Published:Updated:

ஹெல்த் இன்ஷூரன்ஸ் க்ளெய்ம் பெறும் வழிமுறைகள்! - ஒரு சுலப வழிகாட்டி

இழப்பீடு கோரும் நேரத்தில், பாலிசிதாரர் ஆவணங்கள் மற்றும் அசல் மெடிக்கல் பில்களை காப்பீட்டு நிறுவனத்திடம் வழங்க வேண்டும்!

பிரீமியம் ஸ்டோரி
மீப காலமாக மருத்துவச் செலவுகள் வெகுவாக அதிகரித்துள்ளன. இந்தச் செலவுகளிலிருந்து நம்மை நாம் தற்காத்துக்கொள்ள வேண்டுமெனில், மருத்துவக் காப்பீடு (Helath Insurance) மிகவும் அவசியமாகிறது.
ஹெல்த் இன்ஷூரன்ஸ் க்ளெய்ம் பெறும் வழிமுறைகள்! - ஒரு சுலப வழிகாட்டி

மருத்துவக் காப்பீட்டை எடுத்த பலரும் அதிலிருந்து இழப்பீட்டைக் கோருவது எப்படி என்பதைப் பற்றி நன்கு அறியாமலேயே இருக்கிறார்கள். மருத்துவக் காப்பீட்டில் இழப்பீட்டைக் கோரும் முறையை நன்றாக அறிந்துவைத்திருந்தால், கடைசி நேரக் குழப்பங்களை நம்மால் எளிதில் தவிர்த்துவிட முடியும்.

ரொக்கமில்லா இழப்பீடு!

வழக்கமாக, `ரொக்கமில்லா இழப்பீடு’ (Cashless Claim) வசதியுடன் உங்கள் காப்பீட்டு நிறுவனங்களின் நெட்வொர்க் மருத்துவமனையில் மருத்துவச் சிகிச்சை வழங்கப்படுகிறது. காப்பீட்டாளர் இதற்காக மருத்துவம் அல்லாத செலவு தவிர சிகிச்சைக்காக வேறு எந்தத் தொகையையும் செலுத்தத் தேவையில்லை.

பாலிசிதாரர் தேர்வு செய்த ரொக்கக் காப்பீடு, காப்பீட்டு பாலிசி விதிமுறைகள், நிபந்தனைகள் ஆகியவற்றின் அடிப்படையில் காப்பீட்டு நிறுவனம் நேரடியாக மருத்துவமனைக்குச் சிகிச்சைச் செலவை செட்டில் செய்கிறது.

ஒருவர் ரொக்கமில்லா இழப்பீட்டு வசதியின் நன்மையை, முன்கூட்டியே திட்டமிட்டுச் செய்யப்படும் சிகிச்சை/அறுவை சிகிச்சை மற்றும் அவசரகாலத் திட்டமிடாத மருத்துவச் சிகிச்சை ஆகிய இரண்டுக்காகவும் பெற முடியும்.

ரொக்கமில்லா இழப்பீட்டைப் பெற என்ன செய்யலாம்?

ரொக்கமில்லா இழப்பீட்டு நன்மையைப் பெற ஒரு பாலிசிதாரர் கீழே குறிப்பிட்டுள்ள செயல்முறையைப் பின்பற்ற வேண்டும்.

ஹெல்த் இன்ஷூரன்ஸ்
ஹெல்த் இன்ஷூரன்ஸ்

ஒருவேளை மருத்துவமனைச் சேர்க்கை திட்டமிடப்பட்டிருந்தால், பாலிசிதாரர் மருத்துவமனையின் காப்பீட்டு அலுவல் பிரிவைத் தொடர்புகொள்ள வேண்டும். அவர்கள், ரொக்கமில்லா சிகிச்சை வசதிக்கு வழிகாட்டுவார்கள். இந்தக் காப்பீட்டுப் பிரிவு, மொத்த மருத்துவக் குறிப்புகளை முன்னரே அனுமதியளிக்கும் விண்ணப்பத்துடன் காப்பீட்டு நிறுவனத்துக்கு அனுப்பும். இந்த மருத்துவக் குறிப்பின் அடிப்படையில் பாலிசி விதிமுறைகள் மற்றும் நிபந்தனைக்கு உட்பட்டு, காப்பீட்டு நிறுவனம் ரொக்கமில்லா வசதிக்கான ஒப்புதலை வழங்கும். பொதுவாக, இந்த அனுமதியை சிகிச்சைக்கு 47 நாள்களுக்கு முன்னர் பெற்றிட வேண்டும்.

நீங்கள் உங்கள் காப்பீட்டு நிறுவனத்துடன் தொடர்புகொண்டவுடன், அவர்கள் தேவைப்படும் ஆவணங்களைப் பற்றி உங்களுக்குத் தெரிவிப்பார்கள். இந்த ஆவணங்கள் மற்றும் மருத்துவ விவரங்களைக் காப்பீட்டாளருக்குக் காப்பீட்டு அலுவல் பிரிவின் மூலமாக பகிர்ந்துகொண்டவுடன், அவர்கள் சிகிச்சை விவரங்களை பாலிசி விதிமுறைகள் மற்றும் நிபந்தனைகளுக்கு உட்பட்டு மதிப்பீடு செய்வார்கள்; அதைத் தொடர்புடைய மருத்துவமனை மற்றும் காப்பீட்டாளருக்குத் தெரியப்படுத்துவார்கள்.

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

தர வேண்டிய ஆவணங்கள்..!

முன் அனுமதி பெற்ற கடிதம் (காப்பீட்டு அலுவல் பிரிவால் பூர்த்தி செய்யப்பட்டது), காப்பீட்டு நிறுவனம் வழங்கிய ஐடி கார்டு, ஹெல்த் இன்ஷூரன்ஸ் பாலிசி, ஆதார் கார்டு, பான் கார்டு, படிவம் 60 (கே.ஒய்.சி.காக).

ஹெல்த் இன்ஷூரன்ஸ்
ஹெல்த் இன்ஷூரன்ஸ்

சிகிச்சை முடிவடைந்தவுடன், பாலிசிதாரர் ரொக்கமில்லா வசதியைப் பெற்றுக்கொண்டவுடன், அசல் பில்கள் மற்றும் சிகிச்சைக்கான ஆதாரங்கள் ஆகியவற்றை மருத்துவமனையில் தந்துவிட வேண்டும். மருத்துவமனை, இந்த பில்களைத் தொடர்புடைய காப்பீட்டு நிறுவனத்துடன் பகிர்ந்துகொள்ளும். இ்ந்த பில்களைச் சரிபார்த்து, காப்பீட்டு நிறுவனம் மருத்துவமனைக்குப் பணம் வழங்கும்.

திட்டமிடாத அல்லது அவசரகால மருத்துவச் சிகிச்சையின்போது, பாலிசிதாரர் சேவை மையம் அல்லது சாட்போட் (Chatbot) வசதிகள் மூலம் காப்பீடு நிறுவனத்தைத் தொடர்பு கொண்டு பட்டியலிலுள்ள மருத்துவமனைகளைப் பற்றி அறிந்துகொள்ள முடியும். மருத்துவமனையில் இருக்கும்போது, பாலிசிதாரர், காப்பீட்டு அலுவல் பிரிவைத் தொடர்பு கொண்டு, காப்பீட்டு நிறுவனம் வழங்கிய இன்ஷூரன்ஸ் கார்டு மற்றும் பாலிசி ஆவண நகல் ஆகியவற்றை வழங்கி ரொக்கமில்லா மருத்துவமனைச் சேர்க்கையைக் கோர முடியும்.

பாலிசிதாரர் இந்தக் கோரிக்கையை வைத்தவுடன், மருத்துவமனை, முன் அனுமதி கோரிக்கைப் படிவத்தைப் பூர்த்தி செய்து காப்பீட்டு நிறுவனத்துடன் தொடர்புகொள்ளும். பிறகு காப்பீட்டு நிறுவனம் மருத்துவமனைக்கு அனுமதிக் கடிதத்தை வழங்கும். சிகிச்சை முடிந்தவுடன், காப்பீட்டு நிறுவனம் ஏற்றுக்கொள்ளும் இழப்பீடுகளுக்குப் பணத்தை செட்டில் செய்யும். சில சமயங்களில் காப்பீட்டு நிறுவனம் ரொக்கமில்லா நிலையை ஒப்புக்கொள்ள முடியாமல் இருக்கலாம். அப்போது, பாலிசிதாரரைச் செலவு செய்துவிட்டு, தொகையைத் திரும்பப் பெற (Reimbursement) ஆவணங்களைச் சமர்ப்பிக்கக் கேட்டுக்கொள்ளும்.

இழப்பீட்டைப் பெறும் செயல்முறை!

காப்பீட்டாளர், க்ளெய்ம் படிவத்தை காப்பீட்டு நிறுவனத்தின் இணையதளத்திலிருந்து டௌன்லோடு செய்துகொள்ள முடியும் அல்லது அதைக் காப்பீட்டு நிறுவனத்தின் ஏதாவது ஓர் அலுவலகத்தில் / இன்ஷூரன்ஸ் ஏஜென்ஸிகளிடம் பெற்றுக்கொள்ளலாம்.

ஹெல்த் இன்ஷூரன்ஸ்
ஹெல்த் இன்ஷூரன்ஸ்

இழப்பீடு கோரும் நேரத்தில், பாலிசிதாரர் ஆவணங்கள் மற்றும் அசல் மெடிக்கல் பில்கள் ஆகியவற்றைக் காப்பீட்டு நிறுவனத்திடம் வழங்க வேண்டும். பொதுவாக, க்ளெய்ம் படிவம், வங்கி விவரங்கள், ஐடி கார்டுகள், மருத்துவமனை டிஸ்சார்ஜ் சம்மரி, விசாரணை மற்றும் நோயறியும் அறிக்கைகள் மற்றும் பில்கள், மருத்துவமனை மற்றும் ஃபார்மஸி அசல் பில்கள், ரொக்கம் செலுத்திய ரசீதுகள் மற்றும் மருத்துவர் அளித்த சீட்டுகள் போன்றவை அடங்கும். கூடுதலாக, விபத்தால் மருத்துவமனையில் சேர நேரும்போது, முதல் தகவல் அறிக்கையையும் (எஃப்.ஐ.ஆர்) காப்பீட்டு நிறுவனத்துக்குக் கொடுக்க வேண்டும். காப்பீட்டு நிறுவனம், இழப்பீடு கோரலை ஆவணங்களின் அடிப்படையிலும் பாலிசியின் விதிகள் மற்றும் நிபந்தனைகளின் அடிப்படையிலும் மதிப்பீடு செய்யும்.மதிப்பீட்டுக்குப் பிறகு காப்பீட்டு நிறுவனம், பாலிசி விதிகளின்படி பயனாளிக்குப் பணத்தை வழங்கும். கட்டாயமான சில ஆவணங்கள் கிடைக்கப் பெறாதபோது, காப்பீட்டு நிறுவனம் க்ளெய்ம் மீது முடிவை எடுப்பதற்குக் கூடுதல் ஆவணங்களைக் கேட்கலாம். க்ளெய்ம் நிராகரிப்பின்போது, காப்பீட்டு நிறுவனம் எதன் அடிப்படையில் க்ளெய்ம் வழங்க முடியாது என்பதைத் தெரிவிக்கும்.

ஹெல்த் இன்ஷூரன்ஸ் என்பது சமயத்தில் தேவைப்படும் ஒன்று. உங்கள் மருத்துவக் காப்பீட்டு பாலிசி என்னென்ன வழங்குகிறது என வாங்கும்போதே அறிந்துவைத்திருந்தால், கடைசி நேரக் குழப்பத்தை தவிர்க்கலாமே!

முதலில் செலவு, பிறகு இழப்பீடு..!

ருத்துவக் காப்பீட்டு இழப்பீட்டைப் பெறுவதில் இன்னொரு செயல்முறையும் உண்டு. அது, பணத்தை முதலில் செலவு செய்துவிட்டு, ரீஇம்பர்ஸ்மென்ட் முறையில் திரும்பப் பெறுவது. ஒருவர், அவரின் விருப்பத்துக்கேற்பவும் வசதிக்கேற்பவும் மருத்துவமனையைத் தேர்வு செய்யும்போது, அது காப்பீட்டு நிறுவனத்தின் பட்டியலில் இல்லாமல் இருக்கலாம். அது போன்ற சூழ்நிலைகளில், பாலிசிதாரர் குறிப்பிட்ட சிகிச்சைக்கான மருத்துவச் செலவை முதலில் செலுத்த வேண்டும். பிறகு அதைத் திருப்பிப் பெறுவதற்காக ஒரு கோரிக்கையைச் சமர்ப்பிக்க வேண்டும்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு