Published:Updated:

பூச்சிகள், கிருமிகள் பரப்பும் நோய்களுக்கு புது பாலிசி..! இது ஸ்பெஷல் இன்ஷூரன்ஸ்...

இன்ஷூரன்ஸ்
பிரீமியம் ஸ்டோரி
இன்ஷூரன்ஸ்

VECTOR INSURANCE

பூச்சிகள், கிருமிகள் பரப்பும் நோய்களுக்கு புது பாலிசி..! இது ஸ்பெஷல் இன்ஷூரன்ஸ்...

VECTOR INSURANCE

Published:Updated:
இன்ஷூரன்ஸ்
பிரீமியம் ஸ்டோரி
இன்ஷூரன்ஸ்

முனைவர். க.பாலசந்தர், திருநெல்வேலி

உலகில் கொரோனா வைரஸ் தொற்று ஏற்படுத்தும் பாதிப்பு மிகப்பெரிய பிரளயத்தை உண்டாக்கு கிறது. கொரோனா வைரஸ் போன்று கிருமிகளின் (Vector) வழியாகப் பரவும் நோய்கள் மனித இனத்தைத் தாக்கி வருகிறது. இதனால் ஏற்படும் மன உளைச்சல், நோயின் வீரியம், இறப்பு எண்ணிக்கை போன்ற காரணிகள் இந்திய இன்ஷூரன்ஸ் ஒழுங்குமுறை மேம்பாட்டு ஆணையத்தைச் (IRDAI) சிந்திக்க வைத்துள்ளது. இதன் விளைவாக வைரஸ் கிருமிகள் மூலம் பரவும் நோயால் தனிமனிதனுக்கு உருவாகும் பொருளாதார இழப்பை ஈடுகட்ட தனித்துவமான, முறைப் படுத்தப்பட்ட ஹெல்த் இன்ஷூரன்ஸ் பாலிசியானது வழங்கப்பட்டு வருகிறது.

இன்ஷூரன்ஸ்
இன்ஷூரன்ஸ்

மஷக் ரக்‌ஷக்

சிறு பூச்சி வகைகளான கொசு, உன்னி, பேன், தெள்ளுப் பூச்சி போன்றவை மனிதனுக்கு நோய் கிருமிகளைப் பரப்பி வருகிறது. உலக அளவில் நோய்க் கிருமிகளால் ஏற்படும் மொத்த பாதிப்புகளில், 17% சிறு பூச்சிகளால் ஏற்படுகிறது; மேலும் 7,00,000-க்கும் அதிகமான நபர்கள் பூச்சிகள் பரப்பிவிடும் நோய்க் கிருமிகளால் தாக்குதலுக்கு உள்ளாகி, ஒவ்வொரு வருடமும் இறந்து போகிறார்கள் என உலக சுகாதார அமைப்பு தனது அறிக்கையில் தெரிவித்துள்ளது. கொசுவால் ஏற்படும் நோய்களைப் பற்றிய விழிப்புணர்வை உலக மக்கள் அனைவரும் புரிந்துகொள்ளும் பொருட்டு ஒவ்வொரு வருடமும் ஆகஸ்ட் 20-ம் தேதி உலக கொசு தினமாக அனுசரிக்கப்படுகிறது.

நோய்க் கிருமி தாக்கியுள்ள மனிதனின் ரத்தத்தை உறிஞ்சிய பிறகு, ஆரோக்கியமான மனிதனின் ரத்தத்தை உறிஞ்சும் சந்தர்ப்பம் கொசுவுக்குக் கிடைத்தால், தன்னிடமுள்ள நோய்க் கிருமிகளை ஆரோக்கியமான மனிதருக்கும் கொடுத்துவிடும். இவ்வாறு கொசு மற்றும் பிற பூச்சி இனங்களின் மூலம் உருவாகும் நோய்க் கிருமி தாக்குதல் டெங்கு, மலேரியா, சிக்குன்குனியா, சிகா காய்ச்சல், யானைக்கால் போன்ற அதிதீவிர நோய்களை உருவாக்குகின்றன. இதனால் காய்ச்சல், சளி, இருமல், உடம்பு வலி போன்ற பிரச்னைகள் ஏற்படுகின்றன. நோயின் வீரியம் மேலும் அதிக மானால் உயிரிழப்பும் ஏற்படுகிறது.

இந்த நோயின் பாதிப்பு தொடர்ந்து அதிகரித்து வருவதால், பொது மக்களை பொருளாதார ரீதியாகப் பாதுகாக்கும் பொருட்டு ‘மஷக் ரக்‌ஷக்’ எனும் சிறப்பு ஹெல்த் இன்ஷூரன்ஸ் பாலிசி வெளிவருகிறது. இந்த இன்ஷூரன்ஸ் பாலிசியை ஹெல்த் இன்ஷூரன்ஸ் மற்றும் ஜெனரல் இன்ஷூரன்ஸ் கம்பெனிகள் வெளியிட அனுமதி கொடுக்கப்படுகிறது. இந்தியில் ‘மஷக்’ என்றால் கொசு; ‘ரக்‌ஷக்’ என்றால் காப்பான் என்று அர்த்தம்.

பாலிசி நிபந்தனைகள்...

இந்த பாலிசி சிறு பூச்சிகள் ஏற்படுத்தும் உடல் உபாதைகளால் உருவாகும் நிதி இழப்புகளைச் சரி செய்யும்பொருட்டு உருவாக்கத் திட்டமிடப்பட்டுள்ளது. இந்த பாலிசியின் காப்பீட்டுக் காலம் ஒரு வருடம் மட்டுமே. அதன் பிறகு பாலிசி காலாவதியாகிவிடும். தொடர்ந்து இன்ஷூரன்ஸ் கவரேஜ் பெறவிரும்பும் பாலிசிதாரர்கள் ஒவ்வொரு வருடமும் பிரீமியம் தொகையைக் கட்டி, பாலிசியைப் புதுப்பித்துக் கொள்ளலாம். இந்த பாலிசியை தனிநபர் ஒருவர், தனக்கோ, தன் குடும்பம் முழுவதற்குமோ (ஃப்ளோட்டர் பாலிசி) எடுக்கலாம்.

இந்த பாலிசியை முதன்முதலில் வாங்கும்போது பாலிசிதாரரின் வயது 18 – 65-க்குள் இருக்க வேண்டும். ஃப்ளோட்டர் பாலிசியாக இருக்கும் பட்சத்தில் குழந்தை பிறந்த முதல் நாளிலிருந்து அதிகபட்சமாக 25 வயது வரை கவரேஜ் உண்டு. குறைந்த பட்ச காப்பீட்டுத் தொகை ரூ.10,000; அதிகபட்ச காப்பீட்டுத் தொகையாக ரூ.2,00,000 வரை தேர்வு செய்யலாம்.

இன்ஷூரன்ஸ் கம்பெனிகள் தங்களுக்கும் பாலிசிதாரர்களுக்கும் ஏற்ற பொருத்தமான பிரீமியம் தொகையை நிர்ணயம் செய்துகொள்ளலாம். ஒரு இன்ஷூரன்ஸ் கம்பெனி பிரீமியம் தொகையை இந்தியா முழுவதற்கும் ஒரேமாதிரி வைக்க வேண்டும், இடத்துக்கேற்ப / ஊர்களுக்கேற்ப வித்தியாசம் இருக்கக் கூடாது என்பது விதிமுறை.

மருத்துவ சிகிச்சை

அலோபதி மருத்துவ முறையின் மூலம் கொடுக்கப்படும் சிகிச்சைக்கு க்ளெய்ம் உண்டு. மேலும், இந்திய மருத்துவ சிகிச்சை முறையான ஆயுஷ் (ஆயுர்வேதம், சித்தா, ஹோமியோபதி) மூலம் பாலிசி தாரருக்கு சிகிச்சை தரப்பட்டால் அதற்கும் க்ளெய்ம் பெறலாம்.

முனைவர்.
க.பாலசந்தர்
திருநெல்வேலி
முனைவர். க.பாலசந்தர் திருநெல்வேலி

பூச்சிகள் கடித்து நுண்ணுயிரியால் பாதிப்பு அடைந்த நபரை மருத்துவ மனையில் அனுமதிக்கபடுவதற்கு முன்பு தரப்படும் சிகிச்சைக்கும், மருத்துவ மனையில் அனுமதிக்கப்பட்ட பிறகு கொடுக்கப்படும் சிகிச்சை மற்றும் ஆலோசனைகளுக்கும் க்ளெய்ம் பெற முடியும். பாலிசிதாரர் நோயால் பாதிக்கபடாதபோது க்ளெய்ம் கோர முடியாது. அடுத்த வருடம் பாலிசியை மீண்டும் தொடர்வதற்காக பிரீமியம் கட்டும்போது, 5% உயர்த்தப்பட்ட (போனஸ்) காப்பீட்டுத்தொகையுடன் பாலிசி கவரேஜ் கிடைக்கும். தொடர்ந்து க்ளெய்ம் கோரப்படாமல் இருந்தால் அதிகபட்சமாக 50% வரை காபீட்டுத் தொகை உயரும் வாய்ப்பு உண்டு.

மருத்துவக் கட்டணங்கள் கூடிவரும் இன்றைய காலகட்டத்தில் பாலிசி தாரருக்கு உயர்த்தப்பட்ட (போனஸ்) இன்ஷூரன்ஸ் கவரேஜ் கிடைப்பது லாபகரமாக இருக்கிறது. பல வருடங்களுக்குப் பிறகு ஒருவேளை பாலிசிதாரர் இந்த நோயால் பாதிக்கப்பட்டால், தனது கணக்கில் உள்ள கூடுதல் இன்ஷூரன்ஸ் கவரேஜ் கொண்டு மருத்துவமனைக் கட்டணம், சிகிச்சைக் கட்டணம், மருத்துவர் கட்டணம் போன்றவற்றைச் சுலபமாகச் செலுத்திவிடலாம்.

பிரீமியம் தொகையை வருடத்துக்கு ஒருமுறை மட்டும் செலுத்தி பாலிசியில் இணைய லாம். அரையாண்டுக்கு ஒருமுறை, காலாண்டுக்கு ஒருமுறை, மாதமொருமுறை என்ற தவணைத் தொகையில் பிரீமியம் செலுத்த முடியாது.

தொழில்நுட்ப வளர்ச்சிக்கு இணையாக ஒவ்வொரு வருடமும் புதுப்புது வியாதிகள் மனிதனை தாக்கி வருகின்றன. அந்த வகையில் பூச்சிக் கடியால் பரப்பப்படும் நோய்க் கிருமிகளால் உலகின் வெவ்வேறு தரப்பினர் பாதிப்பு அடைந்து வருகிறார்கள், உயிரிழப்பும் ஏற்படுகிறது.

அரசு மற்றும் மருத்துவர்கள் வலியுறுத்தும் பாதுகாப்பு நெறிமுறைகளை ஒழுங்காகக் கடைப்பிடிக்கும்போது நோயிலிருந்து தப்பிக்க வாய்ப்புள்ளது.

அதையும் தாண்டி ஒருவர் இந்த நோயால் பாதிக்கப் பட்டால், ஏற்படும் பொருளாதார நிதிச் சுமையிலிருந்து அவரை மீட்டெடுக்க பூச்சிக் கடியால் பரப்பப்படும் நோய்க்கென்றே உருவாக்கப்பட்ட பிரத்யேக ஹெல்த் இன்ஷூரன்ஸ் வாங்கி கூடுதல் நிதிப் பாதுகாப்பை குடும்பம் முழுவதற்கும் கொடுக்கலாம், மகிழ்ச்சியாக வாழ்க்கையை நடத்தலாம்.

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism