Published:Updated:

மின் கட்டணத்தை மிச்சப்படுத்தும் சோலார் எனர்ஜி!

மின் கட்டணத்தை மிச்சப்படுத்தும் சோலார் எனர்ஜி!
பிரீமியம் ஸ்டோரி
மின் கட்டணத்தை மிச்சப்படுத்தும் சோலார் எனர்ஜி!

மின் கட்டணத்தை மிச்சப்படுத்தும் சோலார் எனர்ஜி!

மின் கட்டணத்தை மிச்சப்படுத்தும் சோலார் எனர்ஜி!

மின் கட்டணத்தை மிச்சப்படுத்தும் சோலார் எனர்ஜி!

Published:Updated:
மின் கட்டணத்தை மிச்சப்படுத்தும் சோலார் எனர்ஜி!
பிரீமியம் ஸ்டோரி
மின் கட்டணத்தை மிச்சப்படுத்தும் சோலார் எனர்ஜி!

திகரித்துவரும் மின் கட்டணத்தைக் குறைப்பதற்கு ஒரு வழியாக சூரிய மின்சக்தியைப் பார்க்கத் தொடங்கியிருக்கிறார்கள் நமது மக்கள். ஏசி, ஃப்ரிட்ஜ், வாஷிங் மெஷின் உள்ளிட்ட பல்வேறு மின் சாதனங்களின் பயன்பாடு காரணமாக மின்சாரத் தேவை அதிகரித்து வருகிறது. இந்த மின் கட்டணத்தில் இருந்து தப்பிக்க சூரிய மின்சக்திதான் ஒரே தீர்வு என்று மக்கள் உணரத் தொடங்கியுள்ளனர்.

மின் கட்டணத்தை மிச்சப்படுத்தும் சோலார் எனர்ஜி!

சூரிய மின்சக்தியை எல்லா வீடுகளிலும் தயாரிக்க முடியும். நம் நாட்டில் மழைக் காலத்தைத் தவிர, மற்ற எல்லா நாள்களிலும் சூரிய சக்திக்குப் பஞ்சமே இல்லை. எனவே, தாராளமாக சூரிய மின்சக்தி தயாரிப்பில் நம்மால் ஈடுபட இயலும்.

என்ன செலவு?

சூரிய மின்சக்தி தயாரிக்க, சூரிய சக்தி பேனல்கள், இன்வெர்ட்டர், பேட்டரி, கன்ட்ரோலர் மற்றும் நெட்மீட்டர் தேவைப்படும். அதன்படி, ஒரு வீட்டுக்கு ஒரு கிலோவாட் சூரிய மின்சக்தி உற்பத்திக்கு பேட்டரியுடன்கூடிய சூரிய சக்தி பேனல்கள் அமைக்க ரூ.1.5 லட்சம் செலவாகும் எனக் கணக்கிடப்பட்டது. இந்தத் தொகையில் மத்திய அரசு ரூ.30 ஆயிரத்தையும், மாநில அரசு ரூ.20 ஆயிரத்தையும் ஏற்றுக் கொள்ளும் என அறிவிக்கப்பட்டது. இந்தத் திட்டத்தில், பேட்டரி தேவையில்லை என வீட்டு உரிமையாளர்கள் கருதினால் அதற்கான செலவு ரூ.1.10 லட்சம்தான் ஆகும்.

விலை குறைந்தது எப்படி?

`ஒரு வீட்டுக்கு, தோராயமாக இரண்டு கிலோவாட் சூரிய மின்சக்தி தயாரிப்பதாக இருந்தால், அந்த புராஜெக்ட்டுக்கு ஆகும் செலவில் 30 சதவிகிதத்தை மானியமாகப் பெறலாம்’ என்று தொடக்கத்தில் மத்திய அரசு சொன்னது. மாநில அரசும் அதையே சொன்னது. ஆனால், அந்த அறிவிப்புகள் பெரிய அளவில் மக்களைச் சென்றடைய வில்லை. 

மின் கட்டணத்தை மிச்சப்படுத்தும் சோலார் எனர்ஜி!

தொடக்கத்தில் ஒரு கிலோவாட் சூரிய மின்சக்தி உற்பத்தி செய்யும் புராஜெக்டுக்கு ரூ.1.50 லட்சம் செலவானது. இந்தத் தொகையில் 30% மானியமாகத் தரப்பட்டது. சிலர் மானியம் அதிகமாகப் பெற வேண்டும் என்பதற்காக அதிக அளவில் செலவுக் கணக்கைக் காட்டி முறைகேடு செய்தனர்.

இதையடுத்து, சூரிய மின்சக்தி உற்பத்திக்கான பொருள்களின் விலை, அந்த புராஜெக்டுக்கான செலவு குறித்து அரசாங்கமே தீர ஆராய்ந்து, புராஜெக்ட் செலவை ரூ.1 லட்சம் எனக் குறைத்தது. அதற்கு 30% மானியம் எனக் கொண்டுவந்தது. சூரிய மின்சக்தி உற்பத்தியாளர்களும் அந்த விலைக்குள் தயாரிக்கத் தொடங்கி னார்கள். அதற்கேற்ப சூரிய மின்சக்தியின் விலையும் குறைந்தது.

அதற்கடுத்த ஆண்டுகளில் மீண்டும் மறு ஆய்வுகள் நடத்தி புராஜெக்ட் செலவை ரூ.90 ஆயிரம், ரூ.80 ஆயிரம் எனக்  குறைத்தது. இந்தச் சூழலில், மானியத்தைப் பெறுவது மாதக் கணக்கில் இழுத்தடிப்பதாக இருந்தது. எனவே, சூரிய மின்சக்தி யூனிட்டை நிறுவித்தரும் ஒப்பந்த தாரர்கள், மானியம் பெற்றுத்தரும் பொறுப்பைத் தாங்களே ஏற்றுக் கொண்டு தங்களது செலவில் அந்த மானியத்தைக் கழித்துக்கொண்டு ஊதியம் பெற்றார்கள். இது வீட்டு உரிமையாளர்களுக்கு நிம்மதியான ஒன்றாகப்பட்டது.

ரூ.52 ஆயிரம் தந்தால்...

தற்போது ஒரு கிலோவாட் சூரிய மின் உற்பத்திக்கான மானியம் ரூ.18 ஆயிரம் என்று நிர்ணயிக்கப்பட்டுள்ளது. எனவே, ஒரு கிலோவாட் சூரிய மின் உற்பத்தி அமைக்க உங்களுக்கு ரூ.70 ஆயிரம் செலவாகிறதென்றால், நீங்கள் ரூ.52 ஆயிரம் மட்டும் கட்டினால் போதும். உங்களுக்கான சூரிய மின்சக்தி வசதிகளைத் தயார்செய்து தந்துவிடுவார்கள்.

இரண்டு பங்கு குறைந்த விலை...

ஆக, ரூ.1.5 லட்சம் என்கிற விலையிலிருந்து தற்போது ரூ.52 ஆயிரம் என்ற அளவுக்கு, சுமார்  மூன்றில் இரண்டு பங்கு விலை குறைந்துவிட்டது. இந்த விலைக் குறைப்பானது வீடுகளில் சூரிய மின்சக்தி பயன்படுத்த விரும்பு பவர்களுக்கு மகிழ்ச்சியான செய்தி ஆகும். இதன் காரணமாக சூரிய மின்சக்தி பயன்பாடு குறித்த விழிப்பு உணர்வு அதிகரித்து வருகிறது. சூரியசக்தி மின்சக்தி உற்பத்தி குறித்த விழிப்பு உணர்வு எந்த அளவுக்கு அதிகரித்துள்ளது என டிடி புராஜெக்ட்ஸ் பிரைவேட் லிமிடெட் நிறுவனத்தின் மேனேஜிங் டைரக்டர் ஆறுமுகம் தட்ஷிணாமூர்த்தியிடம் கேட்டோம்.

இனி ரூ.60 ஆயிரம் மட்டுமே...

‘‘கடந்த ஏப்ரல் 1, 2018-ம் தேதியன்று, சூரிய சக்தி உற்பத்தி புராஜெக்டுக்கான விலையை மேலும் குறைத்துப் புதிய அறிவிப்பை அரசாங்கம் வெளியிட்டுள்ளது. ஒரு கிலோவாட் முதல் பத்து கிலோவாட் வரை தயாரிக்கும் ஒரு யூனிட் அமைக்க ஒரு கிலோவாட்டுக்கு ரூ.60 ஆயிரம் என்கிற விகிதத்தில் நிர்ணயித்துள்ளது. இதில் 30% மானியமாகத் தரப்படும். 

மின் கட்டணத்தை மிச்சப்படுத்தும் சோலார் எனர்ஜி!

11 கிலோவாட் முதல் 100 கிலோவாட் வரை உற்பத்தி செய்யும் புராஜெக்டுக்கு ஒரு கிலோவாட்டுக்கு ரூ.55 ஆயிரம் என நிர்ணயம் செய்துள்ளது. இதற்கும் 30% மானியம் வழங்கப்படுகிறது.

அரசாங்கம் மானியம் தருவதுடன், மூன்றாண்டுகள் வரை அந்த புராஜெக்டைப் பராமரிப்பதும் ஒப்பந்ததாரர்களின் பொறுப்பு எனக் குறிப்பிட்டுள்ளது. எனவே, மூன்று முதல் ஐந்தாண்டுகள் வரை இலவசப் பராமரிப்பு கிடைப்பது உறுதி. சூரியசக்தி உற்பத்திக்குப் பயன்படும் இன்வெர்ட்டர், பேட்டரிகளுக்கு ஐந்தாண்டுகள் வரை உத்தரவாதம் உள்ளது.

வீடுகள், அப்பார்ட்மென்ட்டுகள்...

வீடுகள், அப்பார்ட்மென்டுகள், கூட்டுறவுச் சங்கங்கள், கிளப்புகள், அறக்கட்டளைகள் இவை அனைத்துக்கும் இந்த மானியத்தைப் பெறலாம். வியாபார நிறுவனங்களுக்கும், தொழிற் சாலை களுக்கும் மட்டும் மானியம் கிடையாது. ஆனால், அவர்கள் வருமான வரி கட்டும்போது இந்த முதலீட்டுக்குச் சலுகையைப் பெற்றுக்கொள்ள லாம். எனவே, இந்தச் சலுகையை வீட்டு உரிமையாளர்கள் பயன்படுத்திக்கொள்ளலாம்.

ஒரு வீட்டில் சூரிய சக்தி புராஜெக்ட் வேலை யைத் தொடங்கும்முன் அவர்களின் மின்சாரக் கட்டண அட்டையை வைத்து, கடந்த ஓராண்டில் அவர்களின் மின்பயன்பாட்டின் சராசரியைக் கணக்கிடுவோம். அதன்பிறகு மின் வாரியத்தி லிருந்து அந்த வீட்டுக்குத் தரப்பட்டுள்ள உச்சபட்ச மின் பயனீட்டு அளவுடன் ஒப்பிட்டு அந்த வீட்டின் மின் தேவையை முடிவெடுப்போம். அதற்கேற்ற சூரிய சக்தி உற்பத்தி செய்யத் தொடங்குவோம்.

இதிலேயே இன்னொரு முறையாக, ஒரு வீட்டுக்கான சூரிய சக்தி உற்பத்தி புராஜெக்ட் முழுவதையும் அவர்களது வீட்டு மொட்டை மாடியில் எங்களது செலவிலேயே செய்துவிட்டு, உற்பத்தியாகும் மின்சாரத்தை மின்வாரியம் கேட்கும் விலையைவிடக் குறைந்த விலையில் வீட்டு உரிமையாளர்களுக்குத் தருவோம். 

அடுத்ததாக, ஏதேனும் ஒரு பொது இடத்தில் சூரிய சக்தியை உற்பத்தி செய்துவிட்டு, அதை கேபிள் டிவி கனெக் ஷன் கொடுப்பதுபோல பல வீடுகளுக்குப் பகிர்ந்தளிக்கும் திட்டத்தை (Mini Grid) வருங்காலத்தில் கொண்டுவரும் முயற்சியில் ஈடுபட்டு வருகிறோம். இது நடைமுறைக்கு வந்தால், பயன்பாட் டாளர்களுக்கு எந்தச் செலவும் கிடையாது. குறைந்த விலையில் மின்சாரம் கிடைக்கும்.  இந்தத் திட்டம் வருங்காலத்தில் மிகப் பெரிய அளவில் வளர்ச்சியடையும்.

சூரிய சக்தி உற்பத்தி பேனல் அமைப்பு, மணிக்கு 150-200 கிலோ மீட்டர் என்ற வேகத்தில் காற்றடித் தாலும்கூட தாங்கும்விதமாக அமைக்கப்பட்டி ருக்கும். எனவே, புயல் காற்றிலும் கூடப் பாதுகாப் பாக இருக்கக்கூடியது. இவற்றை மொட்டை மாடியில் எப்படிப் பாதுகாப்பாக அமைக்க வேண்டும் என்பது குறித்து இந்தத் திட்டத்திலேயே கூறப்பட்டுள்ளது. சூரிய மின்சக்திக்காக நாம் செலவழிக்கும் தொகையை நான்கு, ஐந்து ஆண்டுகளில் மின் கட்டணச் செலவைச் சேமிப்பதன் மூலம் எளிதாகச் சரிக்கட்டிவிடலாம். அதன்பிறகு தொடர்ச்சியாகக் கிடைக்கும் சூரிய சக்தியானது நமக்கு லாபமே!” என்றார்.

அதிகச் செலவு பிடிக்கும் திட்டம்போலத் தோற்றமளித்த சூரிய ஒளி மின் உற்பத்தி,  தற்போது எல்லோருக்கும் ஏற்றதாக மாறிவிட்டது. இனி சூரிய மின்சக்தியைப் பயன்படுத்துவதுதான் புத்திசாலித்தனம்! 

- தெ.சு.கவுதமன், 

படம்: ப.சரவணக்குமார்