Published:Updated:

முக்கியமான மூன்றாம் நபர் !

ஹெல்த் இன்ஷூரன்ஸ் பாலிசிகள்...

முக்கியமான மூன்றாம் நபர் !

ஹெல்த் இன்ஷூரன்ஸ் பாலிசிகள்...

Published:Updated:
##~##

ஹெல்த் இன்ஷூரன்ஸ் பாலிசிகளுக்கான க்ளைம்கள் டி.பி.ஏ. (Third Party Administrator)என்று அழைக்கப்படும் மூன்றாம் நபர் முகவர் மூலமாகவே செட்டில் செய்யப்படுகிறது. டி.பி.ஏ.களின் வேலை என்ன, இன்ஷூரன்ஸ் நிறுவனத்திற்கும் டி.பி.ஏ.களுக்கும் என்ன தொடர்பு? இந்தக் கேள்விகளுக்கு பதில் கூறுகிறார் மெட்சேவ் நிறுவனத்தின் சென்னை கிளை மேலாளர் கே.மாரியப்பன்.

''அனைத்து ஹெல்த் இன்ஷூரன்ஸ் நிறுவனங்களின் க்ளைம்களை செட்டில் செய்வது டி.பி.ஏ.கள்தான். ஒவ்வொரு இன்ஷூரன்ஸ் நிறுவனமும் நான்கு அல்லது ஐந்துக்கும் மேற்பட்ட டி.பி.ஏ.களை வைத்திருக்கும். ஒவ்வொரு டி.பி.ஏ.க்கும் குறிப்பிட்ட எண்ணிக்கையில் பாலிசிதாரர்களை இன்ஷூரன்ஸ் நிறுவனங்கள் ஒதுக்கித்தரும். அதன்பின் டி.பி.ஏ.களுக்கு வாடிக்கையாளரின் பாலிசி நகலை அனுப்பிவைக்கும். இதில் பாலிசிதாரரின் முழுவிவரமும் இருக்கும். இதை அடிப்படையாக வைத்துதான் அனைத்து சேவைகளையும் வாடிக்கையாளர்களுக்கு டி.பி..ஏ.கள் வழங்கும்.

ஒட்டுமொத்த விகடனுக்கும் ஒரே ஷார்ட்கட்!

பாலிசிதாரர்களின் க்ளைமை செட்டில் செய்வதுடன், அதற்கான முன்தயாரிப்புகளைச் செய்வதும் டி.பி.ஏ.களின் பணிதான். இன்ஷூரன்ஸ் நிறுவனங்கள் தரும் விவரங்களை அடிப்படையாக வைத்து பாலிசிதாரர்களுக்கு அடையாள அட்டை வழங்குவோம். இந்த அடையாள அட்டை பாலிசிதாரர்களுக்கு மிக முக்கியம். இதில் பாலிசிதாரரின் பெயர், முகவரி, பாலிசி எண், டி.பி.ஏ. பெயர் மற்றும் தொலைபேசி எண் ஆகியவை இருக்கும்.

முக்கியமான மூன்றாம் நபர் !

பாலிசிதாரர்களுக்கு அங்கீகரிக் கப்பட்ட மருத்துவமனையில் கேஷ்லெஸ் (சிகிச்சைக் கட்டணத்தை பாலிசிதாரர் கட்டாதது) வசதியை ஏற்படுத்தி தருவது டி.பி.ஏ.களின் பணி ஆகும். இதற்காக இன்ஷூரன்ஸ் நிறுவனங்கள், டி.பி.ஏ.களுக்கு முன்கூட்டியே குறிப்பிட்ட தொகையை ஒதுக்கி தந்துவிடும். அதை அடிப்படையாக வைத்து உள்கட்டமைப்பு வசதி, தகுதியான மருத்துவர், செவிலியர் உள்ள மருத்துவமனைகளைத் தேர்வு செய்து அவர்களுடன் ஒப்பந்தம் போட்டுக்கொள்வோம்.

இப்படி அனைத்து ஊர்களிலும் மருத்துவமனைகளைத் தேர்வு செய்வோம். எந்தெந்த மருத்துவமனைகளுடன் கேஷ் லெஸ் வசதி உள்ளது என்பது குறித்த தகவலை இன்ஷூரன்ஸ் நிறுவனங்களுக்கு தெரிவித்துவிடுவோம். இந்தத் தகவல்களை பாலிசிதாரர்களுக்கும் தெரிவிப்போம். கேஷ்லெஸ் சிகிச்சை பெறும்போது டி.பி.ஏ. தந்த அடையாள அட்டையைக் காண்பிப்பது அவசியம்'' என்றவர், டி.பி.ஏ.கள் குறித்த சில அடிப்படை தகவல்களையும் நீங்கள் தெரிந்துவைத்துக் கொள்வது முக்கியம் என்றார்.

முக்கியமான மூன்றாம் நபர் !

''உங்களின் டி.பி.ஏ. யார், அவர்களின்  போன் நம்பர் என்ன என்பது போன்ற விவரங்கள்  இன்ஷூரன்ஸ் பாலிசி ஆவணத்தில் இருக்கும். அந்த நம்பரைத் தொடர்புகொண்டு, உங்களின் பாலிசி எண்ணை தெரிவித்து, பாலிசி கவரேஜ் எவ்வளவு, எந்தெந்த மருத்துவமனைகளில் சிகிச்சை எடுத்துக்கொள்ளலாம் என்கிற தகவல்களைக் கேட்டுப் பெறலாம்.

பாலிசியின் ஆவணங்கள் கிடைத்த ஒரு வாரத்தில் உங்களுக்கான அடையாள அட்டை வரவில்லை எனில், இன்ஷூரன்ஸ் நிறுவனம் அல்லது டி.பி.ஏ. அலுவலகத்தைத் தொடர்புகொண்டு தெரிவிக்கவேண்டும். அடையாள அட்டை இல்லாமல் சிகிச்சை பெறுவது இயலாத காரியம்.

மேலும், அடையாள அட்டையில் (பெயர், முகவரி, பாலிசி எண்) ஏதாவது தவறு இருந்தால் அதையும் உடனடியாகத் தெரிவித்து சரிசெய்துகொள்வது நல்லது.

நீங்கள் பாலிசி எடுத்த ஏஜென்டிடம் அடிக்கடி தொடர்பில் இருப்பதும் முக்கியம். ஏனெனில், சில சமயங்களில் இன்ஷூரன்ஸ் நிறுவனங்கள் டி.பி.ஏ.களை மாற்றி இருக்கும். அந்த தகவல்களை உங்களின் ஏஜென்ட் மூலமாகவே தெரிந்துகொள்ள முடியும். நீங்கள் இன்ஷூரன்ஸ் எடுத்திருக்கும் நிறுவனத்தின் கிளை அலுவலகங்களின் தொலைபேசி எண்களை தெரிந்துவைத்திருப்பது முக்கியம்'' என்றார்.

மருத்துவச் சிகிச்சைக்கான தேவை வரும்முன்னரே நமக்குத் தேவையான தகவல்களைத் தெரிந்து வைத்துக்கொள்வது நல்லதுதானே!

- இரா.ரூபாவதி,
படம்: ப.சரவணக்குமார்.