Published:Updated:

ஹெல்த் இன்ஷூரன்ஸில் புதிய மாற்றங்கள்..! - யாருக்கு என்ன பயன்?

மருத்துவக் காப்பீடு
பிரீமியம் ஸ்டோரி
மருத்துவக் காப்பீடு

மருத்துவக் காப்பீடு குறித்த விதிமுறைகள் அனைத்து இன்ஷூரன்ஸ் நிறுவனங்களிலும் இனி ஒரே மாதிரியாக இருக்கும்!

ஹெல்த் இன்ஷூரன்ஸில் புதிய மாற்றங்கள்..! - யாருக்கு என்ன பயன்?

மருத்துவக் காப்பீடு குறித்த விதிமுறைகள் அனைத்து இன்ஷூரன்ஸ் நிறுவனங்களிலும் இனி ஒரே மாதிரியாக இருக்கும்!

Published:Updated:
மருத்துவக் காப்பீடு
பிரீமியம் ஸ்டோரி
மருத்துவக் காப்பீடு
ந்தியக் காப்பீட்டு ஒழுங்குமுறை மற்றும் மேம்பாட்டு ஆணையமான ஐ.ஆர்.டி.ஏ.ஐ வருகிற அக்டோபர் 1-ம் தேதி முதல், ஹெல்த் இன்ஷூரன்ஸ் பாலிசியில் சில மாற்றங்களைக் கொண்டுவர இருக்கிறது. அவற்றை அனைத்து ஹெல்த் இன்ஷூரன்ஸ் நிறுவனங்களும் உடனே நடைமுறைக்கு கொண்டு வர வேண்டும் என அறிவுறுத்தியுள்ளது. இதனால் அக்டோபர் 1-ம் தேதிக்குப் பிறகு, ஹெல்த் இன்ஷூரன்ஸ் பிரீமியம் அதிகரிக்கும் எனப் பேசப்பட்டு வருகிறது.

ஐ.ஆர்.டி.ஏ.ஐ-வின் புதிய விதிமுறைகள் குறித்தும், இந்த மாற்றங்களால் யாருக்கு என்ன பயன் என்பது குறித்தும் ஸ்டார் ஹெல்த் இன்ஷூரன்ஸ் நிறுவனத்தின் துணைத் தலைவர் சி.பாலாஜி பாபுவிடம் கேட்டோம். “இந்த ஆண்டின் தொடக்கத்திலிருந்தே காப்பீட்டு ஒழுங்குமுறை மேம்பாட்டு ஆணையம், காப்பீட்டுத் திட்டங்களில் பல மாற்றங்களை அறிவித்துக்கொண்டே வந்தது. அந்த வரிசையில் வருகிற அக்டோபர் 1-ம் தேதி முதல் மருத்துவக் காப்பீட்டுத் திட்டங்கள், வாடிக்கையாளர்களை மையமாகக் கொண்டு மாற்றியமைக்கப்பட வேண்டும் என ஐ.ஆர்.டி.ஏ.ஐ அறிவித்தியுள்ளது.

ஹெல்த் இன்ஷூரன்ஸில் புதிய மாற்றங்கள்..! - யாருக்கு என்ன பயன்?

ஒட்டுமொத்த விகடனுக்கும் ஒரே ஷார்ட்கட்!

இந்தியக் காப்பீட்டுச் சந்தையில் பல மருத்துவக் காப்பீட்டுத் திட்டங்கள் கிடைப்பதால், எதைத் தேர்ந்தெடுக்க வேண்டும் என்று மக்கள் குழப்பமடைகிறார்கள். மருத்துவக் காப்பீட்டின் தரங்களை ஆராய்ந்து முதலீடு செய்ய போதிய நேரமும் மக்களிடம் இல்லை. இந்தச் சூழ்நிலையில், ஐ.ஆர்.டி.ஏ.ஐ காப்பீட்டு நெறிமுறைகளை வாடிக்கையாளர்களை மையப்படுத்தி மாற்றியமைப்பது வரவேற்கத்தக்க விஷயம். கொரோனா மாதிரியான பேரிடர் காலங்களில், இனி யாருக்கு எந்த வியாதி வரும் எனத் தெரியாத சமயத்தில் இதுமாதிரியான ஒரு மாற்றம் வாடிக்கையாளர்களுக்குக் கிடைத்திருக்கும் வரப்பிரசாதம்.

