இனி தனிநபர் விபத்து காப்பீட்டு பாலிசியைத் தேர்வு செய்வது மிக எளிது... ஏன் தெரியுமா?

தனிநபர் விபத்து பாலிசி என்பது, விபத்தால் நடக்கும் மரணம் அல்லது விபத்தால் நிரந்தரமாக ஏற்படும் உடல் உறுப்பு இழப்பு போன்றவற்றைக் கவர் செய்யும் வகையில் இருக்கும் பாலிசி ஆகும்.

புதிதாகக் கொண்டு வரப்பட உள்ள இந்த எளிய பாலிசி கீழ்க்கண்டுள்ள குறைந்தபட்ச அம்சங்களைக் கொண்டவாறு இருக்க வேண்டுமென்றும் வலியுறுத்தியுள்ளது.

1. பாலிசி ஒரு வருட காலம் அமலில் இருக்குமாறும் ஒவ்வொரு வருடமும் புதுப்பிக்கும் வகையிலும் இருக்க வேண்டும்.

2. பாலிசி எடுத்து ஒரு வருடத்துக்குள் பாலிசிதாரர் விபத்தில் இறந்துவிட்டால் அல்லது நிரந்தர முடக்கம் ஏற்பட்டால் கவரேஜ் தொகை 100% வழங்கப்பட வேண்டும்.

3. நிரந்தர ஊனம் என்பது இரு கண்களை இழப்பதோ, இரு கைகள் அல்லது இரு கால்களை இழப்பதைக் குறிக்கும். இந்தக் காரணத்தால் பாலிசிதாரர் வேலைக்குப் போக முடியாத நிலையில் பாலிசிதாரருக்கு முழு கவரெஜ் தொகையை இழப்பீடாக வழங்க வேண்டும்.

4. பாலிசிதாரருக்கு விபத்தால், உடலின் ஒரு பாகம் (உதாரணத்துக்கு, ஒரு கண் அல்லது ஒரு கால் அல்லது ஒரு கை) இழந்து அவதிப்பட்டால் அவருக்கு காப்பீட்டுத் தொகையில் 50% இழப்பீடாகக் கொடுக்க வேண்டும்.

5. விபத்து காரணமாக மருத்துவமனையில் அனுமதிக்கப்பட்டால் காப்பீட்டு தொகையில் 10% வரை இழப்பு வழங்க வேண்டும்.

6. பாலிசிதாரரின் குழந்தைகளுக்கு (2 குழந்தைகள் வரை) காப்பீடு செய்யப்பட்ட தொகையில் 10% வரை வழங்க வேண்டும்.

7. குறைந்தபட்ச காப்பீட்டுத் தொகை ரூ.2.5 லட்சமாகவும் அதிகபட்ச காப்பீட்டுத் தொகை ரூ.1 கோடிக்கு மிகாமலும் இந்த வகை பாலிசிகள் இருக்க வேண்டும்.

இந்த பாலிசிகள் 2021 ஏப்ரல் 1-ம் தேதி முதல் வரும்பட்சத்தில் ஒவ்வொரு சாமானியனும் எளிதில் புரிந்துகொண்டு தனிநபர் விபத்து பாலிசி எடுக்க வசதியாக இருக்கும்.