Published:Updated:

ஆயுள் காப்பீடு... என்னென்ன காரணங்களுக்காக எடுக்கக் கூடாது..? எச்சரிக்கை டிப்ஸ்கள்...

I N S U R A N C E

பிரீமியம் ஸ்டோரி

நம்மில் பலர் ஏதேதோ காரணங்களுக்காக ஆயுள் காப்பீட்டு பாலிசியை எடுக்கிறார்கள். எந்தெந்தக் காரணங்களுக்கு எல்லாம் லைஃப் இன்ஷூரன்ஸ் பாலிசி எடுக்கக் கூடாது..?

பெற்றோர் வற்புறுத்தல்..!

நம் பெற்றோர்கள் அந்தக் காலத்தில் சேமிப்பாகக் கருதி பணப்பலன் தரும் எண்டோவ்மென்ட் பாலிசியை எடுத்தார்கள். இப்போதும் மகளின் சம்பளத்தை வீணாக்காமல் இருக்க, லைஃப் இன்ஷூரன்ஸ் பாலிசி மூலம் சேமிக்க நினைத்து இன்ஷூரன்ஸ் பாலிசியை எடுக்கச் சொல்கிறார்கள் பல பெற்றோர்கள்.

இந்த விஷயத்தில் நம் பெற்றோர்கள் சொல்வதைக் கேட்க வேண்டும் என்கிற அவசியம் இல்லை. காரணம், அந்தக் காலத்தில் விலைவாசி உயர்வு அதிகமாக இல்லை. வேறு நீண்டகால முதலீட்டுத் திட்டங்களும் அதிகம் இல்லை என்பதால், இன்ஷூரன்ஸ் பாலிசியை முதலீடாக அவர்கள் பார்த்தார்கள். ஆனால், இன்றைக்கு பங்குச் சந்தை, மியூச்சுவல் ஃபண்ட் எனப் பல நவீன முதலீட்டுத் திட்டங்கள் வந்திருக்கின்றன.

ஆயுள் காப்பீடு... என்னென்ன காரணங்களுக்காக எடுக்கக் கூடாது..? எச்சரிக்கை டிப்ஸ்கள்...

வருமான வரிச் சேமிப்பு...

சம்பளத்தில் வரி பிடிக்கப்படுவதைத் தவிர்த்து, வரிச் சலுகை பெற நினைத்து ஆயுள் காப்பீடு பாலிசியை எடுக்கிறார்கள். அதிக பிரீமியம் கட்டினால்தான் அதிகமாக வரியைச் சேமிக்க முடியும் என்பதால், எண்டோவ்மென்ட் பிளான்கள், வோல் லைஃப் பிளான்கள், யூலிப் பாலிசிகள் ஆகியவற்றை எடுக்கிறார்கள். இந்த பாலிசிகளில் கவரேஜும் குறைவு (ஆண்டு பிரீமியத்தைப் போல 7 முதல் 10 மடங்கு), வருமானமும் (ஆண்டுக்கு 4 - 5%) குறைவு.

முதிர்வுத் தொகை தரும் லைஃப் இன்ஷூரன்ஸ் பாலிசிகளை அதிகம் பிரீமியம் கட்டியெடுக்காமல் , குறைவான பிரீமியத்தில் அதிக கவரேஜ் அளிக்கும் டேர்ம் பிளானை வருமானம் ஈட்டும் / சம்பாதிக்கும் நபரின் பெயரில் எடுப்பது நல்லது. முதலீடு செய்ய வேண்டுமானால், பி.எஃப், பி.பி.எஃப், மியூச்சுவல் ஃபண்ட் என ஏராளமான முதலீட்டு வாய்ப்புகள் உள்ளன. டேர்ம் பிளான் எடுத்துவிட்டு இந்தத் திட்டங்களில் முதலீடு செய்வது லாபகரமாக இருக்கும்.

முதலீடு + காப்பீடு = யூலிப் பாலிசி

இந்த பாலிசி மூலம் உங்களுக்கு காப்பீடு கிடைப்பதுடன், பாலிசி முதிர்வில் பணம் கிடைக்கும் எனச் சொல்லிதான் இது போன்ற பாலிசிகளை விற்பனை செய்கிறார்கள். யூலிப் பாலிசிகளின் வருமான வளர்ச்சி பங்குச் சந்தையைச் சார்ந்தது என்றாலும் பல்வேறு கட்டணங்கள் அதிகம். எனவே, காப்பீட்டைத் தனியா கவும் முதலீட்டைத் தனியாகவும் வைத்திருப்பதே சரியாக இருக்கும்.

சி.பாரதிதாசன் 
நிதி ஆலோசகர், 
Wmsplanners.
com
சி.பாரதிதாசன் நிதி ஆலோசகர், Wmsplanners. com

ஏஜென்ட் உறவினர், நண்பர்...

ஏஜென்டாக இருக்கும் உறவினர்கள் அல்லது நண்பர்கள் பாலிசி ஏதாவது போடுங்கள் என அடிக்கடி கேட்டு நச்சரிப்பார்கள். ‘இந்த வருஷத்துக்கு இன்னும் ஒரு பாலிசி எடுத்தால்தான் நான் ஏஜென்ட்டாகத் தொடர முடியும்’ என சென்டிமென்டாகப் பேசி புதிய பாலிசியை எடுக்க நம்மை வற்புறுத்துவார்கள். இதனால் நமக்குத் தேவை யில்லாத பாலிசியை எடுத்து விட்டு, பல ஆண்டுகளுக்கு அதில் பிரீமியம் கட்டுவோம். நாம் எடுத்திருப்பது தவறான பாலிசி எனப் புரியவரும்போது, ஆண்டுகள் பல கடந்திருக் கும் என்பதால், வேறு வழி இல்லாமல் பிரீமியம் கட்டுவோம்.

எனவே, ஏஜென்ட் யாராக இருந்தாலும், அவர் உங்களை எவ்வளவுதான் வற்புறுத்தினாலும் உங்களுக்குத் தேவையெனில் மட்டுமே காப்பீட்டு பாலிசியை எடுப்பது அவசியம். ‘இல்லா விட்டால், எனக்கு இந்த பாலிசி தேவையில்லை. என் தேவைக் கேற்ற பாலிசியைச் சொல்லுங்கள். வாங்கிக் கொள்கிறேன்’ என்று காரணத்துடன் சொன்னால், அவர் உங்களைப் புரிந்து கொள்வார்.

இன்றைய தேதியில் நிதி ஆலோசகர்கள் பலர், டேர்ம் பிளான் எடுக்கச் சொல்லிவிட்டு மீதித் தொகையை முதலீடு செய்ய வழிகாட்டுகிறார்கள். வரிச் சேமிப்பு தேவையெனில், டேர்ம் பிளான் எடுத்துவிட்டு, வரிச் சேமிப்பு மியூச்சுவல் ஃபண்ட் (இ.எல்.எஸ்.எஸ்), பி.பி.எஃப் அல்லது வாலன்டரி பி.எஃப் போன்ற ஏதாவது திட்டங்களில் முதலீடு செய்வதன் மூலம் வரிச் சலுகையுடன் கூடுதல் வருமானத் தையும் பெற முடியும்.

மருத்துவப் பரிசோதனை தேவையில்லை...

பொதுவாக, மருத்துவக் காப்பீட்டின் கவரேஜ் ரூ.5 லட்சத்துக்குக் கீழ் இருக்கும் போது மருத்துவக் காப்பீடு தேவையில்லை. அதற்குப் பதில் பாலிசி எடுப்பவர் சுய பிரகடன மாக அவரின் உடல் நிலை குறித்துத் தெரிவிக்க வேண்டும். பலர் தங்களுக்கு நீரிழிவு பாதிப்பு, ரத்த அழுத்தம் போன்றவை இருக்கிறது என்பதை அறியாமல் இருக்கிறார்கள். பரிசோதனை செய்தால்தான் இந்தப் பாதிப்புகள் தெரிய வருகின்றன. எனவே, மருத்துவப் பரி சோதனைக்கு உட்பட்டு பாலிசி எடுத்தால், இழப்பீடு மறுக்கப் படுவதிலிருந்து தப்பிக்க முடியும்.

