Published:Updated:

டேர்ம் இன்ஷூரன்ஸ்: ப்ரீமியம் வித்தியாசப்படுவது ஏன்?

இறப்பு விகித அட்டவணையைப் பொறுத்து ப்ரீமியம் வேறுபடும்.

டேர்ம் இன்ஷூரன்ஸ்: ப்ரீமியம் வித்தியாசப்படுவது ஏன்?

இறப்பு விகித அட்டவணையைப் பொறுத்து ப்ரீமியம் வேறுபடும்.

Published:Updated:
##~##

டேர்ம் இன்ஷூரன்ஸ் பாலிசியில், பாலிசிதாரருக்கு ஏதாவது அசம்பாவிதம் ஏற்பட்டால் மட்டுமே இழப்பீடு கிடைக்கும். மற்றபடி முதிர்வுத் தொகை எதுவும் கிடையாது. அப்படி இருக்கும்போது ஒரே கவரேஜ் உள்ள பாலிசிக்கு ஒவ்வொரு நிறுவனத்திலும் ஒவ்வொரு ப்ரீமியம் தொகையை வாங்குகிறார்கள்.  குறிப்பாக, ஆன்லைன் மூலம் விநியோகிக்கப்படும் டேர்ம் இன்ஷூரன்ஸ் பாலிசிக்கு  ப்ரீமியம் தொகை வேறுவேறாக இருக்கிறது.

இதற்கு என்ன காரணம் என மும்பையைச் சேர்ந்த கவர்ஃபாக்ஸ் இன்ஷூரன்ஸ் ப்ரோக்கிங் நிறுவனத்தின் தலைமை நிதி அதிகாரி சீனிவாசனிடம் கேட்டோம்.  

ஒட்டுமொத்த விகடனுக்கும் ஒரே ஷார்ட்கட்!

''இன்ஷூரன்ஸ் நிறுவனத்தில் ப்ரீமியத்தை நிர்ணயிக்க தனிப்பிரிவு உள்ளது. இதில் இன்ஷூரன்ஸ் எடுக்கும் நபரின் வயது, பழக்கவழக்கம், இறப்பு விகித அட்டவணையின் அடிப்படையில் ப்ரீமியம் நிர்ணயிக்கப்படும்.

இதில், இறப்பு விகித அட்டவணை என்பது மிகவும் முக்கியமானது. இறப்பு விகித அட்டவணையில் கடந்த பத்து வருடத்தில் எந்தெந்த வியாதிகளினால் அதிக இறப்பு ஏற்பட்டுள்ளது, ஒருவர் எத்தனை வயதில் மரணம் அடைந்தார் என்பது இருக்கும். இதன் அடிப்படையில் இன்ஷூரன்ஸ் நிறுவனங்கள் ரிஸ்க் விகிதத்தை உருவாக்கும்.

இறப்பு விகிதம், நிறுவனங்களின் செலவு, லாப வரம்பு ஆகியவற்றின் அடிப்படையில்தான் இன்ஷூரன்ஸ் நிறுவனங்கள் பாலிசி ப்ரீமியத்தை நிர்ணயிக்கும். இந்த பாலிசியை எத்தனை பேர் எடுப்பார்கள் என்பதைப் பொறுத்தும் ப்ரீமியம் நிர்ணயிக்கப்படும். அதாவது, சில இன்ஷூரன்ஸ் நிறுவனங்கள், டேர்ம் இன்ஷூரன்ஸ் ப்ளான்களில் ப்ரீமியம் மிகக் குறைவு என்பதால் அந்த பாலிசிகளை பெயரளவுக்கே வைத்திருக்கும். முயற்சி எடுத்து அந்த பாலிசியை விற்பனை செய்யாது. இதுபோன்ற பாலிசியின் ப்ரீமியம் அந்த நிறுவனத்தில் அதிகமாக இருக்கும்'' என்றார் அவர்.

டேர்ம் இன்ஷூரன்ஸ்:  ப்ரீமியம்  வித்தியாசப்படுவது ஏன்?

டேர்ம் இன்ஷூரன்ஸ் பாலிசிகளில் எல்ஐசி-யில்தான் ப்ரீமியம் மிக அதிகமாக உள்ளது. இது ஏன் என ஐஎன்ஜி வைஸ்யா வெல்த் அட்வைஸர் சுந்தரராஜனிடம் கேட்டோம்.

''டேர்ம் இன்ஷூரன்ஸ் பாலிசியை எல்ஐசி பெரிய அளவில் விற்பனை செய்வதில்லை. ஐஆர்டிஏ விதிமுறைப்படி, எல்லா இன்ஷூரன்ஸ் நிறுவனங் களும் அந்த பாலிசியை வைத்திருக்கவேண்டும் என்று கட்டாயப்படுத்துவதால்தான் வைத்தி ருக்கிறது. மேலும், அந்த பாலிசியை ஆன்லைனிலும் வைத்திருக்கவில்லை. ஆன்லைனில் எடுக்கும்போது ஏஜென்ட் கமிஷன் இருக்காது. எல்ஐசி பாலிசிகள் முழுக்கமுழுக்க ஏஜென்ட்களாலேயே விற்பனை செய்யப்படுகின்றன. இதனால் அதன் டேர்ம் இன்ஷூரன்ஸ் ப்ளான் ப்ரீமியம் அதிகமாக உள்ளது'' என்றார்.

மேலும்,  இறப்பு விகித அட்டவணை எந்த வருடத்தைச் சேர்ந்தது என்பதைப் பொறுத்தும் ப்ரீமியத்தில் வித்தியாசம் ஏற்படுகிறது. பல வருடங்களுக்கு முன்பு உள்ள இறப்பு விகித அட்டவணையைப் பயன்படுத்தும்போது என்ன மாதிரியான சிக்கல் வரும் என்பது குறித்து இந்தியாநிவேஷ் செக்யூரிட்டீஸ் நிறுவனத்தின் துணைத் தலைவர் வி.கிருஷ்ணதாசனிடம் கேட்டோம்.

டேர்ம் இன்ஷூரன்ஸ்:  ப்ரீமியம்  வித்தியாசப்படுவது ஏன்?

''1955-ம் ஆண்டு மனிதர்களின் சராசரி இறப்பு வயது 48-ஆக இருந்தது. அது 2000-ம் வருடத்தில் 60 வயதாக உயர்ந்தது. தற்போது மனிதனின் சராசரி இறப்பு வயது 70-ஆக உள்ளது.

இப்படி இருக்கும் நிலையில் பழைய இறப்பு விகித அட்டவணையை வைத்திருக்கும்போது 48 வயதில் பலர் இறந்துவிடுவதாக அந்த அட்டவணையில் இருக்கும். எனவே, இதுபோன்ற அட்டவணையைப் பின்பற்றும் நிறுவனங்களின் பாலிசியில் ப்ரீமியம் அதிகமாகவே இருக்கும்'' என்றார் அவர்.

இன்ஷூரன்ஸ் நிறுவனத்தின் க்ளைம் விகிதத்தைப் பொறுத்தும் இன்ஷூரன்ஸ் நிறுவனத்தின் லாபத்தைப் பொறுத்தும் ப்ரீமியம் மாறுபடுகிறது.    

டேர்ம் இன்ஷூரன்ஸ்:  ப்ரீமியம்  வித்தியாசப்படுவது ஏன்?

டேர்ம் இன்ஷூரன்ஸ் பாலிசிகளின் ப்ரீமியம் வித்தியாசப்படுவதற்கு பல காரணங்கள் இருந்தாலும், அந்தவகை பாலிசிகளை எடுக்கும்போது ப்ரீமியம், இன்ஷூரன்ஸ் நிறுவனத்தின் க்ளைம் விகிதம் உள்ளிட்ட பல விஷயங்களை அலசிஆராய்ந்து அதன்பின் பாலிசி எடுப்பது நல்லது.

- இரா.ரூபாவதி.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism