Published:Updated:

கரண்ட் பில் அபராதம்; ரூ.2.46 லட்சத்தை இழந்த ஆசிரியை, எப்படி தெரியுமா?

சைபர் கிரைம் மோசடி!

வழக்கமாக உங்களுக்கு இவ்வளவு லட்சம் பரிசு விழுந்திருக்கிறது. முன்பணமக சிறு தொகையை நீங்கள் செலுத்திவிட்டால் உங்களுக்கு அந்தப் பரிசு பணம் கிடைக்கும் என்று கூறி ஏமாற்றுவார்கள். இப்போதெல்லாம் வங்கியிலிருந்து பேசுகிறோம், ஈபி ஆபிஸிலிருந்து பேசுகிறோம் என ஆரம்பித்திருக்கிறார்கள்.

கரண்ட் பில் அபராதம்; ரூ.2.46 லட்சத்தை இழந்த ஆசிரியை, எப்படி தெரியுமா?

வழக்கமாக உங்களுக்கு இவ்வளவு லட்சம் பரிசு விழுந்திருக்கிறது. முன்பணமக சிறு தொகையை நீங்கள் செலுத்திவிட்டால் உங்களுக்கு அந்தப் பரிசு பணம் கிடைக்கும் என்று கூறி ஏமாற்றுவார்கள். இப்போதெல்லாம் வங்கியிலிருந்து பேசுகிறோம், ஈபி ஆபிஸிலிருந்து பேசுகிறோம் என ஆரம்பித்திருக்கிறார்கள்.

Published:Updated:
சைபர் கிரைம் மோசடி!

மின் இணைப்பைத் துண்டிக்காமல் இருக்க அபராதம் செலுத்த போய் ரூ.2.46 லட்சத்தை இழந்திருக்கிறார் ஈரோட்டை சேர்ந்த ஆசிரியை ஒருவர்.

கடந்த மாதம் செப்டம்பர் 15ம் தேதி ஈரோடு மாநகராட்சியைச் சேர்ந்த ஓய்வு பெற்ற ஆசிரியை ஒருவருக்கு வாட்ஸ் அப்பில் தெரியாத ஒரு தொலைபேசி எண்ணிலிருந்து மெசேஜ் வந்துள்ளது. அதில் 'மின் கட்டணத்தை உரிய காலத்தில் கட்டாததால் மின் இணைப்பு துண்டிக்கப்படும்' என்று தகவல் வந்துள்ளது.

போன் கால் மோசடி
போன் கால் மோசடி

இவர் ஏற்கெனவே மின் கட்டணத்தைச் செலுத்திவிட்டதால் அந்த எண்ணுக்கு அழைத்து மின் கட்டணம் செலுத்திவிட்டதைத் தெரிவித்திருக்கிறார். ஆனால் எதிர்முனையில் பேசியவர் 'உரிய நேரத்தில் மின் கட்டணம் கட்டவில்லை. அதற்கு அபராதம் 10 ரூபாய் செலுத்த வேண்டும். வாட்ஸ் அப்பில் அனுப்புகிற லிங்கை க்ளிக் செய்து அதில் அபராதத்தை செலுத்திவிடுங்கள். இல்லையெனில் மின் இணைப்பு துண்டிக்கப்படும்" என்று கூறியிருக்கிறார்.

ஆசிரியையும் சரி அபராதம் வெறும் 10 ரூபாய்தானே என்று அவர் அனுப்பிய லிங்கை க்ளிக் செய்து அதில் 10 ரூபாயைச் செலுத்தியிருக்கிறார். ஆனால் அவருடைய வங்கிக் கணக்கிலிருந்து ரூ.2.46 லட்சம் எடுத்துவிட்டதாக அவருக்கு மெசேஜ் வந்ததும் அதிர்ந்து போயிருக்கிறார் ஆசிரியை.

 மோசடி
மோசடி

உடனே ஈரோடு சைபர் கிரைம் பிரிவு போலீசாரிடம் புகார் செய்துள்ளார். அவர்கள் இவர் கூறிய புகாரைக் கேட்டுவிட்டு தொழில்நுட்பத்தைத் தவறாகப் பயன்படுத்துதல், மோசடி உள்ளிட்ட பிரிவுகளில் வழக்குப் பதிவு செய்து விசாரிக்க தொடங்கியுள்ளனர். அந்த மர்ம நபரின் மொபைல் எண், அப்ளிகேஷன் உள்ளிட்டவற்றின் தகவல்களை வைத்து அந்த நபரை கண்டுபிடிக்க முயற்சிக்கின்றனர்.

ஆனால், இதுபோன்ற சைபர் குற்றங்களில் ஈடுபடுபவர்களைக் கண்டுபிடிப்பது மிகவும் சவாலான காரியம். நாம் தான் கவனமாக இருக்க வேண்டும்.

எப்படியெல்லாம் ஏமாற்றுவார்கள், எப்படி உஷாராக இருப்பது?

வழக்கமாக உங்களுக்கு இவ்வளவு லட்சம் பரிசு விழுந்திருக்கிறது. முன்பணமக சிறு தொகையை நீங்கள் செலுத்திவிட்டால் உங்களுக்கு அந்தப் பரிசு பணம் கிடக்கும் என்று கூறி ஏமாற்றுவார்கள்.

டெபிட்/கிரெடிட் கார்டு காலாவதி ஆகிவிட்டது, அதை புதுப்பிக்க இந்த லிங்கை க்ளிக் செய்யுங்கள்.

உங்களுடைய மொபைல் எண் ஜியோவில் தேர்வு செயய்ப்பட்டுள்ளது. இந்த லிங்கை க்ளிக் செய்து உங்கள் விவரங்களைப் பூர்த்தி செய்தால் போதும் உங்களுக்கு பரிசு கொட்டும் என்பது போன்ற உத்திகள் மூலம் ஏமாற்றினார்கள்.

இப்போது இதற்கு ஒரு படி மேல் போய், வங்கியிலிருந்து பேசுகிறோம், ஈபி ஆபிஸிலிருந்து பேசுகிறோம் என வேறுவிதமாக ஏமாற்ற ஆரம்பித்திருக்கிறார்கள். இவர்களின் முக்கிய டார்கெட் ஓய்வு பெற்றவர்கள், வயதானவர்கள் என்றும் கூறப்படுகிறது.

சைபர் கிரைம் மோசடி
சைபர் கிரைம் மோசடி

ஏமாறாமல் இருக்க தெரிந்துகொள்ள வேண்டியவை என்ன?

வங்கிகள், அரசு அமைப்புகள் போன்றவை ஒருபோதும் இதுபோல தனியாக எந்த லிங்கும் அனுப்பாது.

இதுபோன்ற யாரென்றே தெரியாத நபரிடமிருந்து வரும் மெசேஜை படித்துக்கூட பார்க்காமல் அப்படியே டெலிட் செய்துவிடுவது நல்லது.

தெரியாத நபர்களிடமிருந்து வரும் மெசேஜ், வாட்ஸ் அப்பில் செய்திகளில் உள்ள லிங்கை க்ளிக் செய்ய வேண்டாம்.

அதுபோன்ற லிங்க் மூலம் உங்களுடைய பணத்தை செலுத்த சொல்லி கேட்டால் உடனே வெளியேவந்துவிடுங்கள்.

வங்கி விவரங்கள், OTP போன்றவற்றை கொடுக்காதீர்கள்.

பண விஷயத்தில் கவனமாக இருக்க வேண்டியது ஒவ்வொரு தனிநபருடைய பொறுப்பு.