உத்தரவாதமான வருமானம்...

பலர் ஆயுள் காப்பீடு பாலிசிகளை அதன் உத்தரவாத வருமானத்துக்காக எடுக்கிறார்கள். இது வருமான வாய்ப்பைத் தவறவிட நாமே செய்யும் ஏற்பாடாக இருக்கிறது. அதாவது, நிலையான வருமானம் வேண்டும் என்பதற்காக இது போன்ற திட்டங்களில் செலுத்தப்படும் பிரீமியம் தொகையானது ரிஸ்க் இல்லாத, அதே நேரத்தில் குறைவான வருமானம் அளிக்கும் கடன் பத்திரங்களில் முதலீடு செய்யப்படும். உங்களுக்கு குறைவான வயதாக இருக்கும் பட்சத்தில் இந்த பாலிசி மூலம் கிடைக்கும் வருமானம், எதிர்காலத்தில் பணவீக்க விகிதத்தைத் தாண்டியதாக இருக்காது. எனவே, இளம் வயதினர், ரிஸ்க் எடுக்கக் கூடியவர்கள், உத்தரவாத வருமானத் திட்டங்களைத் தவிர்ப்பது நல்லது. அதற்குப் பதில் நம் குடும்ப உறுப்பினர் களுக்குத் தேவையான அளவுக்கு டேர்ம் பிளான் மூலம் கவரேஜை எடுத்துக் கொண்டு, மீதியை நீண்டகாலத்தில் அதிக லாபம் தரும் மியூச்சுவல் ஃபண்ட் அல்லது பங்குச் சந்தையில் முதலீடு செய்வதன்மூலம் அதிகம் வருமானம் பெறலாம்!

விண்ணப்பப் படிவம் நிரப்புவதில் எச்சரிக்கை அவசியம்!

பலரும், வரிச் சேமிப்புக்காகக் கடைசி நேரத்தில் இன்ஷூரன்ஸ் பாலிசிகளை எடுப்பதை வழக்கமாகக் கொண்டிருக்கிறார்கள். அப்போது பெரும்பாலும் ஏஜென்டுகளே அனைத்துப் படிவங்களையும் நிரப்பி விடுவார்கள். குறுக்கு குறியீடு போடப்பட்டிருக்கும் இடங்களில் கையெழுத்து போடுவதைத்தான் பெரும்பாலானோர் வழக்கமாகக் கொண்டிருக்கிறார்கள். இது மிக மோசமான பழக்கமாகும். இப்படிச் செய்யும்போது பல நேரங்களில் தேவைக்கு அதிகமாக பாலிசி எடுக்கப் படுவதுடன், குறைவான வருமானம் தரும் முதலீட்டில் பணம் மாட்டிக்கொள்கிறது. அடுத்து, பாலிசிப் படிவத்தை ஏஜென்டே நிரப்புவதால், உடல்நலம் குறித்த பல தகவல்கள் தவறாக இடம்பெற வாய்ப்புள்ளது. இப்போது பிரீமியம் குறைவாக இருப்பது லாபகரமாக இருப்பதுபோல் தோன்றும். ஆனால், பின்னர் க்ளெய்ம் மறுக்கப்படும்போது மிகவும் கஷ்டமாக இருக்கும். உங்கள் விண்ணப்பப் படிவத்தை ஏஜென்ட் நிரப்பினாலும் அதை ஒருமுறைக்கு இருமுறை சரிபாருங்கள்!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு