Published:Updated:

ஆயுள் காப்பீடு... சிக்கலின்றி க்ளெய்ம் செய்ய சிறப்பான வழிகள்! - பாலிசிதாரர்களுக்கு இது தெரியுமா?

ஆயுள் காப்பீடு
பிரீமியம் ஸ்டோரி
News
ஆயுள் காப்பீடு

INSURANCE

யுள் காப்பீட்டின் நோக்கம், ‘பாதுகாப்பு’, ‘உங்கள் அன்புக்கு உரியவர் களைப் பாதுகாப்பாக வைத்திருங்கள்’, ‘உங்களது வாழ்க்கை யைக் காத்துக்கொள்ளுங்கள்’ என்பது போன்ற வார்த்தைகளைப் பயன் படுத்தி பெரும்பாலும் விளக்கப்படும்.

ஆனால், எந்தவொரு காப்பீட்டு நிறுவனத்துக்கும் அதன் பாலிசிதாரர் களுக்கும் இன்ஷூரன்ஸ் பாலிசிக் கான இழப்பீட்டை க்ளெய்ம் செய்யும்போதுதான் இது எந்தளவுக்கு உண்மை என்பது தெரியும். அதிக அளவுக்கு க்ளெய்ம் விகிதங்களைக் கொண்டிருப்பதில் காப்பீட்டு நிறுவனங்கள் பெருமை கொள் கின்றன. அதனால், சம்பந்தப் பட்ட நிறுவனங்கள் தொடர்ச்சியாக க்ளெய்ம் என்று சொல்லப்படுகிற இந்த உரிமை கோரல் கிடைக்கச் செய்யும் செயல்முறையை எளிதான தாகவும் பாலிசிதாரர்களுக்கு வசதி யானதாகவும் வைத்திருக்கின்றன.

இருந்தபோதிலும், இன்ஷூரன்ஸ் பாலிசிக்கான க்ளெய்மைச் செய்வது அவ்வளவு எளிதான விஷயமல்ல; அது சிக்கல் மிகுந்ததுதான் என்கிற கருத்தும் நிலவி வருகிறது. அனைத்து உண்மையான க்ளெய்ம்களுக்கும் காப்பீட்டு நிறுவனங்கள் இழப்பீடு அளித்தபோதிலும், சில நேரங்களில் இது தொடர்பான விவாதங்களையும் நிராகரிப்புகளையும் தவிர்க்கும் வகையில் சில நடவடிக்கைகளையும் பாலிதாரர்கள் மேற்கொள்ள முடியும்.

அஷ்வின் பி  தலைமை செயல்பாட்டு அலுவலர், எக்ஸைடு லைஃப் இன்ஷூரன்ஸ்
அஷ்வின் பி  தலைமை செயல்பாட்டு அலுவலர், எக்ஸைடு லைஃப் இன்ஷூரன்ஸ்

1. செயல்பாட்டில் பாலிசி..!

முதலாவது, நீங்கள் வாங்கும் பாலிசியின் தன்மையைப் புரிந்து கொள்ள வேண்டும். அதில் இருக்கும் அம்சங்கள், பணம் செலுத்துவதற்கான பலன்கள், பிரிமீயம் தொகை மற்றும் அதைச் செலுத்தும் காலம் போன்ற வற்றை அறிய வேண்டும். உங்களது தற்போதைய வயது, நிதிக் கடமை களை அடிப்படையாகக் கொண்டு பொருத்தமான தொகையையும் அதைச் செலுத்தும் கால அளவையும் தேர்ந்தெடுப்பது முக்கியம்.

உங்களது வருமான நிலைக்கும் வாழ்க்கைத் தரத்துக்கும் ஏற்ப இந்தத் தொகை இருப்பதை உறுதிப்படுத்த வேண்டும். அத்துடன், புதுப்பிக்கப் பட்ட பிரீமியம் சரியான நேரத்தில் செலுத்தப்படுவதையும் பாலிசி செயலில் இருப்பதையும் உறுதிப் படுத்திக்கொள்ள வேண்டும்.

பொதுவாக, ஒரு இன்ஷூரன்ஸ் பாலிசி காலாவதியாகிவிட்டால் க்ளெய்ம் பெறுவதென்பது ஏற்றுக் கொள்ளப்படுவதில்லை.

இரண்டாவது, லத்தீன் மொழியில் ‘‘மிக உயர்ந்த நன்னம்பிக்கை’ எனும் பொருள்படும்படியான‘யுப்ரிமா ஃபிடே’ (Uberrimae Fidei - Utmost Good faith) எனும் கொள்கையின் அடிப்படையில் காப்பீட்டு ஒப்பந்தங்களில் க்ளெய்ம் செய்யப்படுகின்றன. முன்மொழிவுப் படிவத்தைப் பூர்த்தி செய்யும் நேரத்தில் பாலிசிதாரர்கள் அனைத்து விஷயங் கள் சார்ந்த உண்மைகளையும் துல்லியமாக வெளிப்படுத்துவதை இது காட்டும்.

2. உண்மை மிக முக்கியம்

ஏற்கெனவே இருக்கும் மருத்துவப் பிரச்னைகளைச் சரியாக தெரிவிக் காதபோதோ, உண்மைகளைத் தவறாகச் சித்திரிக்கும்போதோ மட்டுமே பெரும்பாலான காப்பீட்டு உரிமைக் கோரல்கள் நிராகரிக்கப் படுவது வாடிக்கையாக உள்ளன. அதனால் ஒரு காப்பீட்டுத் திட்டத்தில் சேர முடிவெடுத்துவிட்டால், உங்களுக்குத் தெரிந்த அனைத்து விவரங்களையும் நீங்கள் உண்மையாக தெரிவிக்க வேண்டியது அவசியம். வருமானம், கல்வி, தொழில், உடல்நலம் (ஏற்கெனவே இருக்கும் நோய்கள் உட்பட), குடும்ப மருத்துவ வரலாறு மற்றும் புகைப் பிடித்தல், மது அருந்துதல் உள்ளிட்ட பழக் கங்கள் குறித்தும் வெளிப்படையாகப் பகிர வேண்டும்.

இவ்வாறு அனைத்து விவரங் களையும் உண்மையாகத் தெரிவித் திருந்தால், பிற்காலத்தில் உரிமை கோரலை நிராகரிப்பதற்கான வாய்ப்புகள் மிகக் குறைவு என்பதை மனதில் கொள்ளுங்கள்.

3. பாலிசி படிவம் பூர்த்தி செய்தல்..!

மூன்றாவது, பல பாலிசிதாரர்கள் ஆன்லைனில் இன்ஷூரன்ன்ஸ் பாலிசியை வாங்குவதைவிட தங்களுக்குத் தெரிந்த காப்பீட்டு முகவரிடம் (வங்கியில் உள்ள மக்கள் தொடர்பாளரிடம்) இருந்து பாலிசி வாங்குவதையே விரும்புகின்றனர். விண்ணப்பப் படிவத்தைப் பூர்த்தி செய்ய ஒரு முகவரால் உதவ முடியும் என்றாலும்கூட, விண்ணப்பப் படிவத்தை நீங்களே பூர்த்தி செய்து அதில் குறிப் பிட்டுள்ள விவரங்கள் அனைத்தும் சரியானதுதானா என்பதை உறுதிப் படுத்திக்கொள்வது சரியாக இருக்கும்.

4. இழப்பீடு யாருக்கு எவ்வளவு?

இறுதியாக, க்ளெய்ம் செயல்பாட்டை எளிதாக்க அதைப் பெறும் உரிமையுடைய, பரிந்துரைக்கப்பட்ட நபர்கள், அவர் களுக்கு அளிக்க வேண்டிய பங்குத் தொகை உட்பட அனைத்து விவரங் களையும் அளிக்க வேண்டும். தேவை எனில், எதிர்காலத்தில் எந்த நேரத்திலும் இந்தத் தகவல்களை மாற்றிக் கொள்ளலாம்.

காப்பீட்டு பாலிசி, உறுதிப் படுத்தப்பட்ட தொகை, உரிமை கோரலுக்காக விண்ணப்பிக்கும் செயல்முறை குறித்து உங்களின் குடும்பத்தினரிடம் (அல்லது நெருங்கிய நண்பர் / தோழி / உறவு) தகவல் தெரிவிக்க வேண்டும்.

ஆயுள் காப்பீடு
ஆயுள் காப்பீடு

காப்பீடு செய்தவர் எதிர்பாராத நிகழ்வால் மரணமடைந்தால், பரிந்துரைக் கப்பட்டவர் / உரிமை கோருபவர் விரைவில் அதுபற்றி காப்பீட்டு நிறுவனத்துக்குத் தகவல் தெரிவிக்க வேண்டும். பாலிசி எண், பெயர், தேதி, இடம், மரணத்துக்கான காரணம் போன்ற தகவல்களை வாடிக்கையாளர் ஹெல்ப்லைன் எண்ணுக்கு அழைத்தோ, மின்னஞ்சல் அனுப்பியோ தெரிவிக் கலாம். இது, உரிமை கோரல் தீர்வு செயல் முறையை காப்பீட்டு நிறுவனம் துரிதமாக மேற்கொள்ள உதவும்.

காப்பீட்டு நிறுவனத்துக்கு தகவல் தெரிக்கப்பட்டவுடனே, உரிமை கோரல் விண்ணப்பத்துடன் (காப்பீட்டு நிறுவனம் அளித்தது) சமர்ப்பிக்க வேண்டிய பாலிசி பாண்ட், இறப்புச் சான்றிதழ், பரிந்துரைக்கப் பட்டவரின் வங்கித் தகவல்கள் மற்றும் கே.ஒய்.சி விவரங்களை அந்த நிறுவனம் கேட்கும். ஒருவேளை, சம்பந்தப்பட்ட நபர் காணாமல் போனாலோ, விபத்தில் மரணமடைந்தாலோ கூடுதலாகச் சில ஆவணங்கள் தேவைப்படும்.

5. அடிப்படையான சரிபார்த்தல்கள்..!

ஆக மொத்தத்தில், காப்பீட்டு நிறுவனத்துடன் பாலிசிதாரர்கள் வெளிப்படைத்தன்மையைப் பேணுவதும், பாலிசி விதிமுறைகள் மற்றும் நிபந்தனைகளைப் புரிந்துகொள்வதும் முக்கியம். அனைத்து உண்மையான க்ளெய்ம்களைத் தீர்ப்பதற்கும், க்ளெய்ம்களை விரைவாகச் செலுத்துவதற்கும் காப்பீட்டு நிறுவனங்கள் முயற்சி செய் கின்றன.

நாங்கள் இதற்காகவே ‘இன்ஸ்டாக்ளெய்ம்’ (InstaClaim) என்பதை அறிமுகப் படுத்தி யுள்ளோம். இதன்படி, தேவை யான அனைத்து நிபந்தனைகளும் பூர்த்தி செய்யப்பட்டி ருந்தால் ஒரே நாளில் க்ளெய்ம் களுக்குத் தீர்வு அளிக்கிறோம். க்ளெய்ம்களுக்குத் தீர்வு காண்பது சிக்கலான செயல் முறை அல்ல.

பிரச்னைகள் ஏதுமற்ற க்ளெய்ம் தீர்வை உறுதிப்படுத்த ஒரு சில அடிப்படையான சரிபார்த்தல்களை மேற்கொள்வது அவசியம். நம் பக்கம் அனைத்து விவரங்களும் சரியாக இருந்தால், க்ளெய்ம் கிடைப்பதில் தாமதம் இருக்காது!

பிட்ஸ்

டந்த இரு மாதங்களாக நமது ஏற்றுமதியும் இறக்குமதியும் தொடர்ந்து இறக்கத்தில் இருக்கிறது. கடந்த நவம்பரில் ஏற்றுமதி 8.7 சதவிகிதமும் இறக்குமதி 13.32 சதவிகிதமும் இறக்கம் கண்டுள்ளது!