Published:Updated:

டாப் அப் இருக்க கவலை ஏன்?

டாப் அப் இருக்க கவலை ஏன்?

டாப் அப் இருக்க கவலை ஏன்?

டாப் அப் இருக்க கவலை ஏன்?

Published:Updated:
டாப் அப் இருக்க கவலை ஏன்?

ம்மில் பலரும் ஹெல்த் இன்ஷூரன்ஸ் பாலிசியை எடுத்து வைத்திருக்கிறோம். ஆனால், நமக்கும் நம் குடும்பத்தினருக்கும் தேவையான கவரேஜ் இருக்கிறதா என்றால் பல நேரங்களில் இருப்பதில்லை. இதனால், பாலிசி இருந்தும் பல சமயங்களில் கையைவிட்டு பணத்தை செலவு செய்தாக வேண்டிய கட்டாயம் பலருக்கும் ஏற்பட்டுவிடுகிறது. இதற்காக இன்னொரு இன்ஷூரன்ஸ் பாலிசியை எடுக்க முடியாது. ஆனால், ஏற்கெனவே இருக்கும் பாலிசியில் டாப் அப் செய்துகொண்டு எளிதாக நிலைமையைச் சமாளிக்கலாம் என்கிறார் பார்தி ஆக்ஸா ஜெனரல் இன்ஷூரன்ஸ் நிறுவனத்தின் துணைத் தலைவர்  கே.என்.முரளி.  

''ஹெல்த் இன்ஷூரன்ஸ் டாப் அப் பாலிசியின் பிரீமியம் மிகக் குறைவு. தனிநபர் மற்றும் குடும்பம் என இதை யார் வேண்டுமானாலும் எடுத்துக்கொள்ளலாம். வயது வரம்பு ஒவ்வொரு நிறுவனத்திற்கும் வித்தியாசப்படும். அடிப்படை பாலிசியுடன் இந்த பாலிசியை எடுத்துக்கொள்ளலாம். அதில் இருக்கும் கவரேஜ் தொகையைவிட க்ளைம் அதிகமாகப் போகும்போது மட்டுமே இந்த டாப் அப் பாலிசியை பயன்படுத்த முடியும்.

ஒட்டுமொத்த விகடனுக்கும் ஒரே ஷார்ட்கட்!

இன்றைய வாழ்க்கை முறையின் தேவைக்கு ஒருவர் குறைந்தபட்சம் 5 லட்சம் ரூபாய்க்கு மெடிக்ளைம் பாலிசி வைத்திருப்பது அவசியம். 2 லட்சம் ரூபாய் கவரேஜுக்கு அடிப்படை பாலிசியையும், 3 லட்சம் ரூபாய்க்கு டாப் அப் பாலிசியும் வைத்திருக்கிறீர்கள் என்றால், உங்களின் க்ளைம் 3 லட்சம் ரூபாய் வரும்போது அடிப்படை பாலிசியில் 2 லட்சம் ரூபாயும், டாப் அப் பாலிசியிலிருந்து ஒரு லட்சம் ரூபாயும் க்ளைம் வாங்கிக்கொள்ளலாம். அடிப்படை பாலிசியின் கவரேஜ்

டாப் அப் இருக்க கவலை ஏன்?

முழுவதும் தீர்ந்தபிறகு மட்டுமே டாப் அப் பாலிசியை பயன்படுத்த முடியும்.

பிரீமியம்!

அடிப்படை பாலிசியில் இரண்டு லட்சம் ரூபாய் கவரேஜுக்கு பிரீமியம் 1,600 என்று வைத்துக் கொள்ளுங்கள். அதே டாப் அப் பாலிசியில் ஐந்து லட்சம் ரூபாய் கவரேஜுக்கு பிரீமியம் 3,000 ரூபாய் தான் இருக்கும். இது ஒவ்வொரு இன்ஷூரன்ஸ் நிறுவனத்திற்கும் வித்தியாசப்படும்.  

ஆவணங்கள்!

அடிப்படை பாலிசிகளுக்குத் தரப்படும் பொதுவான ஆவணங்கள் மற்றும் அடிப்படை பாலிசிகளின் கவரேஜ் தொகை மற்றும் இதர விவரங்களை குறிப்பிட வேண்டும்.

அடிப்படை பாலிசி எடுத்த இரண்டு மாதத்தில் கவரேஜ் தொகை முழுவதையும் பயன் படுத்திவிட்டீர்கள். அதன்பிறகு ஏற்படும் மருத்துவச் செலவுகளுக்காக டாப் அப் பாலிசி எடுக்க நினைத் தால் அது முடியாது.

அடிப்படை பாலிசியைப் புதுப்பித்தப் பிறகுதான் டாப் அப் பாலிசி எடுக்க முடியும். அதேபோல, நீங்கள் அடிப்படை பாலிசி எடுத்த ஆறு மாதங்களுக்குப் பிறகு டாப் அப் பாலிசி எடுக்கிறீர்கள். அடிப்படை பாலிசியைப் புதுப்பிக்கவில்லை எனில் டாப் அப் பாலிசியைப் பயன்படுத்த முடியாது. க்ளைம் இல்லாதபோதும் இதுதான் நடைமுறை.

டாப் அப் இருக்க கவலை ஏன்?

கவனிக்க வேண்டிய சில விஷயங்கள்!

அடிப்படை பாலிசி எடுத்திருக்கும் நிறுவனத்திலோ அல்லது வேறு ஒரு நிறுவனத்திலோ டாப் அப் பாலிசி எடுத்துக்கொள்ளலாம்.  வேறு நிறுவனம் என்கிறபோது இதில் இருக்கும் சிறப்பு அம்சங்கள் அதிலும் இருக்குமாறு பார்த்துக்கொள்ளுங்கள். எந்தெந்த நோய்களுக்கு கவரேஜ் கிடைக்கும் என்பதைக் கவனித்து அதற்கு ஏற்ப டாப் அப் பாலிசியைத் தேர்வு செய்வது அவசியம்.

சில டாப் அப் பாலிசிகளில் மருத்துவமனையில் இருக்கும்போது ஏற்படும் செலவுகளுக்கு மட்டும்தான் க்ளைம் என்பார்கள். கேஷ்லெஸ் முறையில் அடிப்படை பாலிசி வைத்திருந்தீர்கள் என்றால், அதைப் போலவே டாப் அப் பாலிசியும் இருப்பது அவசியம். இதையெல்லாம் கவனித்து நீங்கள் பாலிசியைத் தேர்ந்தெடுப்பது அவசியம்'' என்றவர், டாப் அப் பாலிசியில் க்ளைம் செய்வது பற்றியும் விளக்கினார்.  

''இன்ஷூரன்ஸ் நிறுவனங் களுக்கு ஒரிஜினல் பில் கொடுத் தால்தான் க்ளைம் கிடைக்கும். அடிப்படை பாலிசியில் எடுத் திருக்கும் நிறுவனத்திற்கு மட்டும் ஒரிஜினல் பில் கொடுத்தால் போதும். அந்த நிறுவனம் டாப் அப் பாலிசி வைத்திருக்கும் நிறுவனத்திற்கு பில்களை நாங்கள் சரிபார்த்துவிட்டோம். அடிப்படை பாலிசியின் கவரேஜ் முழுவதும் உபயோகித்துவிட்டார் என சான்றிதழ் கொடுக்கும். இதனுடன் மருத்துவரின் சான்றிதழ், மருத்துவமனை விவரங்கள் ஆகியவற்றைக் கொடுத்து க்ளைம் வாங்கலாம்'' என்றார்.

இது நல்லா இருக்கே!

- இரா.ரூபாவதி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism