முன்கூட்டியே கடனை அடைக்க கட்டணம் உண்டா? 

என் வயது 46. நிப்பான் இந்தியா ஸ்மால்கேப் ஃபண்ட் ரூ.5,000, எஸ்.பி.ஐ. மல்ட்டிகேப் ஃபண்ட் ரூ.500, ஹெச்.டி.எஃப்.சி சில்ட்ரன் கிஃப்ட் ஃபண்ட் ரூ.1,000, எஸ்.பி.ஐ ஸ்மால்கேப் ஃபண்ட் ரூ.1,000 என பிள்ளையின் மேற்படிப்பு, பிள்ளையின் திருமணம், ஓய்வுக்காலம் மியூச்சுவல் ஃபண்ட் திட்டங்களில் முதலீடு செய்து வருகிறேன். இது சரியா என வழிகாட்டவும். - கே.விஜயராகவன், திருநெல்வேலி, இ-மெயில் மூலம்.

ஸ்ரீகாந்த் மீனாட்சி, இணை நிறுவனர், Primeinvestor.in

“உங்களது முதலீட்டுத் தொகுப்பின் மொத்த மாதாந்தர தவணை ரூ.7,500 ஆகும். இதில் ரூ.6,000 சிறிய நிறுவனங்களின் பங்குகளில் முதலீடு செய்கிறீர்கள். மீதிப் பணம் ஒரு கலவை (ஹைபிரிட்) ஃபண்டுக்கும் ஒரு மல்ட்டிகேப் ஃபண்டுக்கும் போகின்றன. இத்தகைய தொகுப்பு ஒரு மிக அதிக ரிஸ்க் உள்ளதாகும். பதிலாக, நிப்பான் இந்தியா ஃபண்டிலிருந்து ரூ.4,000 எடுத்து சமபங்கில் ஒரு லார்ஜ்கேப் ஃபண்டிலும் (யு.டி.ஐ நிஃப்டி 50 ஃபண்ட்), ஒரு ஃப்ளெக்ஸிகேப் ஃபண்டிலும் (பராக் பரிக் ஃப்ளெக்ஸி கேப் ஃபண்ட்) முதலீடு செய்யவும். அப்படிச் செய்தால் உங்கள் தொகுப்பில் பரவலாக்கம் அதிகரித்து, ரிஸ்க் குறையும்.”

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

கேள்விகளை அனுப்புபவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. navdesk@vikatan.com