Published:Updated:

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

Published:Updated:
##~##

எல்லா இன்ஷூரன்ஸ் நிறுவனங்களும் எலெக்ட்ரானிக் முறையில் செயல்படுவதற்கான அத்தனை வேலைகளையும் ஐ.ஆர்.டி.ஏ. செய்து வருகிறது. இன்ஷூரன்ஸ் பாலிசிகள் அனைத்தும் எலெக்ட்ரானிக் வடிவத்தில் கொண்டுவரப்பட உள்ளன. இதன் அடுத்தகட்ட முயற்சியாக கே.ஒய்.சி.யையும் எலெக்ட்ரானிக் வடிவத்தில் கொண்டுவர நடவடிக்கை எடுத்து வருகிறது.

இ-கே.ஒய்.சி. (Electronic Know Your Customer) எனப்படும் உங்கள் வாடிக்கையாளரைத் தெரிந்துகொள்ளுங்கள் படிவம் எலெக்ட்ரானிக் முறையிலே சமர்ப்பிக்கலாம். அதாவது, வங்கி மற்றும் நிதிச் சேவை நிறுவனங்களில் இந்த முறை பெரும் பயன் அளிக்கும் என எதிர்பார்க்கப்படுகிறது. இந்த இ-கே.ஒய்.சி.-ல் ஆதார் (UIDIA) அட்டை வைத்திருப்பவர்கள் மிகவும் சுலபமாக எந்த ஆவணங்களையும் சமர்ப்பிக்காமலேயே வங்கிக் கணக்கு, ஆயுள் காப்பீடு, மியூச்சுவல் ஃபண்டு திட்டம் ஆகியவற்றில் கணக்கைத் தொடங்க முடியும்.

ஒட்டுமொத்த விகடனுக்கும் ஒரே ஷார்ட்கட்!

ஆதார் அட்டையை அடிப்படையாக வைத்து ஆயுள் காப்பீட்டு பாலிசிகளையும் எடுத்துக்கொள்ளலாம் என சமீபத்தில் ஐ.ஆர்.டி.ஏ அறிவித்துள்ளது. சுமார் 20, 25 ஆண்டுகளுக்கு முன் இன்ஷூரன்ஸ் எடுத்தவர்கள் எந்தவிதமான கே.ஒய்.சி.யும் பூர்த்தி செய்திருக்கமாட்டார்கள். ஆனால், இப்போது அந்த பாலிசிகள் எல்லாம் முதிர்வடையும் தருவாயில் இருக்கும். முதிர்வடைந்த பாலிசிகளின் பணத்தைப் பெற இன்ஷூரன்ஸ் நிறுவனங்களுக்குச் சென்றால், கட்டாயம் கே.ஒய்.சி. ஆதாரங்களைக் கேட்பார்கள். இதன் விளைவாக இன்ஷூரன்ஸில் முதிர்வுத் தொகை பெறுவதற்கு சிறிது காலதாமதம் ஆகலாம்.

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

இந்தப் பிரச்னைக்கு தீர்வு காண்பதற்காக கொண்டுவரப்பட்டதுதான் இந்த இ-கே.ஒய்.சி. இதன்மூலமாக எடுக்கும் பாலிசி முதிர்வின்போது, எந்தவிதமான ஆதாரமும் சமர்ப்பிக்க தேவையில்லை. வங்கிக் கணக்கு தொடங்குவதுபோல, இன்ஷூரன்ஸ் பாலிசி எடுக்கவும் ஆதார் எண்ணைத் தந்தால் போதும். நீங்கள் இன்ஷூரன்ஸ் எடுக்கும் நிறுவனத்தில் பயோமெட்ரிக் இயந்திரத்தில் உங்களின் ஆட்காட்டி விரலை வைத்தாலே உங்களுடைய அத்தனை தகவல்களும் அந்த நிறுவனத்துக்கு வந்துவிடும். இதன்மூலமாக பெயர், வயது, முகவரி, இனம், தொலைபேசி எண், உங்களுடைய புகைப்படம் ஆகிய தகவல்கள் வந்துவிடும்.

இன்ஷூரன்ஸ் பாலிசி எடுக்கும்போதே ஒரு பரிவர்த்தனை எண் (Transaction) தரப்படும். இந்த எண்ணை அடிப்படையாக வைத்து இன்ஷூரன்ஸ் பாலிசி எடுத்துக்கொள்ளலாம். அதன்பிறகு எடுக்கப்படும் அனைத்து பாலிசிகளையும் அந்த எண்ணை வைத்தே எடுத்துக்கொள்ளலாம். எந்தவிதமான ஆதாரமும் தரத் தேவையில்லை. இதன்மூலமாக இன்ஷூரன்ஸில் க்ளைம் செய்யும்போது உங்களின் முகவரி சரி இல்லை, உங்களின் புகைப்பட சான்று சரி இல்லை என்று சொல்லி க்ளைமை நிராகரிக்க முடியாது. இதன் விளைவாக க்ளைம் விரைவாக கிடைக்கும்.

இ-கே.ஒய்.சி. வரப்போகுது...இனி விரைவாக க்ளைம் பெறலாம்!

புதிதாக பாலிசி எடுக்கும்போதும் இந்தப் பிரச்னையைக் காரணம் சொல்லி பொதுமக்களை அலைய வைக்கமுடியாது. மேலும், இன்ஷூரன்ஸ் நிறுவனங்களும் காகித வடிவில் பாலிசிதாரர்கள் தரும் ஆவணங்களை பாதுகாக்க வேண்டிய அவசியமில்லை.

தற்போது இன்ஷூரன்ஸ் பாலிசிகள் அனைத்தும் எலெக்ட்ரானிக் டீமேட் வடிவத்தில் வழங்குவதற்கான முயற்சி நடந்து வருகின்றன. இப்படி எடுக்கப்படும் பாலிசிகளுக்கு பாலிசிபத்திரம் என்பதே வழங்கப்பட மாட்டாது. பாலிசிபத்திரமே எலெக்ட்ரானிக் வடிவத்தில்தான் கிடைக்கும். முதிர்வுத் தொகையும்  எந்தவிதமான ஆவணமும் இல்லாமலேயே பெறமுடியும். பொதுவாக, இன்ஷூரன்ஸ் பாலிசி எடுக்கும்போது நாமினி  பற்றி கட்டாயம் குறிப்பிடப்பட வேண்டும். எனவே, ஆதார் அட்டை மூலம் ஒருவருடைய அடிப்படைத் தகவல்கள் கிடைத்தாலும் நாமினிக்கான விவரங்களை தனியாகக் கொடுக்க வேண்டும்.  

வாடகை வீட்டில் குடியிருப்பவர்களுக்கு சரியான முகவரி சான்று  இருக்காது. அதோடு பலரிடம் பிறப்பு சான்றிதழ் என்பதும் இல்லாமலே உள்ளது. இனிவரும் காலத்தில் அவர்களும் சுலபமாக இன்ஷூரன்ஸ்  பாலிசி எடுக்க இ-கே.ஒய்.சி. நிச்சயம் உதவும்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism