Published:Updated:

மருத்துவக் காப்பீடு... இளைஞர்கள் ஏன் எடுக்க வேண்டும்? வழிகாட்டும் ஆலோசனைகள்

மருத்துவக் காப்பீடு
பிரீமியம் ஸ்டோரி
News
மருத்துவக் காப்பீடு

I N S U R A N C E

பங்கஜ் வர்மா, ஹெட் - அண்டர்ரைட்டிங், எஸ்.பி.ஐ ஜெனரல் இன்ஷூரன்ஸ்

ஒருவர் 20-25 வயதில் இருப்பது அவரின் வாழ்க்கையில் ஓர் அற்புதமான கட்டமாக இருக்கும். படிப்பு முடிந்து வேலையில் சேர்ந்து வாழ்க்கையைத் தொடங்கும் இளைஞர்களுக்கு பல ஆசைகள், இலக்குகள் மற்றும் பொறுப்புகள் இருக்கும். முதன்முதலாக சம்பாதிக்க ஆரம்பித்திருப்பதில் ஒரு புது விதமான சந்தோஷத்தில் இருப்பார்கள். ஒருபுறம், ஆசைப்பட்ட பொருள்களை எல்லாம் வாங்க நினைப்பது (Impulse spending), மறுபுறம், கல்விக் கடன் போன்ற பொறுப்புகளை நிறைவேற்ற வேண்டிய கட்டாயம் இருக்கலாம்.

பங்கஜ் வர்மா 
ஹெட் -
அண்டர்ரைட்டிங், 
எஸ்.பி.ஐ 
ஜெனரல் 
இன்ஷூரன்ஸ்
பங்கஜ் வர்மா ஹெட் - அண்டர்ரைட்டிங், எஸ்.பி.ஐ ஜெனரல் இன்ஷூரன்ஸ்

இளைஞர்களுக்கு வேண்டும் நிதித் திட்டமிடல்...

இந்த நிலையிலேயே இளைஞர்களுக்கு நிதித் திட்டமிடல் (financial planning) தேவைப்படுகிறது. நிதித் திட்டமிலில் முதல் முக்கிய அம்சம் காப்பீடு எடுத்துக்கொள்வதாகும். சம்பளத்தில் சுமார் 30% தொகையைச் சேமிப்பு மற்றும் முதலீடு செய்ய வேண்டும் என்பதைப் பெரும்பாலான இளைஞர்கள் அறிந்திருக்கிறார்கள். அதே நேரத்தில், அவர்கள் தங்களின் ஆண்டு சம்பளத்தைப் போல  கிட்டத்தட்ட 15 மடங்குக்கு முழுமையான ஆயுள் காப்பீடு கவரேஜ் கொண்ட, குறைவான பிரீமியத்தில் அதிக கவரேஜ் கொடுக்கும் டேர்ம் பிளான் எடுத்துக்கொள்ள வேண்டும். கூடவே, தங்கள் மற்றும் தங்கள் குடும்பத்தினரின் மருத்துவச் செலவுகளை ஈடுசெய்யும் ஒரு விரிவான மருத்துவக் காப்பீட்டு (comprehensive health insurance) பாலிசியை எடுக்க வேண்டும் என்பதை அதிகம் அறியாமல் இருக்கிறார்கள்.

 நவீன வாழ்க்கை மற்றும் வாழ்க்கை முறை வேகமாக மாறிக்கொண்டே இருக்கிறது. இது இளைஞர்கள் மத்தியில் மன அழுத்தங்களையும் சவால்களையும் ஏற்படுத்தியிருக்கிறது. இதனால், இனி நோய்களையும் வயதையும் தொடர்பு படுத்த முடியாது. மேலும், விபத்துகள் போன்ற சில நிகழ்வுகளால் எந்தவொரு வயதினரும் பாதிக்கப்படலாம். இது போன்ற சமயங்களில், மருத்துவச் செலவு களுக்கு மருத்துவக் காப்பீடுகள்தான் கைகொடுக்கும்.

ஒருவர் இளமையாகவும் ஆரோக்கிய மாகவும் இருக்கும்போது மருத்துவக் காப்பீட்டை எடுத்துக்கொள்வதும் சரியான முடிவாக இருக்கும். ஏனெனில், வயதாகி உடல்நலம் தொடர்பான பிரச்னைகளால் சிக்கித் தவிக்கும்போது, காப்பீடு கிடைப்பது கடினம். அப்படியே கிடைத்தாலும் அது நிபந்தனைகளுக்கு உட்பட்டதாக அதிக பிரீமியம் கொண்ட தாக இருக்கக்கூடும்.

காப்பீடு
காப்பீடு

எந்த வகை பாலிசி எடுக்கலாம்?

இளைஞர்கள் மருத்துவக் காப்பீட்டின் ஒரு வகையான ஃபேமிலி ஃப்ளோட்டர் பாலிசி எடுக்கும்போது, அவர்களைச் சார்ந்திருக்கும் பெற்றோரையும் அந்த பாலிசியில் சேர்த்துகொள்ள முடியும்.

வேலை பார்க்கும் பெரிய கார்ப்பரேட் நிறுவனங்கள் குழு காப்பீட்டுத் திட்டத்தின்மூலம் இளைஞர்கள் வேலைக்குச் சேர்ந்தவுடன் மருத்துவக் காப்பீட்டை வழங்குகின்றன. எனவே, கூடுதலாகத் தனிப்பட்ட வகையில் எடுத்துக்கொள்ளக் கூடிய மருத்துவக் காப்பீட்டுத் திட்டத்தை எடுக்க வேண்டிய அவசியத்தை இன்றைய இளைஞர்கள் உணர்வதில்லை. நிறுவனத்தில் வேலை செய்யும் வரை மட்டுமே அந்தக் குழு காப்பீட்டின் மூலம் கவரேஜ் கிடைக்கும். அதாவது, நிறுவனத்தை விட்டு வெளி யேறியதும், வேறு வேலைக்கு மாறியதும் அந்த கவரேஜ் நிறுத்தப் படும்.

குழு காப்பீடுகளில் கவரேஜ் தொகை வரையறுக்கப்பட்ட தொகையாக ரூ.1 லட்சம், ரூ.2 லட்சம் எனக் குறைந்த அளவிலேயே கவரேஜ் இருக்கும். மேலும், அடிப்படையில் இது சில கட்டுப்பாடுகளைக் கொண்டுள்ளது. அத்தகைய சூழ்நிலையில், உங்களுக்கு மற்றும் உங்கள் குடும்பத்துக்காக ஒரு தனி மருத்துவக் காப்பீட்டை எடுப்பது அர்த்தமுள்ளதாக இருக்கும். இது வேலைவாய்ப்பு மாற்றத்தின்போது தொடர்ச்சியான கவரேஜ் வழங்கும்.

தனிநபர் மற்றும் அவர்களது குடும்பத்தின் குறிப்பிட்ட தேவையை மதிப்பிட்ட பிறகே தனியாக மருத்துவக் காப்பீடுகளை வாங்க வேண்டும் என்பதை மறந்துவிடக் கூடாது. அதே சமயம், குழு பாலிசிகள் பொதுவான தேவைகளுக்கு மட்டுமே ஏற்றதாக இருக்கும்.உதாரணத்துக்கு, குழு பாலிசி களில் பிரசவச் செலவுக்கு கவரேஜ் இருக்காது.  

மருத்துவக் காப்பீட்டை எடுப்பதில் ஒரு முக்கிய லாபம் இருக்கிறது. இந்த பாலிசிக்கு கட்டப்படும் பிரீமியத்துக்கு வருமான வரிச் சட்டத்தின் 80டி பிரிவின்கீழ் வருமான வரியைச் சேமிக்க உதவும். நிபந்தனைக்கு உட்பட்டு நிதி ஆண்டில் ரூ.25,000 முதல் ரூ.50,000 வரையிலான பிரீமியத்துக்கு வரிச் சலுகை கிடைக்கும்.

ரூ.50,000 முதல் ரூ.30 லட்சம் வரை கவரேஜ் உள்ள பாலிசிகளை எடுத்துக்கொள்ளலாம். பாலிசி காலம் 1 முதல் 2 ஆண்டுகள் வரையாக உள்ளது. 

காப்பீடு எடுக்கும் முன் கவனிக்க வேண்டிய விஷயங்கள்...

முதலில், உங்கள் குடும்பத்தின் உடல்நல ரிஸ்க் காரணிகளை ஆராயுங்கள். இது வயது, பாலினம், குடும்ப நோய்களின் வரலாறு, வேலை-வாழ்க்கை சமநிலை மற்றும் நீங்கள் வசிக்கும் புவியியல் தன்மை ஆகிய வற்றைப் பொறுத்து ஒரு நபரிடமிருந்து இன்னொருவருக்கு வேறுபடும். எனவே, தேவை என்பது மதிப்பிடப்பட வேண்டும். அதற்கேற்ப போதுமான கவரேஜுக்கு பாலிசி எடுக்கப் பட வேண்டும்.

ஒட்டுமொத்த போனஸ் (cumulative bonus) வழங்கும் பாலிசியைக் கவனித்து எடுக்க வேண்டும். ஒட்டுமொத்த போனஸ் வசதி கொண்ட பாலிசியில் ஓராண்டில் இழப்பீடு கோரவில்லை எனில், கவரேஜ் தொகையில் வருடாந்தர அதிகரிப்புக்கு வழிசெய்கிறது.

துணை வரம்புகளைப் (Sub Limits) புரிந்துகொள்வதும் முக்கியம். பாலிசியில் துணை வரம்புகள் இருந்தால், அந்தத் தொகைக்கு மேல்தான் இழப்பீடு கோர முடியும். இதற்குக்கீழ் உள்ள செலவுகளை பாலிசிதாரர்தான் செய்ய வேண்டும். அதே நேரத்தில், இந்தத் துணை வரம்புகள் அதிகமாக இருக்கும்பட்சத்தில், பாலிசியில் பிரீமியம் குறைவாக இருக்கும். இப்படி துணை வரம்பை நிர்ணயம் செய்துகொள்வது நல்லது.

உதாரணமாக, 2,000 ரூபாய்க்கு ஒருவர் இழப்பீட்டைக் கோருகிறார் எனில், அதற்கான அலைச்சல், போக்குவரத்துச் செலவு போன்றவற்றைக் கணக்கிட்டால், அவருக்குக் கிடைக்கும் இழப்பீட்டுத் தொகை குறைவாகவே இருக்கும். அந்த வகையில் சின்னச் சின்ன மருத்துவச் செலவுகளை நாமே செய்துகொள்ளும் பாலிசி எடுப்பது நல்லது.

பாலிசி எடுக்கும்போது மருத்துவப் பணவீக்க விகிதத்தை (medical inflation) மனதில் கொள்வது அவசியம். காரணம், இந்தியாவில் சாதாரண பணவீக்க விகிதம் ஆண்டுக்கு சுமார் 4-5% என்கிற நிலையில் மருத்துவப் பணவீக்க விகிதம் சுமார் 7% - 10 சதவிகிதமாக உள்ளது.

போதுமான அளவுக்கு கவரேஜ் மற்றும் விரிவான மருத்துவக் காப்பீட்டு பாலிசியை எடுத்துக்கொள்வது மன நிம்மதி, அமைதியை உங்களுக்கும் உங்கள் குடும்பத்தினருக்கும் வழங்கும்.

பிட்ஸ்

ஷ்ய அதிபர் விளாடிமிர் புதினை தன்னுடன் கலந்துரை யாடுவதற்கு வருமாறு டெஸ்லா நிறுவனத்தின் அதிபர் எலான் மாஸ்க் அழைப்பு விடுத்திருக் கிறார். கிளப்ஹவுஸ் என்கிற புதிய இணைய தளத்தில் இந்தக் கலந்துரை யாடலை வைத்துக் கொள்ளலாம் என்றும் சொல்லி இருக்கிறார் எலான் மாஸ்க்!