Published:Updated:

ஆன்லைன் இன்ஷூரன்ஸ் பாலிசி எடுக்கப் போறீங்களா..? கவனிக்க வேண்டிய 6 அம்சங்கள்

O N L I N E I N S U R A N C E

பிரீமியம் ஸ்டோரி

பராக் ராஜா, எம்.டி & சி.இ.ஓ, பார்தி ஆக்ஸா லைஃப் இன்ஷூரன்ஸ்

உலகளாவிய கோவிட் பெருந் தொற்று பெரும் மாற்றங் களைக் கொண்டு வந்திருக் கிறது. அது அனைத்தையும் ஆன்லைன் என்ற நிலைக்குத் தள்ளியிருக்கிறது. இப்போது எதையும் ஆன்லைன் மூலம் வாங்க முடிகிறது என்கிறபோது காப்பீட்டுத் திட்டங்கள் மட்டும் விலக்கா என்ன?

பராக் ராஜா 
எம்.டி & சி.இ.ஓ, 
பார்தி ஆக்ஸா 
லைஃப்  
இன்ஷூரன்ஸ்
பராக் ராஜா எம்.டி & சி.இ.ஓ, பார்தி ஆக்ஸா லைஃப் இன்ஷூரன்ஸ்

வேகமாக வளர்ச்சி கண்டிருக்கும் தொழில்நுட்பம் ஆன்லைன் இன்ஷூரன்ஸ் என்பதைச் சாத்திய மாக்கியிருக்கிறது. வீட்டில் இருந்த படியே ஒரே க்ளிக்கில் இன்ஷூரன்ஸ் பாலிசிகளைச் சுலபமாக வாங்க முடிகிறது.

தற்போது பெரும்பாலான காப்பீட்டு நிறுவனங்கள் ஆன்லைன் மூலம் பாலிசி எடுக்கும் வசதியை அளித்து வருகின்றன. ஒருவர் தனக்குத் தேவையான ஆயுள் காப்பீடு, மருத்துவக் காப்பீடு, பொதுக் காப்பீட்டு பாலிசியை அலசி ஆராய்ந்து சுலபமாக ஆன்லைன் மூலம் வாங்க முடியும்.

தற்போதைய கொரோனா பரவல் சூழல், காப்பீட்டின் அவசியத்தை அனைவருக்கும் குறிப்பாக, இளைஞர் களுக்கு உணர்த்தியிருக்கிறது. இதைத் தொடர்ந்து கடந்த 2020-ம் ஆண்டில் பலரும் தங்களுக்கு மற்றும் குடும்ப உறுப்பினர்களுக்குப் புதிதாக இன்ஷூரன்ஸ் பாலிசிகளை எடுக்க ஆரம்பித்திருக்கிறார்கள். ஆனால், மில்லியன்கள் (millennials) அதிக அலைச்சல் இல்லாமல், அதிக காகித வேலை இல்லாமல் ஸ்மார்ட்டாக ஆன்லைன் மூலம் பாலிசி எடுக்கவே அதிகம் விரும்புகிறார்கள். அவர்கள் முழுக்க முழுக்க ஆயுள் காப்பீடு அளிக்கும் டேர்ம் பிளான்கள் மற்றும் மருத்துவக் காப்பீடு பாலிசிகளை ஆன்லைன் மூலம் எடுக்க விரும்பு கிறார்கள்.

ஆன்லைன் மோசடிகளில் மாட்டாமல், இன்ஷூரன்ஸ் பாலிசி எடுப்பதற்கான விழிப்புணர்வை நம்மவர்கள் பெற்றிருக்கிறார்கள். காப்பீடு நிறுவனங்களும் பாதுகாப்பு அம்சங்களை அதிகரித்துள்ளன.

இந்த ஆன்லைன் பாலிசியை வாரத்தின் அனைத்து நாள்களிலும் 24 மணி நேரமும் எடுத்துக்கொள்ள முடியும். ஆன்லைன் மூலம் இன்ஷூரன்ஸ் பாலிசிகளை எடுக்கும் போது பல்வேறு விஷயங்களைக் கவனிக்க வேண்டும். ஆன்லைனில் பாலிசி எடுக்கும் முன் முக்கியமாக கவனிக்க வேண்டிய ஆறு விஷயங்களைப் பார்ப்போம்.

ஆன்லைன் இன்ஷூரன்ஸ்
ஆன்லைன் இன்ஷூரன்ஸ்

1. கேள்விகள் கேளுங்கள்...

ஆன்லைன் மூலம் பாலிசி எடுப்பதன் மூலம் பிரீமியத்தில் கணிசமாக மிச்சப்படுத்த முடியும். அதே நேரத்தில் தவறான பாலிசிகளை எடுத்துவிடக் கூடாது. பாலிசி எடுக்கும் முன் நிதி ஆலோசகர் அல்லது காப்பீட்டு நிறுவனத்தின் வாடிக்கையாளர் சேவை மைய அதிகாரிகளிடம் கலந்து பேசுங்கள். பாலிசி காலம், கவரேஜ் தொகை, பிரீமியம் தொகை, பிரீமியம் கட்டும் காலம் போன்றவற்றைத் தெளிவாகத் தெரிந்துகொள்ளுங்கள். அதன்பிறகு, உங்களுக்கு ஏற்ற பாலிசியை எடுங்கள்.

2. வெளிப்படைத்தன்மை...

உங்களின் பழக்கவழக்கம் (மது அருந்துதல், சிகரெட் புகைத்தல், புகையிலை போடுவது), உங்கள் குடும்பத்தினரின் மருத்துவ வரலாறு (இருதய நோய், நீரிழிவு போன்றவை), ஏற்கெனவே இருந்த நோய், இப்போது இருக்கும் நோய் போன்றவற்றை மறைக்காமல் சொல்லுங்கள். சில விஷயங்களை மறைப்பதன் மூலம் இப்போது சில ஆயிரம் பிரீமியத்தை மிச்சப்படுத்தலாம். ஆனால், பிற்பாடு க்ளெய்ம் செய்வதில் சிக்கல் வரும்போது பல லட்சங்களை இழக்க வேண்டிய நிலை ஏற்படலாம் என்பதைப் புரிந்து கொள்ளுங்கள்.

3. நிதிநிலையை அலசி ஆராய்ந்து முடிவு எடுங்கள்...

ஆன்லைன் மூலம் பாலிசி எடுக்கப் போவதால், வழிகாட்ட இன்ஷூரன்ஸ் ஏஜென்ட் இருக்க மாட்டார். அந்த வகையில், நீங்களேதான் கவரேஜ் தொகை, பிரீமியம் ஆகியவற்றை முடிவு செய்ய வேண்டும். உங்களின் தற்போதைய நிதிநிலை மற்றும் எதிர்கால நிதிநிலையை அலசி ஆராயந்து சுலபமாக எவ்வளவு பிரீமியம் கட்ட முடியும் என்பதற்கேற்ப கவரேஜை முடிவு செய்யவும். ஆயுள் காப்பீடு பாலிசி என்பது நீண்ட கால பாலிசி, அந்த வகையில் நீண்ட காலத்துக்கு பிரீமியம் கட்டும் தகுதி / நிதி வசதி இருக்கிறதா என்பதைக் கவனித்து கவரேஜ் தொகையை முடிவு செய்யவும்.

4. பிரீமியத்தை மட்டும் பார்க்காதீர்கள்...

பிரீமியம் குறைவாக இருக்கிறது என்பதற்காக மட்டும் ஒரு பாலிசியைத் தேர்வு செய்யாதீர்கள். ஆன்லைன் மூலம் பாலிசி எடுப்பது சுலபமானது மற்றும் வசதியானது என ஏற்கெனவே பார்த்தோம். ஆன்லைனில் பல பாலிசி களை ஒப்பிட்டுப் பார்க்கும் வசதி உள்ளது. அந்த வகையில், பிரீமியத் தொகை, கவரேஜ் அம்சங்கள் ஆகிய வற்றை ஒப்பிட்டுப் பார்த்து உங்களுக்கு ஏற்ற ஆயுள் காப்பீடு மற்றும் மருத்துவக் காப்பீட்டு பாலிசிகளை எடுங்கள்.

5. கவரேஜை கவனியுங்கள்...

வருமானம் ஈட்டும் நபரின் ஆண்டு வருமானத்தைப்போல் 10-12 மடங்கு மற்றும் கடன்கள் ஏதாவது இருந்ததால், அவற்றையும் சேர்த்த தொகைக்கு ஆயுள் காப்பீடு எடுங்கள். உங்கள் குடும்ப உறுப்பினர்கள் மற்றும் வசிக்கும் நகரங்களைப் பொறுத்து குறைந்தது ரூ.3 லட்சம் முதல் ரூ.5 லட்சம் வரைக்கும் மருத்துவக் காப்பீடு எடுத்துக்கொள்ளுங்கள்.

6. காப்பீட்டு கம்பெனியையும் கவனியுங்கள்...

நீங்கள் பாலிசி எடுக்கப்போகும் நிறுவனத்தின் நிதிநிலை, அதன் கடந்த கால வரலாறு, எந்த அளவு இழப்பீடு அளித்திருக்கிறது. அதன் க்ளெய்ம் செட்டில்மென்ட் விகிதம் தொடர்ந்து சீராக இருக்கிறதா எனக் கவனியுங்கள்.

ஆன்லைன் மூலம் பாலிசி எடுத்திருக்கும் விஷயத்தைக் குடும்ப உறுப்பினர்களுக்கு கட்டாயம் தெரித்துவிடுங்கள். கூடவே, தொடர்பு இ-மெயில் முகவரி, வாடிக்கையாளர் சேவை எண் ஆகியவற்றையும் தெரிவிக்க மறக்காதீர்கள். அப்போதுதான் பின்னர் க்ளெய்ம் செய்யும்போது குடும்ப உறுப்பினர்கள் தடுமாறாமல் இருப்பார்கள்.

ஆன்லைன் மூலம் காப்பீடு பாலிசி எடுப்பது இந்த டிஜிட்டல் உலகில் தவிர்க்க முடியாததாக இருக்கிறது. எனவே, மேலே கூறப்பட்ட விஷயங்களை மனதில் கொண்டு ஆன்லைன் மூலம் பாலிசி எடுப்பது நல்லது.

அதிகரித்து வரும் இன்டர்நெட் வசதி, ஸ்மார்ட் போன் மூலம் இணையத்தை அணுகுவது ஆகியவை ஆன்லைன் பாலிசி களை பிரபலமாக்கி இருக்கின்றன.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு