Published:Updated:

கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

Published:Updated:
கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!
கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

கிரெடிட் கார்டின் பயன்பாடு நாளுக்கு நாள் அதிகரித்து வருகிறது. டெபிட் கார்டைவிட கிரெடிட் கார்டின் பயன்பாடு முப்பது மடங்கு அதிகரித்திருப்பதாகச் சொல்கிறது சமீபத்தில் வெளியான ஆர்.பி.ஐ. சர்வே ஒன்று. மதிப்பு மிக்க இந்த கிரெடிட் கார்டு தொலைந்து போனால் அதனால் ஏற்படும் பின்விளைவுகள் படுமோசமாக இருக்கும். இந்த மோசமான பாதிப்பில் நாம் சிக்காமல் இருக்க நமக்கு கைதருவதுதான் கிரெடிட் கார்டு இன்ஷூரன்ஸ். இந்த இன்ஷூரன்ஸை எப்படி எடுப்பது, அதனால் ஏற்படும் பயன்கள் என்ன என்பது குறித்து விளக்கமாகச் சொல்கிறார் நிதி ஆலோசகர் பத்மநாபன்.

ஒட்டுமொத்த விகடனுக்கும் ஒரே ஷார்ட்கட்!

''வெளிநாடுகளில் பிரபலமாக இருக்கிறது இந்த கிரெடிட் கார்டு இன்ஷூரன்ஸ். ஆனால், நம் மக்களுக்கோ இது புதுசு. இந்த இன்ஷூரன்ஸும் டேர்ம் இன்ஷூரன்ஸ் போலதான். அதாவது, கிரெடிட் கார்டு தொலைந்து வேறு யாராவது பயன்படுத்தியதால் ஏற்படும் நஷ்டங்களுக்கு மட்டுமே இழப்பீடு கிடைக்கும். இதனாலேயே பலரும் இந்த  கிரெடிட் கார்டுக்கு இன்ஷூரன்ஸ் எடுக்காமலேயே இருக்கிறார்கள். ஆனால், கொஞ்சம் செலவைப் பார்க்காமல் இந்த இன்ஷூரன்ஸ் பாலிசியை எடுப்பதன் மூலம் நமக்கு பல நன்மை கிடைக்கும்.

உதாரணமாக, நீங்கள் வெளியூருக்குப் போகிறபோது உங்களின் பர்ஸை தொலைத்துவிட்டீர்கள். உங்கள் பர்ஸில் இருக்கும் கிரெடிட் கார்டை பயன்படுத்தி, யாராவது எக்கச்சக்கமான பணத்தை எடுத்தால் அல்லது பொருட்களை வாங்கினால், அதனால் ஏற்படும் இழப்பு உங்கள் தலையின் மீதுதானே விழும். இதுபோன்ற விபரீதங்களிலிருந்து உங்களை காப்பாற்றிக்கொள்ளவே இந்த கிரெடிட் கார்டு இன்ஷூரன்ஸ்.

##~##
பயணத்தின்போது, ஏ.டி.எம்.-ல் பணம் எடுக்கும்போது, விபத்தின்போது உங்கள் கிரெடிட் கார்டை நீங்கள் இழக்க நேரிடுவதன் மூலம் ஏற்படும் இழப்புகளுக்கு இந்த பாலிசி மூலம் கவரேஜ் கிடைக்கும்.

கிரெடிட் கார்டுகளுக்கான இன்ஷூரன்ஸை அந்த கார்டுகளை அளிக்கும் நிறுவனங்களே சேர்த்து தருகின்றன. ஆனால், எந்த இன்ஷூரன்ஸும் இல்லாமலும் சில நிறுவனங்கள் கார்டுகளைத் தருகின்றன. இன்ஷூரன்ஸ் இல்லாத கார்டுகளுக்கு தனிநபர்கள் தனியாக இன்ஷூரன்ஸ் எடுத்துக்கொள்வது அவசியம்.

கிரெடிட் கார்டு தரும் சில வங்கிகள், அந்த கார்டுகளுக்கான இன்ஷூரன்ஸையும் தருகின்றன. ஹெச்.டி.எஃப்.சி. வங்கி தங்களுடைய கிரெடிட் கார்டு வாடிக்கையாளர்களுக்கு கார்டு ஷீல்டு என்னும் பாலிசியை வைத்திருக்கிறது. உங்களின் கார்டை வேறு யாராவது தவறாகப் பயன்படுத்தினால், அதற்கான  இழப்பீடு கிடைக்கும். கார்டு தொலைந்தவுடன், அதை உடனடியாக ப்ளாக் செய்துவிட்டு, காவல் நிலையத்தில் புகார் செய்து, எஃப்.ஐ.ஆர். காப்பி வாங்கித் தந்தால் மட்டுமே இழப்பீடும், புது கார்டும் கிடைக்கும்.  

கிரெடிட் கார்டு இன்ஷூரன்ஸ் - கொஞ்சம் செலவு, நிறைய நன்மை!

டாடா ஏ.ஐ.ஜி. ஜெனரல் இன்ஷூரன்ஸ் நிறுவனமும், கார்டு புரொட்டக்ஷன் புரோகிராம் சி.பி.பி. (Card Protection Program) என்னும் நிறுவனமும் இதுபோன்ற  பாலிசியைத் தருகிறது.

இந்த பாலிசிக்கான பிரீமியம் ஒவ்வொரு நிறுவனத்திலும் ஒவ்வொரு மாதிரியாக இருக்கிறது. தனிநபர் கார்டுக்கும், ஜாயின்ட் கார்டுக்கும் பிரீமியம் வேறுபடும். தவிர, கிளாஸிக், பிரீமியம், பிளாட்டினம் என கார்டின் வகைக்கேற்றவாறும் பிரீமியம் மாறுபடும். பிரீமியம் தொகையை உங்களின் கிரெடிட் கார்டிலிருந்தே எடுத்துக்கொள்வார்கள். சில கார்டு நிறுவனங்களில் இ.எம்.ஐ.யாகவும் கட்டலாம். இந்த பிரீமியம் தொகை ஓராண்டு காலத்துக்கானதே. அதன்பிறகு தேவையெனில் மீண்டும் புதுப்பித்துக்கொள்ள வேண்டும்.

ஒருவர் எத்தனை கிரெடிட் கார்டுகள் வைத்திருந்தாலும் அதற்கு தனித்தனியாக இன்ஷூரன்ஸ் பாலிசி எடுத்து பயன் பெறலாம். இன்ஷூரன்ஸ் எடுக்கும்போது ஒருவர் எத்தனை கார்டு வைத்திருக்கிறார், அதன் கிரெடிட் லிமிட் என்ன? கார்டு நம்பர் என்ன? தனிநபர் கார்டா அல்லது ஜாயின்ட் கார்டா? என்பதுபோன்ற தகவல்களை தெளிவாகச் சொல்வது அவசியம்.

வெளியூர் செல்லும்போது உங்கள் கார்டு தொலைந்துவிட்டால் இன்ஷூரன்ஸ் நிறுவனத்தின் சேவை மையத்திற்கோ அல்லது கார்டு வழங்கிய நிறுவனத்திற்கோ தகவல் தெரிவிக்க வேண்டும். ஆனால், கிரெடிட் கார்டு தொலைந்துபோன 12 மணி நேரத்திற்குள் நடக்கும் பரிவர்த்தனைகளுக்கு மட்டும்தான் இதில் இழப்பீடு கிடைக்கும் என்பதையும் கவனிக்க வேண்டும்.

- இரா.ரூபாவதி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism