Published:Updated:

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

சொத்தை அடமானமாக வைத்துக் கடன் வாங்கி, அதைத் திரும்பக் கட்டாவிட்டால், அந்தச் சொத்தை இழக்கும் அபாயம் உண்டு!

பிரீமியம் ஸ்டோரி
ள் பாதி ஆடை பாதி என்பது அந்தக் காலத்துப் பழமொழி. இந்தக் காலத்தில் கடன் பாதி, வீட்டுச் செலவு மீதி என்பதுதான் புதுமொழி. முன்பு வீடு கட்டுவதற்கோ, குழந்தைகளின் திருமணத்துக்கோ கடன் வாங்கிய காலங்கள் போய், இன்று குழந்தை பிறப்பதற்கே கடன் வாங்கி வைத்தியச் செலவுகள் பார்க்கும் காலமாகிவிட்டதால், கடன் என்பது ஒரு தனிமனிதன் வாழ்வில் தவிர்க்க முடியாத ஒன்றாக ஆகிவிட்டது.
கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

தந்தை வாங்கிய கடன் மகனைச் சேரும்..!

கடன் இல்லாமல் வாழ்க்கை இல்லை என்றாகிவிட்ட இந்தக் காலத்தில், வாங்கிய கடனைத் திரும்பத் தரவில்லை என்றால், வெளியில் எங்கும் தலைகாட்ட முடியாது. சொத்துகள் அடமானமானமாக வைத்துக் கடன் வாங்கியிருந்தால், அதை இழக்கும் அபாயமும் உண்டு. இந்த நிலையில், வாங்கிய கடன் அளவுக்காவது இன்ஷூரன்ஸ் எடுத்திருந்தால், இழப்பீட்டின் மூலம் கிடைக்கும் பணத்தை வைத்து, எளிதாகக் கடனை அடைத்து, குடும்ப உறுப்பினர்கள் நிம்மதியாக இருக்கலாம்.

இன்றைய நிலையில், ஒவ்வொருவரின் மாத வருமானம் மற்றும் தேவைகளைப் பொறுத்து தனிநபர் கடன், கார் கடன் அல்லது வீட்டுக் கடன் பெறுவது இன்றியமையாத விஷயமாக மாறிவிட்டது. இந்தக் கடன்கள் ஒவ்வொன்றுக்கும் பாதுகாப்புக் கவசத்தை உருவாக்குகிற மாதிரி எப்படி இன்ஷூரன்ஸ் எடுக்கலாம் என்பதைக் கொஞ்சம் விரிவாகப் பார்ப்போம்.

தனிநபர் மற்றும் கார் கடன் வாங்கியவர்கள்...

தனிநபர் தேவைகள் அதிகமாகிவிட்டதால், தனிநபர் கடனாக ரூ.5 லட்சம் முதல் ரூ.10 லட்சம் வரை கடன் வாங்குவது சகஜம் ஆகிட்டது. இந்தக் கடனை செலுத்தும் கால அவகாசமும் ஒவ்வொருவரின் திரும்பச் செலுத்தும் திறனைப் பொறுத்து மாதாந்தரத் தவணை மற்றும் தவணை செலுத்தும் காலம் நிர்ணயிக்கப்படுகிறது. இந்தத் தவணை செலுத்தும் காலம் 3 - 7 ஆண்டுகள் வரை தனிநபர் கடன் அல்லது கார் கடனுக்கு தவணை செலுத்த வங்கிகள் மற்றும் வங்கிசாரா தனியார் நிறுவனங்களும் வழிவகுக்கின்றன. இதுவே, வீட்டுக் கடனைப் பொறுத்தவரை 10 - 20 ஆண்டுக் காலங்களுக்கு மாதத் தவணை செலுத்தவும் வழிவகுக்கின்றன.

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

இவ்வாறு கடன் வாங்கி திரும்பச் செலுத்துவது ஒரு தனிமனிதரின் வருமானத்தில் 50% வரை தவணை செலுத்தவே சரியாகிவிடும். இந்தத் தருணத்தில் வருமானம் ஈட்டும் நபருக்கு எதிர்பாராத விதத்தில் அசம்பாவிதம் ஏதாவது நடந்தால் அந்தக் குடும்பத்தின் நிதி நிலைமை தலைகீழாக மாறிவிடும்.

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

இதைத் தவிர்க்க தனிநபர் கடனை வாங்கும் ஒருவர், அவர் வாங்கிய கடனுக்குத் தகுந்தவாறு ஒரு டேர்ம் இன்ஷூரன்ஸ் எடுத்துக்கொள்வது மிகவும் அவசியமாகும். டேர்ம் இன்ஷூரன்ஸ் என்பது ஒரு முழுமையான ஆயுள் காப்பீடாகும். இந்த வகையான இன்ஷூரன்ஸ் பாலிசிகளின் பிரீமியம் குறைவாகவும் பாலிசியின் கவரேஜ் அதிகமாகவும் இருக்கும். இந்த டேர்ம் இன்ஷூரன்ஸை ஒருவர் எடுத்திருக்கும் பட்சத்தில் அவர் எதிர்பாராதவிதமாக இறந்தாலும், இழப்பீட்டின்மூலம் கிடைக்கும் பணத்தை வைத்து கடனை அடைக்க முடியும்!

Follow @ Google News: கூகுள் செய்திகள் பக்கத்தில் விகடன் இணையதளத்தை இங்கே கிளிக் செய்து ஃபாலோ செய்யுங்கள்... செய்திகளை உடனுக்குடன் பெறுங்கள்.

வீட்டுக் கடன் வாங்கியவர்கள்..!

சொந்தமாக வீடு வாங்க வீட்டுக் கடன் வாங்கியவர்கள் மொத்தத் தொகைக்கும் காப்பீடு, கடன் தொகை குறையக் குறைய கவரேஜ் குறைவது என இரு வகையில் இன்ஷூரன்ஸ் எடுப்பது அவசியம்.

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

வீட்டுக் கடன் வாங்கும்போது, வீட்டுக் கடன் வழங்கும் நிறுவனம், தரப்படும் வீட்டுக் கடன் அளவுக்கு ‘ஹோம் லோன் கவர் இன்ஷூரன்ஸ்’ எடுக்குமாறு வலியுறுத்தும். மேலும், இந்தத் தொகையை ஒரே பிரீமியமாகக் கட்டுமாறும், அந்தத் தொகையை வழங்க வேண்டிய லோன் தொகையிலிருந்து கழித்துக்கொள்ளும் வசதி உள்ளதாகவும் சொல்லும். ஆனால், ஹோம் லோன் இன்ஷூரன்ஸ் என்பது ஒரு சிறந்த பாலிசி இல்லை. இதில் பல குறைபாடுகள் உள்ளன. உதாரணமாக, நீங்கள் ஒரு வங்கியில் வீட்டுக் கடன் வாங்கி, பிற்பாடு அந்தக் கடனை வேறு ஒரு வங்கிக்கு மாற்றும்போது, நீங்கள் ஏற்கெனவே லோன் கவர் பாலிசி ரத்தாகிவிடும். இந்த பாலிசியை அடுத்த வங்கிக்கு மாற்ற முடியாது. அதுமட்டுமல்ல, இந்த வகையான பாலிசியின் பிரீமியமும் சற்று அதிகமாக இருக்கும்.

இந்த வகையான பாலிசிகளின் ஒரே நன்மை என்னவெனில், வேலை இழந்தோ, உடல்நிலை சரியில்லாத காரணத்தால் 3 - 6 மாத காலத்துக்கு மாதத் தவணையைக் காப்பீடு நிறுவனம் செலுத்துவதற்கு வழிவகுக்குமாறு இந்த வகை பாலிசிகள் உள்ளன.

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

ஹோம் லோன் கவரேஜ் பாலிசி எடுப்பதைத் தவிர்த்து, வீட்டுக் கடன் வாங்கும்போது அந்த கடனுக்குத் தகுந்தவாறு, ஒரு டேர்ம் இன்ஷூரன்ஸ் எடுத்துக்கொள்வது மிகவும் நல்லது. இதனால் பிரிமீயம் செலவு நமக்கு மிச்சமாகும் (பார்க்க, ஹோம் லோன் கவரேஜ்க்கும் டேர்ம் இன்ஷூரன்ஸுக்கும் உள்ள ஒப்பீடு அட்டவணை!).

கடன் வாங்கியவர்கள் இனியாவது அந்தக் கடன் தொகையை இழப்பீடாகப் பெறும் அளவுக்காவது இன்ஷூரன்ஸ் பாலிசியைக் கட்டாயம் எடுக்க வேண்டும் என்பதைப் புரிந்துகொள்வது அவசியம்.

இன்ஷூரன்ஸ் எடுக்க ஆகும் செலவு, வீண்செலவல்ல; அது நம் குடும்ப உறுப்பினர்களைப் பாதுகாக்க நாம் செய்யும் செலவு என்பதைப் புரிந்துகொள்வது அவசியம்!

பிராப்பர்ட்டி இன்ஷூரன்ஸ் அவசியம்!

வீட்டுக் கடனுக்கு கூடுதலாக பிராப்பர்ட்டி இன்ஷூரன்ஸ் எடுத்தால் புயல், வெள்ளம் போன்றவற்றால் வீடு பாதிக்கப்படும் நிலையில் இழப்பீடு கிடைக்கும். சென்னையில் வாழ்பவர்கள் வர்தா புயலையும், மத்திய தமிழ்நாட்டில் வாழ்பவர்கள் கஜா புயலையும் மறந்திருக்க மாட்டார்கள்.

இன்றைய காலத்தில் இயற்கையின் சீற்றம் மற்றும் பேரழிவு என்பது தவிர்க்க முடியாத ஒன்றாக உள்ளது. இத்தகைய தருணத்தில் நடுத்தர மக்கள் முதல் கோடீஸ்வரர் வரை தங்கள் வீட்டை இழந்து என்ன செய்வதென்று தெரியாமல் தவித்தவர்கள் பலபேர்.

கடன் வாங்கியவர்கள் கலங்காதிருக்க, இன்ஷூரன்ஸ் கவசங்கள்! - பர்சனல் லோன் முதல் ஹோம் லோன் வரை..!

மேலும், கடன் வாங்கி வீடு வாங்கியவர்களின் நிலைமை அதைவிட மோசம். பாழடைந்த வீட்டை சரிசெய்ய பணமில்லாத நிலையில், வீட்டுக் கடனை அடைக்க மாதத்தவணை செலுத்துவது மிகப்பெரிய சோகம். இந்த நிலையைத் தவிர்க்க, ஹோம் அல்லது பிராப்பர்ட்டி இன்ஷூரன்ஸ் எடுப்பது அவசியம்.

என்னென்ன கவரேஜ் கிடைக்கும்?

1. இயற்கை பேரழிவான புயல், வெள்ளம் போன்றவற்றால் வீடு இடிந்தாலோ, வீட்டின் ஒருபகுதி சீரழிந்தாலோ சரிசெய்ய உதவும்.

2. வீடு சேதம் அடையாமல், வீட்டிலுள்ள உபகரணங்களான கட்டில் மெத்தை, சோஃபா மற்றும் வீட்டிலுள்ள உட்புற வடிவமைப்பு சேதமானால், அவற்றைச் சீர்செய்யுமாறு இந்த வகை இன்ஷூரன்ஸ் இருக்கும்.

3. கலவரம், தீப்பிடித்தல் மற்றும் பயங்கரவாதத் தாக்குதல் நடக்கும் தருவாயில் வீடோ, வீட்டின் பாகங்களோ சேதமானல் அதைச் சீர்செய்ய உதவும்.

4. இது தவிர, வீட்டிலுள்ள அனைத்து விலை உயர்ந்த பொருள்களையும் இந்த இன்ஷூரன்ஸ் மூலம் கவர் செய்யலாம். மேலும், வீட்டிலுள்ள அனைத்து உபயோகப்பொருள்களையும் கவர் செய்யலாம்.

5. வீட்டிலுள்ள பொருள்கள் திருடு போனாலும், இந்த வகையான் இன்ஷூரன்ஸ் மூலம் கவரேஜ் செய்ய முடியும்.

இந்த வகையான பாலிசியின் பிரீமியம் தொகை மிக மிகக் குறைவு. உதாரணத்துக்கு, 1,000 சதுர அடி கொண்ட வீட்டைத் திரும்ப கட்டுவதற்கு ரூ.20 லட்சம் செலவாகிறது. மேலும், வீட்டிலுள்ள பொருள்களுக்கு ரூ.10 லட்சம் செலவாகிறது என்று வைத்துக் கொண்டால், மொத்தமாக இந்த 30 லட்ச ரூபாய் காப்பீட்டுக்கு ஆண்டு ஒன்றுக்கு ரூ.6,200 மட்டுமே பிரீமியமாகச் செலுத்தினால் போதும்.

ஆகவே, ஒரு பிரார்ப்பர்ட்டி இன்ஷூரன்ஸ் எடுத்துக்கொண்டால், எந்தவிதமான சூழ்நிலையிலும் நீங்கள் இருந்த வீட்டை புதிப்பிக்கவும், வீட்டு உபயோகப்பொருள்கள் எதிர்பாராத விதமாக சேதமடைந்தாலும் கையில் காசில்லையே என்று வருத்தப்படுவதைத் தவிர்க்கலாம். புதிய வீடோ, பழைய வீடோ அதற்கு பிராப்பர்ட்டி இன்ஷூரன்ஸ் இல்லாமல் இருப்பது நல்லதல்ல!

தெளிவான புரிதல்கள் | விரிவான அலசல்கள் | சுவாரஸ்யமான படைப்புகள்Support Our Journalism
அடுத்த கட்டுரைக்கு