Published:Updated:

குடும்ப உறுப்பினர்களிடம் முதலீடுகளைச் சொல்லுங்கள்!

முதலீடு
பிரீமியம் ஸ்டோரி
முதலீடு

முதலீடு

குடும்ப உறுப்பினர்களிடம் முதலீடுகளைச் சொல்லுங்கள்!

முதலீடு

Published:Updated:
முதலீடு
பிரீமியம் ஸ்டோரி
முதலீடு

என்.விஜயகுமார், நிதி ஆலோசகர், Vbuildwealth.com

வங்கிச் சேமிப்பு, மியூச்சுவல் ஃபண்ட் முதலீடு, காப்பீடு எனக் கிட்டத்தட்ட ரூ.82,000 கோடி இந்தியா முழுக்க கோரப்படாமல் கிடக்கிறது என்கிற தகவல் அண்மையில் வெளியாகி இருக்கிறது. இதற்கு முக்கியமான காரணம், வங்கிக் கணக்குதாரர்கள், முதலீட் டாளர்கள், காப்பீட்டு பாலிசிதாரர்களின் அஜாக்கிரதை, அலட்சியம் மற்றும் குடும்ப உறுப்பினர்களுக்குப் போதிய விழிப்புணர்வு இல்லாமல் இருப்பதே.

எந்தெந்த முதலீடுகளில் பெரும் தொகை கோரப்படாமல் கிடக்கிறது... அதற்கு என்ன காரணம் என்று பார்ப்போம்.

என்.விஜயகுமார் 
நிதி ஆலோசகர், Vbuildwealth.com
என்.விஜயகுமார் நிதி ஆலோசகர், Vbuildwealth.com

பிராவிடன்ட் ஃபண்ட்...

தொழிலாளர் சேமநல நிதி (பிராவிடன்ட் ஃபண்ட் – பி.எஃப்) கணக்கில்தான் மிக அதிக தொகை கேட்பாரற்றுக் கிடக்கிறது. இதற்கு முக்கியமான காரணம், பலரும் வேலை மாறும்போது பழைய நிறுவனத்தில் பிடிக்கப் பட்ட பி.எஃப் பணத்தைப் புதிய நிறுவனக் கணக்கில் சேர்க்காமல் விட்டுவிடுகிறார்கள். மேலும், பி.எஃப் கணக்கு வைத்திருப்பவர்களில் சிலரது திடீர் மரணத்தைத் தொடர்ந்து குடும்பத்தினர் பி.எஃப் பணத்தை க்ளெய்ம் செய்யாமல் விட்டு விடுகிறார்கள்.

இப்போதெல்லாம் ஒரு பணியாளருக்கு நிரந்தரமாக ஒரு பி.எஃப் கணக்கு எண் தரப்படுகிறது. இந்த எண் இருக்கும்பட்சத்தில் பழைய நிறுவனத்தில் பிடிக்கப்பட்ட பி.எஃப் பணத்தை புதிய நிறுவனத்தில் பிடிக்கப்படும் பணத்துடன் சேர்த்துக்கொள்ள முடியும். இந்த வசதி இருப்பது தெரியாமல் பலர் லட்சக் கணக்கில் இழக்கிறார்கள்.

அலுவலகங்களில் வேலைபார்க்க வரும் பலரும் பி.எஃப் எண்ணை குடும்ப உறுப்பினர் களுக்குத் தெரிவிக்காமல் இருக்கிறார்கள். பணியாளரின் மனைவியோ, கணவரோ அப்படி ஒரு விஷயம் இருக்கிறதா, இல்லையா என்றுகூட பல வீடுகளில் பார்ப்பதில்லை. இனியாவது, குடும்ப உறுப்பினர்களிடம் சம்பள சிலிப்பைக் காட்டுங்கள். அவர்களிடம் பி.எஃப் கணக்கு எண்ணை எழுதிக் கொடுங்கள். தற்போது பி.எஃப் கணக்கில் எவ்வளவு பணம் உள்ளது, இதை எப்படி பிற்பாடு பயன்படுத்திக்கொள்ளலாம் என்பதையெல்லாம் குடும்ப உறுப்பினர்களிடம் எடுத்துச் சொன்னால் மட்டுமே அவர்களுக்குப் புரியும்.

பி.எஃ.ப் கணக்கு எண்ணை ஆதார் எண்ணுடன் இணைக்க வில்லை எனில், உடனடியாக அதைச் செய்துவிடுங்கள். அப்படி செய்யும் பட்சத்தில் திடீர் அசம்பாவிதம் ஏதும் நிகழ்ந்தால், ஆதார் எண் அடிப்படையில் ஒருவரின் முதலீட்டு விவரங்களைத் தெரிந்துகொண்டு குடும்ப உறுப்பினர்கள் கோரி பெற முடியும்.

குடும்ப உறுப்பினர்களிடம் முதலீடுகளைச் சொல்லுங்கள்!

வங்கிச் சேமிப்புக் கணக்கு...

பலரும் வேலை மாறுதல் காரணமாக ஓர் ஊரிலிருந்து இன்னொரு ஊருக்குப் போக வேண்டியிருக்கும். இதுபோன்ற நேரங்களில் வங்கிக் கணக்குகளை ரத்து செய்யாமல் விட்டுவிடு கிறார்கள். இப்போதெல்லாம் வங்கிக் கணக்குகளை ரத்து செய்வது சுலபம். மேலும், நீங்கள் புதிய ஊரில் இருக்கும் வங்கிக் கிளைக்கு கணக்கை சுலபமாக மாற்றிக்கொள்ள முடியும். திடீர் இறப்புகள் நிகழும்போது, குடும்ப உறுப்பினர்களுக்கு குடும்பத் தலைவருக்கு வங்கிக் கணக்கு இருப்பது மற்றும் அதில் பணம் இருப்பது தெரியாமல் அப்படியே கேட்பாரற்ற கணக்குக்கு செல்ல வாய்ப்பிருக்கிறது.

பல புதிய தலைமுறை வங்கி கள் பல ஆண்டுகளாக வங்கி களுக்கு பாஸ்புக் வழங்கு வதில்லை. எல்லாம் ஆன்லைனில் நடப்பதால், அது தொடர்பான விஷயங்கள் குடும்ப உறுப்பினர் களுக்குத் தெரியாமல் போய்விட வாய்ப்புண்டு. எனவே, வங்கிக் கணக்கு தொடர்பான விவரங்களை குடும்ப உறுப்பினர்களுக்குத் தெரிவிப்பது அவசியம். இப்போதெல்லாம் வங்கி சேமிப்புச் கணக்கு வைத்திருப்பவர்களுக்கு பிரதமர் காப்பீடு திட்டத்தில் மூலம் ஆயுள் காப்பீடு மற்றும் விபத்துக் காப்பீட்டுக்கு பிரீமியம் பிடிக்கப்பட்டு தலா ரூ.2 லட்சம் கவரேஜ் அளிக்கப்படுகிறது. அந்த வகையில் குடும்ப உறுப்பினர் கள் அனைவரின் வங்கிக் கணக்கு விவரத்தையும் மற்றவர்கள் தெரிந்துவைத்திருப்பது அவசியம்.

மியூச்சுவல் ஃபண்ட் முதலீடு...

கடந்த பத்து, பதினைந்து ஆண்டுகளாகப் பலரும் வரிச் சலுகை பெற பங்குச் சந்தை சார்ந்த மியூச்சுவல் ஃபண்ட் திட்டங்களிலோ (ELSS), வேறு வகையான மியூச்சுவல் ஃபண்ட் திட்டங்களிலோ முதலீடு செய்திருப்பார்கள். இந்த முதலீடு குறித்து குடும்ப உறுப்பினர்களிடம் சொல்லி வைத்திருக்கும்பட்சத்தில், பணியாளரின் வாரிசுகள் இந்த முதலீடு தொடர்பான ஏஜென்ட்டுகள் அல்லது ஆன்லைன் சம்பந்தப்பட்ட நிறுவனத்தைத் தொடர்புகொண்டு முதலீடு செய்த பணத்தைத் திரும்பப் பெறலாம்.

குடும்ப உறுப்பினர்களிடம் முதலீடுகளைச் சொல்லுங்கள்!

காப்பீட்டு பாலிசிகள்...

பல குடும்பங்களில் குடும்பத்தில் வருமானம் ஈட்டும் நபரின் மறைவின்போதுதான், ஏதாவது இன்ஷூரன்ஸ் பாலிசி எடுக்கப்பட்டிருக்கிறதா என நண்பர்கள் தொடங்கி உறவினர்கள் வரை அனைவரும் விசாரிக்கிறார்கள். பல குடும்பங்களில் ஏதாவது நிதிச் சிக்கல் வந்தால் முதலில் நிறுத்துவது ஆயுள் காப்பீடு அல்லது ஹெல்த் பாலிசி பிரீமியத்தைத்தான். இதுதான் இருப்பதிலேயே மிகப் பெரிய நிதித் தவறாகும். குடும்பத்தில் வருமானம் ஈட்டும் நபர்களின் பெயரில் ஆயுள் காப்பீடு இல்லை எனில், இனியாவது அவரின் ஆண்டு வருமானத்தைப்போல, குறைந்த பட்சம்10 - 15 மடங்கு தொகைக்காவது டேர்ம் பிளான் எடுத்துக்கொள்வது மிக மிக அவசியம்.

டேர்ம் பாலிசியையோ, ஆயுள் காப்பீட்டு பாலிசியையோ அதற்கு மறக்காமல் நாமினியை நியமியுங்கள். திருமணத்துக்கு முன் பாலிசி எடுத்து பெற்றோரை நாமினியாக நியமித்திருந்தால், திருமணத்துக்குப் பிறகு, மனைவி / கணவர் பெயரை நாமினியாக மாற்றுங்கள். இதே போல், முதலீட்டுக்கும் நாமினியை மாற்றுவது அவசியம். நாமினி இறந்து விட்டார் எனில், இன்ஷூரன்ஸ் பாலிசி எடுத்திருக்கும் விவரத்தை குடும்ப உறுப்பினர்களுக்குத் தெரிவிப்பதன் மூலம் கேட்பாரற்றுக் கிடக்கும் காப்பீட்டுத் தொகையைக் குறைப்பதுடன், குடும்ப உறுப்பினர்களின் வாழ்க்கையில் நிம்மதியைச் சேர்க்க முடியும்.

குடும்ப உறுப்பினர்களிடம் முதலீடுகளைச் சொல்லுங்கள்!

நேரடியாக விளக்குங்கள்...

வங்கிக் கணக்கு எண், பி.எஃப் கணக்கு எண் உள்ளிட்டவற்றை குடும்பத் தலைவர் மனைவி, பிள்ளை களை உட்கார வைத்து, நேரடியாக எடுத்துச் சொல்வதன் மூலமே இவை பற்றிய விழிப்புணர்வை ஏற்படுத்த முடியும். அதுமட்டுமல்ல, இவை பற்றிய விவரங்களைக் குடும்ப உறுப்பினர் களுக்கும், நெருங்கிய உறவினர்களுக்கும், நண்பர்களுக்கும் மெயில் மூலம் தெரிவிப்பது நல்லது. இந்த மெயிலில் காப்பீடு முகவர், நிதி ஆலோசகர் உள்ளிட்டோரின் செல்போன் நம்பர், மெயில் ஐ.டி, முகவரி ஆகியவற்றையும் குறிப்பிட்டு அனுப்புவது அவசியம்.

இப்படியெல்லாம் செய்தால் மட்டுமே, இனிவரும் காலத்திலாவது குடும்ப உறுப்பினர்களுக்குச் சேர வேண்டிய பணம் வங்கிகளில் குவிவதைத் தடுக்க முடியும்!

மியூச்சுவல் ஃபண்ட் முதலீடு... எப்படித் தெரிந்துகொள்வது?

மியூச்சுவல் ஃபண்டில் ஒருவர் செய்திருக்கும் முதலீட்டுக்கு ஆதாரமாக ஃபோலியோ என்கிற எண் வழங்கப்படும். இதைக் குடும்ப உறுப்பினர் களிடம் பகிர்ந்துகொள்வது நல்லது. மியூச்சுவல் ஃபண்டுகளில் செய்யப்பட்டிருக்கும் முதலீடு பான் எண் அடிப்படையில் சி.டி.எஸ்.எல் மற்றும் என்.எஸ்.டி.எல் மூலம் ஒவ்வொரு மாதமும் 10-ம் தேதி வாக்கில் முதலீட்டாளரின் பதிவு செய்யப்பட்ட இ-மெயில் முகவரிக்கு முதலீட்டு விவரங்கள் அடங்கிய ஒருங்கிணைந்த கணக்கு அறிக்கை (Consolidated Account Statement - CAS) வரும். முதலீடு செய்திருப்பருக்கு ஏதாவது அசம்பாவிதம் நடந்தால், இந்த சி.ஏ.எஸ் மூலம் அவர் மியூச்சுவல் ஃபண்டில் செய்திருக்கும் முதலீட்டு விவரங்களைத் தெரிந்துகொள்ள முடியும். இதைத் திறந்து பார்க்க முதலீட்டாளரின் பான் எண் தேவை. இதற்குக் குறைந்தபட்சம் மெயில் ஐ.டி மற்றும் அதன் பாஸ்வேர்டு தெரிய வேண்டும். அது தெரியவில்லை எனில், முதலீடு செய்த ஏஜென்ட் அல்லது நிதி ஆலோசகரின் உதவியுடன் இறந்தவரின் பான் எண்ணை வைத்து அவர் மியூச்சுவல் ஃபண்டில் செய்திருக்கும் முதலீட்டு விவரங்களை அறியலாம்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism