Published:Updated:

நீங்கள் எல்.ஐ.சி. பாலிசிதாரரா? உங்களுக்கு எல்.ஐ.சி பங்கு கிடைக்கும்! - பாலிசிதாரர்கள் கவனிக்க...

எல்.ஐ.சி
பிரீமியம் ஸ்டோரி
News
எல்.ஐ.சி

L I C I P O

பங்குச் சந்தை முதலீட்டாளர்களால் பெரிதும் எதிர்பார்க்கப்படும் எல்.ஐ.சி ஐ.பி.ஓ வருகிற 2021-22-ம் நிதி ஆண்டின் மூன்றாம் காலாண்டில் வெளியிடப் படுவதற்கான வேலைகளைச் செய்துவருகிறோம் என்று சொல்லியிருக்கிறார் எல்.ஐ.சி. நிறுவனத்தின் தலைவர் எம்.ஆர்.குமார்.

எல்.ஐ.சி
எல்.ஐ.சி

இந்த நிலையில், எல்.ஐ.சி நிறுவனத்தின் பங்குகள் ஐ.பி.ஓ மூலம் வெளியிடப்படும்போது, அதில் 10% பாலிசிதாரர்களுக்கு ஒதுக்கீடு செய்யப்படும் என்று சொல்லியிருக்கிறார் மத்திய அமைச்சர் அனுராக் தாக்கூர். இதன் மூலம் சந்தையில் எல்.ஐ.சி நிறுவனத்தின் பங்குகள் ஐ.பி.ஓ வெளியிடும்போது அதன் பாலிசிதாரர்களுக்கு முன்னுரிமை கிடைக்கும். உதாரணமாக எல்.ஐ.சி நிறுவனம் ஐ.பி.ஓ மூலம் ரூ.50,000 கோடி திரட்ட முடிவெடுத்தால், அதில் 10% அதாவது, ரூ.5,000 கோடி அளவுக்கான பங்குகள் எல்.ஐ.சி-யின் பாலிதாரர்களுக்கு ஒதுக்கப்படும்.

இதன்மூலம் சிறு முதலீட்டாளர்களைப் பெருமளவில் பங்குச் சந்தைக்கு அழைத்துவந்து அவர்களிடமிருந்து முதலீட்டைப் பெற முடியும்; தவிர, எல்.ஐ.சி பங்கு வெளியீட்டு நடவடிக்கையால் அதிருப்தி அடைந்திருக்கும் பாலிசிதாரர்களைப் பங்குதாரர்களாக ஆக்குவதன்மூலம் அவர்களின் ஆதரவைப் பெற முடியும். எல்.ஐ.சி நிறுவனத்தின் மதிப்பு ரூ.8 - ரூ.10 லட்சம் கோடியாக இருக்கும் என மதிப்பிடப்பட்டுள்ளது.