Published:Updated:

நீண்டகால பாலிசி கட்டாயமில்லை! - மோட்டார் இன்ஷூரன்ஸில் மாற்றம்

மோட்டார் இன்ஷூரன்ஸ்
பிரீமியம் ஸ்டோரி
News
மோட்டார் இன்ஷூரன்ஸ்

ஐ.ஆர்.டி.ஏ.ஐ-யின் இந்த நடவடிக்கை புதிதாக வாகனங்களை வாங்குபவர்களுக்கு உதவிபுரிவதாக இருக்கும்.

டந்த புதன்கிழமை அன்று, ஐ.ஆர்.டி.ஏ.ஐ விடுத்த சுற்றறிக்கை ஒன்று கொரோனா நோய்த் தொற்று மரணங்கள் குறித்த செய்திகளையும் தாண்டி அனைவரையும் பேசவைத்தது. மூன்று மற்றும் ஐந்து ஆண்டுக் கால மூன்றாம் நபர் காப்பீட்டைத் திரும்பப் பெறுவது என்பதுதான் அந்தச் சுற்றறிக்கை.
நீண்டகால பாலிசி கட்டாயமில்லை! - மோட்டார் இன்ஷூரன்ஸில் மாற்றம்

உச்ச நீதிமன்றத்தின் உத்தரவுக்கேற்ப, புதிய வாகனங்களை வாங்கும்போது நீண்டகால மூன்றாம் நபர் காப்பீட்டு பாலிசிகளைப் பெறுவது கட்டாயமாக்கப்பட்டிருந்தது. இதன்படி, புதிய கார்கள் என்றால், மூன்று ஆண்டுகளுக்கான மூன்றாம் நபர் காப்பீட்டைப் பெறுவது கட்டாயம் என்றும், இரு சக்கர வாகனங்கள் என்றால், ஐந்து ஆண்டுகளுக்கான மூன்றாம் நபர் பாலிசியைப் பெறுவது கட்டாயம் என்றும் உச்ச நீதிமன்றம் உத்தரவு பிறப்பித்திருந்தது. இதைத் தொடர்ந்து கடந்த 2018-ம் ஆண்டு, செப்டம்பர் 1-ம் தேதி முதல் இந்த உத்தரவு நடைமுறைக்கு வந்தது. இதனால் வாகனங்களின் ஆன்-ரோடு விலை அதிகரித்தது. புதிய வாகனங்களை மக்கள் வாங்குவது குறைந்தது. ஏற்கெனவே பொருளாதாரம் மந்தநிலையில் இருப்பதால், கார் மற்றும் இரு சக்கர வாகன விற்பனை மிகவும் பாதிப்படைந்தது. இந்த மூன்றாம் நபர் காப்பீடு வாகனங்களின் விற்பனையை மேலும் குறைத்தது.

விகடன் Daily

Quiz

சேலஞ்ச்!

ஈஸியா பதில் சொல்லுங்க...

ரூ.1000 பரிசு வெல்லுங்க...

Exclusive on APP only
Start Quiz

உங்கள் அன்றாட தேவைகளின் அனைத்து பொருட்களையும் சிறந்த தள்ளுபடியில் வாங்க

VIKATAN DEALS

இந்த நிலையில், `புதிய வாகனங்களுக்கு நீண்டகால இன்ஷூரன்ஸ் பாலிசி கட்டாயம்’ என்ற உத்தரவை வரும் ஆகஸ்ட் 1-ம் தேதி முதல் திரும்பப் பெற்றுக்கொள்வதாக அறிவித்துள்ளது ஐ.ஆர்.டி.ஏ.ஐ அமைப்பு. இது குறித்து டி.வி.எஸ் இன்ஷூரன்ஸ் புரோக்கிங் லிமிடெட் நிறுவனத்தின் சி.இ.ஓ-வான வி.குருநாதனிடம் கேட்டோம். ‘‘இந்த நீண்டகால மூன்றாம் நபர் காப்பீட்டு பாலிசியை எடுப்பது கார் வாங்குபவர்களுக்குப் பெரும் சவாலாக இருக்கிறது. இதற்கான பிரிமீயம் தொகை கார் கடனுடன் சேர்க்கப்படுவதால், இதை வேண்டா வெறுப்பாகவே பார்த்தார்கள். மேலும், இந்த பாலிசியில் ‘நோ க்ளெய்ம் போனஸ்’ ஒரே மாதிரியாக இல்லாமல், நிறுவனத்துக்கு நிறுவனம் மாறுபடும்விதத்தில் இருந்தது குழப்பத்தை அதிகரித்தது.

மோட்டார் இன்ஷூரன்ஸ்
மோட்டார் இன்ஷூரன்ஸ்

இந்த நிலையில், இந்தப் பிரச்னைக்கு இப்போது ஒரு தீர்வு கிடைத்திருக்கிறது. வரும் ஆகஸ்ட் 1-ம் தேதி முதல் நீண்டகால மூன்றாம் நபர் காப்பீட்டு பாலிசியை ஐ.ஆர்.டி.ஏ.ஐ திரும்பப் பெற்றிருப்பதால், புதிய கார் மற்றும் இரு சக்கர வாகனங்களை வாங்குபவர்கள் இனி அந்த பாலிசியை வாங்க வேண்டிய அவசியமில்லை. இனி ஒரு வருடத்துக்கான ‘ஓன் டேமேஜ்’ (Own Damage) பாலிசியையும், நீண்டகாலத்துக்கான மூன்றாம் நபர் காப்பீட்டு பாலிசியையும் மட்டும் எடுத்தால் போதும். இதனால் பிரிமீயம் தொகை வெகுவாகக் குறையும்’’ என்றார்.

மோட்டார் இன்ஷூரன்ஸ்
மோட்டார் இன்ஷூரன்ஸ்

ஐ.ஆர்.டி.ஏ.ஐ.யின் இந்த நடவடிக்கை புதிதாக வாகனங்களை வாங்குபவர்களுக்கு உதவிபுரிவதாக இருக்கும். இனி கார் மற்றும் இருசக்கர வாகனங்களின் விற்பனை களைகட்டும் என்று எதிர்பார்க்கலாம்.