பிரீமியம் ஸ்டோரி

கடன் என்பது திரும்பக் கட்டும் அளவுக்கு இருந்தால் அது சுமையாக இருக்காது. கடனை மாதம்தோறும் திரும்பக் கட்டுவது சுமையாக இருந்தால், அந்தச் சுமையிலிருந்து வெளியேறும் வழிகளைத் தேடுவது அவசியம். இல்லையெனில், இந்தக் கடன்களே ஒருவரின் குடும்ப வாழ்க்கையை சின்னாபின்ன மாக்கிவிடும். கடன் தரும் நெருக்கடியால் சிலர் தற்கொலை செய்துகொள்ளும் கோழைத்தனமான முடிவைக்கூட எடுக்க வைத்துவிடும்.

என்.விஜயகுமார், 
நிதி ஆலோசகர், 
https://www.vbuildwealth.com/
என்.விஜயகுமார், நிதி ஆலோசகர், https://www.vbuildwealth.com/

எப்படி வெளியேறுவது..?

கடன் சுமைலிருந்து ஒருவர் இரு வழிகளில் திட்டமிட்டு வெளியேறலாம். ஒரு வழி, ஸ்னோபால் முறை; மற்றது, அவெலன்ச் முறை. அவற்றைப் பற்றியும், எந்த முறை உங்களுக்கு ஏற்றதாக இருக்கும் என்பதைப் பற்றியும் விரிவாகப் பார்ப்போம்.

ஸ்னோபால் முறை...

ஸ்னோபால் (Snowball) எனில், பனிப்பந்து என்று அர்த்தம். மேலே இருந்து கீழே உருண்டுவரும் பனிப்பந்து கடைசியில் கரைந்து காணாமல் போவதுபோல், விரைவாகக் கடன் எல்லாம் தீர்ந்துவிடும் நிலையை அடையச் செய்யும். அதாவது, இந்த முறையில் சிறிய தொகைக் கடனை முதலில் அடைத்துவிட்டு, அதற்கு அடுத்து கொஞ்சம் பெரிய கடனை அடைப்பதாகும். இந்த முறையில் கடனுக்கான வட்டி விகிதத்தை, அது குறைவாக இருந்தாலோ, அதிகமாக இருந்தாலோ, கணக்கில் எடுத்துக் கொள்ளப்படாது. கடன் தொகையின் அளவின் அடிப்படையில் கடனை அடைப்பதாகும்.

இந்த முறையில் கடனை அடைக்க கடன்களை அவற்றின் தொகையின் அடிப்படையில் குறைவான தொகையில் தொடங்கி, அதிக தொகைக் கடனை ஒரு பட்டியலாகப் போட்டுக்கொள்ள வேண்டும். மிகச் சிறிய கடனில் தொடங்கி படிப்படியாக, அடுத்தடுத்த கடன்களை அடைத்து வர வேண்டும்.

இந்த முறையில் சிறிய கடனை முதலில் அடைப்பதால், பாக்கியிருக்கும் கடன்களின் எண்ணிக்கை விரைவில் குறைந்துவிடும். அப்போது கடன்பட்டிருப்பவர் மன ரீதியாகத் தனக்குக் குறைந்த எண்ணிக்கை யிலான கடன்களே இருக்கின்றன என்கிற சந்தோஷத்தில் அடுத்தடுத்த கடன்களை விரைந்து அடைத்து கடன் இல்லாத நபராக மாறுவார்.

கழுத்தை நெரிக்கும் கடன் சுமை...
மீண்டு வரும் வழிகள்..!

அவெலன்ச் முறை...

அவெலன்ச் என்பதற்கு, மலைச் சாரல்களில் விரைவாகச் சரிந்து இறங்கும் பெரும் பனித்திரள் என்பது அர்த்தமாகும். இந்த முறையில், பாக்கிக் கடன் தொகை எவ்வளவு இருக்கிறது என்பதைக் கவனிக்காமல் அதிக வட்டியிலான கடனை முதலில் அடைப்பதாகும்.

இப்படி அதிக வட்டியிலான கடனை முதலில் அடைக்கும்போது, வட்டிக்கு செல்லும் தொகை குறைவாக இருக்கும். இந்த முறையில், மிக அதிக வட்டி செல்லும் கடன் என்கிற வரிசையில் கடன்களை வரிசைப்படுத்த வேண்டும். முதலில், மிகப் பெரிய கடனை அடைக்க வேண்டும். அதன்பிறகு அதற்கடுத்த இடத்தில் இருக்கும் பெரிய கடனை அடைக்க வேண்டும்.

கழுத்தை நெரிக்கும் கடன் சுமை...
மீண்டு வரும் வழிகள்..!
கழுத்தை நெரிக்கும் கடன் சுமை...
மீண்டு வரும் வழிகள்..!

ஸ்னோபால் Vs அவெலன்ச்...

பெரும்பாலும் நம்மவர்கள், அவெலன்ச் முறையில் அதிக வட்டிக் கடனைத்தான் முதலில் அடைக்க முயற்சி செய்வார்கள். அதே நேரத்தில், ஸ்னோபால் முறையில் சிறிய கடன்களை அடைத்து கடன்களின் எண்ணிக்கையைக் குறைக்கும்போது கடன்தாரர்களுக்கு மனத்திருப்தி, நம்பிக்கை, உற்சாகம் ஏற்படுகிறது. இது அடுத்தடுத்த கடன்களை விரைந்து அடைக்க உதவி செய்கிறது.

மேற்சொன்ன இரு வழிமுறை களில் உங்களுக்கு எது பிடித் திருக்கிறது; நடைமுறைப்படுத்த சுலபமாக இருக்கிறது என்பதைத் தேர்ந்தெடுத்து விரைந்து செயல் படுத்தவும்.

கவனிக்க வேண்டிய விஷயங்கள்...

இந்த இரு வழிமுறைகளில் எதுவாக இருந்தாலும் கடைப் பிடிக்க வேண்டிய சில பொது வான விஷயங்கள்...

* நீங்கள் கடனை எந்த வழியில் அடைத்தாலும், அனைத்துக் கடன்களுக்கும் மாதம்தோறும் கட்ட வேண்டிய இ.எம்.ஐ தொகையை ஒழுங்காகக் கட்டிவருவது அவசியம். இல்லை எனில், உங்கள் கிரெடிட் ஸ்கோர் பாதிக்கப்படுவதுடன், தேவை இல்லாத வேறு பிரச்னைகளையும் சந்திக்க வேண்டிவரும். மாதத் தவணைகளை சரியான தேதியில் கட்டிவரும்பட்சதில் சிபில் ஸ்கோர் அதிகரிக்கவும் மன அமைதி கிடைக்கவும் செய்யும்.

* சிறிய கடனோ, அதிக வட்டி யிலான கடனோ எதுவாக இருந்தாலும், ஒரு நேரத்தில் ஒரு கடனை முழுமையாக அடைக்கும் முயற்சியில் முழுமை யாக இறங்குங்கள்.

* போனஸ், கூடுதல் வருமானம் எது கிடைத்தாலும் எந்தக் கடனை அடைத்து வருகிறீர் களோ, அதைக்கொண்டு அந்தக் கடனை விரைந்து முடிக்க முயற்சி செய்யவும்.

* ஒரு கடனை அடைத்து முடித்ததும் அடுத்த புதிய கடனை அடைக்கும் வேலை யைத் தொய்வில்லாமல் உடனடி யாக ஆரம்பித்துவிடவும்.

இந்த விஷயங்களைக் கடைப் பிடித்தால் கடன் இல்லாத வாழ்க்கையை வாழமுடியும்!

வீட்டுக் கடனை அடைப்பது எப்படி?

வீட்டுக் கடனை விரைந்து அடைப்பதற்கான தேவை மிகக் குறைவு. காரணம், அனைத்து வகை யான கடன்களிலும் மிகக் குறைவான வட்டி உடைய கடன் வீட்டுக் கடன் ஆகும். மேலும், திரும்பச் செலுத்தும் அசல் (80சி பிரிவின் கீழ் நிதி ஆண்டில் அதிகபட்சம் ரூ.1.5 லட்சம்) மற்றும் வட்டிக்கு (பிரிவு 24-ன் கீழ் நிதி ஆண்டில் அதிகபட்சம் ரூ.2 லட்சம்) வரிச் சலுகை இருக்கிறது. அந்த வகையில், வீட்டுக் கடனை நிதானமாகவே அடைத்தால் எந்தத் தவறும் இல்லை. ஒருவருக்கு வேறு எந்தக் கடனும் இல்லை. வீட்டுக் கடன் மட்டும்தான் இருக்கிறது. அதுவும் அதிக தொகைக்கு இருக்கிறது. அந்தக் கடனுக்கு கட்டும் மாதத் தொகை என்பது எதிர்காலத்தை அச்சுறுத்துவதாக இருந்தால், அந்தக் கடனையும் தாராளமாக அடைத்துவிட்டு கடன் இல்லாத நிம்மதியான வாழ்க்கையை வாழலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு