Published:Updated:

கோவிட் சிகிச்சை... அதிக க்ளெய்ம் கிடைக்க என்ன செய்ய வேண்டும்? வழிகாட்டும் ஆலோசகர்

க்ளெய்ம்
பிரீமியம் ஸ்டோரி
News
க்ளெய்ம்

C O V I D C L A I M

க.முரளிதரன், முதலீட்டு ஆலோசகர், www.vidurawealth.com

கொரோனா இரண்டாம் அலை இந்தியாவில் கொடூரமான பாதிப்பு களை ஏற்படுத்தி வருகிறது. நோய்த்தொற்றுக் காலத்தில் மருத்துவ மனையில் சிகிச்சை பெறும் பலருக்கும் க்ளெய்ம் பெறுவதில் சிக்கல்களை எதிர்கொள்ளும் சூழல் இருப்பதாகச் சொல்லப்படுகிறது.

க.முரளிதரன் 
முதலீட்டு 
ஆலோசகர்,
www.vidurawealth.
com
க.முரளிதரன் முதலீட்டு ஆலோசகர், www.vidurawealth. com

கோவிட் 19 தொற்றுநோயின் தீவிரப் பரவல் காரணமாகப் பலரும் இன்று மருத்துமனையில் சேர்ந்து சிகிச்சை எடுத்து வருகிறார்கள். அவர்களில் பலர் பணமில்லாத (கேஸ்லஸ்) முறையில் க்ளெய்ம் செய்யும்போது, க்ளெய்ம் செய்யப் பட்ட தொகையில் 40% முதல் 80% வரை மட்டுமே கிடைக்கிறது என்கிறார்கள். ஆனால், முதலில் பணம் செலுத்தி பிறகு க்ளெய்ம் செய்யும் முறையில் பெரும்பாலானவர் களுக்கு 40% - 60% தொகை மட்டுமே கிடைக்கிறது என்கிறார்கள். இந்தச் சிக்கலைத் தவிர்க்க என்ன செய்ய வேண்டும்?

கோவிட் சிகிச்சை... அதிக க்ளெய்ம் கிடைக்க என்ன செய்ய வேண்டும்? வழிகாட்டும் ஆலோசகர்

முதலில் பணம் செலுத்தி, பிற்பாடு க்ளெய்ம் செய்யும்போது, மருத்துவ மனையிலிருந்து சில ஆவணங்களையும் தகவல்களையும் கேட்டுப் பெற வேண்டும். அப்போதுதான் கூடுதல் க்ளெய்ம் தொகை கிடைக்கும்.

இதற்கு நோயாளி மருத்துவமனை யிலிருந்து டிஸ்சார்ஜ் செய்யப்படும் போது சில முக்கியமான ரசீதுகளைக் கட்டயமாகக் கேட்டுப் பெற வேண்டும். அனைத்து நோய்களையும் கண்டறிதல் (investigations and diagnosis) அறிக்கைகள் மற்றும் அதற்கான ரசீதுகள், சிகிச்சையின் போது பயன்படுத்தப்பட்ட அனைத்து மருந்துக்கும் ரசீதுகள் என அனைத்தையும் பெற்றுக்கொள்ள வேண்டியது முக்கியம். இதர செலவுகள் என்று போட்டிருந்தால், அதற்கான முழு விளக்கம் மற்றும் ரசீதுகளைக் கேட்டுப் பெற வேண்டும்.

டிஸ்சார்ஜ் ஆகி வந்த பிறகு, க்ளெய்ம் செய்யும்போது க்ளெய்ம் படிவத்தில் மறக்காமல் மருத்துவனை சீல் மற்றும் மருத்துவர் அல்லது உயர் அதிகாரியின் கையொப்பம் கேட்டுப் பெறவும்.

கோவிட் நோயால் இறக்க நேரிட்டால், அவரது உடமைகளைப் பெறும்போது, மறக்காமல் சி.டி ஸ்கேன் ஃபிலிம் கேட்டுப் பெறவும். க்ளெய்ம் செய்யும்போது அனைத்து இன்ஷூரன்ஸ் நிறுவனங்களும் இதைக் கேட்கின்றன. சிலருக்கு நோய்த்தொற்று இருக்குமா என்று தெரியவில்லை. சில மருத்துவ மனைகள் சி.டி ஸ்கேன் ஃபிலிம் தருவதில்லை. சி.டி ஸ்கேன் எடுக்க பணம் செலுத்திய ரசீது மற்றும் சி.டி ஸ்கேன் ரிப்போர்ட் வைத்திருந்தும், சி.டி ஸ்கேன் ஃபிலிம் இல்லை எனில், க்ளெய்ம் தருவதில்லை.

கோவிட் நோயாளி இறக்க நேரிட்டால் க்ளெய்ம் செய்யும்போது மறக்காமல் அவரின் அடையாள அட்டை நகல் மற்றும் இறப்புச் சான்றிதழ் ஆகியவற்றை க்ளெய்ம் படிவத்துடன் இணைத்து அனுப்பவும். மருத்துவமனையில் இருந்து மறக்காமல் அனைத்து ஆவணங்களையும் நகல் (ஜெராக்ஸ்) எடுத்து வைத்துக்கொள்ளவும்.

க்ளெய்ம் செய்யும்போது இது போன்ற முறையில் செய்தால் விரைவாகவும், கூடுதல் தொகை இழப்பீடும் கிடைக்க வழி உண்டு.