Published:Updated:

நெருக்கடி காலம்... கைகொடுக்கும் தொழில்நுட்பம்!

காப்பீட்டு
பிரீமியம் ஸ்டோரி
காப்பீட்டு

கொரோனாகாலப் பாதுகாப்பு

நெருக்கடி காலம்... கைகொடுக்கும் தொழில்நுட்பம்!

கொரோனாகாலப் பாதுகாப்பு

Published:Updated:
காப்பீட்டு
பிரீமியம் ஸ்டோரி
காப்பீட்டு
லக சுகாதார அமைப்பால் பெரும் தொற்று நோயாக அறிவிக்கப்பட்டிருக்கும் கொரோனா அச்சுறுத்தலை ஒட்டுமொத்த உலகமும் எதிர்த்துப் போராடிவருகிறது.

மிகவும் நெருக்கடியான இந்தக் காலகட்டத்தில் உங்களை மீட்பதற்காக, உங்கள் நலனைப் பராமரிப்பதில் அக்கறையுள்ளவர்களுடன் நவீன தொழில்நுட்பமும் இணைந்திருக்கிறது.

நெருக்கடி காலம்... கைகொடுக்கும் தொழில்நுட்பம்!

ஒட்டுமொத்த விகடனுக்கும் ஒரே ஷார்ட்கட்!

உலகெங்கும் 210-க்கும் மேற்பட்ட நாடுகளில் மிகத் தீவிரமாகப் பரவியிருக்கும் இந்தக் கொடிய வைரஸிலிருந்து குடிமக்களைப் பாதுகாக்க உள்ளூர் மற்றும் தேசிய அளவிலான சுகாதார நிறுவனங்களும், அதிகாரிகளும் பலவிதமான சவால்களை எதிர்கொண்டுவருகிறார்கள். தொழில்நுட்ப உதவியுடன் இந்தச் சவால்களிலிருந்து வென்றுவருகிறார்கள்.

தொழில்நுட்ப வசதி

கொரோனா வைரஸின் தொற்று அச்சுறுத்தலைத் தணிக்க வழங்கப்பட்ட பொது ஆலோசனைகளில் ஒன்று, மக்கள் அனைவரும் சமூக இடைவெளியைப் பராமரிப்பது. இரண்டாவது, முடிந்தவரை மக்கள் கூட்டமாகக் கூடும் வாய்ப்புகளைத் தவிர்ப்பது. இவை இரண்டும் சாத்தியமில்லாத சில சூழ்நிலைகளும் உள்ளன.

உதாரணமாக, நீங்கள் குறிப்பிட்ட காலத்தில் புதுப்பிக்கத் தவறிய, காலக்கெடு முடிந்த காப்பீட்டை மீண்டும் புதுப்பிக்க வேண்டியிருக்கிறது அல்லது திடீரென ஏற்படும் விபத்தால் அந்தக் காப்பீட்டுக்கான உரிமைக் கோரலை செய்ய வேண்டியிருக்கிறது என்றால், அதற்காக நீங்கள் காப்பீட்டு நிறுவன அலுவலகத்துக்குச் செல்ல வேண்டியிருக்கும். அல்லது தேவையான ஆவணங்களுடன் அவற்றைச் சரிபார்க்கும் அதிகாரி இருக்கும் இடத்துக்குப் போக வேண்டியிருக்கும்.

விகடனின் அதிரடி ஆஃபர்!
தற்பொழுது ரூ.800 சேமியுங்கள்! ரூ.1749 மதிப்புள்ள 1 வருட டிஜிட்டல் சந்தா949 மட்டுமே! மிஸ் பண்ணிடாதீங்க!Get Offer

ஒருவரை ஒருவர் நேரடியாகச் சந்திக்கக் கூடாத இந்தச் சூழ்நிலையில்தான் தொழில்நுட்பம் நம்மைக் காக்கும் ஒரு ரட்சகனாக உதவுகிறது. சில முன்னணிக் காப்பீட்டு நிறுவனங்களால் அறிமுகப்படுத்தப்பட்டிருக்கும் மொபைல் போன் சேவை மூலமாக உங்கள் உரிமை கோரலை நீங்கள் அப்போதே தாக்கல் செய்யலாம். இதற்காக நேரில் சந்திக்க வேண்டிய அவசியம் இல்லாமல் போகிறது.

காப்பீட்டு
காப்பீட்டு

மொபைல் ஆப்ளிகேஷன்கள்

பெரும்பாலான காப்பீட்டு நிறுவனங்கள் மொபைல் ஆப்ளிகேஷன்களை வழங்குகின்றன. இந்தச் செயலிகளைப் பயன்படுத்துவதன் மூலம் உங்கள் வாகனத்துக்கு ஏதேனும் பாதிப்புகள், சேதங்கள் இருப்பின் அது குறித்த தகவல்களை அனுப்பவோ, பதிவேற்றம் செய்யவோ, நேரடியாக காணொலியில் பாதிப்பு, சேதம் குறித்து விளக்கவோ முடியும். இதனால் வாகனத்துக்கு உண்டான பாதிப்பு குறித்துத் தகவல் தெரிவிக்க, காப்பீட்டு நிறுவனத்துக்கு நீங்கள் நேரடியாகச் செல்ல வேண்டிய தேவையில்லை. மேலும், ஆவணங்களைச் சமர்ப்பிக்கக்கூட வாடிக்கையாளர்கள் காப்பீட்டு அலுவலர் அல்லது பழுது பார்ப்பவரின் அலுவலகத்துக்குச் செல்ல வேண்டிய அவசியம் இனியில்லை. இவை அனைத்தையும் நீங்கள் ஆன்லைனிலேயே எந்தவிதமான இடையூறுகளும் இல்லாமல் சுலபமாகச் செய்துவிட முடியும்.

பாலிசிதாரர்கள் உட்பட அனைத்துப் பங்குதாரர்களையும் டிஜிட்டல் இயங்குதளத்தில் கொண்டுவந்து ஒருங்கிணைப்பது என்பது உரிமை கோரல்களைத் துரிதமாக மேற்கொள்ள உதவும். அத்துடன் ஆவணங்களைச் சரிபார்ப்பது உரிமை கோரலுக்கான தீர்வை விரைவாக உறுதி செய்வதுடன் மட்டுமல்லாமல், ஒருவருக்கொருவர் நேரடியாகச் சந்தித்து உரையாடும் தேவையையும் கட்டுப்படுத்தும்.

காப்பீட்டுத்துறையில் பங்களிப்பு

கொரோனா வைரஸ் பரவல் காரணமாக நாம் எதிர்கொண்டிருக்கும் கடினமான காலங்களில் இந்த நவீன தொழில்நுட்ப வசதி மோட்டார் காப்பீட்டில் மட்டுமல்லாமல், மக்களின் தேவையற்ற மன உளைச்சலைக் குறைக்கும் வகையில் ஹெல்த் இன்ஷூரன்ஸ் துறையிலும் மேற்கொள்ளப்பட்டிருக்கிறது.

காப்பீட்டு
காப்பீட்டு

செயற்கை நுண்ணறிவு (AI) தொழில்நுட்பம் மூலம் பாரம்பர்ய முறையில் பல மணி நேரம் எடுத்துக்கொள்ளும் உரிமை கோரல் கோரிக்கை செயல்முறைகளை சில நிமிடங்களிலேயே துரிதமாக முடிக்கும் வசதிகள் கொண்டுவரப்பட்டுள்ளன.

நாம் பின்பற்றும் பாரம்பர்ய முறையிலான உரிமை கோரல் செயல்முறைகளில், காப்பீட்டு நிறுவனத்திலுள்ள அதிகாரிகளில் மூன்றாம் தரப்பு நிர்வாகிகள் (டி.பி.ஏ.கள் - Third-Party Administrators -TPAs), மருத்துவர்கள் ஆகியோரை நாம் பலமுறை நேரில் சென்று சந்திக்க வேண்டியிருக்கும். இவை அனைத்திலும் மனிதச் செயல்பாடுகள் அதிகமாக இருக்கும்.

டிஜிட்டல் தொழில்நுட்பம்

இருப்பினும், இந்த விஷயங்கள் அனைத்தும் தொழில்நுட்பத்துடன் மாறுபட்டவை. குறிப்பாக, செயற்கை நுண்ணறிவு தொழில்நுட்பம் முற்றிலும் மாறுபட்டது.தேவையில்லாத தரவுகளை நீக்கி, தேவையான தரவுகளைப் பயன்படுத்துவதன் மூலமும், அவற்றை துரிதமாகச் செயலாக்குவதன் மூலமும் செயற்கை நுண்ணறிவு அடிப்படையிலான தொழில்நுட்பம் உரிமைக் கோரலின் ஒப்புதலை மதிப்பீடு செய்கிறது. அடுத்து டிஜிட்டல் தொழில்நுட்பம் மோசடிக்கான வாய்ப்பு ஏதேனும் இருக்கிறதா என்பதைச் சரிபார்க்கிறது. துல்லியமாக வரையறுக்கப்பட்ட வழிமுறைகளைக்கொண்ட மேம்பட்ட தொழில்நுட்பச் செயல்முறை அங்கீகரிக்கப்பட்ட உரிமை கோரல் தொகையைக் கணக்கிடுகிறது.

உடனடி உரிமை கோரல் ஒப்புதல் தற்போது சாத்தியமானதற்கு முக்கியக் காரணங்களான செயற்கை நுண்ணறிவு மற்றும் இயந்திரக் கற்றல் (Machine Learning) தொழில்நுட்பங்கள்தான்.

இவை நமக்கு அவசியமான சிகிச்சைகளைத் துரிதப்படுத்துவதோடு மட்டுமல்லாமல், நேரடிக் கலந்துரையாடல்களுக்கான தேவைகளையும் கட்டுப்படுத்துகிறது. இது தற்போதுள்ள கோவிட் -19 வைரஸ் தொற்றின் அச்சுறுத்தலிலிருந்து நம்மைப் பாதுகாத்துக் கொள்வதற்கு மிகவும் அவசியமானது.

நேரம் மிச்சம்!

நவீன தொழில்நுட்ப முன்னேற்றம், காப்பீட்டு நிறுவனங்களின் செயல்திறன் மற்றும் நெறிப்படுத்தப்பட்ட செயல்பாடுகளை மேம்படுத்தியிருப்பதோடு, இது போன்ற மிகவும் நெருக்கடியான காலங்களில் மக்களுக்கு ஒரு வரமாகவும் இருந்து உதவுகிறது. இழப்பீடு கோரலுக்கான விண்ணப்ப நேரத்தைப் பெருமளவில் குறைப்பதன் மூலமும், உடனடி ஒப்புதல்களுக்கான அனுமதி மூலமும், கோவிட் -19 வைரஸ் தொற்று நோயால் பாதிக்கப்படுவதிலிருந்து மக்களைப் பாதுகாப்பாக வைத்திருப்பதன் மூலமும் டிஜிட்டல் தொழில்நுட்பப் பயன்பாடுகள் காப்பீட்டுத்துறையில் இனிவரும் நாள்களில் பின்பற்றப்படும் ஒரு புதிய செயல்முறையாக மாறும் என எதிர்பார்க்கலாம். ஆன்லைன் மூலம் காப்பீட்டுச் சேவை பெற நீங்களும் மாறுங்கள்!