Published:Updated:

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?
பிரீமியம் ஸ்டோரி
ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?

கேள்வி - பதில்

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?

கேள்வி - பதில்

Published:Updated:
ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?
பிரீமியம் ஸ்டோரி
ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?
ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?

?ஆன்லைன் மூலம் வாங்கும் பொருள் உடைந்திருந்தால், அதற்கான இழப்பீட்டை எப்படிப் பெறுவது? 

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?

ஒட்டுமொத்த விகடனுக்கும் ஒரே ஷார்ட்கட்!



மாரிமுத்து, அரியலூர்
எஸ்.சரோஜா, இயக்குநர் (நுகர்வோர் பிரச்னைகள்), சிட்டிசன் கன்ஸ்யூமர் அண்ட் சிவிக் ஆக்‌ஷன் குரூப், சென்னை. 


“ஆன்லைனில் பொருள்களை வாங்கும்போது ஏற்படும் பிரச்னைகளில் இதுவும் ஒன்று. பொருள் உங்களிடம் வந்தபோது உடைந்தே வந்ததா அல்லது டெலிவரிக்குப் பயன்படுத்தத் தொடங்கும்போது உடைந்ததா என்று நிரூபிப்பது கடினமான காரியம். இந்தப் பிரச்னைக்கு என்ன தீர்வு என்பது குறித்து பல்வேறு நுகர்வோர் அமைப்புகள் விவாதித்து வருகின்றன. ஆன்லைனில் பொருள் வாங்கும்போது கேஷ் ஆன் டெலிவரி வசதி மூலம் பொருளை வாங்கி, பணம் கொடுக்கும்முன் பிரித்துப் பார்த்து வாங்குவதே நுகர்வோருக்குப் பாதுகாப்பாக இருக்கும். இன்றைய அவசரச் சூழலில் பொருளைப் பிரித்துப்பார்க்கும் வரை ஆன்லைன் நிறுவனங்கள் அனுமதிப்பது என்பது அரிதுதான். அந்த வகையில், ஆன்லைனில் அதிக விலைகொண்ட மற்றும் எளிதாக உடையும் தன்மைகொண்ட பொருள்களை வாங்காமல் இருப்பது நல்லது.”

?ஏற்றுமதி ஆரம்பிக்க டின் நம்பர் (TIN) கண்டிப்பாகத் தேவையா?

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?


தவபாண்டியன், மதுரை
கே.உன்னிகிருஷ்ணன், இணை துணைப் பொது இயக்குநர் (FIEO, தென் மண்டலம்)


“வரி செலுத்துபவர் அடையாள எண் (Taxpayer Identification Number) என்பதைத்தான் டின் (TIN) என்று சுருக்கமாகக் குறிப்பிடுகிறோம். புதிதாகத் தொழில் தொடங்க விரும்புபவர்கள், தங்களது தொழிலை மாநில அரசின் வணிக வரித்துறையில் பதிவுசெய்து டின் நம்பரை வாங்கவேண்டும். ஏற்கெனவே தொழில் செய்துகொண்டிருப்பவர்களும் அதை முறைப்படுத்தப்பட்ட வகையில் செய்வதற்கு டின் நம்பர் அவசியம் வாங்கவேண்டும். உற்பத்தி, சேவை, வர்த்தகம் என எந்த வகையில் தொழில் செய்தாலும், டின் நம்பர் அவசியம். ஏற்றுமதி செய்பவர்களுக்கும் டின் நம்பர் அவசியம். ஏற்றுமதி ஆரம்பிக்கும்முன் இறக்குமதி, ஏற்றுமதி எண் (Importer Exporter Code - IEC) வாங்கவேண்டும். இதற்கு வங்கி நடப்புக் கணக்கு (Current Account) அவசியம். இந்த நடப்புக் கணக்கை ஆரம்பிக்க டின் நம்பர் அவசியம் தேவை.”

?ஒவ்வொரு நிறுவனத்தின் காலாண்டு முடிவுகள் எந்தெந்தத் தேதிகளில் வெளியிடப்படுகின்றன என்பதை முன்கூட்டியே எப்படித் தெரிந்துகொள்வது? குறிப்பாக, இணையதளம் மூலம் எப்படித் தெரிந்துகொள்வது? 

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?



ஆறுமுகம், சென்னை 
ரெஜி தாமஸ், முதலீட்டு ஆலோசகர்


“பொதுவாக, ஒவ்வொரு நிறுவனத்தின் காலாண்டு முடிவுகள் வெளியிடப்படும் தேதியானது, அந்த நிறுவனத்தின் மூலமே தெரிவிக்கப்படும். இந்தத் தேதி, தொடர்புடைய நிறுவனத்தின் இணையதளத்தில் வெளியாகும். மேலும், அந்த நிறுவனப் பங்கு எந்த பங்குச் சந்தையில் அல்லது எந்தெந்த பங்குச் சந்தைகளில் (உதாரணம், என்.எஸ்.இ, பி.எஸ்.இ) பட்டியலிடப்பட்டிருக்கிறதோ, அவற்றின் இணைய தளங்களிலும் இந்தத் தகவல் வெளியாகும். பங்குச் சந்தை சார்ந்த தனியார் இணையதளங்களிலும் இந்தத் தகவல் வெளியிடப்படுகிறது.”

?5 லட்சம் ரூபாயை ஒரே தவணையில் முதலீடு மேற்கொள்ள கடன் சார்ந்த மியூச்சுவல் ஃபண்டுகள் (முதலீட்டுக் காலம் நான்கு வருடம்) சிலவற்றைப் பரிந்துரை செய்யவும்.

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?



கிருஷ்ணன், தருமபுரி
கா.முகைதீன் மாலிக், நிதி ஆலோசகர்


“ஐடிஎஃப்சி கார்ப்பரேட் பாண்ட் ஃபண்டில் ரூ.2.50 லட்சம், ஐடிஎஃப்சி கிரெடிட் ஆப்பர்ச்சூனிட்டீஸ் ஃபண்டில் ரூ.2.50 லட்சம் எனப் பிரித்து முதலீட்டை மேற்கொள்ளலாம். இந்த முதலீட்டின் மூலம் வங்கி ஃபிக்ஸட் டெபாசிட்டைவிட 1.5% முதல் 2% வரை அதிக வருமானம் எதிர்பார்க்கலாம்.”

?என் வயது 29. கடந்த ஒரு வருடமாக பிர்லா எஸ்எல் ஃபிரன்ட்லைன் ஈக்விட்டி ஃபண்டில் (குரோத்)  ரூ.2,000, எல் அண்ட் டி இந்தியா வேல்யூ ஃபண்டில் (குரோத்) ரூ.2,000, சுந்தரம் செலக்ட் மிட்கேப் ஃபண்டில் (குரோத்) ரூ.2,000, ரிலையன்ஸ் ஸ்மால் கேப் ஃபண்டில் (குரோத்) ரூ.2,000 என நான்கு ஃபண்டுகளில் முதலீடு செய்துவருகிறேன். இந்த ஃபண்டுகளில் 10 ஆண்டுகளுக்கு மேல் முதலீட்டைத் தொடரலாமா?

ஆன்லைன் மூலம் வாங்கும் பொருள்... உடைந்திருந்தால் இழப்பீடு கிடைக்குமா?



அசோக் குமார், சேலம்
த.முத்துகிருஷ்ணன், நிதி ஆலோசகர்

“மாதந்தோறும் 8,000 ரூபாய், எஸ்ஐபி மூலமாக முதலீட்டை மேற்கொண்டு வருகிறீர்கள். இதில் 6,000 ரூபாயை, மிட் கேப் மற்றும் ஸ்மால் கேப் ஃபண்டுகளில் முதலீடாக மேற்கொண்டு வருகிறீர்கள். இவை கடந்த சில ஆண்டுகளில் நன்றாகச் செயல்பட்டு வருகின்றன.

எனினும், எதிர்காலத்தில் அதிக வருமானத்தை இந்த ஃபண்ட் திட்டங்களிலிருந்து எதிர்பார்க்க முடியாது. ஏனெனில், மிட் கேப் மற்றும் ஸ்மால் கேப் பங்குகள் அதிக ஏற்ற, இறக்கத்துடன் காணப்படுகின்றன. ஆனால், உங்கள் முதலீட்டுத் திட்டம் பத்து ஆண்டுகள் என்பதால், இதை மனதில்வைத்து இந்த ஃபண்டுகளில் தாராளமாக முதலீட்டைத் தொடரலாம். உங்களால் மேலும் 2,000 ரூபாய் முதலீடு செய்ய முடியும் என்றால், மோதிலால் ஆஸ்வால் மல்டிகேப் 35 ஃபண்டில் முதலீட்டினை மேற்கொள்ளலாம். இது உங்கள் போர்ட்ஃபோலியோவை இன்னும் சமநிலையில் வைத்துக்கொள்ள உதவும்.”

போன் மூலமாகவும்  கேள்வி கேட்கலாம்!

இனி நீங்கள் போன் மூலமாகவும் கேள்விகளைப் பதிவு செய்யலாம். அதற்கு 044- 66802920 என்ற எண்ணுக்கு டயல் செய்யுங்கள். கணினி குரல் வழி காட்டும்; அதன்படி உங்கள் குரலிலேயே கேள்விகளைப் பதிவு செய்யுங்கள். எதிர்முனையில் உங்களுடன் உரையாட யாரும் இருக்க மாட்டார்கள். எனவே, அந்த ஒரு நிமிடம் முழுக்க முழுக்க உங்களுக்கே!

கேள்விகளை அனுப்புகிறவர்கள் தங்கள் செல்போன் எண்ணையும் குறிப்பிடவும்.

அனுப்ப வேண்டிய முகவரி: கேள்வி-பதில் பகுதி, நாணயம் விகடன், 757, அண்ணாசாலை, சென்னை-2. nav@vikatan.com.