Published:Updated:

கொரோனா சிறப்பு பாலிசிகள்..! - வாங்குவது சரியா..?

ஹெல்த் இன்ஷூரன்ஸ்
பிரீமியம் ஸ்டோரி
ஹெல்த் இன்ஷூரன்ஸ்

பொதுவான ஹெல்த் இன்ஷூரன்ஸ் பாலிசியிலேயே கொரோனா சிகிச்சைக்கான செலவுக்கும் க்ளெய்ம் செய்யலாம்!

கொரோனா சிறப்பு பாலிசிகள்..! - வாங்குவது சரியா..?

பொதுவான ஹெல்த் இன்ஷூரன்ஸ் பாலிசியிலேயே கொரோனா சிகிச்சைக்கான செலவுக்கும் க்ளெய்ம் செய்யலாம்!

Published:Updated:
ஹெல்த் இன்ஷூரன்ஸ்
பிரீமியம் ஸ்டோரி
ஹெல்த் இன்ஷூரன்ஸ்
கொரோனா அச்சத்தில் உலகம் தவித்துக் கொண்டிருக்கும் சூழ்நிலையில், கொரோனா சிறப்பு பாலிசிகளை சில நிறுவனங்கள் அறிமுகம் செய்திருக்கின்றன.

``அத்தகைய பாலிசிகளை வாங்கலாமா... வாங்கினால் எந்த பாலிசியை வாங்கலாம்?’’ என்று நிதி ஆலோசகர் எஸ்.ஸ்ரீதரனிடம் கேட்டோம்.

ஹெல்த் இன்ஷூரன்ஸ்
ஹெல்த் இன்ஷூரன்ஸ்

ஒட்டுமொத்த விகடனுக்கும் ஒரே ஷார்ட்கட்!

``கொரோனாவுக்கான சிறப்பு ஹெல்த் இன்ஷூரன்ஸ் பாலிசிகள் அனைத்துமே ஐ.ஆர்.டி.ஏ.ஐ ஒழுங்குமுறை விதிகளுக்கு ஏற்ப அறிமுகப்படுத்தப்பட்டுள்ளன. ஸ்டார் ஹெல்த் & அலையன்ஸ் இன்ஷூரன்ஸ் தவிர மற்ற பாலிசிகள் அனைத்தும் ஒரு குறிப்பிட்ட நிறுவனத்தோடு இணைந்து கொண்டு வரப்பட்டிருக்கின்றன.

பார்தி ஆக்ஸா பாலிசி, ஏர்டெல் பேமன்ட் நிறுவனத்துடன் இணைந்து கொண்டுவரப்பட்டுள்ளது. அதை ஏர்டெல் பேமன்ட் பேங்க்கிங் பயன்பாட்டாளர்கள் மட்டுமே எடுக்க முடியும். ஐ.சி.ஐ.சி.ஐ லொம்பார்ட் பாலிசி, `ட்ரூ பேலன்ஸ்’ எனும் மொபைல் ரீசார்ஜ் பிளாட்ஃபார்முடன் இணைந்து கொண்டுவரப்பட்டுள்ளது. ரிலையன்ஸ் ஜெனரல் இன்ஷூரன்ஸ் நிறுவனம், யெஸ் பேங்க்குடன் இணைந்து கொண்டுவந்திருக்கிறது.

விகடனின் அதிரடி ஆஃபர்!
தற்பொழுது ரூ.750 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா999 மட்டுமே! மிஸ் பண்ணிடாதீங்க!Get Offer
ஐ.ஆர்.டி.ஏ.ஐ ஒழுங்குமுறை விதிமுறைப்படி, பொதுவான ஹெல்த் இன்ஷூரன்ஸ் பாலிசியிலேயே கொரோனா சிகிச்சைக்கான செலவுக்கும் க்ளெய்ம் செய்யலாம்.

எனவே, ஏற்கெனவே ஹெல்த் இன்ஷூரன்ஸ் பாலிசி கைவசம் வைத்திருப்பவர்கள், இந்தச் சிறப்பு பாலிசியை வாங்க வேண்டிய அவசியமில்லை. அதேவேளையில், கைவசமுள்ள ஹெல்த் இன்ஷூரன்ஸ் பாலிசியை ஏற்கெனவே பயன்படுத்தி முடித்தவர்கள், இதற்குமேல் அதில் க்ளெய்ம் செய்ய முடியாது என்ற பட்சத்தில், இந்த கொரோனா பாலிசியை எடுக்கலாம். இதுவரை ஹெல்த் இன்ஷூரன்ஸ் பாலிசியே எடுக்காதவர்களும் கொரோனா சிறப்பு பாலிசியை வாங்கலாம்.

கொரோனா சிறப்பு பாலிசிகள்..! - வாங்குவது சரியா..?

கொரோனா பாலிசி ஒரு முறை மட்டுமே பயன்படுத்தக்கூடியது. இந்த பாலிசிதாரருக்கு கொரோனா பாதிப்பு ஏற்பட்டிருந்தால், அதற்கான கவரேஜ் தொகையை ஒரே தவணையாகத் தந்துவிடுவார்கள். அத்துடன் அந்த பாலிசியின் செயல்பாடு முடிந்துவிடும். அதன் பிறகு இதைப் பயன்படுத்த இயலாது. அதேபோல, காத்திருப்புக் காலம், கவரேஜ் தொகை, பிரீமியம் தொகை, அந்த பாலிசியால் கிடைக்கும் நன்மை போன்றவற்றில் ஒவ்வொரு பாலிசிக்கும் வித்தியாசம் இருக்கிறது. அதையும் கவனத்தில்கொண்டே தேர்வு செய்ய வேண்டும்.

கொரோனா சிறப்பு பாலிசிகள்..! - வாங்குவது சரியா..?

பார்தி ஆக்ஸா - ஏர்டெல் பேமென்ட் பாலிசி, கோவிட்-19 பரிசோதனைக்குப் பிறகு உறுதிசெய்யப்பட்டவர்களால் அல்லது அரசு / ராணுவ மருத்துவமனையில் தனிமைப்படுத்தப் பட்டவர்களால் மட்டுமே பயன்படுத்த முடியும். ஐ.சி.ஐ.சி.ஐ லொம்பார்ட் ட்ரூ பேலன்ஸ் பாலிசியை அரசால் அங்கீகரிக்கப்பட்ட மருத்துவ ஆய்வகப் பரிசோதனைக்குப் பிறகு உறுதிசெய்யப்பட்டவர்கள் பயன்படுத்தலாம். இதன் காத்திருப்புக் காலம் 14 நாள்கள். அதன் பிறகுதான் பாலிசியைப் பயன்படுத்த முடியும்.

ஹெல்த் இன்ஷூரன்ஸ்
ஹெல்த் இன்ஷூரன்ஸ்

ஸ்டார் ஹெல்த் & அலையன்ஸ் இன்ஷூரன்ஸ் பாலிசியை, கோவிட்-19 பரிசோதனைக்குப் பிறகு உறுதிசெய்யப்பட்ட அல்லது அரசாங்க/ராணுவ மருத்துவமனையில் தனிமைப்படுத்தப்பட்ட நபர்களால் மட்டுமே பயன்படுத்த முடியும். இதன் காத்திருப்புக் காலம் 16 நாள்கள். 8-65 வயதுக்கு உட்பட்டவர்களுக்கு கவரேஜ் உண்டு. இந்த பாலிசியில் ஐசியூ மற்றும் வென்டிலேட்டர் சப்போர்ட்டுக்கு கவரேஜ் கிடைக்காது. ரிலையன்ஸ் ஜெனரல் இன்ஷூரன்ஸ் மற்றும் யெஸ் பேங்க் பாலிசியைப் பொறுத்தவரை, 15 நாள்களுக்கு கோவிட்-19 சிகிச்சை மற்றும் வேலை இழப்பை கவர் செய்யக்கூடியது. இது யெஸ் பேங்க் வாடிக்கையாளர்களுக்கான பிரத்யேக பாலிசி” என்றார்.

இவற்றில் உங்களுக்கு ஏற்றது எது என்பதை நீங்களே தேர்வு செய்துகொள்ளுங்கள்!