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS
விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer

மருத்துவக் காப்பீடுகளில் இருக்கும் தெளிவின்மைகளைப் போக்குவதற்காக, நோய்களின் வரைபாட்டு நெறிமுறைகளை ஐ.ஆர்.டி.ஏ.ஐ தெளிவுபடுத்தியுள்ளது. இதன்படி, மருத்துவக் காப்பீடு எடுத்த பிறகு கண்டறியப்படும் நோய்களும், இனி முன்பே கண்டறியப்பட்ட நோய்கள் பட்டியலில் சேர்க்கப்பட்டு, அதற்கும் மருத்துவக் காப்பீடு வசதிகளைப் பெற முடியும். உதாரணத்துக்கு, மருத்துவக் காப்பீடு எடுத்த பிறகு, ஹெச்.ஐ.வி வைரஸ் தொற்று இருப்பது கண்டறியப்பட்டால், அதற்கான மருத்துவ சிகிச்சைக்கும் க்ளெய்ம் செய்யலாம். இதற்குமுன் ஹெச்.ஐ.வி தொற்றுக்கு க்ளெய்ம் கிடையாது.

மருத்துவக் காப்பீடு
மருத்துவக் காப்பீடு

தற்போதைய வரையறைகளின்படி, மனநல நோய்களும், மன அழுத்தமும்கூட காப்பீட்டு வரம்புக்குள் கொண்டுவரப்படும். ‘டெலிமெடிசனுக்கும்’ பாதுகாப்பு உறுதி செய்யுமாறு காப்பீட்டு நிறுவனங்களுக்கு ஐ.ஆர்.டி.ஏ.ஐ ஆணையிட்டுள்ளது. மேலும், வாய்வழி கீமோதெரபி, பலூன் சைனூபிளாஸ்டி போன்ற அதிநவீன சிகிச்சைகளுக்கான காப்பீட்டு நெறிமுறைகளை வாடிக்கை யாளர்களுக்குத் தெளிவாக விளக்கவும் உத்தரவிடப்பட்டுள்ளது” என்றவர், இந்த மாற்றங்களால் பாலிசிதாரர்கள் எந்தவகையில் பயனடைவார்கள் என்பதையும் விளக்கினார்.

“தற்போதைய காப்பீட்டுத் திட்டத்தில், நவீன சிகிச்சைகளுக்கு க்ளெய்ம் பெற முடியாது. இனி அனைத்து சிகிச்சைகளுக்கும் வாடிக்கையாளர்கள் க்ளெய்ம் பெற முடியும். புதிய வரையறைகளால், மருத்துவக் காப்பீடு குறித்த விதிமுறைகள் அனைத்து இன்ஷூரன்ஸ் நிறுவனங்களிலும் ஒரே மாதிரியாக இருக்கும். நிறுவனத்துக்கு நிறுவனம் மாறுபடாது. காப்பீட்டில் உள்ள தெளிவின்மையை நீக்குவதால் மருத்துவக் காப்பீட்டின் பயன் பாடுகள் மேம்படும். இதனால் க்ளெய்ம் பெறுவதில் இருந்துவந்த சிக்கல்கள் நீங்கும்.

காப்பீட்டு நிறுவனங்கள் ஐ.ஆர்.டி.ஏ.ஐ-யின் வழிகாட்டுதல்களின்படி, புதிய அம்சங்களைச் சேர்ப்பதாலும், திட்டங்களைத் தரப்படுத்து வதாலும், காப்பீட்டு நிறுவனங்கள் தங்களுடைய திட்டங்களுக்கு பிரீமியங்களை உயர்த்த வாய்ப்பிருக்கிறது. பிரீமியம் அந்தந்தத் திட்டங்களைப் பொறுத்து, அந்தந்த நிறுவனங்கள் வரையறுக்கும். பிறகு ஐ.ஆர்.டி.ஏ.ஐ நெறிப்படுத்தும்” என்றார் விளக்கமாக.

அக்டோபர் 1 அல்லது அதற்குப் பிறகு, காப்பீட்டு நிறுவனங்கள் தாக்கல் செய்யும் புதிய பாலிசிகளுக்கு மட்டுமல்லாமல், ஏப்ரல் 1, 2021 முதல் புதுப்பிக்கப்படவுள்ள காப்பீடு களுக்கும் இந்த மாற்றம் பொருந்தும் என ஐ.ஆர்.டி.ஏ.ஐ தெரிவித்துள்ளது. ஆக, பாலிசி பிரீமியம் அதிகரித்தாலும், வாடிக்கையாளர்கள் இதனால் பெருமளவில் பயன் பெறுவார்கள் என்றே எதிர்பார்க்கப்படுகிறது.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism